суббота, 13 октября 2012 г.

დედოფლისწყაროს ამბები-საინფორმაციო გამოშვება “კვირის ბოლოს” #21 (აუდიო)


11 ოქტომბერი საინფორმაციო ანალიტიკური პროგრამა „კვირის ბოლოს“

დედოფლისწყაროელების პირველი სამლოცველო სახლი ხანძრის შედეგად განადგურდა. ღვთისმშობლის შობის სამლოცველო სახლში ცეცხლი მას შემდეგ გაჩნდა, რაც მამა პეტრე ხუმარაშვილი „ქართული ოცნების“ ორგანიზებულ აქციებზე ღიად ჩნდებოდა. გაჩნდა ეჭვი, ხომ არ უკავშირდება მომხდარი მამა პეტრეს მიერ დაფიქსირებულ პოზიციას

* * * ნაციონალური მოძრაობა ჩამოიშალა - პროპორციული სიით დედოფლისწყაროს ოლქი „ქართულმა ოცნებამ“ მოიგო და ნაციონალური მოძრაობა უკან ჩამოიტოვა, თუმცა მაჟორიტარული ხმები კვლავაც სადაოა

* * *უარი არჩევნების შედეგების გაუქმებაზე -- ერთადერთი რეაგირება რაც დედოფლისწყაროს საოლქო-საარჩევნო კომისიამ აქ დაფიქსირებულ დარღვევებზე მოახდინა, მხოლოდ კომისიის თავმჯდომრის დაჯარიმება იყო. მეცხრამეტე უბნის თავმჯდომარე გოგიტა რობიტაშვილი 2 000 ლარით დაჯარიმდა

„რადიო24“–ისა და ინტერნეტ გამოცემა „ქიზიყის“ ერთობლივი პროექტი, საინფორმაციო ანალიტიკური პროგრამა „კვირის ბოლოს“ ირაკლი კოკილაშვილთან ერთად
www.qiziyi.ge

понедельник, 17 сентября 2012 г.

დედოფლისწყაროს ამბები-საინფორმაციო გამოშვება "კვირის ბოლოს" 16 სექტემბერი #19 (აუდიო)

16 სექტემბერი - რადიო24-ისა და "ქიზიყი"-ს ერთობლივი პროექტი, საინფორმაციო ანალიტიკური გამოშვება "კვირის ბოლოს"
* * * სიღნაღისა და დედოფლისწყაროს პოლიციის ყოფილი უფროსი იოსებ ხოხონიშვილი მღვდლად აკურთხეს. მეტსახელად „ტაშკანას“ მედიამ ადამიანების წამების ფაქტები მას შემდეგ გაუხსენა, რაც მამა იოსებმმა თამაზ თამაზაშვილზე დადებითი შეფასებები გააკეთა. ხოხონიშვილის განმარტებით, ყველა, ვინც თამაზაშვილს უარყოფითად ახასიათებს, ღვთის წინაშე აგებენ პასუხს, რადგან ტამაზაშვილი უსამართლობას მუდმივად ებრძოდა.
* * * ზურაბ ჟვანიას აქტიურმა თანაგუნდელმა პარლამენტში თანამდებობა დატოვა და სახელისუფლებო გუნდიდან ოპოზიციაში გადადის. ქიზიყი.ჯი-ს ექსკლუზიური ინფორმაციით, აქტიური ნაციონალი ლია კვაჭაძე ქართულ ოცნებაში გადადის... რატომ ეზიზღებოდა კვაჭაძეს საკუთარი თავი და რამ აუცრუა გული მმართველ პარტიაზე
* * * დედოფლისწყარში სარეაბილიტაციო სამუშაოების ბუმი გრძელდება. გზების მასშტაბურ რეაბილიტაციას წელს მილიონ ნახევარზე მეტი მოხმარდა. ასევე, პირველად დედოფლისწყაროში მრავალბინიანი კორპუსების ფასადებს ღებავენ
„რადიო24“–ისა და ინტერნეტ გამოცემა „ქიზიყის“ ერთობლივი პროექტი, საინფორმაციო ანალიტიკური პროგრამა „კვირის ბოლოს“ ირაკლი კოკილაშვილთან ერთად



воскресенье, 2 сентября 2012 г.

დედოფლისწყაროს ამბები–საინფორმაციო გამოშვება “კვირის ბოლოს”#18 (აუდიო) 29აგვისტო

29 აგვისტო - რადიო24-ისა და "ქიზიყი.ge-ს ერთობლივი პროექტი, საინფორმაციო ანალიტიკური გამოშვება "კვირის ბოლოს" #18


* * * დავით ბაქრაძემ დედოფლისწყაროელებს კანდიდატად ადგილობრივებისთვის არცთუ ცნობილი – ზაზა კედელაშვილი წარუდგინა. ნაცმოძრაობისა და ქართული ოცნების მაჟორიტარობის კანდიდატებმა დედოფლისწყაროს სოფლებში შეხვედრები დაიწყეს. ალექსანდრე თამაზაშვილი კამპანიას სოფელ გამარჯვებიდან იწყებს და იმედი აქვს, რომ გამარჯვებით დაასრულებს – არბოშიკელებმა კი მათთან ჩასული ზაზა კედელაშვილი ვერ იცნეს!
* * * ხანძრის დროს ნაგავსაყრელზე ძროხები დაიხოცა. სატელევიზიო ანძის მიმდებარე ტერიტორიაზე ნაგავსაყრელს ცეცხლი რამდენიმე დღის განმავლობაში ეკიდა – მოსახლეობა ამბობს, რომ ადგილობრივი სახანძრო სამსახური ადგილზე რამდენჯერმე მივიდა, თუმცა თქვეს, რომ დამოუკიდებლად ხანძარს ვერ აქრობდნენ, პრობლემას ტრაქტორით მიწის მიყრა ესაჭიროებოდა და შემთხვევის ადგილი დატოვეს – რატომ დაიხოცა მარჩენალი პირუტყვი?

* * * ინფრასტრუქტურული სამუშაოების ბუმი დედოფლისწყაროში – თანამედროვე სტანდარტების სპორტული კომპლექსი, განახლებული გზები, ახალი საავადმყოფო, რამდენიმე ახალი სკვერი. განახლებული ცენტრალური მოედანი და უამრავი სიახლე. – ქალაქ დედოფლისწყაროსა და მის სოფლებს ამგვარი აღმშენებლობა არ ახსოვს

იხილეთ www.qiziyi.ge

вторник, 17 июля 2012 г.

დედოფლისწყაროს ამბები - საინფორმაციო გამოშვება "კვირის ბოლო"#16 (აუდიო) 15 ივლისი


15 ივლისი - რადიო24-ისა და "ქიზიყი.ge-ს ერთობლივი პროექტი, საინფორმაციო ანალიტიკური გამოშვება "კვირის ბოლოს"

პრეზიდენტის ვიზიტის შემდეგ ქვემო ქედელები ისევ უწყლოობაზე წუხან. მათი მტკიცებით სააკაშვილის ვიზიტის დროს სახანძროს მიერ ჩამოტანილი წყალი მოსაჩვენებლად გაუშვეს. მოსახლეობა ამბობს, რომ მილის სისქე სოფლისთვის საკმარისი არ იქნება და დაგეგმილი სამუშაოები არაეფექტურია - ადგილობრივებს ამ სქემით პრობლემის მოგვარების არ სჯერათ. მოისმინეთ აუდიო კომენტარები.

ზაზა კედელაშვილი ბიძინა ივანიშვილის საქველმოქმედო ფონდიდან მიღებულ დაფინანსებაზე პირველ კომენტარს აკეთებს. ამბობს, რომ თუ საჭირო გახდება ამ დაფინანსებაზე უარს იტყვის, თუმცა არ დაუკონკრეტებია, რის შემდეგ გახდება საჭირო - სპორტსმენი მიიჩნევს, რომ ივანიშვილის ფული პოლიტიკური კარიერის შექმნაში ხელს არ შეუშლის.

ბიძინა ივანიშვილმა ქართული ოცნების კანდიდატების დასახელება დედოფლისწყაროს კანდიდატის წარდგენით დაიწყო. ნაცმოძრაობის კანდიდატის დამარცხებას დედოფლისწყაროში დაკავებულ თამაზ თამაზაშვილის ვაჟი - ლექსო თამაზაშვილი შეეცდება. ვინ არის ალექსანდრე თამაზაშვილი?

суббота, 7 июля 2012 г.

დედოფლისწყაროს ამბები - საინფორმაციო გამოშვება "კვირის ბოლო"#15 (აუდიო)

7 ივლისი - რადიო24-ისა და "ქიზიყი.ge- ერთობლივი პროექტი, საინფორმაციო ანალიტიკური გამოშვება "კვირის ბოლოს"

* * * გავპაზორდით - გაქსუებული ჩინოვნიკები დედოფლისწყაროში - საჯარო მოხელეები კაბინეტიდან გაქცევის ნაცვლად ახლა უკვე ჟურნალისტებს კამერების თავზე გადალეწვით ემუქრებიან. გამგებლის საყვედური, უტაქტო თანამშრომლები, დაუსრულებელი სკანდალები და კომპეტენტური კადრების სიმცირის პრობლემა დედოფლისწყაროს საბიუჯეტო ორგანიზაციებში!

* * * ზაზა კედელაშვილს სპორტსმენები ტერორში ადანაშაულებენ - რა კომპრომატები დაუდეს თბილისელმა ჟურნალისტებმა კედელაშვილს... უკვე გახმაურდა, რომ ივანიშვილის ფავორიტ სპორტსმენებს ზაზა კედელაშვილი ატერორებს?! ზემო ქედელი სპორტსმენის ამბავი, რომელიც სხვებს ივანიშვილის ფულისგან შორს დგომას ურჩევს, თავად კი ყოველთვიურად „ქართუ ფონდიდან“ 1 500 ლარის დახმარებას იღებს...

* * * რატომ იხოცება ცხვარი კახეთში - მეცხვარეთა ასოციაციის თავმჯდომარე ბექა გონაშვილი ვაქცინების უკმარისობაზე საუბრობს. დედოფლისწყაროს მთავარ ვეტერინარს მიხეილ ქევხიშვილს კი პრობლემაზე ღიად საუბარი და მოსახლეობისთვის განმარტებების მიცემა არ სურს. იანვარში იგივე ნაბიჯებისთვის და არაკომპეტენტურობისთვის მისი წინამორბედი თანამდებობიდან მოაცურეს - გაუყენებენ თუ არა მიხეილ ქევხიშვილს დავით ვეშაგურიძის გზას??

მოისმინეთ აუდიო>>

суббота, 30 июня 2012 г.

სველი წერტილების გარეშე დარჩენილ დედოფლისწყაროს საავადმყოფოში ევროპული ფასებით მკურნალობენ

პარტია „თავისუფალი საქართველოს“ კახეთის რეგიონული ორგანიზაციის თავმჯდომარის გიორგი მოსიაშვილის განცხადებით, კახეთში ჩაპაევის დროს აშენებული სველი წერტილების გარეშე დარჩენილ საავადმყოფოში ევროპული ფასებით მკურნალობენ. ამ ფაქტთან დაკავშირებით მოსიაშვილმა პარტიის თელავის ოფისში სპეციალური პრესკონფერენცია გამართა..

როგორც მოსიაშვილი აღნიშნავს, პაციენტების აბსოლუტური უმრავლესობა კახეთის რეგიონში არსებული სტაციონარულ დაწესებულებებში არსებული მდგომარეობით უკმაყოფილოა.

„ძირითადად გვხვდება ერთი და იგივე პრობლემა: ესენია საავადმყოფოების არასათანადოდ აღჭურვა, მოძველებული, გაუმართავი სამედიცინო აპარატურა და შეუსაბამოდ მაღალი ტარიფები. რეგიონში არ არსებობს არცერთი აბსოლუტურად გამართული სტაციონარი. მაგალითისთვის თუ კი ახმეტაში არსებობს ახლად გახსნილი ლამაზი იერსახის საავადმყოფო, იქ არ არსებობს ისეთი დანადგარები, რომელიც აუცილებელია სხვადასხვა სახის მოტეხილობის მკურნალობის დროს, ანუ არ არსებობს ელემენტარულად აუცილებელი რენტგენული დანადგარი. ეს ის საავადმყოფოა, პრეზიდენტმა სულ ცოტა ხნის წინ ზარზეიმით რომ გახსნა“,– აცხადებს კახა კუკავას პარტიის წარმოამდგენელი

მისივე თქმით, დედოფლისწყაროში მდებარე საავდმყოფოს მდგომარეობა კიდევ უფრო მძიმეა, რადგან საავდმყოფოს შენობაზე მცენარეებია ამოსული, არის ისეთი პალატები, სადაც მინებია ჩამსხვრეული, ზოგადი ანტისანიტარიაა და რაც ყველაზე მნიშვნელოვანია სველი წერტილები არ ფუნქციონირებს.

„დედოფლისწყაროში სხვა სამწუხარო რეალობასთან ერთად, კიდევ უფრო საგანგაშო მდგომარეობას სასწრაფო სამედიცინო დახმარება ქმნის, მაგალითად სოფელ საბათლოში სასწარაფო სამედიცინო დახმარების ბრიგადას ავადმყოფის სტაციონარში გადასაყვანად მინიმუმ ოთხი საათი სჭირდება. პარტია „თავისუფალი საქართველოს“ კახეთის ორგანიზაცია მიმართავს ჯანდაცვის სამინისტროს და არსებულ ხელისუფლებას, შეზღუდონ რესურსები პარტიული პიარკამპანიისთვის და თანხები მიმართონ ადამიანებისათვის ელემენტარული ჯანდაცვის საკითხების მოგვარებისკენ“, _ აცხადებს გიორგი მოსიაშვილი. /ქიზიყი/

четверг, 28 июня 2012 г.

ინციდენტი სოციალურ სააგენტოში – ზურაბ ზურაშვილი ჟურნალისტებს ისევ ემალება

27 ივნისს ინციდენტი მოხდა სოციალური მომსახურების სააგენტოს დედოფლისწყაროს ფილიალში. სააგენტოს უფროსმა ზურაბ ზურაშვილმა გაჭირვებულ მოქალაქეთა პრობლემებზე და სააგენტოს მხრიდან გამოჩენილ უყურადღებობაზე ჟურნალისტებთან საუბარი არ ისურვა და კაბინეტიდან გაიქცა.

დედოფლისწყაროს რაიონის სოფელ არბოშიკში მცხოვრები, მარტოხელა პენსიონერი ლოლა სეფიაშვილი, სოციალური მომსახურების სააგენტოს მიმართ უკმაყოფილებას გამოთქვამს არაობიექტურ მუშაობაში ადანაშაულებს. მისი თქმით, სოციალურმა აგენტმა იმდენად მაღალი ქულები დაუწერა, რომ ჯანმრთელობის დაზღვევის პოლისითაც კი ვერ სარგებლობს. სოციალური სააგენტოს მუშაობით უკმაყოფილონი არიან სეფიაშვილის მეზობლებიც.

„ინფო 9“-ის გადამღები ჯგუფი ვითარების გარკვევის მიზნით ზურაშვილთან შეხვედრას შეეცადა, თუმცა მცდელობა ინციდენტით დასრულდა. დედოფლისწყაროს რაიონის სოციალური სააგენტოს უფროსი, ზურაბ ზურაშვილი „ინფო 9“-ის კამერის დანახვამ იმდენად გააღიზიანა, სამუშაო ადგილი დატოვა. შეგახსენებთ, ზურაშვილის მხდიდან ჟურნალისტებთან დამალვის ეს პირველი შემთხვევა არ არის. ის ამ სამსახურს ორიოდ თვეა რაც ხელმძღვანელობს.

ქიზიყი.ge „ინფო 9“-ს დედოფლისწყაროს ფილიალის ჟურნალისტს მაკა სულაშვილს ექსკლუზიურად ესაუბრა. ჟურნალისტი მაშინვე ტელეფონით დაუკავშირდა საქართველოს შრომის, ჯანმრთელობისა და სოციალური დაცვის სამინისტროს პრესსამსახურს. თავდაპირველად პრესსამსახურის წარმონადგენელმა გადამღებ ჯგუფს კითხვების მათთან გადაგზავნა სთხოვა, შემდეგ დროის არქონა მოიმიზეზა და ტელეფონი გათიშა.

ვიდეო ჩანაწერი და ჟურნალისტის შეფასების აუდიო კომენტარები იხილეთ www.qiziyi.ge

მესაზღვრის მიერ გამოწვეული ავტოავარიისას ბებია-შვილიშვილის ტრაგიკულად დაღუპვიდან ერთი წელი გავიდა

ზუსტად ერთი წლის წინ, 2011 წლის 28 ივნისს სოფელ კაჭრეთში, გურჯაანი-თბილისის ცენტრალურ ავტო-მაგისტრალზე მომხდარ მასშტაბურ ავტო-ავარიას ქალაქ დედოფლისწყაროში მცხოვრები ბებია ნანა არაბულისა და მისი 6 წლის შვილიშვილის დინა ჩოფიკაშვილის სიცოცხლე ემსხვერპლა.

შეჯახების შედეგად კიდევ 9 მგზავრი დაშავდა, რომელთაგან 1 მძღოლის მდგომარეობა განსაკუთრებით მძიმე იყო. ის კატასტროფის ცენტრის ბრიგადამ სასწრაფოდ თბილისში, ღუდუშაურის სახელობის კლინიკაში გადაიყვანა. პოლიციამ დედოფლისწყაროს მკვიდრი, სასაზღვრო პოლიციის დედოფლისწყაროს #4-ე სამმართველოს თანამშრომელი ამირან გონაშვილი დააკავა.
გასულ წელს "ქიზიყმა" თვითმხილველების ნაამბობი შემთხვევის ადგილიდან ექსკლუზიურად გაავრცელა. ჟიგულის მარკის ტაქსის მძღოლი უბედური შემთხვევის თვითმხილველია. ის გაჩერებაზე 28 ივნისს დილიდან იდგა, რის გამოც ირწმუნება, რომ მოვლენათა განვითარება თავიდანვე დეტალურად დაინახა. გაზეთ "ქიზიყთან" საუბარში ის სკანდალურ დეტალებს იხსენებს.
,,კაჭრეთის რესტორანში 4-5 მესაზღვრე ქეიფობდა. როგორც მათი საუბრიდან ჩანდა ისინი სასაზღვრო სამმართველოში დაწინაურებას აღნიშნავდნენ. სპეციალური ფორმებიც ეცვათ. მალევე, როცა შეზარხოშდნენ ,,პაგონებზე" ვარსკვლავები მოიხსნეს ჭიქაში ჩაყარეს და ღვინოს ასე სვამდნენ. ძალიან ბევრი დალიეს, რის გამოც მაგრად გამოთვრნენ. მალევე ერთმანეთს დაერივნენ. ერთ-ერთს ეუბნებობნენ - უნდა მოგკლათო!... როგორც ჩანს ამ ბიჭს შეეშინდა, სუფრიდან გამოიპარა ტაქსებთან მოვიდა, სიტუაცია აგვიხსნა - მემუქრებიანო თქვა და ერთ-ერთი ტაქსით დედოფლისწყაროსკენ გაეშურა. უტაქტოდ და უხამსად იქცეოდნენ, სასაზღვრო პოლიციის თანამშრომელს ასე მოქცევა ნამდვილად არ შეეფერება, მითუმეტეს, როცა ფორმა გაცვია და "პაგონებს" ატარებ... მალევე თანამესუფრეებიც გამოვიდნენ და რომ გაიგეს ის ბიჭი წასული იყო, ისინიც მანქანით მთვრალები დიდი სისწრაფით მას გაეკიდნენ. ისევ იმუქრებოდნენ და ამასობაში ეს ავარიაც მოხდა. 4 მანქანა ერთმანეთს შეეჯახა. მერე გავიგეთ, რომ ადგილზე ბავშვი დაიღუპა და მისი ბებია მოგვიანებით საავადმყოფოში გარდაიცვალა. ფაქტიურად, ისინი რომ დაირივნენ და მთვრალები გაეკიდნენ ავარია ამან გამოიწვია.
როგორც ამბობენ, ბავშვს ბაღი დაუმთავრებია, სკოლაში მისასვლელად ემზადებოდა და ამის აღსანიშნავად ბებიას ის თბილისის ზოოპარკის დასათვალიერებლად მიჰყავდა. შეჯახებაც ამ დროს მოხდა. როგორც ამბობენ, ეს ერთ-ერთი მესაზღვრე დედოფლისწყაროში იმავე კორპუსში ცხოვრობდა, სადაც ბებია-შვილიშვილი. ანუ, გარდაცვლილების მეზობელი იყო და შარშიც მან გახვია", - ყვება ტაქსის მძღოლი.
საუბარში იქვე მდგომი ქალბატონიც ჩაერთო, რომელიც ლაგოდეხში გამგზავრებას ცდილობდა. მან აღნიშნა, რომ შაბათს, 2 ივლისს დედოფლისწყაროში სწორედ ბებია-შვილიშვილის დაკრძალვაზე იმყოფებოდა. ისიც ადასტურებს, რომ ამ ვერსიაზე გაცილებით ბევრი საუბრობს.
ერთ-ერთი მესაზღვრე პირად საუბრებში ამბობს, რომ იმ დღეს მისი თანამშრომლები საქეიფოდ წასვლას მასაც სთხოვდნენ, მაგრამ სხვა საქმეების გამო მან რესტორანში გაყოლა ვერ მოახერხა და უბედურ შემთხვევას ასე გადაურჩა.
როგორც "ქიზიყმა" გაარკვია, ბებია და შვილიშვილი მანამდე დედოფლისწყაროს რაიონის სოფელ გამარჯვებაში ცხოვრობდნენ, ისინი ქალაქ დედოფლისწყაროში, რუსთაველის ქუჩაზე, რუსულ სკოლასთან მდებარე კორპუსებში საცხოვრებლად ახლახან გადმოვიდნენ. იმავე კორპუსის მკვიდრია დაკავებული გონაშვილიც.
შეგახსენებთ, ეს პირველი შემთხვევა არ არის. დედოფლისწყაროს სასაზღვრო სამმართველოს თანამშრომელს ავტოავარიაში ადამიანი უკვე მეორედ შემოაკვდა. ამ ხნის მანძილზე მათ სახელზე სამი ადამიანის გარდაცვალება ირიცხება, მათ შორის ერთი მცირეწლოვანი ბავშვი და ერთიც ახალგაზრდა ბიჭია.
სოფელ არბოშიკში მცხოვრები 27 წლის გოჩა მაძღარაშვილი გასულ წელს სოფელ გამარჯვებაში ცენტრალურ მაგისტრალზე მიცუბიშის მარკის ჯიპით სიღნაღის რაიონის სოფელ ზემო ბოდბეში მცხოვრებ 19 წლის ბექა ჯანიაშვილს დაეჯახა, რის შედეგადაც ახალგაზრდა ადგილზევე გარდაიცვალა. როგორც გარდაცვლილის მეგობრებმა "ქიზიყს" განუცხადეს, ბექა ბენზინის საყიდლად ფეხით მიდიოდა, რა დროსაც მას სწრაფად მოძრავი ავტომობილი დაეჯახა. /ქიზიყი/
ვრცლად>>

среда, 27 июня 2012 г.

რა არ ათქმევინეს მოქალაქეს "ქართული ოცნების" შეხვედრაზე?!

არჩევნებმა ან შელახული ღირსება უნდა დაგვიბრუნოს, ან - სიღატაკისა და უუფლებობისთვის გაგვიმეტოს!

პოლიტიკური კოალიცია "ქართული ოცნების" წარმომადგენლების შეხვედრა დედოფლისწყაროს რაიონის მოსახლეობას უფრო მშვიდ და "საზეიმო" ატმოსფეროში ჩაივლიდა, რომ არა ერთი შემთხვევა... ქ. დედოფლისწყაროს მცხოვრებმა 74 წლის უშანგი სულაშვილმა შეხვედრის დასასრულ სიტყვით გამოსვლა მოითხოვა. ბერა ივანიშვილის ახალი კლიპის გამაყრუებელი ხმის ფონზე დაიწყო ბ-მა უშანგიმ თავისი სიტყვა. უნდა აღინიშნოს, რომ მის საუბარს ყურადღებით მოუსმინეს კახი კალაძემ, ზურაბ ზვიადაურმა, ბიძინა გუჯაბიძემ, ვახტანგ ხმალაძემ, ლაშა ჩხარტიშვილმა და სხვებმა. უშანგი სულაშვილის სიტყვით გამოსვლის ფაქტმა ზოგში თუ მოწონება დაიმსახურა, ზოგიერთისთვის ის კრიტიკის საგნად იქცა. მან საკუთარი მოსაზრების ბოლომდე დაფიქსირება ვერ შეძლო. ამიტომ გადაწყვიტა ბ-მა უშანგიმ „ქიზიყთან“ ინტერვიუს საშუალებით განემარტა, თუ რა რჯიდა, რისი თქმა სურდა, რა გზავნილი მიაწოდა მან „ქართული ოცნების“ მესვეურებს.
- ბ-ნო უშანგი, კარგად გვახსოვს თქვენი პოლიტიკური აქტიურობა ჯერ კიდევ ეროვნული მოძრაობის დასაწყისიდან…
- მართალია, სწორედ საქართველოში ეროვნული მოძრაობის დაწყების დროიდან ვარ ჩართული ქვეყნის დამოუკიდებლობისათვის ბრძოლის საქმეში, მე ამ საქმისთვის თავი მაქვს დადებული და ვერც ეხლა შევპირდები ვინმეს, რომ გულზე ხელს დავიკრეფ და შორიდან მივადევნებ თვალს ჩემს სამშობლოში მიმდინარე პოლიტიკურ პროცესებს, მით უმეტეს, რომ ასეთი მნიშვნელოვანი არჩევნები კარზე გვაქვს მომდგარი.
- თქვენი აზრით, რითია ეს არჩევნები ასე განსაკუთრებული და მნიშვნელოვანი?
- იმით, რომ ამ არჩევნებს იმედის თვალით შეჰყურებს ხალხი, ამ არჩევნებმა ან უნდა დაგვიბრუნოს შელახული ღირსება, ან უარესი სიღატაკისა და უუფლებობისთვის გაგვიმეტოს.
- როგორ აფასებთ ქართულ პოლიტიკაში ბიძინა ივანიშვილის გამოჩენას?
-მაშინ, როდესაც საქართველოში აბსოლიტური ავტოკრატიაა, ერთპარტიულია ქართული პოლიტიკა, ქვეყნის მოსახლეობის უდიდესი ნაწილი ღატაკია, როდესაც არ არსებობს საშუალო ფენა, ყოველ ფეხის ნაბიჯზე ირღვევა ადამიანის უფლებები, სასამართლო, პროკურატურა, პოლიცია, ჯარი პოლიტიზებულია და ერთი კაცის ნება-სურვილს ემორჩილება და ემსახურება. განა შეიძლება მე, რიგით ქართველს, ჩემი ქვეყნის შვილს არ მიხაროდეს ალტერნეტიული ძალის გამოჩენა?
- როდესაც „ქართული ოცნების“ შეხვედრაზე მიდიოდით, წინასწარ გქონდათ განზრახული სიტყვით გამოსვლა?
- წინასწარ განზრახული არ მქონია, თუმცა ხშირად მიფიქრია იმ სავალალო მდგომარეობაზე, როგორშიც ჩემი ქვეყანა და ხალხი იმყოფება, ამიტომაც იმედი მქონდა, „ოცნება“ უფრო მეტად დიალოგის რეჟიმში წარმართავდა შეხვედრას ხალხის სათქმელის უკეთ მოსმენის მიზნით, მაგრამ... ვინაიდან ასე არ მოხდა, გადავწყვიტე, ინიციატივა გამომეჩინა და სათქმელი მეთქვა.
- მაინც რა გზავნილი მიაწოდეთ „ქართულ ოცნებას“?
- ჩემი გზავნილი, ძირითადად, სამი პუნქტისგან შედგება: უმთავრესად მიმაჩნია საქართველოს მოქალაქისათვის ნაციონალობის სტატუსის აღდგენა პირადობის დამადასტურებელ მოწმობაში. ასევე, პოლიტიკური-საარჩევნო სუბიექტების მიერ ლამაზად გაფორმებულ დეკლარაციებსა თუ პროგრამებში თითოეული პუნქტი, აბზაცი, სტრიქონი თუ სიტყვა ახსნილი და განმარტებული იყოს ხალხისთვის გასაგებ ენაზე, გარდა ამისა, მიმაჩნია, რომ მათი თითოეული წინასაარჩევნო დაპირება, მომავალი სამოქმედო გეგმა გათვლილი უნდა იყოს დროის გარკვეულ მონაკვეთებზე. მაგალითად, თუ დროულად არ გადაიხედა სამოქალაქო, ადმინისტრაციული, თუ საბანკო დარღვევების გამო მოსახლეობაზე გაწერილი საჯარიმო სანქციები, რომელთა უმეტესობასაც ვერ იხდის ხალხი და ამის შედეგად ან მამაპაპისეულ ქონებას კარგავს, ანდა მოვალეთა რეესტრის მრავალრიცხოვან სიას სამუდამოდ უერთდება, ქვეყანაში კატასტროფული სისწრაფითა და მასშტაბით გაიზრდება ისედაც არსებული უკიდურესი სიღატაკე. ამიტომაც მნიშვნელოვნად მიმაჩნია პოლიტიკური პარტიების მხრიდან საარჩევნო დაპირებების დროში გაწერა და მოსახლეობამდე ასეთი სახით მიტანა.
და კიდევ ერთი: არანაკლებ მნიშვნელოვანია, თუ როგორ მოახდენს ხელისუფლებაში მოსული ახალი ძალა მოსახლეობის სოციალურ უზრუნველყოფას, რა კატეგორიის ხალხი ჩაითვლება სოციალურად დაუცველად, საშუალო ფენის წარმომადგენლად თუ შეძლებულად, რათა შემდგომ სახელმწიფო სუბსიდიები, გადასახადები, ჯარიმები თუ შეღავათები ამ დეფინიციის მიხედვით იყოს განსაზღვრული.
- ჯანდაცვაზეც გააკეთეთ განსაკუთრებული აქცენტი...
- ჯანდაცვაზე მართლაც ბევრი მაქვს სასაუბრო, მაგრამ ყურადღება გავამახვილე ისეთი ინფექციური დაავადებების პრევენციისა და მკურნალობის დაფინანსებაზე სახელმწიფო თუ კერძო სადაზღვევო კომპანიების მხრიდან, რომლებიც ხელს უშლიან ერის გამრავლებას, ქართული გენოფონდის გაძლიერებას.
- თუ არ ვცდები, სახალხო დამცველის ინსტიტუტსაც შეეხეთ...
- ჩემი აზრით, სახალხო დამცველი, აბსოლიტურად თავისუფალი რაიმე პოლიტიკური იარლიყისგან, საქართველოში უნდა არსებობდეს არა ერთი და ისიც დედაქალაქში, არამედ ეს ინსტიტუტი შემოღებულ უნდა იქნას თითოეულ რაიონში, რათა ისწავლოს ხალხმა თავისი კონსტიტუციურ-სამართლებრივი უფლებების დაცვა.
- აღნიშნეთ, რომ „ქართული ოცნების“ მხარდამჭერი ბრძანდებით, მაშ რატომ გამოიწვია თქვენმა გამოსვლამ ზოგიერთების უკმაყოფილება?
-ალბათ იმიტომ, რომ ჩემი მხარდაჭერა არ ითვალისწინებს ბრმა ნდობას რომელიმე პოლიტიკური სუბიექტისადმი. ნამდვილად არ მინდა ვინმემ, ეს „ქართული ოცნება“ იქნება თუ სხვა, ჩათვალოს ხალხი იმ ბრბოდ, რომელმაც 20 წლიანი უახლესი ისტორიის მანძილზე ვერა და ვერ გამოიმუშავა თავის შიგნით პოლიტიკურ-ელექტორალური კულტურა, ეს ასე არ არის! მე ამ გასაცოდავებული ხალხის წარმომადგენელი ვარ და ნამდვილად ვერ შევაფასებ, მრავალთა მსგავსად, რომელიმე საარჩევნო სუბიექტს თუნდაც „დიდი და ღრმა ჯიბით“, ჩემთვის მთავარი მათი საარჩევნო პროგრამებია; და ვინაიდან, ძალიან რთულია დღეს ხალხის ნდობის მოპოვება, ჩემს გამოსვლაში მოვითხოვე, როგორც „ოცნების”, ასევე სხვა პოლიტიკური პარტიების მხრიდან ხალხის წინაშე წარმოდგენილი იქნას მათი მესვეურების ხელმოწერებით დადასტურებული პროგრამები, რათა შემდგომ, რომელიმე მათგანის ხელისუფლებაში მოსვლისას პროგრამით გათვალისწინებული დაპირებების შესრულების შემთხვევაში ხალხმა შეძლოს მათ მიმართ მადლიერების გამოხატვა, არ შესრულების შემთხვევაში კი-მათი პასუხისმგებლობის საკითხის დაყენება.
ეს იყო ჩემი სათქმელი მაშინაც და ეხლაც და თუ ვინმე ჩემს მოსაზრებებში რაიმე ინტრიგნულს ხედავს, ანდა მიიჩნევს, რომ მე სიმართლის თქმისათვის ბოდიში უნდა მოვიხადო, ვერ დავეთანხმები და ვერც ცხენს შევკაზმავ გასაქცევად ერთი ქართული ანდაზისა არ იყოს... /ქიზიყი/

ესაუბრა
ნინო ჭიღიტაშვილი
წელს კახეთს სოფლის დახმარების პროგრამის ფარგლებში 6 მილიონზე მეტი გამოეყოფა _ * _ * _ ორგანიზაცია “რეპორტიორები საზღვრებს გარეშე” 2011 წლის ანგარიშის მიხედვით, საქართველოში პრესის თავისუფლების მაჩვენებელი წინა წელთან შედარებით დაეცა და გასული წლის 100-ე ადგილიდან 105-ზე გადაინაცვლა. ამდენად, საქართველო რეგიონში პრესის თავისუფლების მხრივ ლიდერი აღარაა. _ * _ * _ 2012 წელს ხორბლის ფასი სავარაუდოდ, მაღალი იქნება _ * _ * _ საქართველო იმ ქვეყნების ათეულში ვერ მოხვდა, რომელიც 2012 წელს საუკეთსო ტურად ცხადდება _ * _ * _ „ადამიანის უფლებათა ცენტრის" ინფორმაციით, საქართველომ ევროპაში პატიმართა რაოდენობით პირველ ადგილზე გადაინაცვლა _ * _ * _ არჩევნების დანიშვნის დღიდან შედეგების შეჯამებამდე ბიუჯეტში მანამდე გაუთვალისწინებელი პროექტების განხორციელება აიკრძალა _ * _ * _ 2011 წლის 1 იანვრიდან 28 დეკემბრის ჩათვლით, კახეთის რეგიონში ხანძრის 852 შემთხვევაა დაფიქსირებული. სტატისტიკური მონაცემებით, ხანძრის ყველაზე მეტი - 224 შემთხვევა თელავის რაიონშია აღრიცხული - დედოფლისწყაროში კი 68. _ * _ * _ სიღნაღის და დედოფლისწყაროს რაიონებში მომუშავე ფერმერების თქმით, მდინარე ალაზანმა აზერბაიჯანის მხარეს წელს კიდევ 10 ჰექტარზე მეტი მიწა დატოვა. „ყველა უწყებას მივმართეთ თხოვნით, რომ მდინარე ალაზანზე ნაპირდაცვითი სამუშაოები ჩატარებულიყო, მაგრამ ყურადღება არავინ მოგვაქცია. მდინარეს განსაკუთრებით დიდი ოდენობით მიწა გაზაფხულზე მიაქვს, როცა ადიდებულია“, - აღნიშნეს ფერმერებმა. _ * _ * _ სპორტისა და ახალგაზრდობის საქმეთა სამინისტროს ხელშეწყობით და ბავშვთა და ახალგაზრდობის განვითარების ფონდის დაფინანსებით დედოფლისწყაროში დაფუძნდა ორი კავშირი: ,,ახალი სიტყვა – ახალგაზრდული ინიციატივა“ და „ახალი თაობა – ახლი იდეა“. მრავალპროფილიანი არასამთავრობოები, აპოლიტიკური, არასამეწარმეო იურიდიული პირებია, რომლებიც თავის რიგებში აერთიანებს სხვადასხვა სფეროთი დაინტერესებულ ახალგაზრდებს, რომელთაც სურთ მონაწილეობა მიიღონ ქვეყნის დემოკრატიულ განვითარებაში. _ * _ * _



















































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































"ქიზიყის" მკითხველი ახალი ამბების გასაცნობად სხვა მისამართს უნდა ეწვიოს


ამიერიდან ეს გვერდი მუშაობას წყვეტს. ახალი ამბები შეგიძლიათ იხილოთ განახლებულ და გამარტივებულ ვებ-გვერდზე www.qiziyi.ge ამ გვერდზე, სადაც ახლა იმყოფებით, მხოლოდ აუდიო-რეპორტჟები და პროექტ „კვირის ბოლოს“ რადიოგადაცემების ჩანაწერები დაიდება. ტექსტური ამბების გასაცნობად კი ეწვიეთ ამ მისამართს. http://qiziyi.ge/

როგორც „ქიზიყის“ რედაქტორი ილია მარტყოფლიშვილი ამბობს, ახალ მისამართზე გაცილებით მეტი ინფორმაცია განთავსდება, ვიდრე აქამდე ხდებოდა. ინფორმაციების განახლების ინტენსივობა და ოპერატიულობაც გაუმჯობესდება. ძველ ვერსიაზე ამბები მხოლოდ იმ შემთხვევაში განახლდება, თუ ვებ-გვერდის ახალ ვერსიაზე ტექნიკური ხარვეზი შეიქმნება.

ასე რომ, აკრიფეთ ახალი მისამართი და გაიგეთ უფრო მეტი: http://qiziyi.ge/










ივანიშვილის პარტია დედოფლისწყაროელებს 2 ივნისს შეხვდება

ქართველი მეცენატის, ბიძინა ივანიშვილის კოალიცია „ქართული ოცნების“ მიერ 24 მაისს დედოფლისწყაროს მუნიციპალიტეტის მოსახლეობასთან დაგეგმილი შეხვდრა გადაიდო. პარტიის ლიდერების შეხვედრა დედოფლისწყაროს კულტურის სახლის შენობაში ხუთშაბათს იგეგმებოდა.

როგორც კოალიცია „ქართული ოცნების“ დედოფლისწყაროს შტაბის ხელმძღვანელმა ალექსანდრე თამაზაშვილმა „ქიზიყს“ განუცხადა, შეხვედრა კულტურის სახლის დარბაზში 2 ივნისს გაიმართება. მისი თქმით, შეხვედრის გადადება თბილისში 27 მაისს დაგეგმილმა აქციამ განაპირობა.

ლექსო თამაზაშვილის განცხადებით, თავდაპირველად დედოფლისწყაროში დარბაზის დაქირავებაზე დაბრკოლება შეექმნათ, თუმცა საბოლოო ჯამში მუნიციპალიტეტის კულტურისა და სპორტის ცენტრმა ხელშეკრულების გაფორმებაზე თანხმობა განაცხადა:

„უარის შემთხვევაში სხვა ალტერნატიული ვარიანტებიც გვქონდა, თუმცა საბოლოო ჯამში დაგვთანხმდნენ. არ ვიცი რატომ, მაგრამ ფაქტია, რომ დარბაზი დაგვითმეს,“ - აცხადებს თამაზაშვილი.

დედოფლისწყაროს კულტურისა და სპორტის ცენტრის უფროსი ვანო შანშიაშვილი „ქიზიყთან“ საუბარში ადასტურებს, რომ 24 მაისისთვის კოალიციასთან ხელშეკრულება უკვე დადებულია. ის ამბობს, რომ დარბაზის დაქირავებნაზე ივანიშვილის პოლიტიკურ ჯგუფს მათი მხრიდან პრობლემა არ შექმნია.

„ქართული ოცნების“ წარმომადგენლები დედოფლისწყაროელებს შეხვედრაზე დასწრებისკენ მოუწოდებენ. /ქიზიყი/

ილია მარტყოფლიშვილი CV

დაიბადა 28.04.1984, ქალაქ დედოფლისწყაროში. 2006 წელს დაამთავრა თსუ ჟურნალისტიკის ფაკულტეტი. (სპეციალობა ტელე-რადიო ჟურნალისტიკა)
* * *
2002-2003 წ. ჟურნალი ,,თბილისელები", - ჟურნალისტი, (თბილისი)
2003 წ. ჟურნალი ,,კვირის ბოლო" - რედაქტორი, (თბილისი);
2003 წ. დედოფლისწყაროს ტელევიზიის ყოველდღიური საინფორმაციო პროგრამების ავტორი და ტელე-წამყვანი.
2004 წ. გაზეთ ,,ქიზიყის" მთ რედაქტორი;
2004-05 წ. რადიო ,,უნივერსი" (FM 103.9) საინფორმაციოს გამომშვები რედაქტორი, საპარლამენტო კორ. (თბილისი);
2005 წ. ,,პირველი რადიო" (FM 106.4) საინფორმაციო სამსახურის პროდიუსერი, საპარლამენტო კორ, (თბილისი);
2005-2007 წ. კახეთის რეგიონული გაზეთი ,,პროგრესი" (გურჯაანი) დედოფლისწყაროს ბიუროს რედაქტორი;
2005 წლიდან ,,თავისუფალი გაზეთი" კახეთის ბიუროს რედაქტორი.
2006 წ. ჟურნალი ,,რეალური სამყარო" - ჟურნალისტი; (თბილისი);
2007-2010 წ. გაზეთი ,,ვერსია" - ჟურნალისტი ; (თბილისი);
2007 წ. გაზეთი ,,კამარა" - ჟურნალისტი; (თბილისი);
2007 წლიდან ჟურნალ ,,ღია ბოქლომი"-ს აღმასრულებელი რედაქტორი;
2007 წლიდან დღემდე გაზეთ ,,საქართველოს რესპუბლიკა"-ს კახეთის კორ;
2008-09 ახალი ამბების სააგენტო CHN-ს გამომშვები რედაქტორი, (თბილისი);
2010 წ. გაზეთი "ალია" - ჟურნალისტი;
20010-11 წ. ყოველდღიური ინტერნეტ-გაზეთი "ქიზიყი" - გამომშვები რედაქტორი.
2010 წლიდან დღემდე ანალიტიკური ინტერნეტ-გაზეთი www.7days.ge (7 დღე) ჟურნალისტი (თბილისი)
2010 წ. გაზეთი "ქართული სიტყვა" - ჟურნალისტი (თბილისი);
2010 წლიდან დღემდე ახალი ამბების სააგენტო, ინტერნეტ-გაზეთი www.newsline.ge -ჟურნალისტი (თბილისი)
* * *
სხვადასხვა ქალაქებში, პროფესიული კუთხით, გავლილი აქვს არაერთი სახის ტრენინგ-სემინარები.

სასაზღვრო სამმართველო კიდევ ერთ სკანდალში გაეხვა

პარ

კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა

კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა
მრავალბინიანი საცხოვრებელი კორპუსების სახურავების გადახურვის სამუშაოები ქალაქ დედოფლისწყაროში რამდენიმე თვის წინ განხორციელდა, ამისთვის მუნიციპალური განვითარების ფონდმა 221 000 ლარი გამოყო. თუმცა, გაირკვა რომ პრობლემა სულაც არ მოგვარებულა. ახლად გადახურულ სახლებში სამუშაოების დასრულებიდან ორიოდ დღეში ინტენსიური წვიმების დროს მოსახლეობის დიდ ნაწილს სახლებში წყალი ჩაუვიდა და ზარალი მიადგა. განსაკუთრებულად რთული ვითარება იყო ქალაქის ცენტრალურ უბნებში, რუსთაველისა და სტალინის ქუჩებზე მდებარე მრავალბინიან საცხოვრებელ კორპუსებში. მოსახლეობა მუნიციპალიტეტის ხელმძღვანელებს სამუშაოების უხარისხოდ ჩატარებაში ადანაშაულებს.

გიული ალასანია ზემო მაჩხაანში ექსმინისტრ ჭიპაშვილის ოჯახში იმყოფებოდა


რისთვის ჩამოვიდა პრეზიდენტის დედა დედოფლისწყაროში და რატომ მიიყვანეს ნიკალას მუზეუმში შემოვლითი გზებით?!

სოფელი საქართველოში, სადაც 21-ე საუკუნე ჯერ არ დამდგარა და სადაც პრეზიდენტის დედამ ეს ვერ იგრძნო

სოფელი ზემო მაჩხაანი - არ გეგონოთ, რომ პატარა, უმნიშვნელო დასახლება იყოს. ძალიან დიდი სოფელია, სიღნაღიდან, სიყვარულისა და თანამედროვე სტანდარტების ქალაქიდან, სულ რამდენიმე კილომეტრში, სიმაღლით – მის დონეზე, მის მოპირდაპირე მთაზე შეფენილი, ნიკო ფიროსმანის დედის სოფელი (თავად ფიროსმანის მირზაანიც ამ სოფლის ფაქტობრივი გაგრძელებაა), მიხეილ ჯავახიშვილის დევნილობაში მყოფი ოჯახის თავშესაფარი, ნიკო ყიასაშვილის დაბადების ადგილი. თუმცა ამას რა მნიშვნელობა აქვს. სოფელში ხალხი ცხოვრობს, თანაც, ასობით, და ელექტროენერგიას ისინიც იმავე მიზნით მოიხმარენ, როგორც ჩვენ. დიახ, ცხადია, სოფელს ჰყავს გამგებელი, დეპუტატი – რაიონულ საკრებულოში, მაგრამ, როგორც ამ სოფლის მკვიდრები ამბობენ, ისინი ადგილობრივების პრობლემებით მხოლოდ წინასაარჩევნო პერიოდებში ინტერესდებიან. ჩვენ პირობა მივეცით ამ სოფლის მოსახლეობას, რომ დავიწყებთ ვრცელ ჟურნალისტურ მოკვლევას პრობლემების შესასწავლად. იქამდე კი შევასრულეთ მათი თხოვნა დ იმ მიზეზების გარკვევა ვცადეთ, რომელთა გამო ადამიანები 21-ე საუკუნეში უშუქოდ ატარებენ დღეებს. www.7days.ge

გაზეთი "ახალი 7 დღე" - იხილეთ სტატია ვრცლად>>

სტიქიით დაზარალებულთათვის გამგეობამ მხოლოდ 150 ათასი ლარი გაითვალისწინა


დედოფლისწყაროში სტიქიით მიყენებული ზარალის შემსწავლელი კომისიის თავმჯდომარე ალექსანდრე ალუღიშვილი ამბობს, რომ ბიუჯეტიდან 150 ათასი ლარი გამოიყოფა.
როგორც ინტერნეტ-გაზეთ ქიზიყს დედოფლისწყაროს გამგეობიდან აცნობეს, სპეციალურ კომისიაში მუნიციპალიტეტის ზედამხედველობისა და ინფრასტრუქტურის სამსახურის თანამშრომლები, ასევე სოციალური სამსახურის უფროსი დავით ხიხაძე და მუნიციპალიტეტის გამგებელი ნუკრი შანშიაშვილი შედიან.
ქიზიყმა კომისიის თავმჯდომარისა და წევრების ვინაობა ორკვირიანი მცდელობის შემდეგ გაარკვია, მანამდე კომისიაზე საუბარს რატომღაც ყველა თავს არიდებდა.
დედოფლისწყაროს გამგეობის აპარატის უფროსი ნინო ჩოხელი ქიზიყთან საუბრისას აცხადებს, რომ კომისიის შექმნის თაობაზე ოფიციალური ბრძანება ჯერ არ დაწერილა, თუმცა კომისია სტიქიის დღიდანვე მუშაობს.

შეგახსენებთ, 16-17 ივლისს ქალაქი დედოფლისწყარო და სოფელი წითელწყარო ძლიერმა წვიმამ დააზარალა. მოვარდნილმა ღვარცოფმა 110-ზე მეტი საცხოვრებელი ბინა დატბორა. დაიხოცა შინაური ფრინველი და პირუტყვი. ზოგიერთის ბინა საცხოვრებლად სახიფათო გახდა. დედოფლისწყაროელები მუნიციპალიტეტის ხელმძღვანელობას უყურადღებობაში ადანაშაულებენ და დახმარებას ითხოვენ. დამცირებული მოსახლეობა წუხს, რომ გამგეობის ინფრასტრუქტურის სამსახურის უფროსმა დავით ჯიბღაშვილმა დახმარების ნაცვლად დაზარალებულების დაცინვა და მასხრად აგდება დაიწყო. ადგილობრივები ჯიბღაშვილს უზრდელად და თანამდებობისთვის შეუფერებლად მოიხსენიებენ. /ქიზიყი/ თამილა გურაშვილი

ქიზიყის ვიდეო-რგოლი

Общее·количество·просмотров·страницы