QIZIYI მე ♥ .: ქიზიყი :.: დავით დუღაშვილი: „თოკი გაწყდა და რას ვუშველიდით, თოკში ხომ არ ვზივართ“?

вторник, 8 мая 2012 г.

დავით დუღაშვილი: „თოკი გაწყდა და რას ვუშველიდით, თოკში ხომ არ ვზივართ“?

დედოფლისწყაროს სახანძრო-სამაშველო სამსახურში მომხდარ ინციდენტთან დაკავშირებით ხელმძღვანელობამ პირველი კომენტარი გააკეთა. ცნობილია, რომ სამსახურის ახლადდანიშნული ხელმძღვანელი ლევან გოზალიშვილი არც „ქიზიყის“, არც ცენტრალური ტელეკომპანიებისა და არც რეგიონში მოქმედი სხვა მედიასაშუალებების ჟურნალისტების ზარებს არ პასუხობს. უკვე მერამდენე დღეა გოზალიშვილი ზურნალისტებთან საუბარს თავს არიდებს.

პირველი, ვინც მომხდარის ირგვლივ ჟურნალისტებთან კომენტარი გააკეთა, საავარიო-სამაშველო განყოფილების უფროსი დავით დუღაშვილი იყო. სამაშველო სამსახურში დასაქმებული ყოფილი პროკურორი ირონიული კომენტარით შემოიფარგლა.

„უსაფრთხოების ყველანაირი ზომა მიღებული იყო, მაგრამ თოკი გაწყდა და იმ თოკს რას ვუშველიდით? თოკში ხომ არ ვზივართ? კედელზე ასვლაში ვარჯიშობდნენ და შემთხვევა ამ დროს მოხდა. გიგა დაახლოებით 4 მეტრის სიმაღლიდან ჩამოვარდა. გამოძიება დაწყებულია და პოლიცია ყველაფერს გაარკვევს,“ – განაცხადა დავით დუღაშვილმა.

პარტია „თავისუფალი საქართველოს“ დედოფლისწყაროს ორგანიზაციის განცხადებით, წვრთნების დროს უსაფრთხოების ზომები დაცული არ იყო, რამაც უბედური შემთხვევა გამოიწვია.

„რამდენიმე თვეა სახანძრო-სამაშველო სამსახურს 3 უფროსი ჰყავს, მაგრამ უპასუხისმგებლო და არაკომპეტენტური ხელმძღვანელები არიან. ასწავლიან, მაგრამ უსაფრთხოების ზომები დაცული არ აქვთ,“ – განაცხადა თამილა გურაშვილმა.

დედოფლისწყაროს სახანძრო-სამაშველო სამსახურში მიმდინარე წვრთნების დროს მომხდარი ინციდენტის შესახებ ინფორმაცია „ქიზიყმა“ ექსკლუზიურად გაავრცელა. ადგილობრივმა ოპოზიციამ კი გულგრილი დამოკიდებულების გამო სამსახურის ხელმძღვანელის ლევან გოზალიშვილის პასუხისმგებლობის საკითხის დასმა მოითხოვა. /ქიზიყი/

Комментариев нет:

Отправить комментарий

Подписаться на: Комментарии к сообщению (Atom)

წელს კახეთს სოფლის დახმარების პროგრამის ფარგლებში 6 მილიონზე მეტი გამოეყოფა _ * _ * _ ორგანიზაცია “რეპორტიორები საზღვრებს გარეშე” 2011 წლის ანგარიშის მიხედვით, საქართველოში პრესის თავისუფლების მაჩვენებელი წინა წელთან შედარებით დაეცა და გასული წლის 100-ე ადგილიდან 105-ზე გადაინაცვლა. ამდენად, საქართველო რეგიონში პრესის თავისუფლების მხრივ ლიდერი აღარაა. _ * _ * _ 2012 წელს ხორბლის ფასი სავარაუდოდ, მაღალი იქნება _ * _ * _ საქართველო იმ ქვეყნების ათეულში ვერ მოხვდა, რომელიც 2012 წელს საუკეთსო ტურად ცხადდება _ * _ * _ „ადამიანის უფლებათა ცენტრის" ინფორმაციით, საქართველომ ევროპაში პატიმართა რაოდენობით პირველ ადგილზე გადაინაცვლა _ * _ * _ არჩევნების დანიშვნის დღიდან შედეგების შეჯამებამდე ბიუჯეტში მანამდე გაუთვალისწინებელი პროექტების განხორციელება აიკრძალა _ * _ * _ 2011 წლის 1 იანვრიდან 28 დეკემბრის ჩათვლით, კახეთის რეგიონში ხანძრის 852 შემთხვევაა დაფიქსირებული. სტატისტიკური მონაცემებით, ხანძრის ყველაზე მეტი - 224 შემთხვევა თელავის რაიონშია აღრიცხული - დედოფლისწყაროში კი 68. _ * _ * _ სიღნაღის და დედოფლისწყაროს რაიონებში მომუშავე ფერმერების თქმით, მდინარე ალაზანმა აზერბაიჯანის მხარეს წელს კიდევ 10 ჰექტარზე მეტი მიწა დატოვა. „ყველა უწყებას მივმართეთ თხოვნით, რომ მდინარე ალაზანზე ნაპირდაცვითი სამუშაოები ჩატარებულიყო, მაგრამ ყურადღება არავინ მოგვაქცია. მდინარეს განსაკუთრებით დიდი ოდენობით მიწა გაზაფხულზე მიაქვს, როცა ადიდებულია“, - აღნიშნეს ფერმერებმა. _ * _ * _ სპორტისა და ახალგაზრდობის საქმეთა სამინისტროს ხელშეწყობით და ბავშვთა და ახალგაზრდობის განვითარების ფონდის დაფინანსებით დედოფლისწყაროში დაფუძნდა ორი კავშირი: ,,ახალი სიტყვა – ახალგაზრდული ინიციატივა“ და „ახალი თაობა – ახლი იდეა“. მრავალპროფილიანი არასამთავრობოები, აპოლიტიკური, არასამეწარმეო იურიდიული პირებია, რომლებიც თავის რიგებში აერთიანებს სხვადასხვა სფეროთი დაინტერესებულ ახალგაზრდებს, რომელთაც სურთ მონაწილეობა მიიღონ ქვეყნის დემოკრატიულ განვითარებაში. _ * _ * _

"ქიზიყის" მკითხველი ახალი ამბების გასაცნობად სხვა მისამართს უნდა ეწვიოს

ამიერიდან ეს გვერდი მუშაობას წყვეტს. ახალი ამბები შეგიძლიათ იხილოთ განახლებულ და გამარტივებულ ვებ-გვერდზე www.qiziyi.ge ამ გვერდზე, სადაც ახლა იმყოფებით, მხოლოდ აუდიო-რეპორტჟები და პროექტ „კვირის ბოლოს“ რადიოგადაცემების ჩანაწერები დაიდება. ტექსტური ამბების გასაცნობად კი ეწვიეთ ამ მისამართს. http://qiziyi.ge/

როგორც „ქიზიყის“ რედაქტორი ილია მარტყოფლიშვილი ამბობს, ახალ მისამართზე გაცილებით მეტი ინფორმაცია განთავსდება, ვიდრე აქამდე ხდებოდა. ინფორმაციების განახლების ინტენსივობა და ოპერატიულობაც გაუმჯობესდება. ძველ ვერსიაზე ამბები მხოლოდ იმ შემთხვევაში განახლდება, თუ ვებ-გვერდის ახალ ვერსიაზე ტექნიკური ხარვეზი შეიქმნება.

ასე რომ, აკრიფეთ ახალი მისამართი და გაიგეთ უფრო მეტი: http://qiziyi.ge/

ივანიშვილის პარტია დედოფლისწყაროელებს 2 ივნისს შეხვდება

ქართველი მეცენატის, ბიძინა ივანიშვილის კოალიცია „ქართული ოცნების“ მიერ 24 მაისს დედოფლისწყაროს მუნიციპალიტეტის მოსახლეობასთან დაგეგმილი შეხვდრა გადაიდო. პარტიის ლიდერების შეხვედრა დედოფლისწყაროს კულტურის სახლის შენობაში ხუთშაბათს იგეგმებოდა.

როგორც კოალიცია „ქართული ოცნების“ დედოფლისწყაროს შტაბის ხელმძღვანელმა ალექსანდრე თამაზაშვილმა „ქიზიყს“ განუცხადა, შეხვედრა კულტურის სახლის დარბაზში 2 ივნისს გაიმართება. მისი თქმით, შეხვედრის გადადება თბილისში 27 მაისს დაგეგმილმა აქციამ განაპირობა.

ლექსო თამაზაშვილის განცხადებით, თავდაპირველად დედოფლისწყაროში დარბაზის დაქირავებაზე დაბრკოლება შეექმნათ, თუმცა საბოლოო ჯამში მუნიციპალიტეტის კულტურისა და სპორტის ცენტრმა ხელშეკრულების გაფორმებაზე თანხმობა განაცხადა:

„უარის შემთხვევაში სხვა ალტერნატიული ვარიანტებიც გვქონდა, თუმცა საბოლოო ჯამში დაგვთანხმდნენ. არ ვიცი რატომ, მაგრამ ფაქტია, რომ დარბაზი დაგვითმეს,“ - აცხადებს თამაზაშვილი.

დედოფლისწყაროს კულტურისა და სპორტის ცენტრის უფროსი ვანო შანშიაშვილი „ქიზიყთან“ საუბარში ადასტურებს, რომ 24 მაისისთვის კოალიციასთან ხელშეკრულება უკვე დადებულია. ის ამბობს, რომ დარბაზის დაქირავებნაზე ივანიშვილის პოლიტიკურ ჯგუფს მათი მხრიდან პრობლემა არ შექმნია.

„ქართული ოცნების“ წარმომადგენლები დედოფლისწყაროელებს შეხვედრაზე დასწრებისკენ მოუწოდებენ. /ქიზიყი/

ილია მარტყოფლიშვილი CV

დაიბადა 28.04.1984, ქალაქ დედოფლისწყაროში. 2006 წელს დაამთავრა თსუ ჟურნალისტიკის ფაკულტეტი. (სპეციალობა ტელე-რადიო ჟურნალისტიკა)

* * *

2002-2003 წ. ჟურნალი ,,თბილისელები", - ჟურნალისტი, (თბილისი)

2003 წ. ჟურნალი ,,კვირის ბოლო" - რედაქტორი, (თბილისი);

2003 წ. დედოფლისწყაროს ტელევიზიის ყოველდღიური საინფორმაციო პროგრამების ავტორი და ტელე-წამყვანი.

2004 წ. გაზეთ ,,ქიზიყის" მთ რედაქტორი;

2004-05 წ. რადიო ,,უნივერსი" (FM 103.9) საინფორმაციოს გამომშვები რედაქტორი, საპარლამენტო კორ. (თბილისი);

2005 წ. ,,პირველი რადიო" (FM 106.4) საინფორმაციო სამსახურის პროდიუსერი, საპარლამენტო კორ, (თბილისი);

2005-2007 წ. კახეთის რეგიონული გაზეთი ,,პროგრესი" (გურჯაანი) დედოფლისწყაროს ბიუროს რედაქტორი;

2005 წლიდან ,,თავისუფალი გაზეთი" კახეთის ბიუროს რედაქტორი.

2006 წ. ჟურნალი ,,რეალური სამყარო" - ჟურნალისტი; (თბილისი);

2007-2010 წ. გაზეთი ,,ვერსია" - ჟურნალისტი ; (თბილისი);

2007 წ. გაზეთი ,,კამარა" - ჟურნალისტი; (თბილისი);

2007 წლიდან ჟურნალ ,,ღია ბოქლომი"-ს აღმასრულებელი რედაქტორი;

2007 წლიდან დღემდე გაზეთ ,,საქართველოს რესპუბლიკა"-ს კახეთის კორ;

2008-09 ახალი ამბების სააგენტო CHN-ს გამომშვები რედაქტორი, (თბილისი);

2010 წ. გაზეთი "ალია" - ჟურნალისტი;

20010-11 წ. ყოველდღიური ინტერნეტ-გაზეთი "ქიზიყი" - გამომშვები რედაქტორი.

2010 წლიდან დღემდე ანალიტიკური ინტერნეტ-გაზეთი www.7days.ge (7 დღე) ჟურნალისტი (თბილისი)

2010 წ. გაზეთი "ქართული სიტყვა" - ჟურნალისტი (თბილისი);

2010 წლიდან დღემდე ახალი ამბების სააგენტო, ინტერნეტ-გაზეთი www.newsline.ge -ჟურნალისტი (თბილისი)

* * *

სხვადასხვა ქალაქებში, პროფესიული კუთხით, გავლილი აქვს არაერთი სახის ტრენინგ-სემინარები.

კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა

მრავალბინიანი საცხოვრებელი კორპუსების სახურავების გადახურვის სამუშაოები ქალაქ დედოფლისწყაროში რამდენიმე თვის წინ განხორციელდა, ამისთვის მუნიციპალური განვითარების ფონდმა 221 000 ლარი გამოყო. თუმცა, გაირკვა რომ პრობლემა სულაც არ მოგვარებულა. ახლად გადახურულ სახლებში სამუშაოების დასრულებიდან ორიოდ დღეში ინტენსიური წვიმების დროს მოსახლეობის დიდ ნაწილს სახლებში წყალი ჩაუვიდა და ზარალი მიადგა. განსაკუთრებულად რთული ვითარება იყო ქალაქის ცენტრალურ უბნებში, რუსთაველისა და სტალინის ქუჩებზე მდებარე მრავალბინიან საცხოვრებელ კორპუსებში. მოსახლეობა მუნიციპალიტეტის ხელმძღვანელებს სამუშაოების უხარისხოდ ჩატარებაში ადანაშაულებს.

გიული ალასანია ზემო მაჩხაანში ექსმინისტრ ჭიპაშვილის ოჯახში იმყოფებოდა

რისთვის ჩამოვიდა პრეზიდენტის დედა დედოფლისწყაროში და რატომ მიიყვანეს ნიკალას მუზეუმში შემოვლითი გზებით?!

სოფელი საქართველოში, სადაც 21-ე საუკუნე ჯერ არ დამდგარა და სადაც პრეზიდენტის დედამ ეს ვერ იგრძნო

სოფელი ზემო მაჩხაანი - არ გეგონოთ, რომ პატარა, უმნიშვნელო დასახლება იყოს. ძალიან დიდი სოფელია, სიღნაღიდან, სიყვარულისა და თანამედროვე სტანდარტების ქალაქიდან, სულ რამდენიმე კილომეტრში, სიმაღლით – მის დონეზე, მის მოპირდაპირე მთაზე შეფენილი, ნიკო ფიროსმანის დედის სოფელი (თავად ფიროსმანის მირზაანიც ამ სოფლის ფაქტობრივი გაგრძელებაა), მიხეილ ჯავახიშვილის დევნილობაში მყოფი ოჯახის თავშესაფარი, ნიკო ყიასაშვილის დაბადების ადგილი. თუმცა ამას რა მნიშვნელობა აქვს. სოფელში ხალხი ცხოვრობს, თანაც, ასობით, და ელექტროენერგიას ისინიც იმავე მიზნით მოიხმარენ, როგორც ჩვენ. დიახ, ცხადია, სოფელს ჰყავს გამგებელი, დეპუტატი – რაიონულ საკრებულოში, მაგრამ, როგორც ამ სოფლის მკვიდრები ამბობენ, ისინი ადგილობრივების პრობლემებით მხოლოდ წინასაარჩევნო პერიოდებში ინტერესდებიან. ჩვენ პირობა მივეცით ამ სოფლის მოსახლეობას, რომ დავიწყებთ ვრცელ ჟურნალისტურ მოკვლევას პრობლემების შესასწავლად. იქამდე კი შევასრულეთ მათი თხოვნა დ იმ მიზეზების გარკვევა ვცადეთ, რომელთა გამო ადამიანები 21-ე საუკუნეში უშუქოდ ატარებენ დღეებს. www.7days.ge

გაზეთი "ახალი 7 დღე" - იხილეთ სტატია ვრცლად>>

სტიქიით დაზარალებულთათვის გამგეობამ მხოლოდ 150 ათასი ლარი გაითვალისწინა

დედოფლისწყაროში სტიქიით მიყენებული ზარალის შემსწავლელი კომისიის თავმჯდომარე ალექსანდრე ალუღიშვილი ამბობს, რომ ბიუჯეტიდან 150 ათასი ლარი გამოიყოფა.
როგორც ინტერნეტ-გაზეთ ქიზიყს დედოფლისწყაროს გამგეობიდან აცნობეს, სპეციალურ კომისიაში მუნიციპალიტეტის ზედამხედველობისა და ინფრასტრუქტურის სამსახურის თანამშრომლები, ასევე სოციალური სამსახურის უფროსი დავით ხიხაძე და მუნიციპალიტეტის გამგებელი ნუკრი შანშიაშვილი შედიან.
ქიზიყმა კომისიის თავმჯდომარისა და წევრების ვინაობა ორკვირიანი მცდელობის შემდეგ გაარკვია, მანამდე კომისიაზე საუბარს რატომღაც ყველა თავს არიდებდა.
დედოფლისწყაროს გამგეობის აპარატის უფროსი ნინო ჩოხელი ქიზიყთან საუბრისას აცხადებს, რომ კომისიის შექმნის თაობაზე ოფიციალური ბრძანება ჯერ არ დაწერილა, თუმცა კომისია სტიქიის დღიდანვე მუშაობს.

შეგახსენებთ, 16-17 ივლისს ქალაქი დედოფლისწყარო და სოფელი წითელწყარო ძლიერმა წვიმამ დააზარალა. მოვარდნილმა ღვარცოფმა 110-ზე მეტი საცხოვრებელი ბინა დატბორა. დაიხოცა შინაური ფრინველი და პირუტყვი. ზოგიერთის ბინა საცხოვრებლად სახიფათო გახდა. დედოფლისწყაროელები მუნიციპალიტეტის ხელმძღვანელობას უყურადღებობაში ადანაშაულებენ და დახმარებას ითხოვენ. დამცირებული მოსახლეობა წუხს, რომ გამგეობის ინფრასტრუქტურის სამსახურის უფროსმა დავით ჯიბღაშვილმა დახმარების ნაცვლად დაზარალებულების დაცინვა და მასხრად აგდება დაიწყო. ადგილობრივები ჯიბღაშვილს უზრდელად და თანამდებობისთვის შეუფერებლად მოიხსენიებენ. /ქიზიყი/ თამილა გურაშვილი

სახელისუფლებო გუნდიდან ქართულ ოცნებაში - „დიალოგი“ ილია მარტყოფლიშვილთან (აუდიო)

რადიო 24-ის და ქიზიყი.ge-ს ერთობლივი პროექტი, ტოქ-შოუ დიალოგი ილია მარტყოფლიშვილთან ერთად.

სტუდიის სტუმარია, ხელისუფლების თანაგუნდელი და ზურაბ ჟვანიას კურსელი, ლია კვაჭაძე.

ის დღემდე ნაციონალური მოძრაობისთვის ერთ-ერთ გავლენიან ფიგურად და დასაყრდენად მოიაზრებოდა როგორც დედოფლისწყაროში ისე დედაქალაქში.

მან ახლახან პარლამენტის რეგისტრაციისა და მართვის განყოფილების უფროსი სპეციალისტის თანამდებობა საკუთარი განცხადების საფუძველზე დატოვა.
ქიზიყი.ge-ს ექსკლუზიური ინფორმაციით, აქტიური ნაციონალი ოპოზიციაში გადადის.

ლია კვაჭაძე ბიძინა ივანიშვილის კოალიციის მხარდაჭერაზე ისაუბრებს და სახელისუფლებო გუნდიდან წასვლის მიზეზებს განმარტავს.

www.qiziyi.ge

ქდმ ოცნებას თანაპარტიელების მოსყიდვაში ადანაშაულებს - თოქშოუ "დიალოგი" (აუდიო)

რადიო24-ისა და ქიზიყი.ge-ს ერთობლივი პროექტი - თოქ შოუ დიალოგი ილია მარტყოფლიშვილთან ერთად

გადაცემის სტუდიის სტუმარია ქრისტიან დემოკრატიული მოძრაობის დედოფლისწყაროს რაიონული ორგანიზაციის თავმჯდომარის მოვალეობის შემსრულებელი ლია ჩოქური.

ის ახლახან გიორგი თარგამაძემ ამავე პარტიის დედოფლისწყაროს მაჟორიტარ კანდიდატად დაასახელა.

ქრისტიან დემოკრატიული მოძრაობის დედოფლისწყაროს ორგანიზაცია „ქართული ოცნების“
დედოფლისწყაროს შტაბს თანაპარტიელების გადაბირებასა და მათთვის შესაძლო თანხების დარიგებაში ადანაშაულებს. მათი განმარტებით, მერამდენე დღეა ქრისტიან დემოკრატებიდან ქართული ოცნების შტაბში უკვე ათამდე ადამიანი გადავიდა.

ასევე, რატომ შეცვალა ქრისტიან დემოკრატიული მოძრაობის დედოფლისწყაროს რაიონულმა ორგანიზაციამ მაჟორიტარობის კანდიდატი, რატომ გადაიფიქრა „ჩორნამ“ არჩევნებში კენჭისყრა, ხომ არ ერია ამაში ხელისუფლების ხელი და რა ეჭვები არსებობს თარგამაძის პარტიის ადგილობრივ ორგანიზაციაში ამის გარკვევას დღევანდელ გადაცემაში შევეცდებით.

www.qiziyi.ge

თოქ-შოუ "დიალოგი" ილია მარტყოფლიშვილთან ერთად - (აუდიო) 24 სექტემბერი

რადიო 24-ისა და ინტერნეტგამოცემა ქიზიყის ერთობლივი პროექტი, თოქ-შოუ დიალოგი ილია მარტყოფლიშვილთან ერთად.

გადაცემის სტუმარია კახა კუკავას პარტიის, მოძრაობა „თავისუფალი საქართველოს“ დედოფლისწყაროს მაჟორიტარი დეპუტატობის კანდიდატი თამილა გურაშვილი. ის ამავე პარტიის რაიონული ორგანიზაციის თავმჯდომარეა.
რატომ მიიჩნევს გურაშვილი, რომ მისი გამარჯვების შანსი დედოფლისწყაროში ამჟამად არსებულ ვითარებაში არარეალურია - და ამ ფონზე რატომ გადაწყვიტა საკუთარი კანდიდატურის დასახელება დედოფლისწყაროს ოლქში.
რას ფიქრობს, კუკავას თანაპარტიელი მათი გუნდის რუსული ფულით დაფინანსებასთან დაკავშირებით და რა შეფასებებს აკეთებს გურაშვილი კუკავას პარტიის პრორუსულობასა და მისი დამფინანსებელის ებრალიძის შესახებ.
ასევე, რამ აიძულა „თავისუფალი საქართველოს“ კანდიდატი დამოუკიდებელი მედიიდან ოპოზიციაში გადასულიყო და რატომ ფიქრობს, რომ რუსული ბაზრის დაბრუნება დედოფლისწყაროს დადებითად წაადგება.

www.qiziyi.ge

პროექტი “კვირის ბოლოს” #17 დედოფლისწყაროს ამბები (აუდიო) – 11 აგვისტო

* * * პოლიტიკური ელიაობა და გასაიდუმლოებული ქველმოქმედება – სოფელ ჯაფარიძეში ივანიშვილის დაფინანსებით აღდგენილი ტაძარი სპონსორის გასაიდუმლოების ფონზე გაიხსნა. რატომ არ იცის მრევლმა ვინ დააფინანსა წლობით გაჭიანურებული რეაბილიტაცია და რატომ არ დააკონკრეტა მეუფე მელქისედეკმა ვისი წყალობით გაიხსნა ტაძარი

* * * ვკარგავთ თუ არა ვაშლოვანის ნაკრძალს – ნაკრძალი ნადგურდებოდა – მინისტრი გოგა ხაჩიძე კი კონცერტზე დოლს უკრავდა… – ერთი ნაწილი ირწმუნება, რომ დაცულ ტერიტორიებზე გაჩენილი ხანძრის შედეგად 1 500 ჰექტარი ტერიტორია დაიწვა, განადგურდა მცენარეთა უნიკალური ჯიშები და ცხოველთა ნაწილი. ხელისუფლება ამას უარყოფს. ქიზიყი.ჯი ნაკრძალის თანამშრომლების ანონიმურ კომენტარებს ავრცელებს.

* * * დედოფლისწყაროში ქართული ოცნების აქტივისტი დააკავეს. კოალიციის წევრები საუბრობენ, რომ პოლიციამ ბრალდებები შეთითხნა. მათი მტკიცებით, სოფელ გამარჯვების რწმუნებული დაკავებულს მანამდე აფრთხილებდა, რომ ქართული ოცნებისგან თავი შორს დაეჭირა, თორემ პრობლემები შეექმნებოდა. ბრალდებების კორიანტელი სამართალდამცველების მიმართ. ოპოზიცია ამბობს, რომ ადგილზე დედოფლისწყაროს პოლიციის სამმართველოს ხელმძღვანელი პირები დააფიქსირეს, სამართალდამცველები კი ირწმუნებიან, რომ არაფერი იციან

„რადიო24“–ისა და ინტერნეტ გამოცემა „ქიზიყის“ ერთობლივი პროექტი, საინფორმაციო ანალიტიკური პროგრამა „კვირის ბოლოს“#17 (აუდიო) 11 აგვისტო

საინფორმაციო პროგრამა "კვირის ბოლოს" #14 დედოფლისწყაროს ამბები (აუდიო)

29 ივნისი - |"რადიო24"-ისა და "ქიზიყი.ge-ს ერთობლივი პროექტი, საინფორმაციო ანალიტიკური პროგრამა "კვირის ბოლოს" #14

ფრთხილად ძაბვაა!!! ტრაგიკული კვირა დედოფლისწყაროსთვის და გამწარებული ოჯახები... ერთ კვირაში დენის დარტყმის შედეგად დედოფლისწყაროში ორი ახალგაზრდა დაიღუპა. რა გახდა გარდაცვალების მიზეზი - მოქალაქეთა გაუფრთხილებლობა თუ რაიონში მოუწესრიგებელი ელექტროგაყვანილობა?

დახმარების გარეშე დარჩენილი ღატაკები და სიმართლეს გაქცეული სოციალური სააგენტოს ადგილობრივი უსტაბაში - რატომ გაიქცა კაბინეტიდან დედოფლისწყაროს სოციალური სააგენტოს უფროსი და რა აქვს დასამალი ზურაბ ზურაშვილს? რატომ აქცია ჟურნალისტების დაკიდება ტრადიციად და არიდებს თუ არა ზურაშვილი თავს საკუთარი არაობიექტური მუშაობის გამომზეურებას

ფიროსმანის სამი ორიგინალის დაკარგვის საფრთხე არსებობს - ექსკლუზიური ინფორმაცია ქიზიყი.ჯიმ გაახმაურა. რა შედეგი აჩვენა ექსპერტიზამ და ჩაუტარდება თუ არა რესტავრაცია მირზაანში დაცულ ფასდაუდებელ ნამუშევრებს - ამას მუზეუმის მმართველის ნელი გობეჯიშვილის აუდიო კომენტარიდან მოისმენთ

ვრცელი მასალა და აუდიო კომენტარი იხილეთ www.qiziyi.ge

დედოფლისწყაროში ოპოზიციური გაზეთების კითხვას ვერ ბედავენ?!

"ქიზიყი" დედოფლისწყაროს რაიონის სოფელ გამარჯვებაში ერთ-ერთი ოპოზიციური პარტიის აქტივისტების მიერ სააგიტაციო გაზეთების დარიგების პრიცესს შეესწრო. უცნაური იყო, რომ უფასო გაზეთის დატოვებაზე ადგილობრივი მოსახლეობის დიდი ნაწილი უარს აცხადებდა.

ერთ-ერთი მათგანი სამხედრო ფორმაში გამოწყობილი პირი, თავდაპირველად გაზეთისკენ წაიწია, თუმცა მას შემდეგ რაც აღმოაჩინა, რომ ის ოპოზიციური შინაარსის იყო, მის აღებაზე უარი განაცხადა და იქაურობას გაეცალა. გაზეთის უსასყიდლოდ მიღებაზე უარი თქვეს სკოლიდან მომავალმა მოზარდმა და მისმა მშობელმაც... ნათელი იყო, რომ მოქალაქეთა ნაწილი გაზეთით დაინტერესებას მოსალოდნელი პრობლემების თავიდან აცილების მიზნით ერიდებოდა. ხოლო, კიდევ ერთმა მაცხოვრებელმა მათ უბანზე მყოფ აგიტატორებს კამათი დაუწყო და არ დამალა, რომ ნაციონალური მოძრაობის მხარდამჭერი იყო და მას ოპოზიციური გაზეთები საერთოდ არ აინტერესებს. რამდენიმე ადამიანს პრეტენზია არ გამოუხატავს, სიამოვნებით დაიტოვა გაზეთი და მაშინვე კითხვას შეუდგა.

აშკარად ჩანს, რომ სოფლად ხალხს პრესა ენატრება. ცნობისთის: ამ სოფელში პრესა არ იყიდება, შესაბამისად გამარჯვების მაცხოვრებლები გაზეთის ხილვას იმ შემთხვევაში ახერხებენ, თუ სხვა ქალაქიდან ვინმე ჩამოიტანს, ისიც საკმაოდ ძველ ეგზემპლარებს. /ქიზიყი/

დედოფლისწყაროს ლანდშაფტური დაგეგმარება თურქეთში განიხილეს

EXCLUSIVE - 2012 წლის 13-18 ივნისს, თურქეთში, ანკარასა და კონიაში გაიმართა კონფერენცია “სამოქალაქო საზოგადობრივი ორგანიზაციების როლი გაუდაბნოებასთან ბრძოლაში”. არასამთავრობო ორგანიზაცია ECOVISION-I, შეხვედრაზე მიწვეული იქნა, რათა წარედგინა პროექტი – “დედოფლისწყაროს მუნიციპალიტეტის ლანდშაფტური დაგეგმარება”, რომელიც ECOVISION-მა განახორციელა GIZ-ის ფინანსური მხარდაჭერით. ECOVISION-მა ასევე წარმოადგინა თავისი საქმიანობები გერემოსდაცვითი განათლების სფეროში.

როგორც „ქიზიყს“ ორგანიზაციიდან აცნობეს, შეხვედრის ორგანიზატორები არიან თურქეთის რესპუბლიკის ტყისა და წყლის სამინისტრო, თურქეთის საერთაშორისო განვითარების სააგენტო (TIKA) და გაეროს გაუდაბნოებასთან ბრძოლის კონვენციის (UNCCD) სეკრეტარიატი.

შეხვედრას ესწრებოდნენ ექსპერტები და არასამთავრობო ორგანიზაციების წარმომადგენლები 40 ქვეყნიდან, რომლებიც მუშაობენ გაუდაბნოებასთან ბრძოლის საკითხებზე; ახორციელებენ ცნობიერების ამაღლების, კვლევით და აღდგენით პროექტებს არიდულ და სემიარიდულ ზონებში.
შეხვედრის დასასრულს მონაწილე არასამთავრობო ორგანიზაციებმა მიიღეს დეკლარაცია, რომლის ტექსტსაც არასამთავრობო ორგანიზაცია უახლოეს მომავალში გამოაქვეყნებს. /ქიზიყი/ ილია მარტყოფლიშვილი

მოატყუა თუ არა პრეზიდენტმა C ჰეპატიტით დაავადებული ქალი? (აუდიო)

EXCLUSIVE - დედოფლისწყაროს რაიონის სოფელ ქვემო ქედში ჩასულ პრეზიდენტს C ჰეპატიტით დაავადებულმა 46 წლის ცისანა მიგრიაულმა დახმარება სთხოვა. მიხეილ სააკაშვილი კი დაპირდა, რომ წერილობით მიემართა და დახმარებას აღმოუჩენდა. ეს ფაქტი მალევე გახდა ქილიკის საგანი.

მედიაში გავრცელებული შეფასებების მიხედვით, პრეზიდენტმა ქალი, რომელსაც დახმარებას დაპირდა, შეცდომაში შეიყვანა. პარლამენტარი გია ცაგარეიშვილი და ჯანდაცვის ექსპერტთა კლუბი სააკაშვილს დედოფლისწყაროელი ქალბატონის მოტყუებაში ადანაშაულებს. ისინი მიიჩნევენ, რომ ცე ჰეპატიტით დაავადებულები დაუყოვნებლივ მკურნალობას საჭიროებენ და საკითხის გადადების შემთხვევაში ისინი დაიღუპებიან.

სინამდვილეში კი, როგორც „ქიზიყმა“ გაარკვია, დედოფლისწყაროს მუნიციპალიტეტის ხელმძღვანელობის ძალისხმევით, ქალბატონი მეორე დღესვე თბილისის რესპუბლიკურ საავადმყოფოში მოთავსდა და ყველა საჭირო და ძვირადღირებული პროცედურა ჩაუტარდა. როგორც ცისანა მიგრიაულმა „ქიზიყს“ განუცხადა, მკურნალობის კურსს ახლაც გადის და მის ოჯახს ამაში თეთრიც არ დახარჯვია.

ცისანა მიგრიაული მადლიერების სიტყვებს არ იშურებს და აცხადებს, რომ ამ თანხის გადახდას და შესაბამისი სამკურნალო კურსის გავლას დამოუკიდებლად, საკუთარი მწირი შემოსავლებით ვერასოდეს შეძლებდა. მისი თქმით,დედოფლისწყაროს მუნიციპალიტეტის ხელმძღვანელობა მას დღეში რამდენჯერმე უკავშირდება და ჯანმრთელობის მდგომარეობით ინტერესდება. მიგრიაული არ მალავს, რომ არც დედოფლისწყაროს გამგეობიდან წამოსულ ამხელა ყურადღებას ელოდა. /ქიზიყი/

სახანძრო–სამაშველო სამსახური ქვემო ქედში ცრუ გამოძახებაზე გავიდა

დედოფლისწყაროს სახანძრო–სამაშველო სამსახური 20 ივნისს 16:20 წუთზე სოფელ ქვემო ქედში გამოძხებაზე გავიდა. პირვანდელი ინფორმაციით, ცეცხლი ნაგებობას გაუჩნდა. ვრცელდებოდა ინფორმაცია, რომ ცეცხლი მინდორზეც იყო გავრცელებული.

როგორც "ქიზიყმა" გაარკვია, დედოფლისწყაროს სახანძრო სამაშველო სამსახურში ხანძრის თაობაზე შეტყობინება თბილისის 112–ის საოპერატორო პუნქტიდან შევიდა. ადგილზე გასულმა მაშველებმა კი აღმოაჩინეს, რომ ცრუ განგაშს ჰქონდა ადგილი. ქედების ზონაში ხანძრის შემთხვევა არ დადასტურდა. /ქიზიყი/

მუსიკის პოპულარიზაციისთვის დაჯილდოვდნენ

ვანო სარაჯიშვილის სახელობის თბილისის სახელმწიფო კონსერვატორიის მიერ საპატიო სიგელით დაჯილდოვდა ჟურნალისტი ნანა ჭიჭინაძე.
თბილისის სახელმწიფო კონსერვატორიის რექტორის მოადგილემ, პროფესორმა მანანა დოიჯაშვილმა მას სიგელი მრავალი წლის მანძილზე კლასიკური მუსიკის პოპულარიზაციაში შეტანილი წვლილისთვის გადასცა. იგივე ჯილდო გადაეცა ასევე გაზეთ "საქართველოს ლირიკის" დამფუძნებელს ეთერ ფაცურიას. ისინი ფასიან საჩუქრებსაც მიიღებენ. ვულოცავთ კოლეგებს დამსახურებულ ჯილდოს. /ქიზიყი/

დედოფლისწყაროში ცოფის საწინააღმდეგო ვაქცინაცინაზე მოთხოვნა გაორმაგდა

საზოგადოებრივი ჯანდაცვის ცენტრის ინფორმაციით, წელს დაკბენილ-დადორბლილ-დაკაწრული მოსახლეობის მომართვიანობა წინაწელთან შედარებით თითქმის გაორმაგდა.
„თუ შარშან ამ დროისთვის მხოლოდ 98-მა დადორბლილ-დაკაწრულმა ადამიანმა მიმართა სამედიცინო დაწესებულებას, წელს უკვე 178 მოქალაქეა აღრიცხული.დედოფლისწყარო ცოფის საწინააღმდეგო ვაქცინას ფლობს, რომელსაც უსასყიდლოდ გადავცემთ საავადმყოფოს. ვაქცინაციის ფასს კი საავადმყოფო თვითონგანსაზღვრავს, შიდა სტანდარტის შესაბამისად“ - აცხადებენ დედოფლისწყაროს საზოგადოებრივი ჯანდაცვის ცენტრში.
გაზეთ„შირაქის“ ინფორმაციით, დედოფლისწყაროში ვაქვინაციის ერთი კურსი, ანუ 5-ჯერადი აცრა, 36 ლარი ღირს. მისი ფასი წინა წლებთანშედარებით შემცირებულია, თუმცა მოსახლეობის გაჭირვებული ნაწილისთვის მისი გადახდაც შეუძლებელია.
დედოფლისწყაროს მუნიციპალიტეტის გამგეობაში განმარტავენ, რომ მაწანწალა ძაღლების რიცხვის შემცირების მიზნით მუნიციპალიტეტის ტერიტორიაზეუსახურავო ნაგვის ბუნკერებს უახლოეს მომავალში სახურავიანი ნაგვის ურნები ჩაანაცვლებს, შესაბამისი ნაგავმზიდი ავტომანქანებით.
შეგახსენებთ, ცოფის კერების გამოვლენის გამო დედოფლისწყაროს 4 სოფელში: ზემო მაჩხაანში, საბათლოში, არბოშიკსა და ზემო ქედში ამ დრომდე კარანტინიადაწესებული. ეს სოფლები არაკეთილსაიმედო ზონად გამოცხადდა. სოფელ არბოშიკში 54 წლის ანა ჯინაშვილი გვიან ღამით მგელმა დაკბინა, რომელსაც ცოფილაბორატორიულად დაუდგინდა. დანარჩენ სოფლებში კი ცოფის კერა საქონლის ფერმებში გამოვლინდა.

გამოხმაურება მედიაში: რადიო ჰერეთი ; ფრონტნიუსი , ჯეონიუსი ;
საქართველოს ხმა

„ქართული ოცნების“ მხარდამჭერს დედოფლისწყაროში მიკროავტობუსი ჩამოართვეს

დედოფლისწყაროს პოლიციის თანამშრომლებმა კოალიცია „ქართული ოცნების“ მხარდამჭერს დიმიტრი ხუმარაშვილს მიკროავტობუსი ჩამოართვეს და ისე, რომ ადგილზე ადმინისტრაციული სამართალდარღვევის ოქმი არ შეუდგენიათ, მანქანა საჯარიმო სადგომზე გადაიყვანეს.

„დიმიტრი სოფელ ქვემო ქედიდან მოდიოდა. მანქანაში დედა და დეიდა ისხდნენ. დედოფლისწყაროს შემოსასვლელში პოლიციამ გააჩერა. როცა დიმიტრიმ ჰკითხა, რატომ გამაჩერეთო, გადმოცემულია ეს ნომერი და მიზეზი თელავში გაარკვიეთო. ჩამოსვეს სამივე და მანქანა საჯარიმო სადგომზე წაიღეს. ადგილზე ოქმი არ შეუდგენიათ. ერთ–ერთ პოლიციელს უთქვამთ, შენ ეტყობა ქუთაისშიც აპირებ წასვლას და მანქანა რომ არ გექნება, ვეღარ წახვალთო“, – აღნიშნა თამაზაშვილმა.

შეგახსენებთ, დედოფლისწყაროს პოლიციის თანამშრომლებმა პოლიციისთვის არდამორჩილების ბრალდებით კოალიცია „ქართული ოცნების“ მხარდამჭერი გია პოპიაშვილი დააკავეს. სასამართლომ მას 10 დღით პატიმრობა შეუფარდა.

ინგილოების ანსამბლი სამთაწყაროში დახმარებას ითხოვს

სოფელ სამთაწყაროში მოქმედი ქორეოგრაფიული ანსამბლი „ჰერეთი“, რომელიც დაახლოებით ერთი წლის წინ აღდგა, საჭირო ფართით დახმარებას ითხოვს. როგორც ანსამბლის ხელმძღვანელი ნოდარ შაინიძე „ქიზიყთან“ საუბარში აცხადებს, ისინი ყოფილი საბავშვო ბაღის მიტოვებული შენობის დარბაზში იკრიბებიან, სადაც შესაბამისი პირობები არ არის. ანსამბლში მოზარდთა 50%-ს ინგილო მოცეკვავეები შეადგენენ, დანარჩენს კი აჭარიდან დედოფლისწყაროში ჩამოსახლებული ეკომიგრანტები. ანსამბლის ხელმძღვანელი ამბობს, რომ კარგი იქნებოდა, ხელისუფლებას სამთაწყაროში კულტურის სახლის შეჩერებული მშენებლობა დაესრულებინა. ნოდარ შაინიძე სოფელში კულტურული ცხოვრების გამოსაცოცხლებლად დახმარებას ითხოვს. მისი თქმით, სასაზღვრო სოფლისთვის კულტურის სახლის აღდგენა ძალზე მნიშვნელოვანია. ანსამბლის ხელმძღვანელი მიიჩნევს, რომ საზღვრისპირა სოფელში კულტურის სახლის გახსნა დედოფლისწყაროს სოფლებში ამჟამად არსებულ მიგრაციას მნიშვნელოვნად შეაფერხებს, რაც სოფლის გასაძლიერებლად გადადგმული მნიშვნელოვანი ნაბიჯი იქნება. შაინიძე არ მალავს, რომ ანსამბლს საკუთარი შესაძლებლობების სრულად გამოსავლენად საჭირო პირობები არ გააჩნია. მოისმინეთ ილია მარტყოფლიშვილის რეპორტაჟი

ზაქარია ბატიაშვილი სოფელ ხორნაბუჯში სასმელი წლის პრობლემას უარყოფს

სოფელ ხორნაბუჯის ტერიტორიული ორგანოს რწმუნებული ზაქარია ბატიაშვილი ადგილობრივი ოპოზიციის მიერ განცხადების სახით გავრცელებულ ბრალდებებს უარყოფს. სოფლის რწმუნებულმა სასმელი წლის პრობლემა რადიო „ჰერეთთან“ საუბარში უარყო. მისი განცხადებით, ხორნაბუჯში ჩოლოყაშვილის ქუჩაზე საუბნო ონკანები არის და შესაბამისად მოსახლეობას პრეტენზიის საფუძველი არ უნდა ჰქონდეს. მისივე თქმით, სოფელში წყალმომარაგების ქსელის მოწყობის სამუშაოები ჯერ არ დაწყებულა. - - - - სოფლის მაცხოვრებლები რწმუნებულისგან განსხვავებულ ინფორმაციას ავრცელებენ. ხორნაბუჯში ირწმუნებიან, რომ მოსახლეობის ნაწილს წყლის ეზოებში შეყვანის უფლება ინდივიდუალურადაც დართეს, ნაწილს კი გზის გათხრის უფლებას არ აძლევენ და კვლავაც საუბნო ონკანებით სარგებლობა და წყლის შორი მანძილიდან ზიდვა უწევთ. ცენტრალური ქუჩების გარდა პრობლემა წარმოიშვა ჩოლოყაშვილის ქუჩაზეც. /ქიზიყი/

აგვისტოს გმირების დედები მემორიალის ესკიზს იწუნებენ (აუდიო)

დედოფლისწყაროში გმირთა მემორიალი იხსნება, თუმცა ირკვევა, რომ ცხინვალში დაღუპული 17 წლის გმირების დედებს მემორიალის ესკიზი არ მოსწონთ. ვერსიები და შეფასებები მოისმინეთ ილია მარტყოფლიშვილის რეპორტაჟში>>

"მსოფლიო ბანკი" ფიროსმანის მუზეუმის განვითარებას იწყებს (აუდიო)

რეპორტაჟი მირზაანიდან

სოფელ მირზაანში ფიროსმანის სახლ-მუზეუმის განვითარებისა და ტურისტების მოზიდვისთვის მსოფლიო ბანკი საკმაოდ სოლიდურ თანხებს დახარჯავს. მოისმინეთ სხვადასხვა მხარის აუდიო კომენტარები

ახმეტაში, სიღნაღსა და დედოფლისწყაროში კალიისგან დაზიანებული 1 765 ჰა შეიწამლა

სურსათის ეროვნულმა სააგენტომ აღმოსავლეთ საქართველოში კალიების წინააღმდეგ 2435 ჰა ფართობი დაამუშავა. ამჟამად იტალიური კალიის, მაროკოული კალიისა და კუტკალიების წინააღმდეგ წამლობა გრძელდება კახეთის რეგიონში.
როგორც სურსათის ეროვნულმა სააგენტოს მედიასთან და საზოგადოებასთან ურთიერთობის სამსახურის უფროსმა ვერიკო გულუამ "ქიზიყს" აცნობა, ამ ეტაპზე კახეთში - ახმეტის, სიღნაღისა და დედოფლისწყაროს მუნიციპალიტეტების ტერიტორიაზე დამუშავებულია 1 765 ჰა დაზიანებული ფართობი. ქვემო ქართლში - მარნეულისა და რუსთავის მუნიციპალიტეტებში - 400 ჰა ფართობი, შიდა ქართლში - ქარელის მინიციპალიტეტში - 270 ჰა.
აღნიშნული ღონისძიება სახელმწიფო მიზნობრივი პროგრამის "მცენარეთა დაცვა და ფიტოსანიტარიული კეთილსაიმედოობის" ფარგლებში ხორციელდება. /ქიზიყი/

დედოფლისწყაროში კალიების გავრცელების გამოკვლევებზე საველე სწავლება გაიმართა

EXCLUSIVE – სურსათის ეროვნული სააგენტოს მცენარეთა დამცველების მონაწილეობით დედოფლისწყაროს მუნიციპალიტეტის საზღვრისპირა ტერიტორიებზე კალიების გავრცელების გამოკვლევების ძირითად პრინციპებთან დაკავშირებული რეგიონალური სწავლება გაიმართა. როგორც სურსათის ეროვნული სააგენტოს პრეს-ცენტრიდან „ქიზიყს“ აცნობეს, სპეციალისტთა ჯგუფი დედოფლისწყაროს 8 მაისს სტუმრობდა.

საველე ტრენინგში მონაწილეობას ქართველ სპეციალისტებთან ერთად აზერბაიჯანელი და სომეხი მცენარეთა დამცველებიც იღებდნენ. ღონისძიება FAO-ს (გაეროს სურსათისა და სოფლის მეურნეობის ორგანიზაცია) პროექტის “კალიების კონტროლის გაუმჯობესება ამიერკავკასიისა და შუა აზიის ქვეყნებში” – ფარგლებში განხორციელდა.

ტრენინგში ასევე მონაწილეობდა FAO-ს ექსპერტი საიდ ლაგნაუი. ძირითადი განსახილველი თემები იყო სანავიგაციო სისტემების გამოყენების შესწავლა, მათი დახმარებით გამოკვლეული ფართობების აღნიშვნა და გამოანგარიშება, შესაბამისი დოკუმენტაციის შედგენა, რუკაზე დატანილი კოორდინატების განსაზღვრა, განსაზღვრული ფართობების მოძიება და გამოკვლევებისათვის საჭირო სხვა ქმედებები.

შეგახსენებთ, გასულ კვირას იტალიური კალიის მასობრივი გავრცელების ფაქტი გამოვლინდა ახმეტის მუნიციპალიტეტის ტერიტორიაზეც. სპეციალისტები შესაბამის სამუშაოებს უკვე იწყებენ. /ქიზიყი/

გიორგი ღვინიაშვილი და ლევან ბაღაშვილი გიორგობისთვის საინგილოს ესტუმრნენ

კახეთის მხარის გუბერნატორი გიორგი ღვინიაშვილი ისტორიულ ჰერეთს სტუმრობდა. საინგილოში იმყოფებოდნენ ასევე დედოფლისწყაროს მუნიციპალიტეტის საკრებულოს თავმჯდომარე ლევან ბაღაშვილი, მუნიციპალიტეტის გამგებელი ნიკოლოზ შანშიაშვილი და პარლამენტის წევრი, დედოფლისწყაროს მაჟორიტარი დეპუტატი ავთანდილ ლეკაშვილი. ოფიციალურმა პირებმა კახის რაიონში ქურმუხის წმინდა გიორგის სახელობის მართლმადიდებლური ეკლესია მოინახულეს და იქ მცხოვრებ ქართველ მოსახლეობას გიორგობა პირადად მიულოცეს. პრეზიდენტის რწმუნებულმა კახეთის მხარეში, გიორგი ღვინიაშვილმა მადლობა გადაუხადა კახის მოსახლეობას ქართული ენის, ტრადიციების, სარწმუნოების შენარჩუნებისა და მომავალი თაობების ამ ტრადიციების ერთგულებით აღზრდისთვის. გიორგი ღვინიაშვილის განმარტებით, აზერბაიჯანის რესპუბლიკის ტერიტორიაზე არსებულ ქართულ სკოლებსა და ქართულენოვანი სწავლების სექტორში 2 452 მოსწავლე სწავლობს. დედოფლისწყაროს მუნიციპალიტეტის ხელმძღვანელობა საინგილოს განსაკუთრებით ხშირად სტუმრობს, გიორგობის დღესასწაულზე ქურმუხის ტაძრის მოლოცვა კი რაიონის ხელმძრვანელობამ ტრადიციად აქცია. შეგახსენებთ, 6 მაისს ხორნაბუჯისა და ჰერეთის ეპარქიის ეპისკოპოსმა, მეუფე მელქისედეკ ხაჩიძემ სხვა სასულიერო პირებთან ერთად ისტორიულ ჰერეთში საზეიმო წირვა აღავლინა. /ქიზიყი/

დედოფლისწყაროში მიწისძვრის გამო სასწავლო პროცესი შეჩერებულია

დედოფლისწყაროში დღეს დილით მომხდარი მიწისძვრის გამო სასწავლო პროცესი შეჩერებულია. ამის შესახებ „ნიუსპრესს“ დედოფლისწყაროს მუნიციპალიტეტის პრესსამსახურში განუცხადეს.

მათი ინფორმაციით, უსაფრთხოების მიზნით დედოფლისწყაროს სკოლებიდან და ბაღებიდან მოსწავლეები და ბავშვები ეზოში გაიყვანეს.

პრესსამსახურის თქმით, ამ ეტაპზე სწავლის შეწყვეტის შესახებ ქალაქის გამგეობას ოფიციალური განცხადება არ გაუვრცელებია, თუმცა, შესაძლოა, მოსწავლეები სახლში გაუშვან.
მათი თქმით, დედოფლისწყაროში მომხდარი მიწისძვრის შედეგად ნგრევის და დაშავებულბის შესახებ ინფორმაციას ჯერ არ ფლობენ.

დედოფლისწყაროს პირველი საჯარო სკოლის მოსწავლეებმა “ქიზიყს” დაუდასტურეს, რომ 7 მაისს არცერთი გაკვეთილი არ ჩატარებულა და მოსწავლეები სკოლის ადმინისტრაციამ მასობრივად სახლში გაუშვა. მისი თქმით, მათთვის უცნობია, როდის აანაზრაურებს სკოლა გაცდენილ საათებს.

დედოფლისწყაროს მეორე საჯარო სკოლის დირექტორი ია ბოსტაშვილი “ქიზიყთან” საუბარში აცხადებს, რომ სასწავლო პროცესი მათ სკოლაშიც შეწყდა:

“ბავშვებიც გამოცხადდნენ და პედაგოგებიც, მაგრამ ყველა შეშინებული იყო და მივიღეთ გადაწყვეტილება, რომ გაკვეთილები არ ჩატარებულიყო. ჯერ არ გადაგვიწყვეტია როდის, თუმცა გაცდენილ საათებს სავარაუდოდ ერთ-ერთ შაბათ დღეს ავანაზღაურებთ,” – ამბობს მეორე სკოლის დირექტორი

ლაგოდეხის საგანმანათლებლო რესურსცენტრის ხელმძღვანელი მანანა ჩიკვაიძე რადიო “ჰერეთთან” ადასტურებს, რომ ქალაქის #1 და #3 საჯარო სკოლებში სასწავლო პროცესი შეწყდა. ამის მიუხედავად განათლების სამინისტრო ცრუობს და ერთმნიშვნელოვნად ირწმუნება, რომ მიწისძვრის გამო საქართველოს არცერთ სკოლაში სასწავლო პროცესი არ შეწყვეტილა.

დედოფლისწყაროს რაიონის სოფელ ყარაღაჯთან 5.7 მაგნიტუდის სიმძლავრის მიწისძვრა თბილისის დროით 08:40 საათზე დაფიქსირდა. მისი ეპიცენტრი აზერბაიჯანში საქართველოს საზღვრიდან დაახლოებით 25 კილომეტრში იყო, თუმცა, ის საქართველოს ტერიტორიაზე ყველაზე ძლიერად დედოფლისწყაროს რაიონში სოფელ ყარაღაჯთან იგრძნობოდა. ბიძგები თბილისზეც გავრცელდა. ამავე სიმძლავრის მიწისძვრის განმეორების საფრთხე არ არსებობს, თუმცა, შედარებით მცირე ბიძგები მოსალოდნელია. /ქიზიყი/

სახალხო დამცველი სამთაწყაროში არასრულწლოვან გოგონაზე ძალადობის საქმეს შეისწავლის

EXCLUSIVE – საქართველოს სახალხო დამცველის აპარატი დედოფლისწყაროში, სოფელ სამთაწყაროში მცხოვრები 13 წლის გოგონაზე გასულ წელს განხორციელებული ძალადობის ფაქტით დაინტერესდა და საქმის შესწავლა დაიწყო. ინფორმაციას „ქიზიყთნ“ საუბარში მოზარდის დედაც ადასტურებს. ტელეკომპანია „იმედმა“ ეს შემთხვევა კიდევ ერთხელ გაიხსენა 28 აპრილს, გადაცემაში „სპეციალური რეპორტაჟი“.

„სახალხო დამცველის აპარატიდან გუშინ ორჯერ დაგვირეკეს. მათ მითხრეს, რომ საქმეში ჩაერთვებიან და დეტალებს შეისწავლიან. როგორც მითხრეს, ისინი უახლოეს მომავალში ჩვენს სოფელში ჩამოსვლასაც გეგმავენ და სიმართლის დადგენაში დაგვეხმარებიან,“ – აცხადებს მოზარდის დედა.

როგორც გოგონას დედა აღნიშნავს, მან დახმარება სოფელში ჩამოსულ ოპოზიციონერს, პარტია „თავისუფალი საქართველოს“ ლიდერს, კახა კუკავას სთხოვა, რომელიც ოჯახს სახალხო დამცველთან შუამდგომლობას დაპირდა.

როგორც ცნობილია, დედოფლისწყაროს რაიონის საზღვრისპირა სოფელში მცხოვრებ 60 წლის იროდი ბაკურიძეს მეზობლები 13 წლის გოგონას გაუპატიურების მცდელობაში ადანაშაულებენ. მეზობლები გოგონას მონათხრობზე დაყრდნობით ამბობენ, რომ მამაკაცმა არასრუწლოვანი ჯერ ოთახში ჩაკეტა, შემდეგ კი ძალის გამოყენება სცადა. გოგონას განმარტებით, მაშინ, როცა მამაკაცმა საცვლების გახდა დაიწყო ამდროს გოგონამ მას ხელზე უკბინა და სახლში გაიქცა.

ექსპერტიზის დასკვნის მიხედვით, დედოფლისწყაროს რაიონის სოფელ სამთაწყაროში მოზარდის გაუპატიურების მცდელობა ოფიციალურად არ დასტურდება. ამ განცხადებას შს სამინისტროს დედოფლისწყაროს რაიონულ სამმართველოში აკეთებენ.

გამოძიების მტკიცებით, ექსპერტიზა ასევე უარყოფს ხელზე ნაკბენის არსებობას. გოგონა ირწმუნებოდა, რომ მამაკაცს ხელზე უკბინა და ოთახიდან გაიქცა, თუმცა მამაკაცს ნაკბენი არ აღმოაჩნდა. სწორედ ამ გარემოებების გათვალისწინებით დედოფლისწყაროს პოლიციაში აღძრულ სისხლის სამართლის საქმეზე მტკიცებულებების არარსებობის გამოძიება უკვე შეწყდა. შესაბამისად, არც ეჭვმიტანილის პასუხისმგებლობის საკითხი აღარ დადგება. გამოძიება ირწმუნება, რომ ყველა მხარე დაიკითხა, თუმცა დანაშაულის ნიშნები არ გამოკვეთილა.

არასრულწლოვანის ოჯახში კი აცხადებენ, რომ მათ ექსპერტიზის დასკვნა თვალითაც არ უნახავთ.

„რაიმე ოფიციალური დოკუმენტი ჩვენ ხელზე არ ჩაგვბარებია და ექსპერტიზის დასკვნა საერთოდ არ გვინახავს. ასე რომ, ჩვენ გამოძიების ვერსიას ვერ ვირწმუნებთ. შეუძლებელია ნაკვალევი არ აღმოჩენილიყო. მითუმეტეს, რომ ნაკბენის გარდა ჩემი შვილიც წაიქცა და იატაკზე ის მამაკაციც დავარდა. ასე გაჩერებას ნამდვილად არ ვაპირებთ. თბილისში წავალ და ჩივილს გავაგრძელებ. აბა მათი შვილებისთვის გაებედათ ასეთი რამ ექსპერტიზის დასკვნას დაუწყებდნენ ყურებას?,” – აცხადებს გოგონას დედა და გასაჩივრებისთვის ემზადება. /ქიზიყი/ ილია მარტყოფლიშვილი

დედოფლისწყაროს ამბები – საინფორმაციო გამოშვება “კვირის ბოლოს” #7 (აუდიო) 28 აპრილი

გველის მიერ დაგესლილი მამაკაცი თბილისში გადაიყვანეს

გველისგან დაკბენის პირველი შემთხვევა დაფიქსირდა მიმდინარე წელს – დედოფლისწყაროდან თბილისის წმინდა მიხეილის სახელობის კლინიკაში 65 წლის აქვსენტი თათარაიძე გადაიყვანეს, რომელიც გიურზამ დაკბინა.

მწყემსმა შირაქის ველებზე მინდორში ყოფნისას გიურზას შემთხვევით ფეხი დააბიჯა, რა დროსაც ქვეწარმავალმა ქვედა კიდურზე დაგესლა.

როგორც „ქიზიყმა“ გაარკვია, მამაკაცი ახმეტაში ცხოვრობს და დედოფლისწყაროში მუშაობდა.

პაციენტი თავდაპირველად დედოფლისწყაროს საავადმყოფოში მოათავსეს. მამაკაცს პირველადი სამედიცინო დახმარება ადგილობრივ საავადმყოფოში გაუწიეს, რის შემდეგაც მდგომარეობის გაუარესების გამო კატასტროფის მედიცინის ცენტრის ბრიგადამ ის თბილისში გადაიყვანა.

მედიკოსების განმარტებით, მას შრატი უკვე გაუკეთდა, თუმცა ამ დროსითვის პაციენტის მდგომარეობა საკამოდ მძიმე რჩება.

დედოფლისწყარო გველების სიმრავლით გამოირჩევა, ხშირია ადამიანების დაგესვლის ფაქტებიც. დედოფლისწყაროს საავადმყოფოში განმარტავენ, რომ სტაციონარში ანტიგიურზინის საკმარისი მარაგია. /ქიზიყი/

მეგობრობის ქუჩაზე საცხოვრებელ ბინას ცეცხლი გაუჩნდა

EXCLUSIVE – 26 აპრილს, ღამის 22:30 წუთზე ხანძარი გაჩნდა დედოფლისწყაროს სოფელ ხორნაბუჯში, მეგობრობის ქუჩაზე მდებარე ერთ-ერთ საცხოვრებელ ბინაში. ამის შესახებ „ქიზიყს“ თვითმხილველებმა შემთხვევის ადგილიდან აცნობეს.

მომხდარის გამო ქალაქ დედოფლისწყაროს მაცხოვრებლებს ერთი საათის მანძილზე ელექტრომომარაგება შეუწყდათ. კახეთის ენერგოდისტრიბუციაში აცხადებენ, რომ ელექტროენერგიის მიწოდების დროებით შეწყვეტა საფრთხის თავიდან ასაცილებლად მოხდა.

როგორც დედოფლისწყაროს სახანძრო-სამაშველო სამსახურში აცხადებენ, სახლს ცეცხლი სახურავზე გაუჩნდა. ხანძრის გამომწვევი მიზეზები ამ ეტაპზე უცნობია.

სახანძრო-სამაშველო სამსახურის ახალბედა უფროსმა ლევან გოზალიშვილმა „ქიზიყთან“ საუბარში აღნიშნა, რომ ცეცხლის ლიკვიდაცია დროულად მოხერხდა, თუმცა არ იცის, ვის ეკუთვნის საცხოვრებელი ბინა. /ქიზიყი/

ცოფის გამოვლენის გამო სოფელ ზემო ქედში ორთვიანი კარანტინი დაწესდა

დედოფლისწყაროს მუნიციპალიტეტის სოფელ ზემო ქედის ტერიტორიაზე ცოფის შემთხვევები გამოვლინდა. როგორც „ქიზიყმა“ გაარკვია, სურსათის ეროვნული სააგენტოს კახეთის რეგიონალური სამმართველოს 2012 წლის 10 აპრილის მიმართვის საფუძველზე, დედოფლისწყაროს მუნიციპალიტეტის სოფელ ზემო ქედის ტერიტორიაზე ინფექციური დაავადების – ცოფის საწინააღმდეგო პროფილაქტიკური ღონისძიებების გატარების და მასზე ზედამხედველობის განხორციელების კოორდინაციის მიზნით 7 კაციანი კომისია შეიქმნა.

კომისიამ, ვეტკანონმდებლობით გათვალისწინებული ღონისძიებების განსახორციელებლად, დედოფლისწყაროს მუნიციპალიტეტის სოფელ ზემო ქედის ტერიტორია არაკეთილსაიმედო კერად გამოაცხადა.

ზემო ქედში დაწესდა საკარანტინო ზედამხედველობა ორი თვის განმავლობაში, ხოლო, ცოფით დაავადებულ ცხოველთან კონტაქტირებული მოსახლეობის ანტირაბიული პროფილაკტიკური აცრების ჩატარებაზე, მონიტორინგის წარმოებას ,,დედოფლისწყაროს მუნიციპალიტეტის საზოგადოებრივი ჯანმრთელობის დაცვის ცენტრი“ განახორციელებს.

როგორც დედოფლისწყაროს საზოგადოებრივი ჯანდაცვის ცენტრში აცხადებენ, არაკეთილსაიმედო კერაში ეპიდკვლევით გამოვლენილ ცოფიან ცხოველთან კონტაქტირებულ 6 მოქალაქეს უტარდება ანტირაბიული აცრების სრული კურსი.

„ცოფის ყველა ამთვისებელ 200 სულ ჯანმრთელ ცხოველს ჩაუტარდა იძულებითი პროფილაქტიკური ვაქცინაცია; დაწყებულია ცოფიანი ცხოველების მიერ დასნებოვნებული ეზოების დეზინფექცია, მკაცრი ზედამხედველობის ქვეშაა დაყენებული ცოფის დასნებოვნებაზე საეჭვო ორი ცხოველი (ძაღლი, ღორი); სსიპ-ის სურსათის ეროვნული სააგენტოს კახეთის რეგიონალური სამმართველოს სპეციალისტთა მიერ არაკეთილსაიმედო ზონაში მცხოვრებ მოქალაქეს მიეწოდა ინფორმაცია იმის შესახებ, რომ კლინიკურად ჯანმრთელი რძის საკვებად გამოყენება დასაშვებია მხოლოდ 80-85 გრადუსზე 30 წუთის პასტერიზაციის ან 5 წუთის დუღილის შემდეგ,“ – განმარტავენ დედოფლისწყაროს საზოგადოებრივი ჯანდაცვის ცენტრში და მოსახლეობას სიფრთხილისკენ მოუწოდებენ. /ქიზიყი/

სოფლის მეურნეობის მინისტრი დედოფლისწყაროში საექსპორტო ცხვრის მდგომარეობას გაეცნო

საქართველოს სოფლის მეურნეობის მინისტრმა ზაზა გოროზიამ 17 აპრილს დედოფლისწყაროში, ტარიბანას საგაზაფხულო საძოვრებზე ცხვრის წინასაექსპორტო მოსამზადებელი სამუშაოები დაათვალიერა და ისრაელში ქართული ცხვრის ექსპორტზე გაგზავნის პროცესს დაესწრო. ის დედოფლისწყაროს მოადგილესთან ერთად სტუმრობდა. დედოფლისწყაროში იმყოფებოდა, ასევე, სურსათის უვნებლობის, ვეტერინარიისა და მცენარეთა დაცვის სააგენტოს უფროსი დავით კობერიძე.

მოგვიანებით, კობახიძემ ჟურნალისტებთან საუბრისას აღნიშნა, რომ ჩვენს ქვეყანაში ბოლო დროს საექსპორტო ცხვრის ჯანმრთელობის მდგომარეობას განსაკუთრებული ყურადღება ექცევა და წვრილფეხა პირუტყვი საგულდაგულოდ მოწმდება.

როგორც დედოფლისწყაროში ვიზიტისას გაირკვა, ამ ეტაპზე ისრელში 4000–მდე სული ცხვარი გაიგზავნა. საქართველოს მეცხვარეთა ასოციაციის თავმჯდომარის ბექა გონაშვილის განმარტებით, მაისის ბოლომდე ეს რიცხვი 12 ათასამდე გაიზრდება.

მინისტრის, ზაზა გოროზიას თქმით, ქართულ ცხვარზე მოთხოვნა საერთაშორისო ბაზარზე იზრდება. მიმდინარე წელს 6715 სული ცხვარი ისრაელში, აზერბაიჯანში, ყატარსა და კუვეიტში გაიგზავნა. წლის ბოლომდე სხვადასხვა ქვეყნებში, დაახლოებით, 200 ათასამდე სულის გაყვანა იგეგმება.

„ისრაელის ბაზრის ათვისება ქართული ცხვრის საექსპორტო პოტენციალის გაზრდისთვის მნიშვნელოვანია. 2011 წლის თებერვლიდან სოფლის მეურნეობის სამინისტრო ისრაელის მხარესთან მოლაპარაკებებს აწარმოებდა, რის შედეგადაც კომპანია „ედენ ინტერნეიშენალ თრეიდინგს“ ისრაელში ცოცხალი ცხვრის ექსპორტზე გაყვანის საშუალება მიეცა. გასული წლის შემოდგომაზე ისრაელში საცდელად 2200 სული ქართული ცხვარი გავიდა. მიმდინარე წლის მაისამდე ექსპორტი კიდევ იგეგმება. ისრაელში ქართულ ცხვარზე მოთხოვნა გაიზარდა, რაც ბუნებრივ საკვებზე გაზრდილი ცხვრის ხორცის მაღალმა ხარისხმა და განსხვავებულმა გემომ განაპირობა“, – განაცხადა გოროზიამ.

როგორც „ქიზიყმა“ გაარკვია, 2009 წლიდან დღემდე ისრაელში, აზერბაიჯანში, სომხეთში, ირანში, ლიბიაში, იორდანიაში, დუბაიში, ქუვეითში, ყატარში, სირიაში, ეგვიპტეში და არაბეთის გაერთიანებულ საემიროებში ექსპორტზე 574 900 სული ცხვარი გავიდა. /ქიზიყი/ ილია მარტყოფლიშვილი

პირველი სკოლა კურსდამთავრებულებისთვის „ალუმნაი“-ს პროგრამას აგრძელებს

EXCLUSIVE – დედოფლისწყაროს პირველი საჯარო სკოლა „ალუმნაი“-ს პროგრამას აგრძელებს. პროგრამა საშუალებას აძლევს ყველა მსურველს გამოხატოს თავისი დამოკიდებულება სკოლის მიმართ და წვლილი შეიტანოს მის განვითარებასა და წარმატებაში.

დედოფლისწყაროს პირველ საჯარო სკოლაში კლუბი „ალუმნაი“ 2010 წელს ჩამოყალიბდა. მაშინ სკოლის კურსდამთავრებულებმა სკოლას 3 100 ლარი შესწირეს.

„ჩვენი სკოლის ბევრი წარმატებული კურსდამთავრებული თავიდანვე გამოეხმაურა ამ ინიციატივას და გახდა “ალუმინაის” კლუბის წევრი. კლუბი აერთიანებს ყველა იმ კურსდამთავრებულს, ვინც გამოთქვა ნებისმიერ დროს და ნებისმიერი სახით სკოლისთვის დახმარების გაწევის სურვილი. კლუბი თავდაპირველად 100-მდე წევრს აერთიანებდა. წელს შეიძლება ეს რაოდენობა გაიზარდოს. კლუბის დაარსების დროს, 2010 წელს შემოდგომაზე შეხვედრა მოვაწყეთ ჩვენი სკოლის კურსდამთავრებულებთან. ასევე, 2011 წელს გვქონდა საიუბილეო საღამო, სადაც მოწვეულნი იყვნენ კლუბის წევრებიც. გასულ წელს სკოლის წარმატებულმ აკურსდამთავრებულმა გივი ნატროშვილმა შემოსწირა მშობლიურ სკოლას 8 000 ლარის ღირებულების ძვირადღირებული საკონცერტო აპარატურა სააქტო დარბაზისთვის. გივი ნატროშვილი წარმატებული ექიმი და ბიზნესმენია. ის თავისი დიდი ოჯახით ცხოვრობს და მოღვაწეობს რუსეთში, ქალაქ კისლოვოდსკში. მის საპატივსაცემოდ სკოლის ყოველი ღონისძიება მოიცავს სამადლობელოს გივი ნატროშვილის მიმართ. მოსწავლეებმა გაზაფხულის მილოცვის მიზნით მას ნახატების გამოფენა მიუძღვნეს. ყველაზე მეტი თანხა იმ დროისთვის შემოგვწირეს ავთანდილ ლეკაშვილმა (200 ლარი), სოლომონ მენთეშაშვილმა (150 ლარი), ლევან ბაღაშვილმა (150 ლარი). დანარჩენებმა შედარებით ნაკლები,“ – განუცხადა „ქიზიყს“ #1 სკოლის დირექტორმა მაია ლაპიაშვილმა.

კლუბში დედოფლისწყაროს მუნიციპალიტეტის ის ცნობილი სახეებიც არიან გაწევრიანებულნი, რომელთაც სწორედ ეს სკოლა დაამთავრეს. ლევან ბაღაშვილი, ალექსანდრე ალუღიშვილი, ზაზა ფიროსმანიშვილი, მარინა მეხრიშვილი და სხვები.

როგორც „ქიზიყმა“ გაარკვია, პროგრამის ფარგლებში მაისში #1 სკოლა კვლავ შეეგებება თავის კურსდამთავრებულებს ღონისძიებით “ყვავილების ფესტივალი”. მაია ლაპიაშვილის განმარტებით, ღონისძიების ტარიღი ამ ეტაპზე უცნობია.

„გვინდა მივმართოთ სკოლის კურსდამთავრებულებს: თუ გაქვთ სურვილი და შესაძლებლობა, რომ მატერიალურად დაეხმაროთ თქვენს სკოლას, გადარიცხეთ თქვენთვის სასურველი თანხა ჩვენი სკოლის „ალუმნაი“-ს ანგარიშზე ან ჩაერთეთ „ალუმნაი“–ს კლუბის საქმიანობაში“ – ნათქვამია პირველი სკოლის მიერ გავრცელებულ განცხადებაში.

„ალუმნაის“ პროგრამის ჩამოყალიბება და განვითარება საქართველოში განათლების რეფორმის მეორე ეტაპის ფარგლებში დაიწყო. ეს პროგრამა წარმატებულად ხორციელდება როგორც დასავლეთ ევროპის განვითარებულ ქვეყნებში, ასევე ამერიკის შეერთებულ შტატებში. „ალუმნაის“ პროგრამა მიზნად ისახავს საზოგადოების აქტიურ ჩართვას სკოლის სხვადასხვა საჭირბოროტო საკითხის მოგვარებაში. /ქიზიყი/ ილია მარტყოფლიშვილი

საინფორმაციო გამოშვება “კვირის ბოლოს” #5 დედოფლისწყაროს ამბები – აუდიო

მეორე სკოლამ სოციალურად დაუცველ ბავშვებს ტანსაცმელი გადასცა

ქალაქ დედოფლისწყაროს მეორე საჯარო სკოლამ საქველმოქმედო აქცია გამართა. სიღატაკის ზღვარს ქვემოთ მყოფი ოჯახების 80-მდე მოსწავლეს სკოლის დირექტორმა ია ლაპიაშვილმა და პედაგოგებმა საჩუქრად ტანისამოსი და ფეხსაცმელი გადასცეს.

აქცია სკოლის ახლადდანიშნული დირექტორის ინიციატივით განხორციელდა, მასში სურვილის მიხედვით ამავე სკოლის პედაგოგებიც ჩაერთვნენ.

„აღდგომის დღესასწაულთან დაკავშირებით, ჩემი სურვილით მეორადი ტანსაცმელი შევაგროვე, პედაგოგებიც შემომიერთდნენ და გაჭირვებულ ბავშვებს გადავეცით. ჩვენს სკოლაში სოციალურად დაუცველი 80-მდე მოსწავლე ირიცხება. როგორც ცნობილია, სოფელ ჭოეთში მცხოვრები ბოშები ჩვენს სკოლაში სწავლობენ. იმ ბოშა ბავშვებს რომლებიც სკოლაში ამ დღეს ვერ გამოცხადდნენ, საჩუქრები სახლში გავუგზავნეთ. ამ ჟესტით გვინდოდა გაჭირვებულ ოჯახებს მხარში ამოვდგომოდით და მათი ყოფა ოდნავ მაინც შეგვემსუბუქებინა,“ - განუცხადა „ქიზიყს“ მეორე სკოლის დირექტორმა ია ლაპიაშვილმა.

როგორც სკოლის ადმინისტრაციაში აცხადებენ, მსგავსი და სხვა შინაარსის საქველმოქმედო აქციები მომავალშიც ინტენსიურად გაგრძელდება და ტრადიციულ სახეს მიიღებს.

დედოფლისწყაროს მეორე საჯარო სკოლა ერთადერთია, სადაც მუნიციპალიტეტში მცხოვრები ეთნიკური უმცირესობებს წარმომადგენელი მოზარდები სწავლობენ. ისინი წლების მანძილზე შორი მანძილისა და სკოლის არარსებობის გამო განათლების მიღებას ვერ ახერხებდნენ. /ქიზიყი/

პირველმა სკოლამ ორი საგრანტო დაფინანსება მოიპოვა

EXCLUSIVE - ქალაქ დედოფლისწყაროს პირველმა საჯარო სკოლამ ორი საგრანტო დაფინანსება მიიღო. როგორც „შირაქს“ #1 საჯარო სკოლის დირექტორმა მაია ლაპიაშვილმა განუცხადა, „მშვიდობის კორპუსმა“ 2 200 დოლარის გრანტი გამოუყო, ხოლო AIREX-მა 400 დოლარის ოდენობით.

„მშვიდობის კორპუსის“ მოხალისე ჯონათან ბრენდსი უკვე მერამდენე წარმატებით ასახელებს ჩვენს სკოლას! ერთი თვის წინ „მშვიდობის კორპუსმა“ დააფინანსა ბრენდსისა და მისი პარტნიორი მასწავლებლის ნინო ფიროსმანიშვილის პროექტი პირველ საჯარო სკოლაში ინგლისური ენის კაბინეტის მოწყობის თაობაზე. პროექტის შესრულებისთვის გამოყოფილია 2 200 აშშ დოლარი. ინგლისური ენის კლასის მოწყობა და აღჭურვა უახლოეს მომავალში დაიწყება და თანამედროვე სტანდარტების კაბინეტი ახალი სასწავლო წლიდან ამოქმედდება. მინდა გითხრათ, რომ ჯონათან ბრენდსმა ასევე დიდი წარმატებით დაძლია AIREX-ის ტრენერთა კონკურსი და კვალიფიკაციის ასამაღლებლად მიემგზავრება ერთკვირიანი ვიზიტით უკრაინაში. აღნიშნული წარმატებისთვის ჩვენს სკოლას გადაეცა 400 აშშ დოლარი, რომელიც ასევე სკოლის განვითარებას მოხმარდება,“ - აცხადებენ სკოლის ადმინისტრაციაში.

მაია ლაპიაშვილის განმარტებით, გასული წლის ნოემბერში სკოლამ კიდევ ერთი გრანტი მიიღო, ამ შემთხვევაში 6 300 ლარის ოდენობით. დედოფლისწყაროს პირველმა საჯარო სკოლამ არაქართულენოვან სკოლებთან დამეგობრების პროექტი წარმატებით განახორციელა. /ქიზიყი/

არბოშიკსა და ზემო მაჩხაანში უნარშეზღუდულებს ეტლები გადასცეს

დედოფლისწყაროს თვითმმართველი ერთეულის გამგეობის ადმინისტრაციული სამსახურის მთავარი სპეციალისტი არასამთავრობო ორგანიზაციებთან და საერთაშორისო ფონდებთან ურთიერთობის საკითხებში, ლალი მანგოშვილი და შპს ,,ადითი-დედოფლისწყაროს“ დირექტორი, ხათუნა ზურიკაშვილი სოფელ ზემო მაჩხაანში მცხოვრებ უნარშეზღუდულ ქალბატონს მზია იაკობიშვილს ესტუმრნენ და აქტიური ეტლი გადასცეს. საქველმოქმედო აქციას სოფლის ტერიტორიული ორგანოს რწმუნებული ლევან იაკობიშვილიც ესწრებოდა. შემდეგ სოფელ არბოშიკში მცხოვრებ ტასიკო ალადაშვილს ეწვივნენ და მოულოდნელი საჩუქრით გაახარეს, მათ მოხუცი თავადვე ჩასვეს ეტლში. დასაჩუქრებულმა ქალბატონებმა მადლიერება გამოხატეს ადგილობრივი ხელისუფლების და ეტლების შემომტანი საერთაშორისო ორგანიზაციის –,,საქართველოს ქალები მშვიდობისა და სიცოცხლისათვის“ მიმართ. შეგახსენებთ, ხსენებული ორგანიზაცია დედოფლისწყაროში მსგავსი სახის საქველმოქმედო აქციებს პერმანენტულად ახორციელებს. /ქიზიყი/

სოფელ მირზაანში სპორტული მოედანი მოეწყობა და წყალმომარაგება გაუმჯობესდება

დედოფლისწყაროს მუნიციპალიტეტის სოფელ მირზაანში, მიმდინარე წელს თანხები ძირითადად ორი მიმართულებით დაიხარჯება. ამის შესახებ “ქიზიყს” მუნიციპალიტეტის გამგეობის ადმინისტრაციის პრესასთან ურთიერთობის სპეციალისტმა ანა ბენაშვილმა აცნობა.

როგორც გამგეობაში განმარტავენ, 2012 წელს ადგილობრივი ბიუჯეტის დაფინანსებით, 15 000 ლარი მოხმარდება სოფელში არსებული სპოტული მოედნის რეაბილიტაციას, ხოლო სოფლის დახმარების სახელმწიფო პროგრამით გამოყოფილი 16 218 ლარი მოხმარდება სოფლის წყალსაქაჩთან არსებული სათავე ნაგებობის რეაბილიტაციას. პროექტი ითვალისწინებს დრენაჟის მოწყობას და წყალშემკრებ რეზერვუარზე მიერთებას და წყალმომარაგების შიდა ქსელის მოწყობას.

სამუშაოების დასრულების შემდეგ მირზაანის წყალმომარაგებაში დებეტი მნიშვნელოვნად გაიზრდება და მოსახლეობისთვის წყალმომარაგება ბევრად გაუმჯობესდება. /ქიზიყი/

პირველმა სკოლამ კონკურსში „ჩვენ ვსწავლობთ ბიბლიას“ გაიმარჯვა

ქალაქ დედოფლისწყაროს #1 საჯარო სკოლაში გაიმართა კონკურსი „ჩვენ ვსწავლობთ ბიბლიას“ რაიონული ეტაპი. სოფელ ზემო მაჩხაანის საჯარო სკოლის გუნდი „იმედი“ დაუპირისპირდა პირველი საჯარო სკოლის გუნდს „სიონი“. როგორც „ქიზიყს“ კონკურსის ორგანიზატორებმა აცნობეს, შეჯიბრება პირველი საჯარო სკოლის მოსწავლეების გამარჯვებით, ანგარიშით 17-12დასრულდა. „თამაში გუნდის „სიონის“ უპირატესობით წარიმართა და საბოლოო ჯამში მათივე გამარჯვებით დასრულდა. ვულოცავთ „სიონს“ გამარჯვებას და შემდეგ ეტაპებზე თამაშში წარმატებას ვუსურვებთ,“ – აცხადებენ დედოფლისწყაროს #1 საჯარო სკოლის ადმინისტრაციაში. შეჯიბრს სკოლის მანდატურები და დირექტორიც ესწრებოდნენ. კონკურსის შედეგად დედოფლისწყაროს პირველი საჯარო სკოლა ზონალურ ტურში გადავიდა, რომელიც სავარაუდოდ მაისში, ქალაქ ყვარელში გაიმართება. /ქიზიყი/

ანტალიაში 16 წლის ბექა ნათათრალაშვილი ჩემპიონი გახდა

7-18 მარტს ანტალიამ ჭაბუკ ძიუდოისტთა შორის ევროპის თასს უმასპინძლა. როგორც დედოფლისწყაროს კულტურისა და სპორტის ცენტრის სამსახურიდან “ქიზიყს” აცნობეს, 1996-97 წლებში დაბადებულ სპორტსმენთა შორის გამართულ ბრძოლაში 55 კგ წონით კატეგორიაში დედოფლისწყაროს მუნიციპალიტეტიდან წარგზავნილმა სპორტსმენმა ბექა ნათათრალაშვილმა წარმატებით იასპარეზა და ჩემპიონის ტიტულს დაეუფლა. ამასთან, საქართველოს პირველობა თბილისში გაიმართა 1999-2000 წელს დაბადებულ ძიუდოისტთა შორის, სადაც 42 კილოგრამ წონით კატეგორიაში დედოფლისწყაროელმა ლაშა ბექაურმა მესამე საპრიზო ადგილი დაიკავა. /ქიზიყი/

სოფელ არბოშიკში წყალმომარაგების ხარვეზები აღმოიფხვრა

რამდენიმე თვის განმავლობაში დედოფლისწყაროს რაიონის სოფელ არბოშიკს წყალი შეფერხებით მიეწოდებოდა. პრობლემის აღმოსაფხვრელად დედოფლისწყაროს მუნიციპალიტეტის ადგილობრივი ბიუჯეტიდან 2 700 ლარი გამოიყო. ამიერიდან სოფლის მაცხოვრებლები სასმელ წყალს ყოველდღიურ რეჟიმში მიიღებენ.

როგორც „ქიზიყს“ ადგილობრივი თვითმმართველობის ორგანოდან აცნობეს, სარეაბილიტაციო სამუშაოები უკვე დასრულდა. მათი ცნობით, ეს თანხა სოფელში არსებული სასმელი წყლის ჭაბურღილისათვის ელექტრო ტუმბოს შეძენასა და მის მონტაჟს მოხმარდა.
„ამჟამად მოსახლეობისათვის სასმელი წყლის მიწოდება საუბნო ონკანების მეშვეობით ყოველდღიურად ხორციელდება,“ – აცხადებენ დედოფლისწყაროს გამგეობაში.

„ქიზიყის“ ინფორმაციით, სოფელ არბოშიკში წყალსაქაჩი ძრავი ერთი წლის წინ დაიწვა, რის შედეგადაც 200–მდე ოჯახი ამ დრომდე სასმელი წყლის გარეშე რჩებოდა. არბოშიკელებს წყლის მოტანა 10 კილომეტრის მანძილიდან უწევდათ, რის გამოც უკმაყოფილებას გამოხატავდნენ. იმის გამო, რომ გასულ წელს, სოფლის დახმარების სახელმწიფო პროგრამით გათვალისწინებული თანხა არბოშიკში უკვე გახარჯული იყო, პრობლემის მოგვარება გაჭიანურდა. მოსახლეობა ძრავის შესაკეთებლად თანხების შეგროვების წინააღმდეგი იყო. სოფელ არბოშიკის ტერიტორიული ორგანოს რწმუნებული რობიზონ დათუკიშვილი ჟურნალისტებთან საუბარში აცხადებდა, რომ პრობლემა მარტის ბოლომდე მოგვარდებოდა. /ქიზიყი/

ულოცავენ – ბადრი პოპიაშვილს! ჩვენი საგვარეულოს სიამაყევ, გილოცავთ დაბადების დღეს. გვახარებს შენი წარმატებული კარიერა, მშობლებთან, შენს ცოლ–შვილთან და ახლობლებთან ერთად. გისურვებთ მშვიდობის, ჯანმრთელობასა და დღეგრძელობას, ღმერთი ფარავდეს თქვენს ოჯახს. პატივისცემითმ მარიკა პოპიაშვილი, გოჩა, არსენა და დათო ყოჩიაშვილები. _ * _ * _ მილოცვები და SMS გამოგზავნეთ ნომერზე 5(93) 275 275 _ * _ * _ თქვენი რედქტორი ილია გაზეთ "შირაქში" რო გადავიდა, ეხლა ეს საიტი დაიხურება, თუ როგორაა თქვენი საქმე რატო ამას არ ამბობთ?... ეს მესიჯი არ დამიბლოკოთ, თორეეე - ნინო, თბილისიდან _ * _ * _ გამგეობამ ილიაც მოისყიდა, თუ ისევ ძველებურად გააგრძელებთ კრიტიკას?... ისე წესით, "ქიზიყს" მალე შეეტყობა - ნიკა _ * _ * _ მილოცვები და განცხადებები გამოგზავნეთ SMS ნომერზე 8(93) 275 275 ; – * – * – სოფელ წითელწყაროში ძნელაძის ქუჩაზე, სუპერმარკეტთან მცხოვრები მოსახლეობა გარე განათების მოწესრიგებას ვითხოვთ - პატივისცემით გიორგი ხაჩიაშვილი – * – * – გახდი გაზეთ ქიზიყის ინფორმატორი, მოგვაწოდეთ ნებისმიერი ახალი ამბავი და შეატყობინე ის მთელს საქართველოს. დაამესიჯე და დააპიარე საკუთარი საქმიანობა ქიზიყის ვებ-გვერდის დახმარებით. გახდი პოპულარული. გამოაქვეყნე ნებისმიერი სახის წერილი ქიზიყის პორტალზე, რომელსაც ყოველდღიურად ასობით ადამიანი ნახავს. შეგვატყობინეთ თქვენს ირგვლივ მიმდინარე ახალი ამბები ელ-ფოსტასა და ტელეფონზე. გელოდებით - 8(93) 275 - 275; - * - * - დედოფლისწყაროს ანძა გაანათეთო ეგ იდეა ვის მოუვიდა? საინტერესოა, კარგი იქნებოდა, მაგრამ ძალიან ძვირი დაჯდება და მაგისთვის ფულს ვინ გაიმეტებს? - ჯაფარიძელები - * - * -მილოცვები და უფასო განცხადებები გამოგვიგზავნეთ ნომერზე 8(93) 275 275

ოპოზიციის მტკიცებით, დედოფლისწყაროში გამოცხადებული კონკურსი ფორმალობაა

ადგილობრივი ოპოზიცია დედოფლისწყაროში გამოცხადებულ კონკურსს ფორმალურს უწოდებს და მიიჩნევს, რომ გამსვლელი კადრების ვინაობა უკვე ცნობილია.
„დედოფლისწყაროს მუნიციპალიტეტმა სხვადასხვა ვაკანტურ თანამდებობაზე კონკურსი გამოაცხადა, თუმცა ამ თანამდებობებზე დასასაქმებელ პიროვნებათა ვინაობა უკვე ცნობილია, მეტიც ისინი უკვე აღნიშნულ ადგილებზე მუშაობენ. სულ 7 „ვაკანტური“ ადგილია, არადა ამ ადგილებზე უკვე მუშაობენ კუდ-ის თანამშრომლის, ილია ნატროშვილის მიერ შერჩეული კადრები. მაგალითად, გამგეობის სოფლის მეურნეობის განვითარების სამსახურის უფროსის ადგილზე უკვე მუშაობს მისი ნათესავი ილია კვანჭილაშვილი, სოფლის მეურნეობის განვითარების სამსახურის სპეციალისტად უკვე მუშაობს ასევე, ილია ნატროშვილის ნათესავი რევაზ ნატროშვილი. საკრებულოს ტექნიკური მდივნის ადგილზე უკვე წელიწადზე მეტია მუშაობს ხათუნა ბეგიაშვილი, რომლის ადგილზეც ასევე ფორმალურად გამოცხადებულია კონკურსი. უნდა აღინიშნოს ის ფაქტი, რომ გამგეობის ადმინისტრაციული სამსახურის მოქალაქეთა მომსახურების და საერთაშორისო ფონდებთან და არასამთავრობო ორგანიზაციებთან ურთიერთობის განყოფილების უფროსის ხელმძღვანელად უკვე ცნობილია, რომ უნდა დაინიშნოს დედოფლისწყაროს N14 საოლქო საარჩევნო კომისიის თავმჯდომარის დავით ბუჩუკურის მეუღლე, ეკა სიმაკურიძე, რომელიც რესურსცენტრის სპეციალისტი გახლავთ. ამით, დავით ბუჩუკურს არჩევნების დროს გაწეული „ღვაწლი“ უნდა დაუფასდეს? ასევე უნდა აღინიშნოს, რომ სახანძრო-სამაშველო სამსახურის მთავარი სპეცილისტის, სპეციალისტისა და მძღოლის ადგილებზე უკვე შერჩეულია ხალხი და კონკურსი მხოლოდ ფორმალურად ტარდება.
“თავისუფალი საქართველო“-ს დედოფლისწყაროს ორგანიზაცია კონკურსის ფორმალურად გამოცხადებას აპროტესტებს. მიგვაჩნია, რომ თვითმმართველობა თითოეულ კადრს წინასაარჩევნოდ საკუთარი მეგობრებისა და ნათესავების რიგებიდან არჩევს, რათა ჰქონდეს მყარი გარანტია, რომ ისინი არჩევნების დროს აქტიურად იმუშავებენ ნაციონალების სასარგებლოდ." - ნათქვამია ოპოზიციური პარტიის მიერ გავრცელებულ განცხადებაში. /ქიზიყი/ განცხადება

პოლიტიკური გაერთიანების შესახებ კანონი დრაკონული რეპრესიების მომტანი იქნება

დისკუსია მოქალაქეთა პოლიტიკური გაერთიანების შესახებ ორგანულ კანონში განხორციელებულ ცვლილებებზე თელავში გაიმართა, სადაც "ახალგაზრდა იურისტთა ასოციაციისა"და "სამართლიანი არჩევნების" ორგანიზებით პოლიტიკური პარტიების რაიონული ორგანიზაციების, მედიის და არასამთავრობო სექტორის წარმომადგენლები შეიკრიბნენ.
როგორც შეხვედრაზე აღინიშნა, საქართველოს ორგანულ კანონში და სისხლის სამართლისკოდექსში 2011 წლის დეკემბერში განხორციელებული ცვლილებები საფრთხეს უქმნის გამოხატვისა და საკუთრების უფლებებს. "ახალგაზრდა იურისტთაასოციაციის" თელავის ოფისის ხელმძღვანელის მარეხ მგალობლიშვილის განცხადებით, აღნიშნული საკანონმდებლო ცვლილება საფრთხეს უქმნის, როგორც პოლიტიკური პარტიების, ასევე მედიასაშუალებების საქმიანობას. მგალობლიშვილმა საკანონმდებლო ცვლილებებს "დრაკონული რეპრესიების მომტანი ცვლილებები უწოდა".
"კანონის თანახმად იურიდიულ და ფიზიკურ პირებს შეეზღუდათ შემოწირულობების გაკეთება. ფიზიკურ პირებს შემოწირულობების გაკეთება შეუძლიათ მხოლოდ 60 000 ლარის ფარგლებში. ახალი კანონით შემოღებულია პარტიებთან კავშირში მყოფი ფიზიკური და იურიდიული პირების ცნება, რომლებზეც იგივე შეზღუდვები და რეგულაციები ვრცელდება. პარტიებთან კავშირში მყოფ პირს უფლება არ აქვს შემოსავალი მიიღოს სამეწარმეო საქმიანობიდან, სხვა სახით მიღებული შემოსავალი კი წელიწადში არ უნდა აღემატებოდეს 60 000 ლარს. კანონი მნიშვნელოვან შეზღუდვებს უწესებს ფიზიკურ პირებს საკუთარი პოლიტიკური მოსაზრებების გამოთქმისთვის, მაშინ როდესაც საჯარო მოხელეებსა და თანამდებობის პირებზე მინიმალური შეზღუდვები წესდება აგიტაციის განხორციელებისას. ასეთი შეზღუდვები არც ერთ დემოკრატიულ ქვეყანაში არ არის", - განუცხადა რადიო "ჰერეთს" მარეხ მგალობლიშვილმა.

"ახალი მემარჯვენეების"'თელავის ორგანიზაციის თავმჯდომარემ ნიკა ვარდოშვილმა ახალ კანონს "ფინანსური დივერსია" უწოდა და ეს ცვლილებები გააკრიტიკა. მისი განცხადებით, კანონი მიმართულია პოლიტიკური პარტიების წინააღმდეგ, რაც აზარალებს როგორც პოლიტიკურ პარტიებს ასევე არასამთავრობო ორგანიზაციებს, ფიზიკურ და იურიდიულ პირებს.

კახეთი სოფლის პროგრამისთვის 6 300 000 ლარს მიიღებს

კახეთის რეგიონს სოფლის დახმარების პროგრამის ფარგლებში მიმდინარე წელს 6 300 000 ლარი გამოეყო. ამის შესახებ ჟურნალისტებს რეგიონის გუბერნატორმა გიორგი ღვინიაშვილმა განუცხადა.
მთავრობის დადგენილებით თანხა შემდეგნაირად განაწილდება: არაუმეტეს 50-სულიანი სოფლისათვის - 2 000 ლარი; 51-დან 200 სულამდე სოფლისათვის - 4 000 ლარი; 201-დან 400 სულამდე სოფლისათვის - 5 000 ლარი; 401-დან 1 000 სულამდე სოფლისათვის - 8 000 ლარი; 1 000-ზე მეტსულიანი სოფლისათვის – 12 000 ლარი. დადგენილების თანახმად, პროგრამის ფარგლებში განსახორციელებელი პროექტები შესაძლებელია, დამატებით საერთაშორისო და დონორი ორგანიზაციების ან ადგილობრივი თვითმმართველი ერთეულის სახსრებით დაფინანსდეს. /ქიზიყი/

მოქალაქეები გადაუდებელ დახმარებას უფასოდ ვერ გამოიძახებენ

საქართველოს კანონმდებლობაში შესული ცვლილების თანახმად, 112–ზე დარეკვა ფასიანი იქნება. მთავრობის დადგენილებით სატელეფონო ნომერს ყოველთვიურად დაერიცხება „112“ მომსახურების საფასური, რაც იურიდიული პირის შემთხვევაში 50 თეთრი, ხოლო ინდმეწარმის და ფიზიკური პირის შემთხვევაში 20 თეთრია.
ფიქსირებული ქსელიდან 112–ზე დარეკვის შემთხვევაში მომხმარებელი გადასახადს ყოველი თვის ბოლოს სააბონენტოსთან ერთად გადაიხდის, ხოლო მობილურ ოპერატორებს ნომრის მომსახურების ღირებულება ანგარიშიდან ჩამოეჭრებათ. 112–ის საშუალებით შესაძლებელი იქნება სასწრაფო სამედიცინო დახმარების, სახანძრო და სამაშველო სამსახურების გამოძახება.
თბილისის საკრებულოს უმცირესობის ნაწილი აღნიშნულ დადგენილებას სოციალურად გაუმართლებელ ინიციატივას უწოდებს. „ქრისტიან–დემოკრატების“ განმარტებით, გადაუდებელი დახმარების გამოძახებაზე ფასის დადება მის შინაარსს ეწინააღმდეგება. მისივე მტკიცებით, 112 ამერიკული 911–ის ანალოგის შექმნას ითვალისწინებს. თუმცა, ოპოზიციის განმარტებით, 911–ზე წვდომა ქართული 112–სგან განსხვავებით ყველანაირი დაბრკოლების გარეშე ხდება.სულ მალე ფასიანი გახდება თავად სასწრაფო დახმარების სამსახურის მომსახურებაც. /ქიზიყი/

ცენტრალურ ქუჩებზე ნუმერაციის აბრები განთავსდება

ქალაქ დედოფლისწყაროს ცენტრალურ ქუჩებზე იანვრის ბოლოდან ქუჩების ნუმერაციის თანამედროვე აბრები განთავსდება. მისი საფასურის გადახდა მოსახლეობას არ მოუწევს, რადგანაც, საცხოვრებელი მისამართის გარდა აბრაზე სარეკლამო ინფორმაციაც იქნება დატანილი, რის გამოც ყველანაირი ხარჯების და მისი მოვლა–პატრონობის ვალდებულებას თავად ეს კომპანია აიღებს.

საკითხს დედოფლისწყაროს მუნიციპალიტეტის საკრებულომ სხდომაზე კენჭი უკვე უყარა და ერთხმად მიიღო გადაწყვეტილება, ქალაქ დედოფლისწყაროს ცენტრალური ქუჩების: ნიკორციხის, რუსთაველის, ჰერეთის, შირაქის და ასევე გადამკვეთი ქუჩბის: 9 ძმის, ალადაშვილის, გორგასალის, თეატრის, ფიროსმანის, ბარათაშვილის, მაზიაშვილის და სოფელ ხორნაბუჯში მეგობრობის ქუჩის ნუმერაციის აბრების განთავსების შესახებ.

როგორც საკრებულოს თავმჯდომარე ლევან ბაღაშვილი განმარტავს, ამ ქუჩებზე შპს „ლ.ს. მედია“ საკუთარი ხარჯებით განათავსებს შენობების ნუმერაციის აბრებს, რომელთა 1/3-ზე განთავსდება სარეკლამო ინფორმაცია: „აბრები დამზადებული იქნება მაღალი ხარისხის მასალისგან და მისი მონტაჟის დროს გათვალისწინებული იქნება როგორც შენობა-ნაგებობების დამოკიდებულება სივრცესთან, ასევე ქონების მესაკუთრის სურვილი. აბრების მოვლა-განახლებაზე პასუხისმგებლობა 5 წლის განმავლობაში დაეკისრება შპს „ლ.ს. მედია“- ს. ვადის გასვლის შემდეგ ქონება დედოფლისწყაროს მუნიციპალიტეტს უსასყიდლოდ გადაეცემა,“ – აღნიშნა ლევან ბაღაშვილმა.

„ქიზიყის“ ინფორმაციით, შესაბამისი დოკუმენტაცია კომპანიამ დედოფლისწყაროს მუნიციპალიტეტში უკვე წარადგინა და ნებართვის გაცემა ითხოვა. აბრების განთავსების სამუშაოები კი იანვრის ბოლოს, ანდა თებერვალში უნდა დაიწყოს. /ქიზიყი/

გუბერნიაში შესული მოქალაქეთა განცხადებების მიხედვით დედოფლისწყარო ბოლო ადგილზეა

2011 წელს, 11 თვის განმავლობაში, კახეთის გუბერნატორის ადმინისტრაციაში სულ 1 017 განცხადებაა რეგისტრირებული, აქედან ერთობლივი განცხადება 6,6 %-ია, ხოლო ინდივიდუალური 93,4%. კახეთის რვა მუნიციპალიტეტს შორის გუბერნიაში შესული მოქალაქეთა განცხადებების მიხედვით დედოფლისწყარო ბოლო ადგილზეა.
რაიონების მიხედვით განცხადებების რაოდენობა ასე ნაწილდება: თელავი - 41,4%; გურჯაანი - 23,1%; ყვარელი - 8,6%; ახმეტა - 5,7%; ლაგოდეხი - 4,6%; საგარეჯო - 7,2%; დედოფლისწყარო - 3,8%; სიღნაღი - 4,5%; თბილისი - 1,1%.
მოქალაქეთა მიერ შეტანილი განცხადებები - 74 ,9%-ია; პრეზიდენტის ადმინისტრაციიდან შესული - 20, 7%; საქართველოს პარლამენტიდან გაგზავნილი - 1,2%; მუნიციპალიტეტიდან გაგზავნილი (ჯანდაცვის შუამდგომლობები) 2,7%; სხვადასხვა უწყებებიდან 0,5%.
სამედიცინო მომსახურების დაფინანსებას ეხება (ოპერაცია, მკურნალობა, მედიკამენტები) განცხადებების 36,1%; სხვა დაფინანსებას (სწავლის საფასური, წიგნის გამოცემა, მწვრთნელის ხელფასი, ცეკვის გაკვეთილების ანაზღაურება) - 0,8%; ერთჯერად დახმარებას - 18,6%; სოციალურ დახმარებას და პოლისს (დანიშვნა, აღდგენა, გადამოწმება) - 7,7%; საცხოვრებელი სახლის შეძენა, რეაბილიტაცია, დაკანონება, გაფორმებას, სადავო სახლებს - 12,9%; შეშით დახმარებას - 3,7%; ელ. ენერგიას (გაურკვეველი გადასახადი, გამრიცხველიანება, დავალიანება) - 2,3%; სასმელ წყალს - 1,3%; გაზიფიცირებას (სოფლის, ინდივიდუალური) - 2,3%; მიწას (შესყიდვა, იჯარა, პრივატიზაცია, სადავო) - 2,3%; დასაქმებას, სამსახურში აღდგენას - 5,8%; შეწყალებას, სასჯელის მოხსნას - 1,6%; გზის, ქუჩის რეაბილიტაციას - 1,8%; კანალიზაციას - 0,2%; სახელფასო დავალიანების ანაზღაურებას - 0,2%; გამგეობებში შეტანილი განცხადებების პასუხი - 0,4%; სანიაღვრე და სარწყავი არხების მოწყობა/რეაბილიტაციას - 0,2%; ტრაქტორებს - 0,4%; ტრანსპორტს - 0,2%; გარე განათებას - 0,2%; საძოვარს - 0,7%.
სტატისტიკიდან ირკვევა, რომ კახეთის მასშტაბით დედოფლისწყაროს მუნიციპალიტეტის მაცხოვრებლები ერთის მხრივ, შესაძლოა, პრობლემების აღმოფხვრას ადგილობრივი თვითმმართველობის დახმარებით ახერხებენ და გუბერნიას ამიტომაც აღარ მიმართავენ. მეორეს მხრივ, შესაძლოა, დედოფლისწყაროელები პრეზიდენტის რწმუნებულის მიმართ ნაკლებ ნდობას გამოხატავენ. /ქიზიყი/

კომპიუტერული ტომოგრაფიის დაფინანსებას ადგილობრივი ბიუჯეტი მოახდენს

ამიერიდან, გადაუდებელ შემთხვევებში ონკოლოგიური და მძიმე ავადმყოფებისთვის კომპიუტერული ტომოგრაფიის დაფინანსებას, ანდა თანადაფინანსებას დედოფლისწყაროს ადგილობრივი ბიუჯეტი მოახდენს. ამის შესახებ საკითხი დედოფლისწყაროს საკრებულოს წევრებმა წლის ბოლო სხდომაზე დააყენეს.
როგორც საკრებულოს თავმჯდომარე ლევან ბაღაშვილი განმარტავს, გადაუდებელი ოპერაციების დროს ხშირი იყო შემთხვევები, როცა სტაციონარულ მკურნალობას ადგილობრივი ბიუჯეტი აფინანსებდა, თუმცა წინასწარი კომპიუტერული ტომოგრაფიის ჩატარებას პაციენტი უსახსრობის გამო ვერ ახერხებდა. ამდენად, დადგა აუცილებლობა, რომ მუნიციპალიტეტის საკრებულოში შექმნილმა კომისიამ ამ შემთხვევების დროს პაციენტის სრული, ანდა თანადაფინანსების საკითხებზეც იმსჯელოს.
„მიმდინარე წელს მსგავს ვითარებაში ხშირად აღმოვჩნდით და უხერხულობას წავაწყდით, ამიერიდან კი გვინდა ეს საკითხიოც დარეგულირდეს. აქამდე, დედოფლისწყაროს ბიუჯეტში სტაციონარული მკურნალობისთვის 113 800 ლარი იყო გათვალისწინებული, მომავალ წელს კი ამ თანხას კიდევ 33 208 ლარი დაემატება,“ – აცხადებს ლევან ბაღაშვილი.
დეპუტატებმა წარმოდგენილ საკითხს მხარი ამ შემთხვევაშიც დაუჭირეს. სასიამოვნო სიახლე 2012 წლიდან ამოქმედდება. /ქიზიყი/

გიორგი მარტყოფლიშვილი – ევრაზიის ჩემპიონატის პრიზიორი

11 დეკემბერს თბილისში ევრაზიის საერთაშორისო ტურნირი ხრიდოლში, M-1 ბრძოლა წესების გარეშე გაიმართა. შეჯიბრი ტარდება საქართველოს ხრიდოლის ფედერაციის და მისი პრეზიდენტის ნუკრი მჭედლიშვილის ორგანიზებით. როგორც „ქიზიყს“ დედოფლისწყაროს საბრძოლო ხელოვნებების ფედერაციიდან აცნობეს, ამ მასშტაბის ტურნირზე დედოფლისწყაროელი სპორტსმენი პირველად იღებდა მონაწილეობას. ფედერაციის მწვრთნელის, გიორგი ცისკარაულის განმარტებით, დედოფლისწყაროდან ასეთი წესებით, ამ დრომდე არავის უჩხუბია.

ფედერაციის სპორტსმენი გიორგი მარტყოფლიშვილი 22 კილოგრამ წონით კატეგორიაში ბრძოლა წესების გარეშე ასპარეზობდა და საბოლოო ჯამში ევრაზიის ჩემპიონატის პრიზიორი გახდა. პირველი ბრძოლა მას აზერბაიჯანის წარმომადგენელთან მოუწია რომელიც ქულებით დაამარცხა, ხოლო მეორე მოწინააღმდეგე ხრიდოლის ფედერაციის წარმომადგენელს შეხვდა და 1 წუთში აშკარა უპირატესობით ტექნიკური ნოკაუტით დაამარცხა, ხოლო მესამე ბრძოლა ნახევარ ფინალში ხელჩართული ბრძოლების ფედერაციის წარმომადგენელს შეხვდა და ერთ ქულიანი სხვაობით დამარცხდა.
„გიორგი მარტყოფლიშვილი ჯერ მხოლოდ 8 წლისაა და საკმაო მიღწევები აქვს. არის კახეთის ჩემპიონატის პრიზიორი,საქართველოს ჩემპიონატის პრიზიორი კუნგ-ფუ-ში. ეს შეჯიბრი იმითაა მნიშვნელოვანი რომ ამ წესებით ჩხუბი უცხოა ჩვენთვის. ორთაბრძოლები ტარდება ტატამზე და ჭიდაობის ილეთებიცდასაშვებია. ამჯერად ევრაზიის ჩემპიონატი ჩატარდა, ხრიდოლში (ბრძოლა წესების გარეშე) ვერსიით. ჩემპიონატი იმით იყო გამორჩეული რომ კიკ-ბოქსინგის, კრივის, ჭიდაობის და სანდის ილეთების გამოყენებით საჭიდაო ტატამზე მიმდინარეობდა რაც ჩვენი სპორცმენისთვის ნამდვილად უცხო იყო. დედოფლისწყაროს #1-საჯარო სკოლის მოსწავლე გიორგი მარტყოფლიშვილი საკმაოდ კარგად იყო მომზადებული ტექნიკურად, ფიზიკურად და ფსიქოლოგიურადაც. საბოლოო ჯამში გიორგის გამოსვლა საკმაოდ ეფექტური და მოულოდნელი იყო, მესამე ადგილი ამხელა მასშტაბის ტურნირზე პატარა შედეგი ნამდვილად არაა, დედოფლისწყაროდან ამ წესებით შეჯიბრება არავის ჩაუტარებია,“ – განუცხადა გაზეთ „ქიზიყს“გიორგი ცისკარაულმა.
საერთაშორისო ჩემპიონატზე ასევე მონაწილეობას იღებენ რუსეთის ფედერაციის, ჩეჩნეთის ავტონომიური რესპუბლიკის სპორტსმენბი, ასევე: ირანის, აზერბაიჯანის, თურქეთის და სომხეთის M-1–ს ფედერაციები, საქართველოს ხელჩართული ბრძოლების ფედერაცია, ხრიდოლისფედერაცია, საქართველოს კუნგ-ფუს, სანდის ფედერაციები. /ქიზიყი/ ილია მარტყოფლიშვილი

დედოფლისწყაროში 9-10 მილიონი წლით დათარიღებული ნამარხი აღმოაჩინეს

დედოფლისწყაროში, დალის ხეობაში პალეონტოლოგებმა 9-10 მილიონი წლით დათარიღებულ ცხოველთა ეშვებს მიაკვლიეს. ნამარხში სავარაუდოდ მასტოდონტის მთლიანი ჩონჩხია შემონახული. ნაშთებს შესასწავლად ეროვნულ მუზეუმში გადაიტანენ.
„ საინტერესოა, რომ ძალიან ბევრი ეპოქაა მცირე ტერიტორიაზე აღმოჩენილი და დაფიქსირებული. შეგვიძლია ვთქვათ, რომ მუზეუმმა მიიღო ახალი, საინტერესო ექსპონატები, ხოლო მსოფლიო მეცნიერებამ მიიღო ახალი ინფორმაცია,“ - განაცხადა საქართველოს ეროვნული მუზეუმის გენერალურმა დირექტორმა დავით ლორთქიფანიძემ.
საქართველოს მეცნიერებათა ეროვნული აკადემიის წევრის აბესალომ ვეკუას თქმით, ყველაზე მეტად ყურადღებას მასტოდონტი იქცევს, რომელიც დღევანდელი სპილოს უშუალო წინაპარია.
ხორთუმიანის უძველესი სახეობის გარდა, გათხრების ადგილას იმ პერიოდის ფაუნის სხვა წარმომადგენლების ნარჩენებიც არის ნაპოვნი. მათ შორისაა შველისა და კუს წინაპრებიც. აღმოჩენილი ნარჩენები ადვილად იშლება, მათ ქანთან ერთად ამოიღებენ, შეფუთავენ და მეცნიერული შესწავლისთვის საქართველოს ეროვნულ მუზეუმში გადაიტანენ, სადაც რესტავრაციას ჩაუტარებენ. ამის შემდეგ გახდება შესაძლებელი დეტალებისა და იმის დადგენა, თუ რა გარემო პირობებში უხდებოდათ პრეისტორიულ ცხოველებს არსებობა. ვიდეო>>

სოფელ ჭოეთში ბოშების ნაწილს პირადობის მოწმობები არ აქვს

დედოფლისწყაროს მუნიციპალიტეტის სოფელ ჭოეთში, (ყოფილი ლენინოვკა) სადაც ბოშების რამდენიმე ოჯახი ცხოვრობს ზოგიერთ მათგანს პირადობისა და დაბადების დამადასტურებელი მოწმობები დღემდე არ აქვს - ამის შესახებ რადიო "ჰერეთს" თავად ბოშებმა განუცხადეს.

მათი თქმით, პრობლემა ძირითადად ახალმოსახლეებს აქვთ. სოფელ ჭოეთის ტერიტორიული ორგანოს რწმუნებული კი ამტკიცებს, რომ ბოშებს პირადობის მოწმობები მუნიციპალიტეტის ჩარევით უკვე გადაეცათ. ზაქრო ბატიაშვილის განმარტებით, იმ შემთხვევაში თუ ვინმეს პირადობის ან დაბადების მოწმობა ამ დრომდე არ აქვს, ის მათ პირადად დაეხმარება.პრობლემა დედოფლისწყაროს რაიონის სოფელ ჭოეთში გასულ წელსაც იყო, თუმცა იუსტიციის სამინისტრომ იქ მცხოვრებ ბოშების ნაწილს დაბადების მოწმობები მიმდინრე წლის გაზაფხულზე გადასცა. /ჰერეთი/ კახა კუპატაძე
აუდიო>>

მწერალთა ასოციაციის წევრი რესურსცენტრში არაპროფესიონალების მოსვლას დაუშვებლად მიიჩნევს

დედოფლისწყაროს მწერალთა ასოციაციის წევრი, სოფელ სამრეკლოს კოლორიტი, პოეტი თამაზ წიკლაური განათლების სფეროში არაპროფესიონალების მოსვლას დაუშვებლად მიიჩნევს და აღნიშნავს, რომ დედოფლისწყაროს საგანმანათლებლო რესურსცენტრის უფროსად ლევან ჯამალაშვილის კანდიდატურის დამტკიცებამ, შესაძლოა, დედოფლისწყაროში განათლების სისტემა თავდაყირა დააყენოს. პოეტი ახლახან განხორციელებულ საკადრო ცვლილებას აპროტესტებს.

„თუ ადამიანი მოწოდებით პედაგოგი არ გახლავთ, ისე ამ სფეროს ვერ გაუძღვება და რესურსცენტრის ხელმძღვანლად არ გამოდგება. ზოგიერთი პედაგოგიც კი არ აკმაყოფილებს მოთხოვნას და მით უფრო – ლევან ჯამალაშვილი ამ თანამდებობაზე რა დასანიშნი იყო? ასეთი რამ დაუშვებელია და არ უნდა ხდებოდეს. საერთოდაც, ბევრი არაპროფესიონალი ზის დღეს სკამზე. კანდიდატურის შერჩევა სხვაგვარად უნდა მომხდარიყო, რადგან საქმე განათლებას და მომავალი თაობის აღზრდას ეხება. კაცს როცა ბავშვებთან 1 დღეც არ უმუშავია, არც განათლება აქვს, არც არანაირი პრაქტიკა გააჩნია და არც პედაგოგის სპეციფიკას იცნობს, ასეთი ადამიანი განათლებას საით წაიყვანს ბუნდოვანია. თუმცა, მაშინ, როცა ალექსანდრე ლომაია დანიშნეს განათლების მინისტრად, რარაზე უნდა იყოს საუბარი... გასაკვირიც აღარაფერია“... – აღნიშნავს პოეტი.

დედოფლისწყაროს მუნიციპალიტეტის საკრებულოს საფინანსო-საბიუჯეტო და ეკონომიკურ საკითხთა კომისიის თავმჯდომარე ლევან ჯამალაშვილი მიმდინარე წლის 14 ნოემბრიდან დედოფლისწყაროს საგანმანათლებლო რესურსცენტრის უფროსის მოვალეობის შემსრულებლად დაინიშნა. ახალმა კანდიდატურამ უკმაყოფილება დედოფლისწყაროს თითქმის ყველა სფეროს წარმომადგენლებში გამოიწვია. პროტესტს გამოხატავენ როგორც მოქმედი, ისე ყოფილი პედაგოგებიც.

შეგახსენებთ, მანამდე დედოფლისწყაროს საგანმანათლებლო რესურსცენტრის ორივე ხელმძღვანელი მაღალკვალიფიციური პედაგოგი გახლდათ. გავრცელებული ინფორმაციით, რამდენიმე კვირის წინ მარინე მეხრიშვილს რესურსცენტრის უფროსის თანამდებობის დატოვება აიძულეს. /ქიზიყი/

კუკავას პარტიის მტკიცებით, დედოფლისწყაროში მიწების უცხოელ ინვესტორებზე მიყიდვა მიმდინარეობს

„თავისუფალი საქართველოს“ დედოფლისწყაროს ორგანიზაციის ხელმძღვანელის თამილა გურაშვილის თქმით, დედოფლისწყაროს მუნიციპალიტეტში უცხოელ ინვესტორებზე სასოფლო-სამეურნეო მიწების მიყიდვა მიმდინარეობს. ვაჩნაძის ქუჩის მაცხოვრებლები აღნიშნავენ, რომ 15 წელია ამუშავებენ საუბნო მიწას, რომელიც მდებარეობს შირაქში ნაზარლების ტერიტორიაზე. ამჟამად 19 ოჯახიდან უმეტესობა მძიმე სოციალურ-ეკონომიკური მდგომარეობის გამო ვერ ახერხებს მიწების პრივატიზებას და რჩებიან საარსებო ლუკმის გარეშე.

როგორც ვაჩნაძის ქუჩის მცხოვრებნი ამბობენ, მიწის დასაკანონებლად იმდენად დიდი თანხაა საჭირო, რომ ისინი ვერ შეძლებენ პრივატიზებას. არსებობს ეჭვი, რომ ხელისუფლებას სურს ამ მიწების ხელში ჩაგდება და უცხოელებზე გაყიდვა, ისე როგორც ეს აქამდე ხდებოდა.

,,სოფელ ზემო ქედის, არხილოსკალოს მოსახლეობას ეკონომიკის სამინისტრომ გაუყიდა 3050 ჰექტარი მიწა, სოფელ სამთაწყაროს მოსახლეობა დღემდე აპროტესტებს 1050 ჰექტარი სახნავ-სათესი მიწების გაყიდვას, თუმცა, უშედეგოდ. ქიზიყელი ხალხი ოდითგანვე მიწების დამუშავებით ირჩენდნენ თავს, ახლა მათ ეს საშუალება მთავრობამ წაართვა და დატოვა უსახსროდ. დედოფლისწყაროს მუნიციპალიტეტის მიწების სოლიდურ ნაწილს უცხოელი ინვესტორები ფლობენ" - აცხადებს გურაშვილი.. "თავისუფალი საქართველოს“ დედოფლისწყაროს ორგანიზაცია აპროტესტებს აღნიშნულ უკანონობას და მოითხოვს, გლეხებს უსასყიდლოდ დაუბრუნონ მიწები, რათა მათ მოახერხონ მიწების დამუშავება და შესაბამისად ოჯახის გამოკვება. /ქიზიყი/

ბიძინა ივანიშვილი: - "თამაზ თამაზაშვილი მძევლად აიყვანეს"

ბიძინა ივანიშვილის განცხადებით, ხელისუფლებას მისი მრჩევლისა და თანაშემწის ირაკლი ღარიბაშვილის სიმამრი, კახეთის პოლიციის ყოფილი უფროსი თამაზ თამაზაშვილი მძევლად ჰყავს აყვანილი.

ზეწოლის ფაქტებზე ბიძინა ივანიშვილს კითხვა კახეთის საინფორმაციო ცენტრის ჟურნალისტმა გელა მთივლიშვილმა პრესკონფერენციაზე დაუსვა: კახეთის პოლიციის ყოფილი უფროსის თამაზ თამაზაშვილის დაკავებასთან დაკავშირებით, თქვენ განაცხადეთ, რომ ის თქვენი უახლოესი მრჩევლის ირაკლი ღარიბაშვილის სიმამრია და მას ავტომატი ჩაუდეს, როგორც ამ ხელისუფლებას სჩვევია. ასევე, სამსახურიდან გაათავისუფლეს ირაკლი ღარიბაშვილის მამა ტარიელ ღარიბაშვილი. ამასთან, საეჭვო ვითარებაში დაიწვა თამაზ თამაზაშვილის საცხოვრებელი სახლი სოფელ ლენინოვკაში; ახმეტაში, თქვენი მხარდამჭერი განცხადების გავრცელების გამო იჯარით აღებული კომერციული ფართიდან გააძევეს ზაქარია ქინქლაძე, რომელიც ადგილობრივი საკრებულოს წევრია, ხოლო მისი შვილი ლევან ქინქლაძე სამსახურიდან დაითხოვეს. როგორ აპირებთ ამ ადამიანების დაცვას? ან აქამდე რა გააკეთეთ?
„მე ირაკლის შვილსაც ვეძახი ხშირად. თამაზ თამაზაშვილი მძევლად აიყვანეს. ორი დაჭერა მოხდა იმ დღეს. ახალგაზრდებს ნარკოტიკს უდებენ, უფროსებს იარაღს. რაც ხდება კარგად იცით. ამ ეტაპზე ადვოკატებით ვეხმარებით. ძალიან მძიმედ ჩადის ეს ინფორმაციები ევროპასა და დასავლეთში. ახალ წლამდე უნდა მოხერხდეს გააქტიურება ხულიგნობაზე და იმ აღვირახსნილობაზე, რასაც ესენი ახორციელებენ. უნდა გაიზარდოს გაძალიანება, რომ შიში გადავლახოთ. აქტივისტების რაოდენობაც უნდა გავზარდოთ. პროცესია ძალიან რთული. ძალადობაზე ესენი უარს არ იტყვიან, მაგრამ ჩვენ უნდა შევაჩეროთ. არჩევნებამდე უნდა მივიდეთ. ყველას ვერ დაიჭერენ“, - განაცხადა ბიძინა ივანიშვილმა.

პოლიტიკაში მოსულმა ბიზნესმენმა კახეთის საინფორმაციო ცენტრის მეორე კითხვასაც უპასუხა. რა არის ქველმოქმედების კრიტერიუმი, რატომ ეხმარებით იმ ადამიანებს, მაგალითად ნინო ანანიაშვილს, ბუბა კიკაბიძეს და სხვებს, რომლებიც ფინანსურად ისედაც უზრუნველყოფილები არიან? იკითხა ჟურნალისტმა.
„არავისთვის ხელები არ ამოგვიგრეხია. ისინი თავად წერდნენ განცხადებებს, რომ დახმარება მიეღოთ. ჩვენ მათ დახმარებას დამსახურების მიხედვით ვაძლევდით. ყველანი არ არიან მატერიალურად უზრუნველყოფილები, გარწმუნებთ, რომ ერთეულები არიან. გარდა ამისა, ჩვენ ვერ გავარკვევდით, ვინ იყო შეძლებული და ვის უჭირდა. ვინც წერდა განცხადებას და ჰქონდა დამსახურება, ვაძლევდით“, - განაცხადა ივანიშვილმა.

მისივე თქმით, სიები, სადაც იმ ადამიანების ვინაობაა მოცემული, რომლებიც „ქართუდან“ დახმარებას იღებენ, პრესაში გამოქვეყნებამდე წინა დღეს ეროვნულმა ბანკმა გაითხოვა. „მეორე დღეს მოხვდა ერთ-ერთ გაზეთში, როგორც ყოველთვის“, - აღნიშნა ივანიშვილმა. მანვე განაცხადა, რომ ვერასდროს წარმოიდგენდა ამ თემაზე საუბარი თუ მოუწევდა, მაგრამ რადგან პოლიტიკაში მოსვლა გადაწყვიტა, ეს უხერხულობა უკვე დაძლია./ICK/

წყალმომარაგების კომპანიის დედოფლისწყაროს სერვის-ცენტრის მენეჯერად ნაცმოძრაობის აქტივისტი დაინიშნა

გაერთიანებული წყალმომარაგების კომპანიის დედოფლისწყაროს სერვის-ცენტრის მენეჯერად, ნაციონალური მოძრაობის ადგილობრივი ორგანიზაციის ახალგაზრდული ფრთის ხელმძღვანელი ლევან მჭედლიშვილი დაინიშნა. მჭედლიშვილი დედოფლისწყაროს მუნიციპალიტეტის საკრებულოს დეპუტატიცაა. დედოფლისწყაროს სერვის-ცენტრის ყოფილმა მენეჯერმა გია ბენაშვილმა თანამდებობა ოფიციალურად პირადი განცხადების საფუძველზე დატოვა. "ქიზიყი" ჯერ კიდევ რამდენიმე დღის წინ პროგნოზირებდა, რომ ვაკანტურ ადგილს სწორედ მჭედლიშვილი დაიკავებდა. მან დედაქალაქში სპეციალური ტრენინგები უკვე გაიარა და 14 ნოემბრიდან დაკისრებული მოვალეობის შესრულებას შეუდგა. /ქიზიყი/

საჯარო სამსახურებში ატესტაციას ყოველწლიური "შეფასება" შეცვლის

საჯარო სამსახურებში ატესტაციას "შეფასება" შეცვლის, რომელიც წელიწადში ერთხელ ჩატარდება.
ატესტაციის გაუქმებას და მის მაგივრად შეფასების სისტემის დამკვიდრებას "საჯარო სამსახურის შესახებ" კანონში ცვლილებების პროექტი ითვალისწინებს. მოხელეთა შეფასება წელიწადში არანაკლებ ერთხელ უნდა განხორციელდეს.
კანონპროექტის მიხედვით, დაწესებულების ხელმძღვანელი ვალდებული იქნება, საკუთარ უწყებაში შეფასების ეფექტური სისტემა დანერგოს, რომელიც საჯარო მოსამსახურის პროფესიული ჩვევების, კვალიფიკაციის, შესაძლებლობებისა და დაკავებული თანამდებობისადმი წაყენებულ მოთხოვნებთან შესაბამისობის შეფასების საშუალებას უნდა იძლეოდეს.
ამასთან, დგინდება, რომ საჯარო სამსახურში მოხელეთა შეფასება უნდა განხორციელდეს არანაკლებ წელიწადში ერთხელ. ასევე, საჯარო მოსამსახურე და მისი უშუალო უფროსი, არანაკლებ წელიწადში ერთხელ, უნდა შეთანხმდნენ სამუშაოს პრიორიტეტულ მიმართულებებზე, შესრულების ვადებზე, ანგარიშის ჩაბარების ვადებსა და ფორმებზე, შეფასების კრიტერიუმებზე და სხვა მნიშვნელოვან საკითხებზე.
რაც შეეხება მოქმედ ნორმას - ატსეტაციას, ატესტაცია საჯარო მოსამსახურეებს მხოლოდ სამ წელიწადში ერთხელ უნდა გაევლოთ.
შეგახსენებთ, რომ აქამდე მოქმედი ნორმით, ატესტაციის ვალდებულება საჯარო მოსამსახურეებს მხოლოდ სამ წელიწადში ერთხელ აქვთ. ამასთან, ატესტაციას ექვემდებარებოდნენ მხოლოდ მოხელეები, შეფასებას კი ყველა საჯარო მოსამსახურე დაექვემდებარება. კანონპროექტის ავტორები და ინიციატორები უმრავლესობის წევრები ზვიად კუკავა და ანდრო ალავიძე არიან. პროექტის განხილვა პარლამენტს ჯერ არ დაუწყია. /ქიზიყი/

"...რწმუნებულმა ტრაქტორი მიითვისა, ჩემიაო" – რეპორტაჟი ჯაფარიძიდან

დედოფლისწყაროს მუნიციპალიტეტის სოფელ ჯაფარიძეში გლეხებისთვის გამოყოფილი ტრაქტორით სოფლის რწმუნებული სარგებლობს – ამის შესახებ რადიო „ჰერეთს“ ადგილობრივებმა განუცხადეს.

რას პასუხობს ბრალდებებზე თავად რწმუნებული და პრობლემები, რომელიც ჯაფარიძის მოსახლეობას ყოველდღიურად აწუხებს.

ჟურნალისტმა კახა კუპატაძემ ერთი სამუშაო დღე სოფელ ჯაფარიძეში გაატარა და რეპორტაჟი მოამზადა.

დედოფლისწყაროს რაიონის სოფელი ჯაფარიძე რაიონული ცენტრიდან 5 კილომეტრში მდებარეობს. პრობლემა, რომლის წინაშეც ადგილობრივები აღმოჩნდნენ, სოფლისთვის გამოყოფილ ტრაქტორს ეხება. რადიო "ჰერეთთან" ჯაფარიძეში მცხოვრებნი ამბობენ, რომ მათთვის გამოყოფილი ტრაქტორით მხოლოდ რაიონის ხელმძღვანელობა, კერძოდ სოფლის რწმუნებული სარგებლობს, ჩვეულებრივ გლეხს კი მიწა დაუმუშავებელი რჩება. ისინი სოფლის წრმუნებულს უყურადღებობაშიც ადანაშაულებენ.

გარდა იმისა, რომ მოსახლეობას სოფლისთვის გამოყოფილი ტრაქტორით სარგებლობის საშუალება არ აქვს, ისინი არაინფორმირებული არიან სოფლის მხარდაჭერის პროგრამაზე. როგორც ადგილზე გაირკვა, არ შემდგარა სოფლის კრება, სადაც პრიორიტეტების დასახელება უნდა მომხდარიყო. მათ არც ის იციან წელს სოფლისთვის რამდენია გამოყოფილი და ამ თანხით რა სამუშაოების განხორციელება დაიგეგმა.

სოფელ ჯაფარიძეში სხვა პრობლემებზეც საუბრობენ, რომელიც მათი თქმით, სერიოზულ გავლენას ახდენს სოფლის მეურნეობაზე. ჯაფარიძის ერთ-ერთი მკვიდრი თენგიზ გომელაური ირწმუნება, რომ საწვავის მაღალი ფასის გამო ბევრმა ოჯახმა მიწის დამუშავებაზე უარი უკვე თქვა.

ჯაფარიძეში ზამთრისთვის სათბობი მასალის სიძვირეზეც ჩივიან. მათი თქმით, სოფელს ტყე არ აქვს, ამიტომ შეშის ყიდვა უწევთ, რომელიც ერთი სეზონის განმავლობაში 500 ლარზე მეტი ღირს. მოსახლეობის დიდი ნაწილი კი მის ყიდვას ვერ ახერხებს.

სოფელ ჯაფარიძის მაცხოვრებლების ზემოთ აღნიშნულ ბრალდებებს დედოფლისწყაროს მუნიციპალიტეტის გამგეობის ტერიტორიული ორგანოს რწმუნებული ვლადიმერ ჭუჭულაშვილი გამოეხმაურა და ბრალდებები კატეგორიულად უარყო.
რადიო "ჰერეთს" სოფელ ჯაფარიძეში უთხრეს, რომ იმ შემთხვევაში, თუ საწვავის ფასმა არ დაიკლო და ხელისუფლება სოფლის მხარდაჭერის მიმართულებით აქტიურ ღონისძიებებს არ გაატარებს, მომავალი წლიდან რაიონში მიწები მასიურად დასამუშავებელი დარჩება.

რაც შეეხება ტრაქტორებს, როგორც ადგილზე ირწმუნებიან, იმ შემთხვევაში თუ მათ ტექნიკით სარგებლობის საშუალებას არ მისცემენ, პრეზიდენტის სახელზე ხელმოწერებს შეაგროვებენ და რაიონის პირველი პირების დასჯას მოითხოვენ.

კახა კუპატაძის აუდიო-რეპორტაჟი სოფელ ჯაფარიძიდან>>

საკრებულომ ახალშობილთა და სტაციონარული მკურნალობის დაფინანსება გაზარდა

დედოფლისწყაროს მუნიციპალიტეტის საკრებულოს სხდომაზე დეპუტატებმა ახალშობილთა ერთჯერადი დახმარებებისა და სტაციონარული მკურნალობისთვის გათვალისწინებული თანხების გაზრდის საკითხს კენჭი უყარეს. როგორც ინტერნეტ–გაზეთ „ქიზიყს“ მუნიციპალიტეტის საკრებულოში განუცხადეს, მიმდინარე წელს დედოფლისწყაროს ბიუჯეტში, სოციალური დახმარების პროგრამაში ცვლილება შევიდა. შესაბამის ცვლილებას დეპუტატების უმრავლესობამ მხარი დაუჭირა.
„ქიზიყის“ ინფორმაციით, ახალშობილთა ერთჯერადი დახმარების თანხებს 10 000 ლარი დაემატება, ხოლო სტაციონარული მკურნალობისთვის განკუთვნილი თანხა ამჯერად 17 500 ლარით გაიზრდება. დედოფლისწყაროს მუნიციპალიტეტის ტერიტორიაზე დაბადებული ყოველი ახალშობილი ერთჯერადი დახმარების სახით 300 ლარს იღებს. უნდა აღინიშნოს, რომ მუნიციპალიტეტის მხრიდან ამ წამახალისებელი აქციის შემდეგ, ბოლო დროს, თანხების გაზრდის პარალელურად დედოფლისწყაროში შობადობის მაჩვენებელიც გაუმჯობესდა. /ქიზიყი/ ილია მარტყოფლიშვილი ; ნიუსლაინი>>

მესერის მოწყობა 70 ათასი ლარი დაჯდა

ქალაქ დედოფლისწყაროს ცენტრალურ მაგისტრალზე, რუსთაველის ქუჩაზე უკვე მერამდენე თვეა მესერის რეაბილიტაცია მიმდინარეობს. როგორც "ქიზიყმა" გაარკვია, კეთილმოწყობის სამუშაოებს წნორში რეგისტრირებული შპს "ბაკა+" ახორციელებს. კომპანია ტენდერის შედეგად გამოვლინდა, სარეაბილიტაციო სამუშაოები კი უახლოეს მომავალში უნდა დასრულდეს. როგორც კომპანიის წარმომადგენლებმა განაცხადეს, სამუშაოებზე დასაქმებული მუშა–ხელიც სწორედ წნორის მაცხოვრებლები არიან. გაგრძელდა ქალაქის ცენტრში მდებარე ღვთისმშობლის მიძინების ეკლესიის გალავნის დეკორაციები, აქვე, ეპარქია თავისი სახსრებით საეკლესიო მაღაზიის მშენებლობასაც გეგმავს. როგორც დედოფლისწყაროს მუნიციპალიტეტის თვითმმართველობაში განმარტავენ, მესერის სამშენებლო სამუშაოებისთვის ადგილობრივი ბიუჯეტიდან 70 000 ლარი გამოიყო. როგორც ცნობილია, მესერის სარეაბილიტაციო სამუშაოების დაწყებას მიმდებარე ტერიტორიის მფლობელთა ნაწილი აპროტესტებს და მიიჩნევს, რომ მომავალში უზარმაზარმა მესერმა შესაძლოა მათი, როგორც მესაკუთრის უფლებები დაარღვიოს და მიწის ფართობი, რომელიც ყოფილი სამხედრო ნაწილის ტერიტორიაზე მდებარეობს, თავისუფლად და ნაყოფიერად ვეღარ გამოიყენონ. /ქიზიყი/

ჟურნალისტი ილია მარტყოფლიშვილი გაზეთ „ვერსიაში“ დაბრუნდა

ჟურნალისტი ილია მარტყოფლიშვილი ამიერიდან კვლავაც თბილისში გამომავალ გაზეთ „ვერსიაში“ გააგრძელებს მუშაობას. როგორც ცნობილია, მარტყოფლიშვილი ამ გამოცემაში 2007–2010 წლებშიც მუშაობდა. როგორც მარტყოფლიშვილმა „ქიზიყს“ განუცხადა, ამ ეტაპზე მისთვის უცნობია, მოუწევს თუ არა დედოფლისწყაროში მოქმედი ინტერნეტ–გაზეთ „ქიზიყის“ დატოვება, თუმცა დასძენს, რომ დღეიდან ამ გაზეთში უკვე დაბრუნდა:

„შესაბამისი შეთანხმება ჩემსა და გაზეთის ხელმძღვანელობას შორის უკვე შედგა. გაზეთ „ვერსიის“ 28 სექტემბრის ნომერში ჩემი სტატია უკვე დაიბეჭდა. ვეცდები ამ გამოცემათან აქტიური თანამშრომლობა გავაგრძელო. დიდი პატივისცემა მაკავშირებს ამ გუნდთან, გაზეთის რეიტინგიც ჩემთვის იმედისმომცემია, ამიტომაც სიამოვნებით გავაგრძელებ მათთან თანამშრომლობას. ამ ეტაპზე არ მაქვს გადაწყვეტილი, როგორი იქნება ჩემი გეგმები ინტერნეტ–გაზეთ „ქიზიყთან“ დაკავშირებით... დაზუსტებით ჯერ ნამდვილად ვერაფერს ვიტყვი... ამას მკითხველი ალბთ, მალე დაინახავს... ის, რომ დედოფლისწყაროში დამოუკიდებელმა მედიაგამოცემამ აუცილებლად უნდა იმუშაოს – ეს უდავოა, მაგრამ ამ მიმართულებით ჩემს გეგმებზე ვერაფერს ვიტყვი. არ არის გამორიცხული, "ქიზიყის" დატოვება მართლაც მომიხდეს. ყველაფერს დრო გვიჩვენებს, “ – აცხადებს ჟურნალისტი ილია მარტყოფლიშვილი.
გაზეთი „ვერსია“ კვირაში სამჯერ: ყოველ ორშაბათს, ოთხშაბათსა და პარასკევს გამოიცემა. მკითხველს შეუძლია გაეცნოს ასევე მის ოფიციალურ ვებ გვერდს www.versia.ge /ქიზიყი/ ირაკლი კანდელაკი

სოფელ გამარჯვებაში თიხის მოპოვების ლიცენზია აუქციონზე გაიყიდა

ბუნებრივი რესურსების სააგენტომ სასარგებლო წიაღისეულის მოპოვების ლიცენზიის გაცემის მიზნით აუქციონი ჩაატარა. „ქიზიყის“ ინფორმაციით, დედოფლისწყაროს მუნიციპალიტეტში, სოფელ გამარჯვების ტერიტორიაზე ლიცენზია სახელწოდებით: „გამარჯვების“ თიხის გამოვლინება - ფიზიკურმა პირმა არჩილ ოჩიგავამ 11 ათას ლარად შეიძინა. დასახელებული ლოტის საწყისი ფასი - 10 ათასი ლარი იყო.

როგორც „ქიზიყს“ საქართველოს ენერგეტიკისა და ბუნებრივი რესურსების სამინისტროს პრეს–სამსახურიდან აცნობეს, საქართველოს ენერგეტიკისა და ბუნებრივი რესურსების სამინისტროს სსიპ „ბუნებრივი რესურსების სააგენტომ“ 9 სექტემბერს გამართულ აუქციონზე სასარგებლო წიაღისეულის მოპოვების 11 ლიცენზია გაყიდა, აქედან აუქციონზე კახეთის რეგიონიდან სულ ორი ლიცენზია გასხვისდა, დედოფლისწყაროსა და საგარეჯოს მუნიციპალიტეტებში.

რამდენიმე თვის წინ, საქართველოს ეკონომიკისა და მდგრადი განვითარების სამინისტრომ სასარგებლო წიაღისეულის მოპოვების ლიცენზიის გაცემის მიზნით აუქციონი ჩაატარა, სადაც გასაყიდად გამოტანილი იყო, დედოფლისწყაროში მისისქვეშა მტკნარი წყალიც.
დედოფლისწყაროს მიმდებარე ტერიტორიაზე მიწისქვეშა მტკნარი წყალი სამეწარმეო დანიშნულებით ფიზიკურმა პირმა ზაზა კედელაშვილმა შეიძინა.

ლოტის გასაყიდი ფასი 17 ლარი გახლდათ. ზაზა კედელაშვილი ცნობილი სპორტსმენია, ის დედოფლისწყაროს რაიონის სოფელ ზემო ქედის მკვიდრია. რა მიზნით გამოიყენებს ის ამ წიაღისეულს, ამ ეტაპზე არ კონკრეტდება. /ქიზიყი/ ილია მარტყოფლიშვილი

სოდ-მა პარლამენტარ ავთანდილ ლეკაშვილის დისშვილი დააკავა

EXCLUSIVE - სპეციალური ოპერატიული დეპარტამენტის (სოდ) თანამშრომლებმა ქალაქ დედოფლისწყაროში, 9 აპრილის ქუჩაზე მცხოვრები 1981 წელს დაბადებული მიხეილ ტყაბლაძე დააკავეს. გავრცელებული ინფორმაციით, სამართალდამცველებმა ის ნარკოტიკების შენახვის ბრალდებით იმ დროს აიყვანეს, როცა საზღვარგარეთიდან ბრუნდებოდა.

იგივე ბრალდებით, ნარკოტიკული ნივთიერება "მარიხუანას" შენახვის ფაქტზე ასევე დაკავებულია ტყაბლაძის ცოლისძმა, დედოფლისწყაროში მცხოვრები 1989 წელს დაბადებული იოსებ ხაჩიაშვილი.

ტყაბლაძე დედოფლისწყაროს მაჟორიტარი დეპუტატის, პარლამენტარ ავთანდილ ლეკაშვილის დისშვილია. ის ბოლო რამდენიმე წელია, მეუღლესა და შვილთან ერთად, ამერიკის შეერთებულ შტატებში ცხოვრობს და რამდენიმე ხნით დედოფლისწყაროში მშობლებთან იყო ჩამოსული. ვაჭრობის მიზნით, ის ბოლო დროს, თურქეთსა და აზერბაიჯანშიც იმყოფებოდა.

პარლამენტარი ავთანდილ ლეკაშვილი მომხდართან დაკავშირებით კომენტარს არ აკეთებს და ვერსიებზე საუბარი უჭირს: ,,რაზე დააკავეს არ ვიცი!.. საქმის კურსში არ ვარ!... არაფერი ვიცი..." - აღნიშნა დეპუტატმა.

მეზობლები ტყაბლაძეს დადებითად ახასიათებენ და აცხადებენ, რომ მათთვის დაკავებულის ნარკოტიკებთან კავშირი სრულიად წარმოუდგენელი და მოულოდნელი იყო. მას ძალზე კეთილსინდისიერ და მშრომელ ადამიანად მოიხსენიებენ. მოსახლეობის ნაწილი ეჭვობს, რომ დაკავების მიზნით, პარლამენტარის დისშვილს ნარკოტიკები თავად ძალოვნებმა ჩაუდეს. გავრცელებული ხმების თანახმად, მომხდარი სპეციალურად დაგეგმილი სცენარით განვითარდა და არ არის გამორიცხული ტყაბლაძის დაკავება მისი პარლამენტარი ბიძის ფიგურის წინააღმდეგ მიმართული ქმედება იყოს.

"ქიზიყის" ინფორმაციით, დედოფლისწყაროს სასამართლო მიხეილ ტყაბლაძის საქმის განხილვას 2 აგვისტოს დაიწყებს. /ქიზიყი/

გ ა ნ მ ა რ ტ ე ბ ა

ინტერნეტ-გაზეთი "ქიზიყი", როგორც ასეთი, ცალკე შპს არ გახლავთ! ეს ფაქტი დედოფლისწყაროში ყველასთვის კარგადაა ცნობილი, თუმცა, რაკი ზოგიერთი ჟურნალისტის ცნობისმოყვარეობას საზღვარი აღარ აქვს, გვინდა კიდევ ერთხელ განვმარტოთ... "ქიზიყი" ერთ-ერთი დამოუკიდებელი საგამომცემლო სახლის შემადგენლობაში შედის და მის ერთ-ერთ რაიონულ დანამატს წარმოადგენს.

ვთვლით, რომ ინტერნეტ-გაზეთ "ქიზიყის" ცალკე შპს-დ გამოყოფა საფუძველს მოკლებულია, რადგანაც დედოფლისწყაროში (ამ ეტაპზე) სარეკლამო ბაზარი იმდენად მწირია, მისი შემოსავლები ხარჯსაც ვერ ფარავს. სწორედ ამიტომ, ის დღემდე რჩება სხვა მედია-ორგანიზაციის დანამატად.

ცნობისთვის, მედიასაშუალებების დიდი ნაწილი იმავე სახელწოდებით არ გახლავთ რეგისტრირებული, რითიც ის ინფორმაციებს აქვეყნებს... ასევეა "ქიზიყის" შემთხვევაშიც... ამიტომ, კახეთის საინფორმაციო ცენტრის მიერ გავრცელებული "ამბავი", რომ "ქიზიყი" გადამხდელად არ არის რეგისტრირებული, უადგილოა... ჩვენი პორტალი გადამხდელი თუნდაც იმ მარტივი მიზეზის გამო ვერ იქნება, რომ "ქიზიყს" არც სარეკლამო შემოსავლები აქვს, არც მუნიციპალიტეტების გამგეობიდან ფინანსდება და არც დონორების გრანტებზე ვზივართ.

ჩვენი თანამშრომლების სახელფასო ანაზღაურება იმავე გამომცემლობის სხვა გამოცემებში მუშაობის მიხედვით ხდება, ამიტომ, "ქიზიყს" არც საკუთარი შტატიანი თანამშრომლები ჰყავს და ისინი პარალელურად სხვა დამოუკიდებელ გაზეთებსა და სააგენტოებშიც არიან დასაქმებულნი.

სხვათაშორის, არც კახეთის საინფორმაციო ცენტრი გახლავთ ხელახლა დაფუძნებული და კარგად გვახსოვს, რომ ის შპს ცენტრი "იმედი"-ს სახელით ფუნქციონირებს. ანუ, ეს მედიასაშუალება ჩვენთვის მეტად პატივსაცემ კახეთის რეგიონულ გაზეთ "იმედის" ბაზაზე დაფუძნდა. (!) სხვა სახელწოდების ორგანიზაციას ეკუთვნის კახეთის რეგიონის კიდევ ერთი გაზეთი "სპექტრი" და ასეა უამრავ შემთხვევაში, რომელთა ჩამოთვლა შორს წაგვიყვანს. ამიტომ, ჩვენთვის გაუგებარია, რატომ გახდა ჩვენი კოლეგებისთვის ეს საკითხი ასე საინტერესო. მაშინ, როცა კახეთის საინფორმაციო ცენტრსაც არ გაუვლია ხელახალი რეგისტრაცია, უხერხულია სხვის რეგისტრაციებზე საუბარი.

სხვა მედიასაშუალებების ჟურნალისტებისგან განსხვავებით, რომლებიც დონორების მხრიდანაც უხვად ფინანსდებიან და მუნიციპალიტეტების ბიუჯეტიდანაც, "ქიზიყი"-ს ჟურნალისტებს ხშირად ენთუზიაზმზე და საკუთარი ხარჯებით უწევთ ინფორმაციის მოგროვება და გავრცელება. ეს კი მხოლოდ იმიტომ, რომ დედოფლისწყაროში ინფორმაცია არ შეიზღუდოს.

პატივისცემით, ინტერნეტ-გაზეთი "ქიზიყი".

ავთანდილ ლეკაშვილი სამთაწყარო-აზერბაიჯანის დამაკავშირებელი ხიდის გახსნას ითხოვს

დედოფლისწყაროს მაჟორიტარი დეპუტატი, პარლამენტარი ავთანდილ ლეკაშვილი ხელისუფლებას სამთაწყაროს ხიდის აღდგენა-რეაბილიტაციის თხოვნით მიმართავს. ამგვარი განცხადება დეპუტატმა დედოფლისწყაროში გამართულ პარლამენტის დიასპორისა და კავკასიის საკითხთა კომიტეტის გასვლით სხდომაზე გააკეთა, რომელზეც მოხსენებით კომიტეტის თავმჯდომარე ნუგზარ წიკლაური გამოვიდა. ლეკაშვილი მიიჩნევს, რომ ხიდის გახსნა რაც შეიძლება მალე უნდა მოხდეს, რათა ინგილოებს შორის ძირძველი ნათესაური კავშირები აღდგეს და მოსახლეობას ახლობლების მონახულების საშუალება მიეცეს: ,,დედოფლისწყაროში, სოფელ სამთაწყაროში უამრავი ინგილო ცხოვრობს. საინგილოსთან მათ ნათესაური კავშირები აქვთ, რადგან იქაური ქალები მოჰყავთ ცოლად და ჩვენებიც იქით თხოვდებიან. მჭიდრო კავშირები არსებობს, რომელიც სამთაწყაროს ხიდის ჩაკეტვამ შეაფერხა და ამ დროისთვის საავტომობილო მიმოსვლა საერთოდ არ არსებობს. აზერბაიჯანში გადასვლა ლაგოდეხიდან გვიწევს, რომელიც ძალზე დაშორებულია. ფაქტობრივად 150 კილომეტრის გავლა ზედმეტად გვიხდება, რის გამოც საინგილოში ხშირად გადასვლას ვერ ვახერხებთ. ჩვენი ქვეყნისთვის ამ ხიდის გახსნა ძალზე მნიშვნელოვანია. თავის დროზე სამთაწყაროს ხიდი კონტრაბანდის აღსაკვეთად ჩაკეტეს. იმ პერიოდში მართლაც ცუდი ვითარება იყო, ახლა განსხვავებული სიტუაციაა, სასაზღვრო პოლიციაც მუშაობს და ამგვარი საფრთხე აღარ არსებობს. ხელისუფლებას ვთხოვთ, რომ სამთაწყაროში დროულად მოწესრიგდეს შესაბამისი ინფრასტრუქტურა. ადგილობრივი მოსახლეობის თხოვნაც სულ ამ საკითხს ეხება და მიმოსვლის ჩაკეტვას დედოფლისწყაროელი ინგილოები მტკივნეულად განიცდიან. ვიმედოვნებთ, რომ ეს საკითხი მალე მოგვარდება და მომოსვლა აღდგება," - განაცხადა ავთანდილ ლეკაშვილმა. შეგახსენებთ, ხიდის ჩაკეტვა სამთაწყაროელებმა თავის დროზე არაერთი საპროტესტო აქციით გააპროტესტეს და სასამართლოსაც მიართეს. თუმცა, აღდგენილი მოძრაობა ხიდის ამორტიზებულობის მოტივით მალევე ჩაკეტეს, რაც ადგილობრივების უკმაყოფილების მთავარ მიზეზად რჩება. /ქიზიყი/ ილია მარტყოფლიშვილი

ლექსო ლეკიაშვილი: ,,სახელმწიფო კანცელარია დედოფლისწყაროში გადავიტანოთ"

ძალიან კარგია. ძალიან მიხარია, რომ ახალ-ახალი ტურისტული ზონები გვექნება.
და ამიტომაც, გავკადნიერდები და იდეას მოგაწვდით: ჩემს რაიონში, დედოფლისწყაროში, უძველესი ნაქალაქარი აღმოაჩინეს. მოდი, გავასუფთაოთ, აღვადგინოთ და მერე სახელმწიფო კანცელარია იქ გადავიტანოთ. ყველაფერი კარგად იქნება, კახური ღვინო და დედას პური გააათკეცებს ჩვენი კანცელარიის თანამშრომლების შრომისუნარიანობას, საქმე წინ წავა, ქვეყანა აყვავდება, თანაც, ღმერთმა ნუ ქნას და, ჩვენმა ზედა მეზობელმა რამე რომ იკისროს, უკვე გაერო კი არა, ძეგლთა დაცვის საერთაშორისო ორგანიზაცია დაგვიცავს.

მგონი, ღირს! არ მეთანხმებით?

ლექსო ლეკიაშვილის სტატია იხილე ვრცლად>>

სამთაწყაროში მრავალშვილიან ოჯახს დახმარება შეუწყდა, ბავშვები კი ინტერნატში მიაბარეს

სოფელ სამთაწყაროში მცხოვრები ჯემალ ტაკიძის 5 შვილიანი ოჯახი დედოფლისწყაროს სოციალური მომსახურების სააგენტოს დახმარების უკანონოდ შეწყვეტაში ადანაშაულებს და პირადი ინტერესების გატარებაზე მიანიშნებს.

,,იმდენად გაჭირვებულები ვართ, მესამე და მეშვიდე კლასის მოსწავლეები თემური და ემზარი ვაზიანის სკოლა-ინტერნატში ჩავაბარეთ. სასკოლო ნივთებს, ტანსაცმელს და საკვებსაც ვერ ვყიდულობთ და იძულებულები ვიყავით ეს ნაბიჯი გადაგვედგა. ფქვილსაც ცოტ-ცოტას მეზობლები გვჩუქნიან, თორემ მშივრები დავიხოცებოდით. უკვე სამი თვეა დახმარება შეგვიწყდა. იმდენად გვიჭირს სახლის ფანჯრებზე ცელოფნები გვაქვს აკრული. ბანკის დავალიანება გვქონდა და ბავშვები რომ წავიყვანეთ ვაზიუანში დავრჩით მუშად ვმუშაობდით და ამის გამო სოციალურმა სააგენტომ დახმარება შეგვიწყვიტა. მერე განცხადება დავწერეთ, თავიდან შეგვამოწმეს, მაგრამ მაღალი ქულები მოგვივიდა და დახმარება აღარ აღგვიდგინეს. უსამართლოდ შეგვიწყვიტეს და ძალიან გთხოვთ, ვისაც შესაძლებლობა აქვს, რაიმეთი დაგვეხმაროს," - აცხადებენ უკიდურესად გაჭირვებული ტაკიძეები.
მრავალშვილიანი ოჯახი სოფლის ტერიტორიული ორგანოს რწმუნებულს პაატა ნადირაშვილსაც უყურადღებობაში ადანაშაულებს.
"ქიზიყი" კომენტარისთვის გამგებლის რწმუნებულს პაატა ნადირაშვილს დაუკავშირდა:
,,ნამდვილად გაჭირვებული ოჯახია, უკიდურესად უჭირთ, მაგრამ რამდენადაც მე ვიცი დაბალი ქულები მოუვიდათ და დახმარება აღუდგებათ. 1 კვირის წინ ასე მითხრეს..." - აცხადებს რწმუნებული.
"ქიზიყმა" გაადაამოწმა, მართლა აღუდგა თუ არა ტაკიძეებს დახმარება, თუმცა აღდგენა ამ ეტაპზე არ დადასტურდა. /ქიზიყი/ თამილა გურაშვილი

სარწყავი სისტემები "საპარტნიორო ფონდის" ფარგლებში განხორცილდება

სოფლის მეურნეობის სფეროში დაგეგმილი პროგრამა, მათ შორის დედოფლისწყაროს რაიონში სარწყავი სისტემების დანერგვა "საპარტნიორო ფონდის" ფარგლებში განხორცილდება. ამის შესახებ, საპარლამენტო უმრავლესობის წევრმა, საფინანსო-საბიუჯეტო კომიტეტის თავმჯდომარემ ზურაბ მელიქიშვილმა ჟურნალისტებთან საუბარში აღნიშნა. მელიქიშვილი თავის გამოსვლაში საპარლამენტო უმცირესობის მიერ სოფლის მეურნეობის სექტორის დაფინანსების შესახებ კრიტიკას გამოეხმაურა, აღნიშნა, რომ ვერ დაეთანხმება ოპოზიციას, რომელიც ანაკლიაში წყალსადენების და კანალიზაციის მოწყობას ზეიმების დაფინანსებას უწოდებს. "მიჭირს პოლემიკაში შევიდე ოპოზიციასთან, რომელიც ანაკლიაში წყალსადენების და კანალიზაციის დაფინანსებაზე იძახის, რომ ჩვენ იქ ზეიმების მოწყობას ვაფინანსებთ", - აღნიშნა მელიქიშვილმა. რაც შეეხება 150 მილიონს, რომელსაც სოფლის მეურნეობაში უნდა ჩაიდოს, დეპუტატის მტკიცებით მექნიზაციისთვის განკუთვნილი 29.5 მილიონი ლარი დღეისთვის უკვე დევს საპარტნიორო ფონდში. /ქიზიყი/ ილია მარტყოფლიშვილი

მკვლელის დედა სასამართლოს შემდეგ დამემუქრა - "ახლა შენი ჯერიაო"

დედოფლისწყაროს სასამართლოს მოსამართლე თამარ ჭუნიაშვილმა გახმაურებულ მკვლელობებში ეჭვმიტანილებს განაჩენი გამოუტანა. გასულ წელს , სოფელ ნჯაფარიძის მკვიდრის შურა გვრიტიშვილისა და დედოფლისწყაროში, ხორნაბუჯის ქუჩაზე მცხოვრებ მარინა მაისურაძის განსაკუთრებული სისასტიკით ჩადენილი მკვლელობისთვის, სასამართლომ ვალერი კასიანოვს 30 წლით თავისუფლების აღკვეთა, ხოლო რომან კასიანოვსა და გივი ჭინჭარაულს 24-24 წლით პატიმრობა მიუსაჯა.

დაზარალებული ნუშო თეთრაძე დამნაშავეთათვის სამუდამო პატიმრობას ითხოვდა, თუმცა უშედეგოდ. თეთრაძე დედოფლისწყაროს პოლიციას უმოქმედობაში ადანაშაულებს და დასძენს, რომ მათი საქმისადმი დაუდევარი მიდგომის გამო, დედოფლისწყაროში 2 ქალბატონი ცემით მოკლეს. შვილმკვდარი დედა მიიჩნევს, რომ ადგილობრივ პოლიციას აქტიურად რომ ემოქმედა, ტრაგედიას თავიდან აიცილებდნენ, თუმცა...

საგულისხმოა, რომ საბოლოო განაჩენის გამოცხადების შემდეგ, დაკავებულ კასიანოვების დედა, მარიკა ვაირადიანი მოკლულის ერთადერთ ვაჟს ალექსანდრე მაისურაძეს მოკვლით დაემუქრა და გააფრთხილა: "ახლა შენი ჯერიაო". დაზარალებულები შეშფოთებულნი არიან და შიშობენ, რომ დიდი შანსია კასიანოვებმა მუქარა ამჯერადაც სისრულეში მოიყვანონ და მათი ოჯახის კიდევ ერთი წევრი შეიწირონ... ნუშო თეთრაძემ რაიონულ პოლიციას სპეციალური განცხადებით უკვე მიმართა. ამგვარი განცხადება სამართალდამცველებმა წინა შემთხვევაში სამწუხაროდ რეაგირების გარეშე დატოვეს, რის გამოც, ბოროტმოქმედებმა მარინა მაისურაძის მოკვლაც მოასწრეს. უიმედოდ დარჩენილი ოჯახი დახმარებას ჟურნალისტებს გვთხოვს, უახლოეს დღეებში კი, სახალხო დამცველს მიმართავს.

სტატია იხილეთ ვრცლად>>>

დაპირისპირება კახურ მედიაში, ანუ - ქარიშხალი ეთიკის ჭიქაში

კახეთის მედიაში დიდი განხეთქილებაა. სხვადასხვა ადგილობრივი მედიასაშუალებების ხელმძღვანელები და რედაქტორები ერთმანეთს დაუპირისპირდნენ. ყველაფერი კი მაშინ დაიწყო, როცა საქართველოს ჟურნალისტური ეთიკის ქარტიის საბჭოს მეორე კრებაზე ახალ წევრად კახეთის საინფორმაციო ცენტრის ხელმძღვანელი გელა მთივლიშვილი აირჩიეს. ამ გადაწყვეტილებამ საბჭოს კიდევ ერთი წევრი, კახეთის რეგიონულ რადიო "ჰერეთის" დირექტორი რამაზ სამხარაძე გააღიზიანა, სხდომა პროტესტის ნიშნად დატოვა და საბჭოსთან თანამშრომლობა შეიჩერა.

სკანდალური სხდომიდან ორიოდ დღეში რადიო "ჰერეთის" ეთერში ჟურნალისტური გამოძიება გავიდა სახელწოდებით "ორმაგი სტანდარტი". როგორც ,,7 დღემ" შეიტყო, შედეგების გამოქვეყნების შემდეგ დაპირისპირება კიდევ უფრო გამწვავდა.

რადიო “ჰერეთის” გადაცემას გამოეხმაურა გაზეთ “სპექტრის” რედაქტორი მაია ყალაბეგაშვილიც, რომელმაც სარედაქციო განცხადება ზედიზედ ორჯერ გაავრცელა.

გაზეთ "7 დღის" სტატია იხილეთ ვრცლად>>

ქარი დედოფლისწყაროში ჩაბნელებულ მოსახლეობას, პარალიზებულ საავადმყოფოს და მედიას ნიშნავს

ძლიერი ქარის გამო დედოფლისწყაროს რაიონი და მისი სოფლები 6-7 თებერვალს ორი დღის მანძილზე ელექტროენერგიის გარეშე დარჩა. მწყობრიდან გამოვიდა როგორც შიდა ქსელები, ისე ელექტროგამანაწილებელი სადგურები. დედოფლისწყაროელები აცხადებენ, რომ რაიონს დენი ყოველი ქარის ამოვარდნის დროს ეთიშება, ხარვეზების აღმოფხვრა კი ჩვეულებრივზე მეტ ხანს ჭიანურდება, რაც ადგილობრივებს დისკომფორტს უქმნის.

უნდა აღინიშნოს ისიც, რომ ამ სტატიაზე მუშაობის დროს დედოფლისწყაროში დენის მიწოდება ზედიზედ სამჯერ შეწყდა. "7 დღე" შეეცადა დედოფლისწყაროში ელექტროენერგიის წამდაუწუმ გათიშვასა და ხარვეზების აღმოფხვრის გაჭიანურების თემაზე სხვადასხვა ხელმძღვანელი პირების მოსაზრებები მოესმინა. დედოფლისწყაროს გამგებელმა "7 დღესთან" საუბარში ამ საკითხზე ვრცელი კომენტარი გააკეთა.

გაზეთ "7 დღის" სტატია იხილეთ ვრცლად>>

სოციალურ სააგენტოს დახმარების უკანონოდ შეწყვეტაში ადანაშაულებენ

დედოფლისწყაროში, მეტალურგების ქუჩაზე მცხოვრები 63 წლის ლილი ბუნტური დედოფლისწყაროს სოციალური მომსახურების სააგენტოს ყოველთვიური დახმარების უკანონოდ შეწყვეტაში ადანაშაულებს. მისი თქმით, მიუხედავად იმისა, რომ ოჯახში პირველი ჯგუფის ინვალიდია, სახელმწიფოსგან საარსებო შემწეობა მხოლოდ 2 ჯერ მიიღეს და დახმარება მალევე შეუწყვიტეს:

,,პირველი ჯგუფის ინვალიდი შვილი მყავს, 32 წლის ამირან ბუნტური. მუდმივად ფსიქოტროპული წამლები ესაჭიროება და შეძენას ვერ ვახერხებთ. ძალიან ძვირი ჯდება. ყველა უმუშევრები ვართ. დახმარებას მხოლოდ 2 თვე ვიღებდით და ისიც შეგვიწყვიტეს. თითქოს ჩემი მეუღლე მარნეულში შპს ალფა-ში არის თანამშრომლად გაფორმებული და ხელფასს იღებდეს, დახმარება ამის გამო შეგვიწყდა. ღატაკებისთვის განკუთვნილ დახმარებას ჩემს გვერდით ისეთი ოჯახები იღებენ - ფერმები, მიწები აქვთ და უზრუნველყოფილნიც არიან. მე ისეთი ადამიანი არ ვარ, რომ გვარები დავასახელო და ჩივილი დავიწყო, მაგრამ გული იმაზე მწყდება, რომ უმუშევრები ვართ, ინვალიდი შვილი მყავს და შეგვიწყვიტეს. ჩვენი ოჯახის დეკლარაციის შევსების დროს ისე ეწერა მონაცემებში, თოთქოს 150 ლარს ვიღებდეთ," - აცხადებს ოჯახის დიასახლისი და შემწეობის აღდგენას ითხოვს.

როგორც "ქიზიყმა" გაარკვია, ბუნტურებისთვის დახმარების შეწყვეტის მიზეზი დეკლარაციაში დაფიქსირებული 150 ლარიანი ხელფასი გახლავთ. დედოფლისწყაროს სოციალური მომსახურების სააგენტოს ხელმძღვანელი ზურაბ ნატროშვილი ამ საკითხზე კომენტარს "ქიზიყთან" საუბარში აკეთებს.

,,ოჯახში ინვალიდის არსებობა პრიორიტეტს იმ მხრივ აძლევს, რომ სარეიტინგო ქულებს დასწევს. ამ ოჯახს შეუძლია წარმოადგინოს ცნობა, რომ არსად არ მუშაობენ და ამის შემდეგ ხელახლა გადავამოწმებთ. დახმარების აღდგენაზე საუბარი მას შემდეგ შეიძლება," - განმარტა ნატროშვილმა. /ქიზიყი/ თამილა გურაშვილი

გამოხმაურებები/მხარდაჭერა

ჟურნალისტ ილია მარტყოფლიშვილის წინააღმდეგ სასამართლოში სარჩელის შეტანის ფაქტს გამოეხმაურნენ:

1) ახალი ამბების სააგენტო "მედიანიუსი" - ნახე>>
2) რადიო "ჰერეთი" - ნახე>>
3) მედია-პორტალი MEDIA.ge - ნახე>>
4) კახეთის საინფორმაციო ცენტრი - ნახე>>
5) ახალი ამბების სააგენტო "ფაქტი" - ნახე>>
6) ჯეონიუსი (თბილისი) - ნახე>>
7) ადამიანის უფლებათა ცენტრი HRIDC- ნახე>>
8) სააგენტო "ექსპრესნიუსი" - ნახე>>
9) ოპოზიცია (ჰერეთი) - ნახე>>
10) ახალი ამბების პორტალი PRESA.ge - ნახე>>
11) "ნეტგაზეთი" - ნახე>>
12) ჟურნალი "ღია ბოქლომი" - ნახე>>

ოზაანის "ამაღლებას" რესტავრაცია უტარდება

დედოფლისწყაროს რაიონის სოფელ ოზაანში მდებარე „ამაღლების“ უნიკალურ ტაძარს სარესტავრაციო სამუშაოები უტარდება. როგორც მამა ნიკოლოზ (ლომსაძემ) გაზეთ „ქიზიყს“ განუცხადა, ტაძრის სარეაბილიტაციო სამუშაოები ჯერ კიდევ ბოდბის ეპარქიაში ყოფნის დროს, გასულ წელს დაიწყო. მისი თქმით, „ამაღლების“ რესტავრაცია ხირსის მონასტრის მოძღვარმა მამა სტეფანემ ითავა და თავადვე განახორციელა.

როგორც „ქიზიყმა“ გაარკვია, სარეაბილიტაციო სამუშაოები სხვადასხვა შემოწირულობებითა და ერთ-ერთი ფონდის დახმარებით მიმდინარეობს: „დეტალურად ჩახედული არ ვარ, ზუსტი მონაცემებს ვერ გეტყვით, მაგრამ ვიცი, რომ რომელიღაც ფონდიც ეხმარება. მართალია ბოდბის ეპარქიას უკვე ცალკე გამოვეყავით და ჰერეთი-დედოფლისწყაროს ეპარქია ჩამოყალიბდა, მაგრამ რადგან მამა სტეფანებ წამოიწყო, საქმეს ბოლომდე მიიყვანს“ -- ამბობს მამა ნიკოლოზი. მისი თქმით, სამუშაოები ახლაც გრძელდება. ამ ეტაპზე უცნობია, სავარაუდოდ როდის დასრულდება „ამაღლების“ სარემონტო სამუშაოები. /ქიზიყი/ ილია მარტყოფლიშვილი; თამილა გურაშვილი

ხორნაბუჯის ციხესთან უცნობი წარმომავლობის ტაძარი აღმოაჩინეს

როგორც დედოფლისწყაროს ისტორიულ-ეთნოგრაფიული საზოგადოება კამბისენეს ხელმძღვანელი გია პოპიაშვილი ამბობს, ამ დრომდე უცნობია ქალაქ დედოფლისწყაროში ციხე-სიმაგრე ხორნაბუჯის დასავლეთ მხარეს მდებარე ტაძრის წარმომავლობა და სახელწოდება. მისი თქმით, ტაძრის ნაშთებს მათი ორგანიზაციის წარმომადგენლებმა მიაკვლიეს და გადამოწმების შემდეგ ისტორიულ წყაროებში მისი კვალი არსად აღმოჩნდა. პოპიაშვილის განმარტებით, ტაძრის ნაშთი ბაზილიკური ტიპისაა და მისი მოკვლევა აუცილებელია. დედოფლისწყაროს ისტორიულ ეთნოგრაფიული საზოგადოება კამბისენეს საქმიანობის შესახებ დეტალურ ინფორმაციას შეგიძლიათ მათივე საიტზე www.kambisene.org გაეცნოთ. /ქიზიყი/ ილია მარტყოფლიშვილი

საიტის ადმინისტრაცია: - მთავარი რედაქტორი: ილია მარტყოფლიშვილი

საგამომცემლო სახლი: "ღია ბოქლომი" - - ჩვენს შესახებ

საიტის საკონტაქტო ტელეფონი - 8(93) 275-275 ; E-mail: gazetiqiziyi@yahoo.com ; მოგვწერეთ ელ-ფოსტით, სურვილის შემთხვევაში თქვენი წერილები გამოქვეყნდება. გვიამბეთ თქვენი პრობლემის შესახებ. ჟურნალისტთა საგამომძიებლო ჯგუფი გადასინჯავს და გააშუქებს თქვენს მიერ მოწოდებულ ინფორმაციას. იმეგობრეთ და ითანამშრომლეთ ჩვენთან!!!

სარედაქციო კ ო ლ ე გ ი ა: - ადმინისტრატორი: ირაკლი კანდელაკი; პასუხისმგებელი მდივანი: ელზა ჩერქეზიშვილი; მენეჯერი: გიორგი ლაღიძე; კომპიუტერული გრაფიკა: ბექა ხუციშვილი; დიზაინერი: მაია მაძღარაშვილი; ფოტო-რეპორტიორი: გიორგი მარჯანიძე; სარეკლამო სამსახურის უფროსი: თამუნა ბერიაშვილი
მედია-ჯგუფი: ბესიკ გულაშვილი, ნათია ოგბაიძე, ხატია ქადაგიძე,

მედია-ჯგუფი ხელმძღვანელობს დამოუკიდებელი პრესის პრინციპებით და არ გამოხატავს არცერთი პოლიტიკური ჯგუფის ინტერესებს... გამოქვეყნებულ სტატიებზე ესა თუ ის შენიშვნები მიიღება წერილობით, ელექტრონულ მისამართზე. რედაქცია სიამოვნებით დაგითმობთ ადგილს ნებისმიერ საკითხთან დაკავშირებით...

вторник, 8 мая 2012 г.

დავით დუღაშვილი: „თოკი გაწყდა და რას ვუშველიდით, თოკში ხომ არ ვზივართ“?

Комментариев нет:

Отправить комментарий

"ქიზიყის" მკითხველი ახალი ამბების გასაცნობად სხვა მისამართს უნდა ეწვიოს

ივანიშვილის პარტია დედოფლისწყაროელებს 2 ივნისს შეხვდება

სასაზღვრო სამმართველო კიდევ ერთ სკანდალში გაეხვა

გამოხმაურება მედიაში

პარ

კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა

გიული ალასანია ზემო მაჩხაანში ექსმინისტრ ჭიპაშვილის ოჯახში იმყოფებოდა

სტიქიით დაზარალებულთათვის გამგეობამ მხოლოდ 150 ათასი ლარი გაითვალისწინა

ქიზიყის ვიდეო-რგოლი

Общее·количество·просмотров·страницы

პოპულარული სტატიები

მთავარი თემები --- არქივი --- (საძიებელი)

სახელისუფლებო გუნდიდან ქართულ ოცნებაში - „დიალოგი“ ილია მარტყოფლიშვილთან (აუდიო)

ქდმ ოცნებას თანაპარტიელების მოსყიდვაში ადანაშაულებს - თოქშოუ "დიალოგი" (აუდიო)

თოქ-შოუ "დიალოგი" ილია მარტყოფლიშვილთან ერთად - (აუდიო) 24 სექტემბერი

პროექტი “კვირის ბოლოს” #17 დედოფლისწყაროს ამბები (აუდიო) – 11 აგვისტო

მოგწონთ "ქიზიყის" ახალი საიტი?

საინფორმაციო პროგრამა "კვირის ბოლოს" #14 დედოფლისწყაროს ამბები (აუდიო)

დედოფლისწყაროში ოპოზიციური გაზეთების კითხვას ვერ ბედავენ?!

დედოფლისწყაროს ლანდშაფტური დაგეგმარება თურქეთში განიხილეს

მოატყუა თუ არა პრეზიდენტმა C ჰეპატიტით დაავადებული ქალი? (აუდიო)

სახანძრო–სამაშველო სამსახური ქვემო ქედში ცრუ გამოძახებაზე გავიდა

მუსიკის პოპულარიზაციისთვის დაჯილდოვდნენ

დედოფლისწყაროში ცოფის საწინააღმდეგო ვაქცინაცინაზე მოთხოვნა გაორმაგდა

„ქართული ოცნების“ მხარდამჭერს დედოფლისწყაროში მიკროავტობუსი ჩამოართვეს

ინგილოების ანსამბლი სამთაწყაროში დახმარებას ითხოვს

ზაქარია ბატიაშვილი სოფელ ხორნაბუჯში სასმელი წლის პრობლემას უარყოფს

მოგწონთ, "ქიზიყის" აუდიო-რეპორტაჟები?

აგვისტოს გმირების დედები მემორიალის ესკიზს იწუნებენ (აუდიო)

"მსოფლიო ბანკი" ფიროსმანის მუზეუმის განვითარებას იწყებს (აუდიო)

ახმეტაში, სიღნაღსა და დედოფლისწყაროში კალიისგან დაზიანებული 1 765 ჰა შეიწამლა

„კომპიუტერულმა ცენტრმა“ პირველი ნაკადი უკვე გამოუშვა (აუდიო)

დედოფლისწყაროში კალიების გავრცელების გამოკვლევებზე საველე სწავლება გაიმართა

მეცხრე არხი - LIVE (საცდელი მაუწყებლობა)

გიორგი ღვინიაშვილი და ლევან ბაღაშვილი გიორგობისთვის საინგილოს ესტუმრნენ

დედოფლისწყაროში მიწისძვრის გამო სასწავლო პროცესი შეჩერებულია

დედოფლისწყაროს ამბები – საინფორმაციო გამოშვება “კვირის ბოლოს” #8 (აუდიო) 5 მაისი

სახალხო დამცველი სამთაწყაროში არასრულწლოვან გოგონაზე ძალადობის საქმეს შეისწავლის

დედოფლისწყაროს ამბები – საინფორმაციო გამოშვება “კვირის ბოლოს” #7 (აუდიო) 28 აპრილი

გველის მიერ დაგესლილი მამაკაცი თბილისში გადაიყვანეს

მეგობრობის ქუჩაზე საცხოვრებელ ბინას ცეცხლი გაუჩნდა

ცოფის გამოვლენის გამო სოფელ ზემო ქედში ორთვიანი კარანტინი დაწესდა

სოფლის მეურნეობის მინისტრი დედოფლისწყაროში საექსპორტო ცხვრის მდგომარეობას გაეცნო

პირველი სკოლა კურსდამთავრებულებისთვის „ალუმნაი“-ს პროგრამას აგრძელებს

საინფორმაციო გამოშვება “კვირის ბოლოს” #5 დედოფლისწყაროს ამბები – აუდიო

მეორე სკოლამ სოციალურად დაუცველ ბავშვებს ტანსაცმელი გადასცა

გამოკითხვა დედოფლისწყაროში - ბიძინა ივანიშვილის მოქალაქეობასთან დაკავშირებით (video)

პირველმა სკოლამ ორი საგრანტო დაფინანსება მოიპოვა

არბოშიკსა და ზემო მაჩხაანში უნარშეზღუდულებს ეტლები გადასცეს

სოფელ მირზაანში სპორტული მოედანი მოეწყობა და წყალმომარაგება გაუმჯობესდება

პირველმა სკოლამ კონკურსში „ჩვენ ვსწავლობთ ბიბლიას“ გაიმარჯვა

ანტალიაში 16 წლის ბექა ნათათრალაშვილი ჩემპიონი გახდა

სოფელ არბოშიკში წყალმომარაგების ხარვეზები აღმოიფხვრა

მოისმინეთ თუ არა "ქიზიყის" რადიო გადაცემა?

ჟურნალისტური გამოძიება – გაუხმაურებელი ფაქტები

პოლიციის მსხვერპლი

ოპოზიციის მტკიცებით, დედოფლისწყაროში გამოცხადებული კონკურსი ფორმალობაა

როგორ ჩაიგდო ნაცმოძრაობამ "რუსთავი2"–ი

დაზარალებული თუ სერიული მოძალადე – ვინ არის გიორგი სიბაშვილი (კვირის რეპორტაჟი)

პოლიტიკური გაერთიანების შესახებ კანონი დრაკონული რეპრესიების მომტანი იქნება

კახეთი სოფლის პროგრამისთვის 6 300 000 ლარს მიიღებს

მოქალაქეები გადაუდებელ დახმარებას უფასოდ ვერ გამოიძახებენ

ცენტრალურ ქუჩებზე ნუმერაციის აბრები განთავსდება

გუბერნიაში შესული მოქალაქეთა განცხადებების მიხედვით დედოფლისწყარო ბოლო ადგილზეა

რატომ არ მიაგო პატივი სახელმწიფომ ავღანეთში დაღუპულ სამ ჯარისკაცს?

კომპიუტერული ტომოგრაფიის დაფინანსებას ადგილობრივი ბიუჯეტი მოახდენს

გიორგი მარტყოფლიშვილი – ევრაზიის ჩემპიონატის პრიზიორი

დედოფლისწყაროში 9-10 მილიონი წლით დათარიღებული ნამარხი აღმოაჩინეს

სოფელ ჭოეთში ბოშების ნაწილს პირადობის მოწმობები არ აქვს

მწერალთა ასოციაციის წევრი რესურსცენტრში არაპროფესიონალების მოსვლას დაუშვებლად მიიჩნევს

პულტებით მანიპულირება პარლამენტში

კუკავას პარტიის მტკიცებით, დედოფლისწყაროში მიწების უცხოელ ინვესტორებზე მიყიდვა მიმდინარეობს

საიდან სტუმრობთ ჩვენს საიტს?

ბიძინა ივანიშვილი: - "თამაზ თამაზაშვილი მძევლად აიყვანეს"

წყალმომარაგების კომპანიის დედოფლისწყაროს სერვის-ცენტრის მენეჯერად ნაცმოძრაობის აქტივისტი დაინიშნა

საჯარო სამსახურებში ატესტაციას ყოველწლიური "შეფასება" შეცვლის

вторник, 8 мая 2012 г.