пятница, 31 декабря 2010 г.

საახალწლო ღონისძიებები დედოფლისწყაროში გრანდიოზული ფეიერვერკით დასრულდა

დედოფლისწყაროს კულტურისა და სპორტის ცენტრის ორგანიზებით დედოფლისწყაროს კულტურის სახლში 30 დეკემბრის საღამოს ადგილობრივი ბავშვების მონაწილეობით საახალწლო სპექტაკლი "საშობაო ღამის სიზმრები" გათამაშდა. საღამო ჩვეული ოსტატობით მიჰყავდა კულტურის სამსახურის სპეციალისტს ნონა ჯიბღაშვილს.

საახალწლო კონცერტზე მოწვეულნი იყვნენ საბავშვო ბაღების აღსაზრდელები, მუნიციპალიტეტის საჯარო სკოლების მოსწავლეები, სოციალურად დაუცველთა ფენის ოჯახების შვილები, მრავალშვილიანი დედები, რომელთაც კარნავალის დასასრულ სადგილობრივმა საქველმოქმედო ფონდმა "ნუგეში" ,,ბარამბოს" ტკბილეული გადასცა.

როგორც ცნობილია, დედოფლისწყაროში უკვე მეორე წელია ფუნქციონირებს საქველმოქმედო ფონდი "ნუგეში". კეთილი ადამიანების შემოწირულობების წყალობით 52 მრავალშვილიან დედას, რომელთაც 5 და მეტი შვილი ჰყავს, საახალწლო ნობათი გადაეცა.

ღონისძიებას ესწრებოდნენ დედოფლისწყაროს გამგებელი ნიკოლოზ შანშიაშვილი და მუნიციპალიტეტის საკრებულოს თავმჯდომარე ლევან ბაღაშვილი, რომელიც საახალწლო სპექტაკლზე ძმიშვილთან, პატარა ნუცასთან ერთად მივიდა.

აღსანიშნავია, რომ გასულ წელსაც კულტურისა და სპორტის ცენტრმა დაახლოებით ასეთი ღონისძიება წარმოადგინა.

ასე გადაჭედილი დარბაზი გაზეთ "ქიზიყის" რედაქციას დიდი ხანია აღარ უნახავს. ამის შემდეგ, დედოფლისწყაროს მუნიციპალიტეტის ხელმძღვანელობამ და კულტურის სახლის დარბაზში შეკრებილმა საზოგადოებამ ტრადიციისამებრ ქალაქის ცენტრალურ ნაძვისხესთან გადაინაცვლეს.

საკრებულოს თავმჯდომარემ თავიდანვე დააანონსა, რომ კულტურისა და სპორტის ცენტრის ხელმძღვანელი წელს განსაკუთრებულ ფეიერვერკს გვპირდებოდა.
ისეთს, როგორიც დედოფლისწყაროში ჯერ არ ყოფილა. ქალაქ დედოფლისწყაროში გრანდიოზული საახალწლო ფეიერვერკი უკვე მესამე წელია იმართება. ამჯერად სიახლე იყო ის, რომ ახალი ტიპის ფეიერვერკები გამოიყენეს, რომლებიც ჰაერში განსხვავებულ მოძრაობებს ას
რულებდნენ. ამ დღეს დედოფლისწყაროს ცენტრში განსაკუთრებული გამოცოცხლება იგრძნობოდა.

ცენტრალურ მოედანზე რამდენიმე საათით საპატრულო პოლიციის მიერ მოძრაობაც შეწყდა. ავტომობილებით გადაადგილება შემოვლითი გზებით იყო შესაძლებელი, რის გამოც დედოფლისწყაროში დროებით საცოვბებიც შეიქმნა.

გავრცელდა ინფორმაცია, რომ მთავარი ფეიერვერკის დროს ერთი მამაკაცი დაშავდა და დამწვრობა მიიღო. ამბობდნენ, რომ ფეიერვერკის გაშვებაზე პასუხისმგებელი პირი დაზიანდა. "ქიზიყის" ჟურნალისტებმაც დააფიქსირეს, რომ პოლიკლინიკის მიმდებარე ტერიტორიაზე დამონტაჟებული ფეიერვერკებიდან ამოქმედების დროს ერთ-ერთი მათგანი უჩვეულოდ მალე განათდა, ანუ ხარვეზი ნათლად დაფიქსირდა.

"ქიზიყმა" ადამიანის დაშავების ფაქტის დაზუსტება სცადა. თუმცა, სასწრაფო-სამედიცინო დახმარების სამსახურის უფროსი ხათუნა ზურიკაშვილი "ქიზიყთან" საუბრისას ამბობს, რომ მათ ამის შესახებ არაფერი იციან. დედოფლისწყაროს პოლიციის სამმართველოშიც განმარტავენ, რომ მათთან არანაირი შეტყობინება არ შესულა. ადამიანის დაშავების ფაქტი არ დაადასტურეს ასევე დედოფლისწყაროს საავადმყოფოშიც. "ქიზიყს" განუცხადეს, რომ მათთან დაშავებული არ მიუყვანიათ.

ამ საკითხზე დედოფლისწყაროს კულტურისა და სპორტის ცენტრის ხელმძღვანელს თამაზ კირვალიძეს შევეხმიანეთ, თუმცა მის ტელეფონს სხვამ უპასუხა.

საბოლოო ჯამში, დედოფლისწყარო წინასაახალწლოდ განსაკუთრებულად გამოცოცხლებული იყო და ქუჩებშიც განსხვავებული ხალხმრავლობა იგრძნობოდა
დედოფლისწყაროელები განსაკუთრებით კმაყოფილებას გამოხატავდნენ იმ ფაქტზე, რომ დედოფლისწყაროში მუნიციპალიტეტმა ახალი წლის ღონისძიებები და გრანდიოზული ფეიერვერკი ტრადიციად აქცია. ბევრი მათგანისთვის, რომლებიც დედაქალაქთან კონტაქტს ვერ ახერხებენ, ეს სანახაობა ერთადერთი შესაძლებლობა იყო ფეიერვერკი საკუთარი თვალით ენახა.

როგორც ცნობილია, დედოფლისწყაროს მუნიციპალიტეტის საკრებულომ საახალწლო ღონისძიებებისთვის ადგილობრივი ბიუჯეტიდან 12 000 ლარი გამოყო. ზოგიერთმა ფეიერვერკს ხუმრობით ჰაერში გაფანტული 12 ათასიც კი უწოდა... /ქიზიყი/ ილია მარტყოფლიშვილი

четверг, 30 декабря 2010 г.

გიორგი ღვინიაშვილმა კახეთში 2010 წლის შედეგები შეაჯამა

2010 წელი ძალიან მნიშვნელოვანი იყო კახეთში ინფრასტრუქტურის განვითარების თვალსაზრისით - ამის შესახებ რადიო "ჰერეთს" კახეთის გუბერნატორმა გიორგი ღვინიაშვილმა 2010 წლის შეჯამებისას განუცხადა. ღვინიაშვილის თქმით, ერთ-ერთი წარმატებული პროექტი იყო გომბორის გზის მშენებლობა, რაც უდიდეს როლს შეასრულებს ეკონომიკის განვითარებაში.
"მთლიანად რეგიონში სოფლის დახმარების პროგრამითა და მუნიციპალური განვითარების ფონდის ხელშეწყობით, ძალიან ბევრი გზაა დაგებული და რეაბილიტირებული. აშენდა და განახლდა სკოლების (სოფელი გავაზი და სოფელი ტიბაანი ფაქტობრივად ევროპული სტანდარტის შესაბამისი სკოლები), საბავშვო ბაღები, პოლიკლინიკები, განხორციელდა სასმელი წყლის სისტემების რეაბილიტაცია. მთელ რიგ მდინარეებზე ჩატარდა ნაპირსამაგრი სამუშაოები. საზოგადოების აქტიური ჩართულობით შენდება ეკლესიები", - ამბობს გუბერნატორი.
მისივე თქმით, ეკონომიკის განვითარების თვალსაზრისით ძალიან მნიშვნელოვანი იყო ახალი საწარმოების გახსნა, სადაც ასობით ადგილობრივი დასაქმდა.
"რეგიონის ხელმძღვანელობის აქტიურობის შედეგია ინვესტიციების მოზიდვა და ახალი ობიექტების მშენებლობა. უდიდესი პროექტი იყო მაგალითად, ყვარლის ტბის ტურისტული კომპლექსი, სადაც ოთხ მილიონიანი ინვესტიცია ჩაიდო. კახეთის ინფრასტრუქტურის განვითარებაში აქტიურად მონაწილეობენ იაპონელები, ჩეხები, გერმანელები (ღვინის ქარხანა სოფელ კისისხევში). ინფრასტრუქტურის მშენებლობა თავისთავად ტურიზმის განვითარებას იწვევს. ამ მიზნით განხორციელდა ნეკრესის სამონასტრო კომპლექსის სრული რეაბილიტაცია. ვითარდება სასტუმროების ქსელი. მხოლოდ მთა-თუშეთში წელს რვა საოჯახო სასტუმრო გაიხსნა", - განუცხადა "ჰერეთს" გიორგი ღვინიაშვილმა.
კახეთის გუბერნატორი გასულ წლებთან შედარებით, ბევრად წარმატებულსა და ორგანიზებულს უწოდებს "რთველი -2010"-ს.
"ჩვენ შევძელით აღარ ყოფილიყო გაუსაძლისი რიგები და ღამისთევები ყურძნის ჩასაბარებლად. ამასთან სახელმწიფომ განახორციელა სუბსიდია, რაც გლეხისათვის დიდი მხარდაჭერა იყო. ამ მიმართულებით მუშაობა კვლავაც გაგრძელდება, დაისახება მთელი რიგი ღონისძიებები, ემბარგოს უარყოფითი შედეგების სრული აღმოფხვრისათვის. ნაბიჯ-ნაბიჯ ჩვენი რეგიონი, ერთიანი სახელმწიფო სტრატეგიის საშუალებით, ამ პრობლემის მოგვარებასაც შეძლებს. ვფიქრობ, წარმატებები გვქონდა კულტურის სფეროში. Gგანხორციელდა თელავის თეატრის რეაბილიტაცია. ფაქტობრივად თეატრმა ახალი სიცოცხლე დაიწყო. ჩვენ შევძელით აღგვედგინა უდიდესი მუსიკალური ფესტივალი "ქება ვაზისა". საბოლოო ჯამში რეგიონში ყველა განხორციელებულ პროექტში 133 მილიონი დაიხარჯა", - აცხადებს კახეთის გუბერნატორი გიორგი ღვინიაშვილი.
იგი მომავალი წლის პრიორიტეტებსაც შეეხო და განაცხადა, რომ მომავალ წელს პრიორიტეტად კვლავ რჩება ინფრასტრუქტურის განვითარება და სოფლის მეურნეობა, რაც ახალ ბიუჯეტშიც აისახა.
"მიმდინარეობს და კვლავ გაგრძელდება სასმელი წყლის პრობლემის მოგვარება, რეგიონის გაზიფიცირება და ინდივიდუალური გამრიცხველიანება, რასაც ჩვენი მოსახლეობისათვის სასიცოცხლო მნიშვნელობა აქვს. გაგრძელდება მუშაობა ინვესტიციების მოსაზიდად, ახალი საწარმოების შესაქმნელად, რაც ყველაზე მთავარი პრობლემის, დასაქმების საკითხის გადაჭრაში დაგვეხმარება", - განუცხადა "ჰერეთს" კახეთის გუბერნატორმა 2010 წლის შეფასებისას.

* * *
მოსამართლემ ჟურნალისტ ილია მარტყოფლიშვილის გამამართლებელი განაჩენი გამოიტანა

დედოფლისწყაროს სასამართლომ დეპუტატ გელა თეთრაულის სარჩელი არ დააკმაყოფილა
დედოფლისწყაროს რაიონული სასამართლოს მოსამართლე შორენა ყაველაშვილმა არ დააკმაყოფილა დედოფლისწყაროს მუნიციპალიტეტის საკრებულოს წევრის გელა თეთრაულის სარჩელი ჟურნალისტ ილია მარტყოფლიშვილის წინააღმდეგ.
ნაციონალური მოძრაობის დეპუტატი ჟურნალისტს ცილისწამებაში ადანაშაულებდა და მისგან გავრცელებული ინფორმაციის გაქარწყლებას ითხოვდა.

თეთრაული ჟურნალისტისგან თავდაპირველად, მორალური ზიანის ანაზღაურებისათვის კომპენსაციის სახით 10 000 ლარის გადახდას ითხოვდა, მოგვიანებით, თანხის რაოდენობა 3 ათას ლარამდე შეამცირა, ბოლოს კი საერთოდ მოხსნა და მხოლოდ გავრცელებული ინფორმაციების საჯაროდ უარყოფა მოითხოვა.

ჟურნალისტმა ილია მარტყოფლიშვილმა თეთრაულის სარჩელი არ სცნო და მოითხოვა, მოსამართლეს ის არ დაეკმაყოფილებინა. მოსამართლე შორენა ყაველაშვილმა გადაწყვეტილება 29 დეკემბერს გამოაცხადა და საკრებულოს წევრს სარჩელის დამაყოფილებაზე უარი უთხრა.

,,საქმის განხილვისას ნათლად გამოჩნდა, რომ პირადად მე თეთრაულის მიმართ არანაირი პირადი ინტერესი არ მამოძრავებდა და მოწმეებმაც დაადასტურეს, რომ სადაო სტატიის მომზადება ჩემი იდეა არ ყოფილა... არც წინასწარ ვფლობდი რაიმე სახის ინფორმაციას. აღმოჩნდა, რომ სტატია წინასწარი განზრახვით მომზადებული არ იყო, როგორც მოსარჩელე მიიჩნევდა... დიდი მადლობა ადამიანის უფლებათა ცენტრის კახეთის ოფისს განსაკუთრებული მხარდაჭერისთვის!.. ასევე მადლობა მინდა ვუთხრა თანადგომისთვის მედიასაშუალებების წარმომადგენლებს და კახეთში მომუშავე ჟურნალისტებს, რომელთაც საოცარი კოლეგიალობა გამოიჩინეს და ინტენსიურად და ოპერატიულად აშუქებდნენ პროცესის მიმდინარეობას. ეს კი ჩვენთვის ძალიან დიდი მორალური მხარდაჭერა იყო," - აცხადებს ჟურნალისტი ილია მარტყოფლიშვილი.

სავარაუდოდ, გელა თეთრაული რაიონული სასამართლოს გადაწყვეტილების თბილისის სააპელაციო სასამართლოში გასაჩივრებაზე ფიქრობს. /ქიზიყი/
* * *
დედოფლისწყაროს საკრებულომ თეთრაულის სარჩელზე კომენტარი გააკეთა

დედოფლისწყაროს მუნიციპალიტეტის საკრებულომ დეპუტატ გელა თეთრაულის მიერ სასამართლოში ჟურნალისტის წინააღმდეგ შეტანილ სარჩელზე პირველი კომენტარი გააკეთა. ამ საკითხზე ვიდეო-კომენტარებს კახეთის საინფორმაციო ცენტრი ავრცელებს. განცხადება საკრებულოს თავმჯდომრის მოადგილემ ზაზა ფიროსმანაშვილმა ჟურნალისტებთან საუბარში გააკეთა.

ფიროსმანაშვილი აცხადებს, რომ საჯარო მოხელის მხრიდან დამოუკიდებელი ჟურნალისტის წინააღმდეგ სასამართლოში ჩივილი ზეწოლა არ არის. იგი იქვე მიანიშნებს, რომ დეპუტატის ამ ნაბიჯის შესახებ მუნიციპალიტეტის საკრებულო წინასწარ ინფორმირებული არ იყო: ,,არა, არანაირად არ შეიძლება ეს ჟურნალისტზე ზეწოლად ჩაითვალოს... ჩვენთან შეთანხმებული არ ყოფილა. საკრებულო ამ პროცესში არც აქამდე ჩარეულა და არც ჩაერევა," - განმარტა ზაზა ფიროსმანაშვილმა კახეთის საინფორმაციო ცენტრის ვიდეო-რეპორტაჟში.
თავად მუნიციპალიტეტის საკრებულოს თავმჯდომარეს ლევან ბაღაშვილს ამ დრომდე ფაქტის შეფასება არ გაუკეთებია, ისიც აღნიშნავდა, რომ სარჩელის შესახებ წინასწარ არ იცოდა. სხვადასხვა მედიასაშუალებებისა და ოპოზიციური პარტიების მიერ ნაციონალური მოძრაობის დეპუტატის მხრიდან ჟურნალისტ ილია მარტყოფლიშვილის წინააღმდეგ სასამართლოში სარჩელის შეტანის ფაქტი პროფესიულ საქმიანობაში ჩარევად და ზეწოლის მცდელობად შეფასდა. მომხდარი დაგმო ოპოზიციამაც. კონსერვატიული პარტიის კახეთის ორგანიზაციამ საგანგებო განცხადება გაავრცელა და მარტყოფლიშვილს მხარდაჭერა გამოუცხადა. ჟურნალისტს თანადგომა ლეიბორისტული პარტიის ლიდერებმაც გამოუცხადეს.

სასამართლოს მონიტორინგს ადამიანის უფლებათა ცენტრის კახეთის ოფისის იურისტები ახორციელებენ, საბოლოო დასკვნას არასამთავრობო ორგანიზაცია მოსამართლის მიერ განაჩენის გამოტანის შემდეგ გაავრცელებს. /ქიზიყი/ ელზა ჩერქეზიშვილი

вторник, 28 декабря 2010 г.

ხანძარმა ერეკლე II-ის ქუჩაზე თევდორაშვილების ბინა მთლიანად გაანადგურა

გვიან ღამით გაჩენილმა ძლიერმა ხანძარმა ქალაქ დედოფლისწყაროში, ერეკლე II-ის ქუჩა #12-ში მდებარე თევდორაშვილების საცხოვრებელი სახლი მთლიანად გაანადგურა. უბედური შემთხვევის დროს სახლში არავინ იმყოფებოდა. ოჯახის დიასახლისი თამარ თევდორაშვილი "ქიზიყთან" საუბარში ხანძრის ხელოვნურად გაჩენაში მეზობელს ადანაშაულებს.
,,უკვე რამდენიმე თვეა, ჩვენი მეზობელი, ალიკა ბაღდასარიანი გადაკიდებული მყავს, ბინა მომყიდეო... მაიძულებდა სახლი მისთვის ძალიან იაფად მიმეყიდა, რადგან ამაზე ვერ დაგვითანხმა ბოლო დროს სულ მემუქრებოდა - რაც მოგივა მალე ნახავო... სახლში არც ელექტროენერგია და არც გაზი შეყვანილი არ არის, ამიტომ ეს ვერსიები გამოირიცხება. დიდი ეჭვი გვაქვს, რომ ცეცხლი ბაღდასარიანებმა შურისძიების მიზნით, ხელოვნურად გააჩინეს." - აცხადებს დაზარალებული თამარ თევდორაშვილი.

დედოფლისწყაროს სახანძრო სამსახურის უფროსი ნიკალა ფიროსმანაშვილი "ქიზიყთან" საუბარში აცხადებს, რომ შეტყობინება დაგვიანებით მიიღეს. შემთხვევის ადგილზე მეხანძრეთა ორი ბრიგადა ოპერატიულად გავიდა, თუმცა ცეცხლი უკვე მთელს შენობაზე იყო გავრცელებული და მისი გადარჩენა ვეღარ მოხერხდა.

როგორც შს დედოფლისწყაროს პოლიციის სამმართველოში "ქიზიყს" განუცხადეს, მომხდარზე სისხლის სამართლის საქმე 188-ე მუხლის მეორე ნაწილით აღიძრა, გამოძიებას დეტექტივ-გამომძიებელი დავით პოპიაშვილი აწარმოებს.

შეგახსენებთ, ამავე ბინაში 36 წლის სერგეი თევდორაშვილი თავისივე მეუღლემ, 32 წლის ნატალია თევდორაშვილმა გულში დანის დარტყმით 1 წლის წინ მოკლა... სიღატაკის ზღვარს ქვემოთ მყოფი პენსიონერი თამარ თევდორაშვილი ორ არასრულწლოვან შვილიშვილს დამოუკიდებლად ზრდის. ხანძრის მომენტში ბავშვები სწორედ ბებიასთან იმყოფებოდნენ. /ქიზიყი/ თამილა გურაშვილი

* * *
საკრებულო 30 დეკემბრის სხდომაზე 2011 წლის ბიუჯეტს დაამტკიცებს

დედოფლისწყაროს მუნიციპალიტეტის საკრებულო წლის უკანასკნელ სხდომას 30 დეკემბერს გამართავს, სესია დღის 15:00 საათზეა დანიშნული. ამავე სხდომაზე დეპუტატები დედოფლისწყაროს მუნიციპალიტეტის 2011 წლის ბიუჯეტის პროექტსაც დაამტკიცებენ.
როგორც მუნიციპალიტეტის საკრებულოს აპარატის უფროსმა ხათუნა გონაშვილმა ინტერნეტ-გაზეთ "ქიზიყს" განუცხადა, დეპუტატები სხვადასხვა მნიშვნელოვან საკითხებს განიხილავენ: ,,სხდომაზე საგანგებო სიტუაციებზე რეაგრიების გეგმა განიხილება. სოციალური პაკეტის ცვლილება და კომისიის მუშაობის წესის დამტკიცება მოხდება. სხვადასხვა განსახილველ საკითხებთან ერთად სხდომის დღის წესრიგში შეტანილია, ასევე, 2010 წლის სახელმწიფო შესყიდვებში ცვლილებების შეტანა. რაც მთავარია ამ სხდომაზე დეპუტატები მომავალი წლის ბიუჯეტის პროექტის დამტკიცებას კენჭს უყრიან," - განმარტავს გონაშვილი.
30 დეკემბერს დაგეგმილ სხდომას საკრებულოს თავმჯდომარე ლევან ბაღაშვილი გაუძღვება, რის შემდეგაც დეპუტატები დედოფლისწყაროს კულტურის სახლში დაგეგმილ ღონისძიებაზე გადაინაცვლებენ, შემდეგ კი ქალაქის ცენტრალურ ნაძვისხესთან საახალწლო ფეიერვერკს დაესწრებიან. /ქიზიყი/ ილია მარტყოფლიშვილი

* * *

დედოფლისწყაროელები გაზის მრიცხველების იძულებით გამოცვლას აპროტესტებენ

უკვე მერამდენე დღეა დედოფლისწყაროში სს "დედოფლისწყარო-რაიგაზი" ინდივიდუალური მრიცხველების გამოცვლას ახორციელებს. ტექნიკური სამუშაოების მიმდინარეობის გამო მოსახლეობას ბუნებრივი აირი შეზღუდვებით და განსაკუთრებული ხარვეზებით მიეწოდება. ადგილობრივების უკმაყოფილებას განსაკუთრებულ ის ფაქტი იწვევს, რომ კომპანია ახალი მრიცხველების საფასურის გადახდას აბონენტებს აიძულებს. მრიცხველის ფასი 150 ლარს შეადგენს, დედოფლისწყაროელები კი აცხადებენ, რომ დამატებით ამხელა თანხის გადახდას ვერ შეძლებენ.
როგორც "ქიზიყმა" გაარკვია, კომპანია აბონენტებს მრიცხველის საფასურს ეტაპობრივად, აირის საფასურთან ერთად გადაახდევინებს, თუმცა ადგილობრივები მიიჩნევენ, რომ ბევრი ოჯახისთვის ეს თანხა წარმოუდგენლად დიდია. დედოფლისწყარო რაიგაზის ხელმძღვანელობა კი მრიცხველების მასშტაბურ გამოცვლას დიდი დანაკარგის არსებობას უკავშირებს.
"ქიზიყის" კითხვაზე, თუ რატომ აიძულებს კომპანია მრიცხველის საფასურის მოსახლეობისთვის დაკისრებას, სს "დედოფლისწყარო რაიგაზის" ხელმძღვანელი თემურ გოგილაშვილი ხელს აზერბაიჯანული სოკარისკენ იშვერს და აცხადებს, რომ ეს მითითება ზემოდან მიიღეს: ,,ამ ეტაპზე მრიცხველები დედოფლისწყაროში დაახლოებით აბონენტების 5%-ს გამოეცვალა. ახლა სადღესასწაულო დღეები იწყება, და ბუნებრივი აირის წამდაუწუმ შეწყვეტა რომ არ მოხდეს, მრიცხველების გამოცვლის პროცესი დროებით შევაჩერეთ. მრიცხველის საფასურს გადასახადთან ერთად დავაწერებთ. ვინც ახალი მრიცხველის შეძენაზე უარს აცხადებს და მიიჩნევს, რომ თავისი კუთვნილი მრიცხველი უდანაკარგოდ და ზედმიწევნით აღრიცხავს მოხმარებულ აირს, ასეთ შემთხვევაში აბონენტის მრიცხველი თბილისში ექსპერტიზაზე გაიგზავნება. თუ დაიდო ოფიციალური დასკვნა, რომ აბონენტის მრიცხველს ხარვეზები არ აქვს, მაშინ მას უსასყიდლოდ დავუმონტაჟებთ ახალ მრიცხველს და ზედმეტი გადასახადის გადახდა აღარ მოუწევს," - განუცხადა "ქიზიყს" დედოფლისწყარო-რაიგაზის ხელმძღვანელმა, ის აღნიშნავს, რომ მრიცხველების გამოცვლის პროცესი გარდაუვალია.
"ქიზიყის" ინფორმაციით, მრიცხველების გამოცვლის პროცესი მოსახლეობის პროტესტის გამო ჭიანურდება. თუმცა, თავად გოგილაშვილი მოსახლეობიდან წამოსულ წინააღმდეგობას არ ადასტურებს. მოსახლეობა კი მიიჩნევს, რომ ახალი მრიცხველები არსებულთან შედარებით გაცილებით ბევრ გადასახადს წერენ. /ქიზიყი/ ილია მარტყოფლიშვილი

* * *

ბაღაშვილმა დასუფთავების სამსახურს მოსაკრებელის გაზრდისკენ მოუწოდა

დედოფლისწყაროს მუნიციპალიტეტის საკრებულოს თავმჯდომარემ ლევან ბაღაშვილმა დასუფთავების სამსახურის, შპს "სერვისი 2007"-ის ხელმძღვანელს მოსაკრებელის გაზრდის თაობაზე მუშაობის დაწყების მითითება ოფიციალურად მისცა. ბაღაშვილმა ეს განცხადება ვაშლოვანის ნაკრძალის ადმინისტრაციის საკონფერენციო დარბაზში ბიუჯეტის პროექტის საჯარო განხილვაზე ღიად გააკეთა. საკრებულოს თავმჯდომარემ აღნიშნა, რომ მაშინ, როცა სამსახურმა მოსაკრებელის ამოღების 100%-იან მაჩვენებელს მიაღწია, უკვე მის გაზრდაზეც შეიძლება ფიქრი:
,,მახსოვს, რომ წინა წლებში დასუფთავების სამსახურის მოსაკრებელის სახით, ადგილობრივ ბიუჯეტში, 50 ათასი ლარი გვეჯდა. ახლა კი 30 ათასით განისაზღვრა. ბოლო წლებში მოსაკრებელის ამოღება გვიჭირდა, მაგრამ რადგან ახლა დასუფთავების გადასახადები თითქმის 100%-ით არის ამოღებული, შეიძლება რომ მის ზრდაზეც ვიფიქროთ... მოდით, ვიმუშავოთ ამ საკითხზე და დეტალებზე ჩამოვყალიბდეთ," - განაცხადა ლევან ბაღაშვილმა.
საპასუხოდ, დასუფთავების სამსახურის ხელმძღვანელმა ზურაბ ყოჩიაშვილმა საკრებულოს თავმჯდომარეს განუცხადა, რომ თუკი მუნიციპალიტეტი რაიმე ბერკეტს მისცემს, აუცილებლად გამოიყენებენ: ,,კანონიერი ბერკეტი მოგვეცით და მზად ვართ მოსაკრებელი გავზარდოთ. ან, დაჯარიმების უფლება მაინც რომ მიენიჭოს ჩვენს თანამშრომლებს... ერთობლივად ვიმუშავოთ ამ საკითხზე," - ამბობს ზურაბ ყოჩიაშვილი.
რიგითი დედოფლისწყაროელები საკრებულოს თავმჯდომარის იდეას უარყოფითად აფასებენ და გაუმართლებელს უწოდებენ. ისინი აცხადებენ, რომ მოსახლეობის სოციალურ მდგომარეობას მოსაკრებელის ზრდა კიდევ უფრო გააუარესებს და ბევრი მათგანი გაზრდილი გადასახადის გადახდას საერთოდ ვერ შეძლებს. /ქიზიყი/ ილია მარტყოფლიშვილი

воскресенье, 26 декабря 2010 г.

პეტრე ცისკარიშვილის ვიზიტით ფერმერები უკმაყოფილო დარჩნენ

25 დეკემბერს საპარლამენტო უმრავლესობის ლიდერი პეტრე ცისკარიშვილი დედოფლისწყაროელ ფერმერებსა და მეწარმეებს შეხვდა. მან ახალ საგადასახადო კოდექსზე და ფერმერების სხვადასხვა საჭირბოროტო საკითხებზე ისაუბრა.
შეხვედრის ადგილის შესახებ ურთიერთგამომრიცხავი ინფორმაციები ვრცელდებოდა. ჟურნალისტები და ფერმერები არ ფლობდნენ კონკრეტულ ინფორმაციას, თუ სად გაიმართებოდა ცისკარიშვილთან შეხვედრა. ზოგიერთი შეხვედრის ადგილად ახლადგახსნილ ფერმერთა სახლს ასახელებდა, ზოგიც კულტურის სახლთან შეკრებილიყო. დედოფლისწყაროს გამგეობის საზოგადოებასთან ურთიერთობის სპეციალისტი ანა ბენაშვილი კვლავინდებურად იძახდა, რომ არაფერი იცის. არაერთი მცდელობის მიუხედავად სატელეფონო ზარებს არ პასუხობდნენ მუნიციპალიტეტის გამგებელი ნიკოლოზ შანშიაშვილი და საკრებულოს თავმჯდომარე ლევან ბაღაშვილი.

დედოფლისწყაროს თვითმმართველობის თითქმის ყველა წარმომადგენელი პრესასთან ცისკარიშვილის ვიზიტის დეტალებს საგულდაგულოდ მალავდა. გასაიდუმლოებული შეხვედრის ადგილი "ქიზიყმა" დამოუკიდებლად გაარკვია, ცისკარიშვილი დედოფლისწყაროს გამგეობასთან დაგეგმილზე 40 წუთით გვიან მოვიდა და ფერმერები გამგებლის კაბინეტში მიიწვია. ფერმერები ერთმნიშვნელოვნად აღნიშნავდნენ, რომ მათთვის შეხვედრის გამართვის შესახებ არავის უცნობებია და მათ ცისკარიშვილის ვიზიტის შესახებ დამოუკიდებლად შეიტყვეს.

სხდომა დედოფლისწყაროს მაჟორიტარმა, პარლამენტის წევრმა ავთანდილ ლეკაშვილმა გახსნა. დეპუტატმა აღნიშნა, რომ პარლამენტმა შეხვედრა ერთობლივად დაგეგმა და ამისთვის დედოფლისწყაროს უმრავლესობის ლიდერი ეწვია. ცისკარიშვილთან ერთად შეხვედრაზე დასასწრებად ჩამოვიდა ეკონომიკის მინისტრის მოადგილე დავით გიორგაძე და ჯანდაცვის მინისტრის მოადგილე დავით ლომიძე.

,,პარლამენტმა იმუშავა და შევჯერდით საბოლოო პროექტზე. მეწარმე იხდიდა გადასახადს ბეგარის, ხარჯის სახით, რომელიც იცოდა, როგორ უნდა განაწილებულიყო. ფურცელზე ვითომ ივსებოდა, 30_35% შედიოდა ბიუჯეტში. სახელმწიფოს სჭირდებოდა მენტალური ცვლილება, სადაც გადასახადი წავიდოდა ბიუჯეტში... ზოგიერთი გადასახადის დარიცხვის დროს შეიძლება უსამართლობაც იყო. ბიზნესის კეთება გარკვეულ რისკთან არის დაკავშირებული. 20_30 ლარიან ხელფასზე თუ დავტოვებდით საგადასახადოს თანამშრომლებს, ისინი სხვა გზით შეეცდებოდნენ ფულის კეთებას. ჩვენი ხედვა არის ის, რომ თუ მას არ ჰქონდა გრძელვადიანი პერსპექტივა, ის ვერ მოახდენს კაპიტალის ინვესტირებას. ახლა, ახალი კურსის პრეზენტაცია ხდება, შევქმენით ახალი ინფრასტრუქტურა ბიზნესსტრუქტურის განვითარებისთვის. გვინდა მობილური და მოქნილი სისტემით საგადასახადო ადმინისტრირების წნეხი შეიცვალოს, - განახცადა პეტრე ცისკარიშვილმა.

ორიოდ სიტყვიანი შესავლის შემდეგ ცისკარიშვილმა ჯერ ფანჯრის გაღება და ოთახის განიავება მოითხოვა, სულ მალე კი დარბაზი ჟურნალისტებისგან გაწმინდა და სხდომა დახურულად გამოაცხადა. ჩანს, უმრავლესობის ლიდერი გრძნობდა, რომ ფერმერებთან მწვავე საუბარი შედგებოდა და ჟურნალისტების დასწრება არ აწყობდა.
შეხვედრის დასრულების შემდეგ ცისკარიშვილმა დამოუკიდებელ ჟურნალისტებთან საუბარი არ ისურვა და გამგეობის შენობა სასწრაფოდ დატოვა. სააკაშვილის კარის ტელევიზიებმა კი მხოლოდ ერთი ფერმერის კომენტარი ჩაწერეს... (!) მიუხედავად იმისა, რომ ადგილობრივი ფერმერები შეხვედრას უკმაყოფილო და უიმედოდ ტოვებდნენ, ტელეჟურნალისტებს კომენტარი მხოლოდ მიხეილ ღვინიაშვილმა მისცა და ხელისუფლების მისამართით ხოტბა არ დაიშურა... დანარჩენების მოსაზრებით ტელეკომპანიები რატომღაც არ დაინტერესებულან და საბოლოო ჯამში, ეთერში მხოლოდ ფერმერ ღვინიაშვილის კომენტარი გაუშვეს და ისეთი სურათი შექმნეს, თითქოს შეხვედრას დიდი შედეგი ჰქონდა და ადგილობრივები ვიზიტით კმაყოფილები დარჩნენ.

სინამდვილეში სულ სხვა ვითარება იყო: დედოფლისწყაროს გამგებლის მისაღებში შეკრებილი ჟურნალისტები და ტელევიზიების წარმომადგენლებიც შესანიშნავად ხედავდნენ, რომ შეხვედრის მსვლელობის დროს არაერთმა ფერმერმა სხდომა დროზე ადრე დატოვა, უკმაყოფილებაც ღიად გამოხატა და დაუფარავად მიანიშნებდნენ, რომ შეხვედრაზე დარჩენას აზრი არ ჰქონდა. ერთმა მათგანმა ჟურნალისტებს განაწყენებულმა მოგვაძახა ამ ქვეყნის მოქალაქე ვარ, მაგრამ ჩემს აზრს არ ითვალისწინებენო, იძულებულს მხდიან, საქართველოს მოქალაქეობაზეც უარი ვთქვა, სამართალს ვერ ვპოულობო - თქვა და პროტესტის ნიშნად შენობა დროზე ადრე დატოვა.

დამსწრეთა სრული უმრავლესობა ხაზს უსვამდა, რომ ეს შეხვედრა რეალურ შედეგს არ მოიტანდა და მხოლოდ ხელისუფლების პიარკამპანიის ნაწილი იყო. ფერმერების უმრავლესობა იმედგაცრუებული და საგონებელში ჩავარდნილი ჩანდა. ისინი ხაზგასმით მიანიშნებდნენ, რომ ჩამოსულ სტუმრებს ამომწურავი და კომპეტენტური პასუხი არცერთ პრობლემაზე არ გაუციათ.
,,მიწები 49 წლიანი ხელშეკრულებით გვქონდა, მაგრამ მერე 10 წლიანად გადაგვიკეთეს. საბუთები მოვაგროვეთ, ყველა ერთად ქონების მართვის სამმართველოში და ხელშეკრულებები გაგვიუქმეს, ფურცლები თავზე გადაგვახიეს. პროცესი შეჩერებულია და ვერაფერს ვაკეთებთ, არადა 15 წელია ამ მიწებს ჩვენ ვამუშავებთ," - აცხადებენ სოფელ გამარჯვებაში მცხოვრები ფერმერები პეტრე ბიკაშვილი, ვალიკო ფიროსმანაშვილი, ზაზა თარაშვილი, კობა პოპიაშვილი და სხვები. ,,გუშინ ვიყავი კახეთის პრივატიზაციის სამმართველოში. წინ და უკან დამატარებენ და შედეგს მაინც ვერ მივაღწიე. 1997 წლიდან 21 ჰექტარი მაქვს, მაგრამ ახლა მიწები დამაკარგვინეს," - აცხადებს სოფელ ზემო მაჩხაანის მკვიდრი ალავერდ მარტყოფლიშვილი. "ქიზიყთან" საუბარში იგივე აზრს აფიქსირებს სოფელ არბოშიკის მაცხოვრებელი გოდერძი სეხნიაშვილიც, რომელსაც 5 ჰა მიწა აქვს.

,,სიმართლე რომ ვთქვა და ყველაფერი ვილაპარაკო, ნარუჩნიკებს დამადებენ და აქედან ისე წამიყვანენ... აბა რა გითხრათ... 28 ჰექტარი მაქვს, 49 წლიანი ხელშეკრულება გვქონდა და 10 წლიანად გადაგვიკეთეს. აზრი არა ჰქონდა ამ შეხვედრას" - აცხადებს გივი უზუნაშვილი.გამგებლის კაბინეტში, კუთხეში მიმწყვდეულ ეკონომიკის მინისტრის მოადგილეს დავით გიორგაძეს ადგილობრივები დიდხანს არწმუნებდნენ, რომ არაერთი მცდელობის მიუხედავად მასთან შეხვედრა ვერაფრით მოხერხდა. მათი თქმით, მინისტრის მოადგილესთან პირადად შეხვედრა აუღებელ ციხე სიმაგრედ იქცა და ფერმერები გიორგაძისგან პირობის დადებას ითხოვდნენ, რომ ის დროს გამონახავდა და მათ აუცილებლად შეხვდებოდა. განსაკუთრებით აქტიურობდა გაერთიანებული წყალმომარაგების კომპანიის დედოფლისწყაროს სერვისცენტრის ხელმძღვანელი გია ბენაშვილი და ქალაქ დედოფლისწყაროს ყოფილი მერი მიხეილ ღვინიაშვილი. საბოლოო ჯამში გიორგაძე დაპირდა, რომ მათ სამინისტროში ხუთშაბათს, 30 დეკემბერს მიიღებს და ისინი თბილისში მიიწვია.
/ქიზიყი/ ილია მარტყოფლიშვილი, თამილა გურაშვილი

* * *
გუბერნატორი ურჩი რწმუნებულის საქციელს სამწუხაროს უწოდებს და რეაგირებას გეგმავს

პროკურატურაში საქმე 154-ე მუხლით გადაკვალიფიცირდა, რაც პროფესიულ საქმიანობაში ჩარევას გულისხმობს

პრეზიდენტის რწმუნებული კახეთის მხარეში, გიორგი ღვინიაშვილი დედოფლისწყაროში დამოუკიდებელი ჟურნალისტის მიმართ საჯარო მოხელის მხრიდან განხორციელებულ ზეწოლის ფაქტს ეხმაურება. კახეთის გუბერნატორი დედოფლისწყაროს მუნიციპალიტეტის სოფელ წითელწყაროს ტერიტორიული ორგანოს რწმუნებულის ტარიელ ღარიბაშვილის წინააღმდეგ პოლიციაში სისხლის სამართლის საქმის აღძვრის ფაქტზე კომენტარს აკეთებს. ღვინიაშვილი მომხდარს სამწუხაროს უწოდებს და პირობას დებს, რომ რეაგირებას მოახდენს:

,,თუ მართლაც რეალურად ჰქონდა ადგილი დამოუკიდებელ ჟურნალისტზე რწმუნებულის მხრიდან ზეწოლას და მუქარას, ეს ძალიან სამწუხაროა... დაველოდები გამოძიების შედეგებს, თუ მუქარა გამოიკვეთა, რაც კიდევ ერთხელ ვიმეორებ, რომ ძალიან სამწუხარო ფაქტია... თუ ძიებისას მომხდარი დადასტურდება, მე შესაბამის რეაგირებას აუცილებლად მოვახდენ," - აცხადებს გიორგი ღვინიაშვილი.

სიღნაღი-დედოფლისწყაროს პროკურატურის პროკურორი დავით დუღაშვილი "ქიზიყთან" საუბარში აცხადებს, რომ რწმუნებულმა მომხდარი გამოძიებისთვის მიცემულ ოფიციალურ ჩვენებაში დაადასტურა, თუმცა კორესპონდენტის გინების ფაქტი უარყო. პროკურატურაში აცხადებენ, რომ თავდაპირველად რწმუნებულის წინააღმდეგ სისხლის სამართლის საქმე 151-ე მუხლით აღიძრა, რომელიც მუქარას ეხება. მოგვიანებით კი საჯარო მოხელის მხრიდან ჟურნალისტის პროფესიულ საქმიანობაში ხელშეშლაც გამოიკვეთა, რის გამოც საქმე 154-ე მუხლით გადაკვალიფიცირდა, რაც პროფესიულ საქმიანობაში ხელშეშლას გულისხმობს. /ქიზიყი/ თამილა გურაშვილი
* * *
სასამართლომ ჟურნალისტ მარტყოფლიშვილის წინააღმდეგ შეტანილი სარჩელის განხილვა დაასრულა

დედოფლისწყაროს სასამართლომ მუნიციპალიტეტის საკრებულოს აგრარულ საკითხთა, გარემოს დაცვისა და ქონების მართვის კომისიის თავმჯდომარის გელა თეთრაულის სარჩელის განხილვა უკვე დაასრულა. სხდომებს მოსამართლე შორენა ყაველაშვილი უძღვებოდა. სასამართლომ მოწმეების ჩვენება უკვე მოისმინა, 24 დეკემბერს საქმის განხილვა მხარეების პაექრობით გაგრძელდა.

პროცესის მონიტორინგის ფარგლებში სხდომას ადამიანის უფლებათა ცენტრის კახეთის ოფისის თანამშრომლები და ცენტრის კახეთის კოორდინატორი გელა მთივლიშვილიც ესწრებოდნენ. მოსამართლე შორენა ყაველაშვილმა არ დააკმაყოფილა ჟურნალისტ გელა მთივლიშვილის მოთხოვნა, სხდომის აუდიოჩანაწერის გაკეთების შესახებ. მთივლიშვილი დედოფლისწყაროს მოსამართლის წინააღმდეგ იუსტიციის საბჭოში ჩივილს გეგმავს.

ნაციონალური მოძრაობის დეპუტატი ჟურნალისტ ილია მარტყოფლიშვილისგან მორალური ზიანის ანაზღაურების მიზნით ჯერ 10 000, შემდგომ კი 3 000 ლარს ითხოვდა, თუმცა მთავარ სხდომაზე თეთრაულმა ჟურნალისტისგან ფულადი კომპენსაციის მოთხოვნა მთლიანად მოხსნა და ილია მარტყოფლიშვილისგან მხოლოდ ინფორმაციის გაქარწყლებას ითხოვს.

სხდომაზე ამჯერად სოფელ წითელწყაროს ტერიტორიული ორგანოს რწმუნებული ტარიელ ღარიბაშვილი აღარ გამოჩენილა. როგორც ცნობილია, 14 დეკემბრის სხდომაზე ღარიბაშვილმა მარტყოფლიშვილს სიტყვიერი შეურაცხყოფა მიაყენა, დაემუქრა და მისი მისამართით გარკვეული ინფორმაციების გავრცელებისგან თავის შეკავებისკენ მოუწოდა. მომხდარ ინციდენტზე პროკურატურაში სისხლის სამართლის საქმე აღიძრა.

მხარეთა პაექრობის შემდეგ მოსამართლე ყაველაშვილმა აღნიშნა, რომ საქმეზე საბოლოო განაჩენს სასამართლო მიმდინარე წლის 29 დეკემბერს დღის 17:00 საათზე გამოაცხადებს.

სასამართლო პროცესების მონიტორინგს „ადამიანის უფლებათა ცენტრის“ იურისტები ახორციელებდნენ. დამკვირვებლები ანგარიშს გადაწყვეტილების გამოცხადების შემდეგ გამოაქვეყნებენ. შეგახსენებთ, დაგვიანების მოტივით მოსამართლემ ჟურნალისტის დამცველს, ადამიანის უფლებათა ცენტრის კახეთის ოფისის იურისტს ლია ხუროშვილს მთავარ სხდომაზე დასწრების უფლება არ მისცა. ,,დედოფლისწყაროს სასამართლოს გელა თეთრაულის სარჩელის დაკმაყოფილებაზე პირველივე სხდომის დროს მისი გამოუცხადებლობის გამო უარი უნდა ეთქვა და დაუსწრებელი განაჩენი გამოეტანა" - ამგვარ განცხადებას გავლენიანი არასამთავრობო ორგანიზაცია ადამიანის უფლებათა ცენტრი აკეთებს. შესაბამისი განცხადება უფლებათა ცენტრის კახეთის ოფისის ადვოკატმა ლია ხუროშვილმა გაავრცელა. ადვოკატი მიიჩნევს, რომ სასამართლო დავა აღარ უნდა გაგრძელებულიყო: „29 ნოემბერს სასამართლო სხდომა გადაიდო იმის გამო, რომ მოსარჩელე გელა თეთრაულმა სასამართლოს ავადმყოფობის ცნობა წარუდგინა. ცნობა #1425-ის მიხედვით, მოსარჩელე ამბულატორიულ მკურნალობას გადის მწვავე ქოლეცისტიტის გამო და იმყოფება საავადმყოფო ფურცელზე. ცნობაში არ არის მითითებული, რომ მას საასამართლო სხდომაზე გამოცხადება არ შეუძლია. ამასთან, ექიმები, რომლებიც ცნობას ხელს აწერენ, არიან დედოფლისწყაროს მუნიციპალიტეტის საკრებულოს წევრები ნაციონალური მოძრაობიდან. საქართველოს სამოქალაქო საპროცესო კოდექსის 229-ე მუხლის თანახმად, მოსარჩელის გამოუცხადებლობის გამო დედოფლისწყაროს სასამართლოს უნდა გამოეტანა დაუსწრებელი გადაწყვეტილება სარჩელის დაკმაყოფილებაზე უარის თქმის შესახებ. რადგან ცნობაში არ არის პირდაპირ მითითება იმის შესახებ, რომ მოსარჩელეს სასამართლოზე გამოცხადება არ შეეძლო. ილია მარტყოფლიშვილმა სხდომაზე აუხსნა მოსამართლეს, რომ გელა თეთრაული მარტო სამსახურში კი არა, უქმე დღეებშიც კი ქალაქში დადიოდა, რაც მოსამართლემ არ გაითვალისწინა“, - ამბობს ხუროშვილი. /ქიზიყი/

* * *
ვაშლოვანის პარკის მენეჯმენტის გეგმასთან დაკავშირებით შეხვედრა გაიმართა

ვაშლოვანის დაცული ტერიტორიების ადმინისტრაციაში ვაშლოვანის ეროვნული პარკის მენეჯმენტის გეგმასთან დაკავშირებით სპეციალური შეხვედრა გაიმართა. როგორც ინტერნეტ-გაზეთ "ქიზიყს" გარემოს დაცვის სამინისტროს პრეს-სამსახურიდან აცნობეს, შეხვედრის მიზანი დედოფლისწყაროს მოსახლეობის და ადგილობრივი თვითმმართველობის ვაშლოვანის მენეჯმენტის გეგმის მომზადებაში ჩართვა იყო. შეხვედრას საქართველოს დაცული ტერიტორიების სააგენტოს თანამშრომლები, ვაშლოვანის დაცული ტერიტორიების ადმინისტრაციის, ასევე GTZ-ის, დედოფლისწყაროს მუნიციპალიტეტის თვითმმართველობისა და ადგილობრივი მოსახლეობის წარმომადგენლები დაესწრნენ. /ქიზიყი/
* * *
ნიკოლოზ შანშიაშვილი ურჩი რწმუნებულის დაცვას ცდილობს?

დედოფლისწყაროს მუნიციპალიტეტის გამგებელი ნიკოლოზ შანშიაშვილი სოფელ წითელწყაროს ტერიტორიული ორგანოს რწმუნებულის ტარიელ ღარიბაშვილის წინააღმდეგ სისხლის სამართლის საქმის აღძვრისა და გამოძიების დაწყების შესახებ უცნაურ და მოულოდნელ კომენტარს აკეთებს.

გამგებელი აცხადებს, რომ ინციდენტიდან 10 დღის შემდეგ, მომხდარის შესახებ არანაირ ინფორმაციას არ ფლობს... როგორც ცნობილია, სხვადასხვა მედიასაშუალებებსა და ახალი ამბების სააგენტოებით ჯერ კიდევ ერთი კვირის წინ გავრცელდა ინფორმაცია, რომ გამგებლის რწმუნებულმა ტარიელ ღარიბაშვილმა ჟურნალისტ ილია მარტყოფლიშვილს სიტყვიერი შეურაცხყოფა მიაყენა და დაემუქრა. ნიკოლოზ შანშიაშვილი აცხადებს, რომ არაფერი სმენია. ,,მე პირველად მესმის... არ ვიცოდი, რომ ჩემი რწმუნებული ჟურნალისტს დაემუქრა. ალბათ, საჩივარი შევიდა და პოლიციაში სისხლის სამართლის საქმე ამიტომ აღიძრა. არ ვიცი, გამოძიება რასაც დაადგენს, იმის მიხედვით ვიმოქმედებ და კომენტარს მას მერე გავაკეთებ. არა, სანამ ფაქტი არ დადასტურდება, მანამდე მე შეფასებებს ვერ გავაკეთებ," - აცხადებს დედოფლისწყაროს გამგებელი ნიკოლოზ შანშიაშვილი.

გამგებლის თქმით, რეაგირებას და მის შეფასებას შანშიაშვილი ფაქტის დადასტურების შემდეგ მოახდენს... ცნობისთვის, ღარიბაშვილმა გამოძიებისთვის მიცემულ ოფიციალურ ჩვენებაში მომხდარი უკვე დაადასტურა, რწმუნებულმა მხოლოდ ჟურნალისტის მისამართით გინების ფაქტი უარყო.

,,მაშინ, როცა რაიონში მხოლოდ 2 გამოცემა ფუნქციონირებს და გამგებელმა ინციდენტიდან 10 დღის შემდეგაც არ იცის, რომ ერთ-ერთი სოფლის რწმუნებული დამოუკიდებელი გამოცემის რედაქტორს დაემუქრა და ამაზე პოლიციაში სისხლის სამართლის საქმეც კი აღიძრა, ეს პირველ რიგში გამგებლის სისუსტეზე მიუთითებს... შემდეგ კი იმაზე ღაღადებს, რომ უფუნქციოდაა დარჩენილი გამგეობის პრეს-მდივანი, რომელსაც სწორედ ის ევალება, რომ რაიონის თავკაცი მომხდარის შესახებ საქმის კურსში ჩაეყენებინა. თუმცა, ამ ყველაფრის შემდეგაც დაუჯერებლად ჟღერს შანშიაშვილის კომენტარი, თითქოს არაფერი სმენია... ეს პასუხისმგებლობის თავიდან აცილების მცდელობას უფრო წააგავს, ვიდრე მომხდარის არცოდნას... ძნელი დასაჯერებელია, რომ რომელიმე მისი თანაგუნდელის მხრიდან მაინც არ შეეტყო მომხდარის შესახებ. წინააღმდეგ შემთხვევაში გამოდის, რომ რაიონის ლიდერი, მუნიციპალიტეტის ხელმძღვანელი თავისსავე ქალაქში მიმდინარე პროცესებს ვერ ფლობს, განვითარებულ მოვლენებში საერთოდ ვერ ერკვევა და უხეშად რომ ვთქვათ - ტყემალზე ზის... მით უარესი და უფრო სამარცხვინოა, თუ შანშიაშვილს თანაგუნდელები და თავად ღარიბაშვილი ასეთ მნიშვნელოვან ფაქტებს ერთობლივად უმალავენ... ფაქტი თუ დადასტურდაო, ბრძანებს შანშიაშვილი, თუმცა საპასუხოდ უნდა მოვახსენოთ, რომ გამოძიებისთვის მიცემულ ოფიციალურ ჩვენებებში მომხდარი უკვე დადასტურებულია. თუმცა, იმის ნაცვლად, რომ გამგებელი რწმუნებულის საქციელს გმობდეს და შეშფოთებას გამოხატავდეს, შანშიაშვილმა ღარიბაშვილისთვის ხელის დაფარება სცადა და უტიფრად განაცხადა, თითქოს არაფერი იცოდეს... საკითხისადმი ამგვარი მიდგომა კი გვაფიქრებინებს, რომ შანშიაშვილი ურჩი რწმუნებულის წახალისებას და მის დაცვას ცდილობს და სულაც არ კიცხავს გამოჩენილი უტაქტობისთვის და კანონის დარღვევისთვის... გამგებლის ასეთი კომენტარი კიდევ უფრო ამყარებს მოსახლეობის ეჭვებს, რომლებიც უკვე ღიად საუბრობენ, რომ გამგებლის ფიგურა დედოფლისწყაროში უკვე საკმაოდ დასუსტებულია და მისი გავლენის სფეროები საკმაოდ მცირეა," - აცხადებენ ინტერნეტ-გამოცემა "ქიზიყის" რედაქციაში.

შეგახსენებთ, მიმდინარე წლის აპრილში დედოფლისწყაროს იმჟამინდელმა გამგებელმა ლევან ბაღაშვილმა სოფელ ოზაანის ტერიტორიული ორგანოს რწმუნებული გოჩა ყაჭაშვილი დაკავებული თანამდებობიდან სწორედ კორესპონდენტთან მომხდარი ინციდენტის შემდეგ გაათავისუფლა, რასაც სასამართლო დავაც მოჰყვა. /ქიზიყი/ თამილა გურაშვილი

წმიდა სინოდმა დედოფლისწყაროს ეპარქიას ისტორიული სახელწოდება დაუბრუნა
დედოფლისწყაროს ეპარქიას ისტორიული სახელწოდება წმიდა სინოდის 21 დეკემბრის სხდომის გადაწყვეტილებით დაუბრუნდა და ამ მხარის ეპისკოპოსი მელქისედეკი ხორნაბუჯისა და ჰერეთის მმართველად იწოდება. ამის შესახებ ინტერნეტ-გაზეთ "ქიზიყს" საპატრიარქოს პრესცენტრიდან აცნობეს. საპატრიარქოს ინფორმაციით, წმინდა სინოდის სხდომაზე კიდევ ერთხელ გაესვა ხაზი იმ ფაქტს, რომ საქართველოს საპატრიარქოში შემავალ ყველა ეკლესიაში წირვა-ლოცვა უნდა ჩატარდეს ქართული მრავალხმიანი გალობით. ამ განჩინების დამრღვევთა მიმართ კი გამოყენებული იქნება კანონიკური ზომები. /ქიზიყი/ ელზა ჩერქეზიშვილი
* * *
ტარიბანაში "ფრონტერას" ნავთობმაგისტრალიდან მილების ძარცვისთვის პოლიციამ 2 პირი დააკავა

შსს დედოფლისწყაროს პოლიციის რაიონული სამმართველოს თანამშრომლებმა გატარებული ოპერატიული ღონისძიებების შედეგად დედოფლისწყაროში, ტარიბანის ტერიტორიაზე ლითონის მილის ქურდობის ფაქტზე ორი მოქალაქე დააკავეს. - ექსკლუზიურად იუწყება ინტერნეტ-გამოცემა "ქიზიყი".

როგორც "ქიზიყმა" გაარკვია, დაკავებულები არიან დედოფლისწყაროს რაიონის სოფელ ოზაანში მცხოვრები 1982 წელს დაბადებული ზურაბ სულაშვილი და ამავე სოფლის მკვიდრი 1975 წელს დაბადებული გივი ჩალახეშაშვილი. მათ მიერ მიწიდან ამოღებული და დანაწევრებულია ნავთობკომპანია "ფრონტერას" კუთვნილი 800 მეტრი ლითონის მილსადენი, რომელიც ჯართში ჩასაბარებლად იყო გამზადებული. როგორც დედოფლისწყაროს პოლიციაში "ქიზიყს" განუცხადეს, ნივთმტკიცება ამოღებულია. დაკავებულებს დედოფლისწყაროს სასამართლომ წინასწარი 2 თვიანი პატიმრობა უკვე შეუფარდა. დანაშაული 4-დან 7 წლამდე თავისუფლების აღკვეთას ითვალისწინებს. /ქიზიყი/ ილია მარტყოფლიშვილი, თამილა გურაშვილი
* * *
პროკურორი გოჩა ჯანყარაშვილი თანამდებობიდან გათავისუფლდა

მიმდინარე წლის 20 დეკემბრიდან, სიღნაღი-დედოფლისწყაროს პროკურატურის პროკურორი გოჩა ჯანყარაშვილი დაკავებული თანამდებობიდან გათავისუფლდა. ინტერნეტ-გაზეთ "ქიზიყის" ხელთ არსებული ინფორმაციით, კახეთში პროკურატურის თანამშრომლებმა და გამომძიებლებმა, ახლახან, სპეციალური ტრენინგები გაიარეს, რის შემდეგაც უწყებაში კადრების ოპტიმიზაცია განხორციელდა.
"ქიზიყი" კომენტარისთვის თავად ჯანყარაშვილს ვერ დაუკავშირდა და ვერც მისი პოზიცია მოისმინა, თუმცა როგორც ჩვენთვის ცნობილი გახდა, პროკურორი სამსახურში თანამშრომლებთან გამოსამშვიდობებლად უკვე იმყოფებოდა.

დედოფლისწყაროს კიდევ ერთი პროკურორი დავით დუღაშვილი ადასტურებს, რომ თბილისის მთავარ პროკურატურაში ტრენინგები მართლაც გაიმართა, თუმცა იქვე დასძენს, რომ შედეგები ცნობილი ჯერ არ არის. /ქიზიყი/
* * *
ოპოზიციამ და მოსახლეობამ დედოფლისწყაროს ბიუჯეტის განხილვას პროტესტი გამოუცხადა?!


დედოფლისწყაროში საგანგებოდ გამართულ ადგილობრივი ბიუჯეტის პროექტის განხილვას წინა წლებთან შედარებით არცერთი ოპოზიციური პარტიის წარმომადგენელი არ დასწრებია. ადგილობრივი ოპოზიცია მუდმივად იმ ფაქტზე მიანიშნებს, რომ გამგეობებში შტატების ზრდა გრძელდება, ადმინისტრაციული ხარჯები კი მთელი ბიუჯეტის 35%-ს აღემატება. აღსანიშნავია, რომ ვაშლოვანის ნაკრძალის ადმინისტრაციულ შენობაში გამართულ საჯარო განხილვას არც დედოფლისწყაროს საკრებულოს ერთადერთი ოპოზიციონერი დეპუტატი გოდერძი აბულაშვილი დასწრებია. აბულაშვილი ქრისტიან-დემოკრატიული მოძრაობის დედოფლისწყაროს ორგანიზაციის ხელმძღვანელია, რომელიც საკრებულოში აქტიურობით სულაც არ გამოირჩევა.

სოსო ბეჟანიშვილი (ახალი მემარჯვენეების დედოფლისწყაროს ორგანიზაციის ხელმძღვანელი): ,,საჯარო განხილვის შესახებ ინფორმაცია გაზეთში არ წამიკითხია, არც არავის გაუგებინებია ჩემთვის, თორემ დავესწრებოდი... იქნებ ტაში უნდა დამეკრა მათი პროექტისთვის?... რომ გავცნობოდი, შესაძლოა შენიშვნებიც შემეტანა, თუმცა სამწუხაროდ, დასწრების საშუალება არ გვქონდა. ნამდვილად კარგი იქნებოდა რომ დავსწრებოდი"...

ბესიკ ცისკარაული (ლეიბორისტების კოორდინატორი დედოფლისწყაროში): ,,გაზეთ "შირაქს" არ ვკითხულობ და არ ვიცოდი განხილვა თუ გაიმართა. რაიონის ხელმძღვანელობას ოპოზიციის დასწრება რომ სდომებოდათ, შეგვატყობინებდნენ. გასაგებია, რატომაც არ მიგვიწვიეს"...

სხდომაზე ვერც რიგით მოქალაქეებს შენიშნავდით. მხოლოდ საჯარო სამსახურებში დასაქმებულთა მობილიზება მოხდა. მოსახლეობა ბიუჯეტის განხილვაში მონაწილეობისგან თავის შეკავებას იმ ფაქტით ხსნის, რომ გლეხის აზრის გათვალისწინება არ ხდება და ყველაფერი მაინც ისე დაიგეგმება, როგორც მუნიციპალიტეტის ხელმძღვანელები გადაწყვეტენ. /ქიზიყი/ ილია მარტყოფლიშვილი, თამილა გურაშვილი
* * *
საზღვრისპირა სოფლები მესამე თვეა უწყლოდ არიან

დედოფლისწყაროს საზღვრისპირა სოფლები არხილოსკალო, ზემო ქედი, საბათლო და სამთაწყარო უკვე მესამე თვეა სასმელი წყლის გარეშე არიან დარჩენილები. ტერიტორიული ორგანოს რწმუნებულები მიზეზად ტუმბოების დაზიანებას ასახელებენ. ბოლო ორი წლის მანძილზე სოფლის დახმარების საპრეზიდენტო პროგრამის ფარგლებში გამოყოფილი თანხები ძირითადად წყლის სისტემების რეაბილიტაციისთვის დაიხარჯა, თუმცა როგორც "ქიზიყმა" გაარკვია, პრობლემა ამით არ მოგვარებულა და სისტემა მწყობრიდან ხშირად გამოდის. სოფელ საბათლოს ტერიტორიული ორგანოს რწმუნებული დავით გუნდაძე "ქიზიყთან" საუბარში ამბობს, რომ სამი თვის წინ ცენტრალური სატუმბი სადგური მწყობრიდან გამოვიდა და 140-მდე ოჯახი წყლის გარეშე დარჩა. მისი თქმით, უკვე შეძენილია ახალი ტუმბო, აღდგენითი სამუშაოები მიმდინარეობს და სულ მალე დასრულდება.

სოფელ ზემო ქედის საჯარო სკოლის დირექტორი დავით სეთური ამბობს, რომ წყალი აღარც მათ სოფელში მოდის: ,,წყალს ცისტერნებით ვყიდულობთ, სხვა გზა არ გვაქვს... ასე უწყლოობით ვიტანჯებით. წნევა არ ჰყოფნის და ჩვენამდე წყალი საერთოდ არ მოდის. ადრე თვეში ერთხელ მაინც მოდიოდა ხოლმე... წნევა ნახევარ სოფლამდე აღწევდა და პერიოდულად მარაგდებოდა, მაგრამ ახლა სოფლის ქვემოთა ნაწილშიც აღარ მოდის," - განმარტავს სკოლის დირექტორი.

ზემო ქედის რწმუნებული ბეჟან სუხაშვილი ამბობს, რომ წელს სოფლის პროგრამის ფარგლებში მათთან 27 800 ლარი დაიხარჯა და ახალი მილების ჩაფენა მხოლოდ 5 უბანზე მოხერხდა: ,,საერთოდ ამ სოფელში იდითგანვე წყლის პრობლემა იყო, ამიტომ სამთაწყაროდან ხდება გადმოტუმბვა. ახლა იმიტომ არ არის რომ სამთაწყაროში ტუმბოა დაზიანებული, არადა ზემო ქედსა და არხილოსკალოს წყალი სწორედ სამთაწყაროდან მიეწოდება. როგორც ვიცი სპეციალისტები აღდგენაზე მუშაობენ. ალბათ, მალე მოგვარდება. მომავალ წელს დანარჩენ უბნებში ახალი ქსელის მშენებლობა გაგრძელდება," - აცხადებს ზემო ქედის რწმუნებული.

უწყლოობით შეწუხებული მოსახლეობა კი პრობლემის დროულ აღმოფხვრას ითხოვს და მუნიციპალიტეტის ხელმძღვანელობას მათი პრობლემებით დაინტერესებისკენ მოუწოდებს. /ქიზიყი/ თამილა გურაშვილი

* * *

განუკითხაობა და სრული ანარქია კეკენაძის "კანტორაში"...

სასაზღვრო პოლიციის დედოფლისწყაროს სამმართველო კვლავაც განსაკუთრებული ინტერესის საგნად რჩება. საყოველთაო უმუშევრობის ფონზე აქ დასაქმებულები და მათ შორის რიგითი მესაზღვრეები საკმაოდ კარგ ანაზღაურებას იღებენ, რის გამოც მესაზღვრედ მოხვედრა ბევრისთვის საოცნებო სამსახურად რჩება. ამ ფონზე, სულ უფრო ბევრს საუბრობენ, რომ პატრონის გარეშე დემურ კეკენაძის სამმართველოში ვერავინ გაიჭაჭანებს. ათასი მოსაზრებები, ეჭვები და ვარაუდები არსებობს დედოფლისწყაროს სასაზღვრო სამმართველოში არსებულ განუკითხაობასა და შეიძლება ითქვას ანარქიაზეც... ანარქია იმიტომ, რომ მესაზღვრეების ირგვლივ სკანდალური ამბები, თუ სხვადასხვა სახის ბრალდებები ხშირად ვრცელდება. ამ თემებზე უკვე მერამდენე წელია აჟიოტაჟი არ ცხრება და სასაზღვრო სამმართველო კვლავაც მითქმა-მოთქმის ობიექტად რჩება.

გახსოვთ, ალბათ, უშიშროების სამსახურის სამხედრო კონტრდაზვერვის უფროსი ოპერატიული მუშაკი გია კაპანაძე დედოფლისწყაროში დამოუკიდებელ ჟურნალისტებზე ზეწოლას რომ ახდენდა და მათ გაჩუმებას ურჩევდა. ,,ცოტა აზრზე მოდით, მძღნ...ი არ ამომიყვანოთ, თორე სადაც საჭიროა იქ მიგაბრძანებთ. სუპერ ინტრიგანები ხართ... მაღლა-მაღლა ნუ დაფრინავთ... ჯერ ნებართვა ითხოვეთ და ისე შეგვეხეთ" - ამგვარი ფრაზებით კაპანაძემ დედოფლისწყაროს პოლიციის სამმართველოს შენობის წინ, ადგილობრივ გაზეთ "ქიზიყის" ჟურნალისტს თამილა გურაშვილს ორიოდ თვის წინ ყვირილით მიმართა. კაპანაძე კორესპონდენტის დარწმუნებას დიდხანს ცდილობდა, რომ კრიტიკული სტატიების წერა შეეწყვიტათ. ოპერმუშაკის გაღიზიანება სასაზღვრო პოლიციის დედოფლისწყაროს სამმართველოს ხელმძღვანელების შესახებ ჟურნალისტების მიერ რამდენჯერმე მომზადებულმა სტატიებმა გამოიწვია: ,,ძალზე გაღიზიანებული იყო, აგრესიულად მელაპარაკებოდა და კინაღამ ხელიც დამარტყა... მე და ჩემს რედაქტორს გვემუქრებოდა. სიტყვიერი შეურაცხყოფაც რამდენჯერმე მოგვაყენა და ჩვენს პროფესიულ საქმიანობაში ჩაერია. პირადად მასზე არასოდეს არაფერი დაგვიწერია, მაგრამ წყენას და აგრესიას ღიად გამოხატავდა", - აცხადებს "ქიზიყის" კორესპონდენტი თამილა გურაშვილი. რედაქციაში მომხდარს გმობენ, თავისუფალი სიტყვის შეზღუდვად მიიჩნევენ და ძალოვანი უწყებების წარმომადგენლებს წინდახედულებისკენ მოუწოდებენ.

სინამდვილეში ოპერმუშაკი კაპანაძე დედოფლისწყაროს სასაზღვრო სამმართველოსა და მისი შეფის, დემურ კეკენაძის ირგვლივ ჟურნალისტების გამძაფრებულმა ინტერესმა გააღიზიანა და ღვარძლი ვერ დაფარა. ამასწინათ, უკვე გაჟღერდა, რომ სასაზღვრო სამმართველოში თანამშრომლების მისაღებად კეკენაძესთან სპეციალურ სიებს გზავნიდა დედოფლისწყაროს მაჟორიტარი ავთანდილ ლეკაშვილი. მართალია თავად პარლამენტარმა "ქიზიყთან" საუბრისას სასაზღვრო სამმართველოში სიების გაგზავნა კატეგორიულად უარყო, თუმცა პირად საუბარში სწორედ კეკენაძე მიანიშნებდა, რომ მას დასასაქმებელთა სიას პარლამენტარი უგზავნიდა.

დედოფლისწყაროში ბევრს საუბრობენ იმაზეც, რომ ახალგაზრდების მესაზღვრედ დასაქმებაში უშიშროების სამსახურის ადგილობრივ წარმომადგენელს დიმა კვიწინაშვილსაც დიდი წვლილი მიუძღვის. სამსახურის სპეციფიკიდან გამომდინარე თავად კვიწინაშვილი ამ საკითხებზე "ქიზიყთან" არ საუბრობს, თუმცა საზოგადოებაში უამრავი ვერსია ვრცელდება. მას შემდეგ, რაც "ქიზიყმა" სპეციალური სიების შესახებ სტატია გამოაქვეყნა, საქმეში ჩახედულმა ადამიანებმა აღნიშნეს, რომ თანამშრომელთა მიღებაში კვიწინაშვილიც ერევა.

კვიწინაშვილის მისამართით გამოთქმულ ეჭვებს ის ფაქტიც ამძაფრებს, რომ ეს უკანასკნელი გია კაპანაძის კორესპონდენტთან მომხდარ ინციდენტს პირადად შეესწრო, თუმცა მუქარისა და შეურაცხყოფის ფაქტს მშვიდად ადევნებდა თვალყურს. მაშინ, როცა უშიშროების ოპერმუშაკი კაპანაძე დამოუკიდებელ კორესპონდენტს ნოტაციებს უკითხავდა და კეკენაძის მისამართით სტატიების გამოქვეყნებას უკრძალავდა, კვიწინაშვილს თავი სულაც არ შეუწუხებია. შესაძლოა, გულში იცინოდა კიდეც...

ამბობენ იმასაც, რომ კეკენაძესთან განსაკუთრებით კარგი დამოკიდებულება აქვს მუნიციპალიტეტის საკრებულოს თავმჯდომარეს ლევან ბაღაშვილსაც. რიგითი დედოფლისწყაროელები, ამ თემაზე საუბრისას ხაზს უსვამენ, რომ სასაზღვრო სამმართველოში დასაქმება გავლენიანი ახლობლების ჩარევის გარეშე თითქმის წარმოუდგენელ ფაქტად რჩება და მესაზღვრედ დასაქმებულ თითქმის ყველა ახალგაზრდას იქ მოსახვედრად სხვადასხვა მეთოდები აქვს გამოყენებული... /ქიზიყი/ ილია მარტყოფლიშვილი

вторник, 9 ноября 2010 г.

2011 წლის ბიუჯეტის განხილვა - დედოფლისწყაროს ბიუჯეტის შემოსულობები შემცირდა

დედოფლისწყაროს ბიუჯეტის შემოსულობები შემცირდა
20 დეკემბერს ვაშლოვანის ნაკრძალის ადმინისტრაციის საკონფერენციო დარბაზში დედოფლისწყაროს მუნიციპალიტეტის 2011 წლის ბიუჯეტის პროექტის საჯარო განხილვა გაიმართა. შეხვედრამ რიგითი მოქალაქეების გარეშე ჩაიარა. სხდომას ცალკეული სამსახურების წარმომადგენლები და სოფლის რწმუნებულები ესწრებოდნენ. დეტალები საკრებულოს თავმჯდომარემ ლევან ბაღაშვილმა წარმოადგინა.

აღინიშნა, რომ წინა წელთან შედარებით ბიუჯეტი შედარებით ნაკლებია, რადგან შემოსავლების კლება დაფიქსირდა: ,,მართალია წინა წელთან შედარებით საერთო თანხა მცირეა, მაგრამ ეს იმ ფაქტმა გამოიწვია, რომ შემოსულობების კლება გვაქვს. თუმცა, არის მინიმუმ 1 მილიონი ლარით ზრდის რეალური შანსი. გასულ წელსაც ტრანსფერების სახით გათვალისწინებულზე მეტი თანხა მივიღეთ და იმედი გვაქვს, რომ წელსაც ასე იქნება," - აღნიშნა ლევან ბაღაშვილმა.

მომავალ წელს დედოფლისწყაროში საკრებულოს ხარჯები 2 000 ლარით შემცირდა, ხოლო მუნიციპალიტეტის გამგეობის 48,500 ლარით. სამაგიეროდ, 24 700 ლარით გაიზარდა მუნიციპალიტეტის სარეზერვო ხარჯები. ნაცვლად 8,800 ლარისა მომავალ წელს დედოფლისწყაროს სარეზერვო ფონდში 33,500 ლარია გათვალისწინებული.
ლევან ბაღაშვილმა იქვე ხაზგასმით აღნიშნა, რომ მომავალი წლიდან კადრების ოპტიმიზაცია დაიწყება. ბაღაშვილი დასძენს, რომ უკეთესი მომავლისთვის თვითმმართველობაში ოპტიმიზაციის პროცესი აუცილებელია.

დედოფლისწყაროს საგანმანათლებლო რესურსცენტრის ხელმძღვანელმა მარინე მეხრიშვილმაბიუჯეტის პროექტის გაცნობის შემდეგ შენიშვნა გამოთქვა და აღნიშნა, რომ უკვე წლებია ადგილობრივ ბიუჯეტში სკოლებისთვის თანხები არც გათვალისწინებულია და არც დახარჯულა. მეხრიშვილმა მუნიციპალიტეტის ხელმძღვანელებს მოუწოდა განათლების კანონის 30-ე მუხლის გათვალისწინება მოხდეს.

,,გასულ წელს 15 000 ლარი გამოვყავით. წელსაც ჩავდეთ თანხა, მაგრამ აღმოჩნდა, რომ საჭიროება არ არსებობს და ეს ყველაფერი სამინისტრომ უზრუნველყო. არ გამოვრიცხავთ, რომ მომავალში ამ მიმართულებით თანხები მართლაც გამოვყოთ, მაგრამ ახლა, როცა პროექტის განხილვა მიდის და როცა ხარჯების შემცირებაზეა საუბარი, ამის განხილვა ნაადრევია... ახლა, სკოლების რეაბილიტაციისთვის თანხებს ვერ გამოვყოფთ, ეს დიდ ხარჯებს მოითხოვს, თანაც ეს საკითხი სამინისტრომ თავის თავზე აიღო. მზად ვართ რესურსცენტრთან თანამშრომლობისთვის, ოღონდ დასაბუთებული და კონკრეტული წინადადებები განვიხილოთ," - განმარტა ლევან ბაღაშვილმა.

მოგვიანებით, დედოფლისწყაროს თვითმმართველობის ოფიციალური ინტერნეტ საიტის პრეზენტაცია გაიმართა. როგორც "ქიზიყმა" გაარკვია, ვებ-გვერდის ტექნიკურ დახვეწაზე ნაცმოძრაობის ყოფილი აქტივისტი, ამჯერად საკრებულოს სპეციალისტი ოთარ კოვზირიძეიზრუნებს, ხოლო მის ინფორმაციულ განახლებაზე საკრებულოს პრესასთან ურთიერთობის სპეციალისტი ინგა შიოლაშვილი მუშაობს. საიტი ყოველკვირეულად განახლდება და სხვა მონაცემებთან ერთად დედოფლისწყაროში მიმდინარე სიახლეები ნიუსური სისტემით გამოქვეყნდება. საიტზე ასევე განთავსდება სხვადასხვა სამართლებრივი აქტები, დებულებები, ბრძანებები და ყველა საჯარო ინფორმაცია გაცილებით ხელმისაწვდომი გახდება.

სხდომაზე დაისვა საკითხი საბავშვო ბაღებში კვების გაუმჯობესების შესახებ. აღინიშნა, რომ ბავშვებს უხარისხო საკვებს აძლევენ, რაც მშობლების აღშფოთებას იწვევს. წამოვიდა მოთხოვნა კვებისთვის გათვალისწინებული ხარჯების გაზრდის თაობაზე.

,,მომავალ წელს სკოლამდელი დაწესებულებების ხარჯები 15 ათასი ლარით მცირდება. მუნიციპალიტეტს პირდაპირი ვალდებულება არ აქვს, რომ ეს სფერო დავაფინანსოთ, თუმცა საკმაოდ სოლიდურ თანხას გამოვყოფთ, ეს არის კეთილი ნება და ხალხის აზრის გათვალისწინება. ზოგიერთ ბაღში მხოლოდ 7 ბავშვი ირიცხება, თუმცა საბავშვო ბაღები მაინც მუშაობს," - განაცხადა ბაღაშვილმა.

2010 წელთან შედარებით მომავალი წლის ბიუჯეტის პროექტში შემცირებულია პრესისთვის გათვალისწინებული ხარჯები, რომელიც 23,600 ლარით განისაზღვრა. წელს ადგილობრივი ბიუჯეტიდან, სხვადასხვა მედიასაშუალებების დასაფინანსებლად 29 000 ლარამდე დაიხარჯა.../ქიზიყი/ ილია მარტყოფლიშვილი







понедельник, 1 ноября 2010 г.

ღატაკები უფასო სასადილოს პერსონალს ჩაგვრაში ადანაშაულებენ და საკვების უხარისხობაზე წუხან

დედოფლისწყაროში ნაციონალური მოძრაობის უფასო სასადილოს თანამშრომლებს ბენეფიციარები ჩაგვრაში ადანაშაულებენ და არაერთ ბრალდებას უყენებენ. როგორც უმწეოები გაზეთ "ქიზიყთან" საუბარში აცხადებენ, მომსახურე პერსონალი სოციალურად დაუცველ მოქალაქეებს უხეშად ეპყრობა. ისინი ასევე ჩივიან, რომ საკვები ხშირად უხარისხოა და ულუფაც არ ჰყოფნით. როგორც მოკვლევისას გავარკვიეთ, ისინი განსაკუთრებით მზარეულის მარინა ბოსტოღანაშვილის უტაქტობითა და უხეში დამოკიდებულებით არიან შეწუხებულნი. ,,საკვებს ცხიმი საერთოდ არა აქვს, არც ულუფა გვყოფნის. პურის დამატება რომ ვითხოვოთ მუდმივად პანღურით გველაპარაკებიან – დაგვცინიან!... ხმამაღლა გვიყვირიან, თუ არ გინდათ წადითო... საკვების უხარისხობაზე მორიდებული შენიშვნა რომ მივცეთ, მზარეული გვემუქრება – გაგაგდებთო!. სასადილოს მზარეულის მარინა ბოსტოღანაშვილის ჩაგვრის ატანა უკვე შეუძლებელი ხდება. გეფიცებით, იქ მისვლა აღარ გვინდა. ყველა გეტყვით, რომ ძალიან დამამცირებლად და უხეშად გვექცევა. საკვები რომ არ მოგვწონს, იმის უფლებასაც არ გვაძლევენ, რომ პატარა შენიშვნები მივცეთ. რაიონის ხელმძღვანელობას თვითნებურად ჰყავს ისინი მიშვებული და არ აკონტროლებს, თორემ ასეთი განუკითხაობა არ იქნებოდა". – აცხადებენ სასადილოს მომსახურებით უკმაყოფილო ბენეფიციარები მზია გარსენიშვილი, ეთერ ნატროშვილი, ლალი აბულაძე, გიორგი მჭედლიშვილი და სხვები. მოქალაქეები მუნიციპალიტეტის ხელმძღვანელობას ამ საკითხის დარეგულირებას თხოვენ.
დედოფლისწყაროს გამგეობისა და სასადილოს თანამშრომლები ამგვარ ადამიანებს მუდმივად ინტრიგანებად მოიხსენიებენ და მათი შენიშვნების გათვალისწინებას არ აპირებენ.
ნაციონალური მოძრაობის უფასო კვების სასადილოს ხელმძღვანელი ნუნუ თათარაშვილი გაზეთ "ქიზიყთან" საუბარში ამბობს, რომ ბენეფიციარების პრეტენზიები ესმის, თუმცა ულუფის გაზრდა ვერ მოხერხდება. თათარაშვილი განმარტავს, რომ მოხუცებს შეუძლიათ მენიუს შეცვლა მხოლოდ მომავალ წელს მოითხოვონ: ,,ჩვენ მენიუ გრამებში გაწერილი და დამტკიცებული გვაქვს. რომ არ ჰყოფნით გასაგებია, მაგრამ წელს ვეღარაფერი შეიცვლება. მისი ცვლილება მომავალი წლიდან უნდა მოითხოვონ და შეიძლება 2011 წელს რაიმე შეიცვალოს. ახლა ცვლილებები ნამდვილად შეუძლებელია" – აცხადებს თათარაშვილი. ამგვარი პრეტენზიები ხსენებულ დაწესებულებაში გახსნის დღიდან ისმის.

ხელმძღვანელობის რამდენჯერმე ცვლილების მიუხედავად, უმწეოები ყოველთვის იმ ფაქტზე მიანიშნებენ, რომ სასადილოს პერსონალი საკვებით უკმაყოფილო მოხუცებს მუდმივად კარისკენ უთითებდა, იყო მუქარისა და აბუჩად აგდების ფაქტებიც. შეიძლება ითქვას ხსენებულ სასადილოს მუდმივად სკანდალები უკავშირდებოდა, თუმცა რაიონის ხელმძღვანელობა მისი იმიჯის აღდგენისთვის არასოდეს გარჯილა და პრობლემის დასარეგულირებლად ქმედითი ნაბიჯები არ გადაუდგამს. /ქიზიყი/ ილია მარტყოფლიშვილი, თამილა გურაშვილი
* * *
ტელეარხებით გავრცელებულ კვლევას ვერსად მიაკვლევთ

Greenberg Quinlan Rosner–ის მიერ ჩატარებულ კვლევას, რომელიც ორიოდ დღის წინ თითქმის ყველა მედია საშუალებამ ზარ-ზეიმით გაავრცელა და რომლის მიხედვითაც, საქართველოს პრეზიდენტსა და საპარლამენტო უმრავლესობას მოსახლეობის 67%–იანი მხარდაჭერა აქვთ, „ნეტგაზეთმა“ ვერ მიაკვლია. ჟურნალისტური გამოძიებისას გამოცემამ დაადგინა, რომ კვლევა კონფედენციალურია. ის არ დევს კომპანიის საიტზე, ხოლო ქართული ორგანიზაცია, რომელმაც საველე სამუშაოები ჩაატარა, ამბობს, რომ გამომდინარე იქიდან, რომ კვლევა შეკვეთილია, ის არ არის საჯარო. შესაბამისად, მისი გავრცელება მათ მიერ არ მომხდარა. „რუსთავი 2“, რომელმაც ერთ–ერთმა პირველმა გაავრცელა აღნიშნული კვლევის შედეგი, აცხადებს, რომ კვლევა მათ პოლიტიკური პარტიისგან მიიღეს.

„კურიერის“ პროდიუსერმა გიორგი ლაფერაშვილმა „ნეტგაზეთს“ განუცხადა, რომ წყაროს არ დაასახელებს: „ეს კვლევა პარტიებს დაეგზავნათ. ზუსტად ვიცი, რომ ეს კვლევა აქვთ ალასანიას პარტიას, ქრისტიან–დემოკრატებსა და ნაციონალურ მოძრაობას“,–ამბობს ლაფერაშვილი. გამოცემა დასახელებულ პარტიებს დაუკავშირდა, თუმცა ალასანიას პარტიასა და „ქრისტიან–დემოკრატებში“ განაცხადეს, რომ არავითარი კვლევა მათ არ მიუღიათ. რაც შეეხება ერთიან ნაციონალურ მოძრაობას, ცენტრალურ ოფისში საზოგადოებასთან ურთიერთობის სამსახურის უფროსმა, ქეთევან ქოჩრაშვილმა განაცხადა, რომ კვლევა არ აქვს და დოკუმენტი პარლამენტშია. საპარლამენტო უმრავლესობის აპარატში კი გიორგი პატარაიამ, თავის მხრივ, აღნიშნა, რომ კვლევა მასაც არ აქვს.სხვა საინფორმაციო არხები, რომლებიც ასევე აქტიურად აშუქებდნენ კვლევის შედეგებს, ვერ ასახელებენ კვლევის ზუსტ წარმომავლობას. „იმედის“ საინფორმაციო გამოშვების პროდიუსერის თქმით, მას კვლევა „უფროსმა“ გაუგზავნა. პირველ არხზე მაკა გაფრინდაშილმა კი განაცხადა, რომ, მისი ინფორმაციით, კვლევა მეილზე ერთ-ერთმა ჟურნალისტმა, ელისო ჯარიაშვილმა მიიღო. ჟურნალისტმა კი აღნიშნა, რომ ის არ აშუქებდა აღნიშნულ მოვლენას და დღის ეს ახალი ამბავი მხოლოდ გაახმოვანა. გაფრინდაშვილთან ხელახალი ზარის შემდეგ, იგი დაპირდა „ნეტგაზეთს,“ რომ კვლევის მიღების წყაროს გაარკვევდა, თუმცა შემდეგ სატელეფონო ზარს აღარ უპასუხა.

ტელეკომპანია „მაესტროს“ საინფორმაციო გამოშვების პროდიუსერმა თამარ რუხაძემ აღნიშნა, რომ მისი არხი, აღნიშნული ფაქტის გაშუქებისას, საინფორმაციო სააგენტოების მიერ გავრცელებულ ინფორმაციას დაეყრდნო. თავის მხრივ, საინფორმაციო სააგენტო „ინტერპრესნიუსში“ განაცხადეს, რომ ისინი ტელეკომპანიის ეთერით გადაცემულ ამბებს დაეყრდნენ. „აისითი“ ქართული კომპანია, რომელმაც აღნიშნული კვლევისათვის საველე სამუშაოები ჩაატარა, აცხადებს, რომ კვლევა კონფედენციალურია, რადგან შეკვეთილია. ამ მიზეზით არ დევს ის Greenberg Quinlan Rosner–ის ოფიციალურ საიტზე. კომპანიის პიარ მენეჯერმა გიორგი კალატოზიშვილმა აღნიშნა, რომ მის კომპანიას არ გაუვრცელებია აღნიშნული კვლევა და მედიისთვის არ მიუწოდებია.

Greenberg Quinlan Rosner–ის საიტზე ჩამოთვლილია ის კომპანიები და პირები, რომლებიც მათი შემკვეთები არიან. მათ შორის არიან: საქართველოს პრეზიდენტი მიხეილ სააკაშვილი, ერთიანი ნაციონალური მოძრაობა და თბილისის მერი გიგი უგულავა.

იმის გაჟღერებამ, რომ კვლევის დამკვეთად ავტორიტეტული ორგანიზაცის უცხოენოვან საიტზე სააკაშვილი და უგულავაა მითითებული, მოსახლეობის ეჭვები კიდევ უფრო გაამყარა და შედეგებისადმი უნდობლობა კიდევ უფრო გაუმძაფრა, თუმცა ახლა, როცა ირკვევა, რომ შედეგები თვალით არავის უნახავს და ზეპირი გადმოცემით გავრცელდა, ნაცმოძრაობის უსახური ადამიანების უნიჭო პიარს თვალსა და ხელს შუა "ფუშავს"...

P.S. სასაცილოა, სატირალი რომ არ იყოს... /ქიზიყი/
ილია მარტყოფლიშვილი

* * *
ამიერიდან წყალი მოსახლეობისთვის 72%-ით გაიაფდა, ორგანიზაციებისთვის 10-ჯერ გაძვირდა

დედოფლისწყაროს მუნიციპალიტეტში სასმელი წყალი მოსახლეობისთვის საგრძნობლად გაიაფდა. აქამდე, აბონენტები, რომლებიც სასმელ წყალს საკუთარ ეზოებში 24 საათიანი გრაფიკით იღებდნენ, 1 ტონა წყლის მოხმარებისთვის 70 თეთრს იხდიდნენ.

როგორც “გაერთიანებული წყალმომარაგების კომპანიის” დედოფლისწყაროს სერვის-ცენტრის ხელმძღვანელმა გიორგი ბენაშვილმა ინტერნეტ-გაზეთ "ქიზიყს" განუცხადა, ამიერიდან მოსახლეობა 70-ის ნაცვლად 1 ტონა წყალზე მხოლოდ 20 თეთრს გადაიხდის: ,,რა მიზეზით მოხდა ტარიფის დაწევა ვერ გეტყვით, მაგრამ, ჩვენ თბილისიდან მიღებული ოფიციალური ბრძანების საფუძველზე ვიმოქმედეთ, რის მიხედვითაც წყლის ტარიფი 20 თეთრამდე შემცირდა. სხვა არაფრის თქმა არ შემიძლია" - განმარტავს ბენაშვილი.

მუნიციპალური განვითარების ფონდის MGF-ის დაფინანსებით დედოფლისწყაროს მცხოვრებთა თითქმის უმრავლესობა სასმელ წყალს საკუთარ ონკანებზე 24 საათიან რეჟიმში იღებს. მოსახლეობა მთლიანად გამრიცხველიანებულია და აბონენტებს სრულიად განახლებული წყალსადენი მაგისტრალი ემსახურება, თუმცა ადგილობრივებს წყლის ხარისხზე პრეტენზიები მაინც აქვთ.

როგორც ინტერნეტ-გაზეთ "ქიზიყს" ლაგოდეხის მუნიციპალიტეტიდან, სამაუწყებლო კომპანია "ჰერეთის" ჟურნალისტებმა აცნობეს, ორგანიზაციებისთვის წყლის ტარიფი გაიზარდა და 1 კ.მ-ზე 5 ლარს მიაღწია. ამ ინფორმაციას გაერთიანებული წყალმომარაგების სისტემის ლაგოდეხის სერვის-ცენტრის მენეჯერი დავით გოგოლაძეც ადასტურებს. სემეკ-ის გადაწყვეტილებით ბოლო ერთ თვეში ორგანიზაციებისთვის წყლის ტარიფი 10 ჯერ გაიზარდა. /ქიზიყი/ ილია მარტყოფლიშვილი, თამილა გურაშვილი

* * *
მინისტრმა იცრუა – პრობაციის თანამედროვე სტანდარტების ოფისი დედოფლისწყაროში არ გახსნილა

ორიოდ დღის წინ სასჯელაღსრულების, პრობაციისა და იურიდიული დახმარების საკითხთა მინისტრმა ხათუნა კალმახელიძემ საგარეჯოში, კახეთის პრობაციის ბიუროს ახალი ოფისი პირადად გახსნა. თანამედროვე სტანდარტების შესაბამისი ოფისი კახეთის ცალკეულ რაიონებში პირობით მსჯავრდებულთა აღრიცხვისა და კონტროლის, დანაშაულის პრევენციისა და პრობაციონერთა საზოგადოებაში ინტეგრაციის საკითხებზე იმუშავებს. საგარეჯოს პარალელურად კახეთის რეგიონში, სულ 7 რაიონული ოფისი გაიხსნა - დედოფლისწყაროში, ყვარელში, ლაგოდეხში, ახმეტაში, წნორსა და გურჯაანში.

ხათუნა კალმახელიძის თქმით, პრობაციის ახალი ოფისების ამოქმედებით სამინისტრო ხელს უწყობს ევროპული სტანდარტების დამკვიდრებას, არასაპატიმრო სასჯელის ეფექტურად წარმართვას და პრობაციის სამსახურის გაძლიერებას. ახალ თანამედროვე ოფისებში პრობაციონერების მომსახურების პირობების გამარტივების გარდა, ოფიცრებს პირობით მსჯავრდებულებთან ინდივიდუალურად მუშაობის საშუალება ეძლევათ, რაც თავის მხრივ, ხელს შეუწყობს პრობაციონერთა რესოციალიზაციას.

სამინისტროს მიერ გავრცელებული ოფიციალური ინფორმაციის თანახმად პრობაციის ბიუროპები თანამედროვე სტანდარტების ოფისებში განთავსდა, თუმცა, როგორც "ქიზიყმა" გაარკვია, ქალბატონი მინისტრი ცრუობს და არასწორ ინფორმაციას მიზანმიმართულად ავრცელებს. დედოფლისწყაროს მუნიციპალიტეტის გამგებლის მოადგილე ალექსანდრე ალუღიშვილი ამ საკითხზე კომენტირებისას ამბობს, რომ მსგავსი არაფერი მომხდარა. ანუ, ხელისუფლება უნებლიედ მორიგ ტყუილში გამოვიჭირეთ.

მაშინ, როცა მინისტრი თანმხლებ პირებთან ერთად კახეთში იმყოფებოდა და ახალი ოფისების ერთიანად გახსნით ტრაბახობდა, სინამდვილეში იმ დღეს დედოფლისწყაროში არც ახალი ოფისი გახსნილა და არც თბილისიდან ჩამოსულა ვინმე. ალუღიშვილი ამბობს, რომ ამ დღეს სხვა რაიონების მსგავსად დედოფლისწყაროში განსაკუთრებული არაფერი მომხდარა, არადა მინისტრი ტელეკამერების წინაშე თავს იწონებდა და გვარწმუნებდა, რომ იგივე დედოფლისწყაროშიც მოხდა. გამგებლის მოადგილის თქმით, პრობაციის ბიურო დედოფლისწყაროში დახლოებით 2 წელია არსებობს. ალუღიშვილი განმარტავს, რომ თავდაპირველად ისინი პროკურატურის შენობაში მუშაობდნენ, ახლახან კი მათი ოფისი გამგეობის შენობის მეორე სართულზე ერთ-ერთ ოთახში განთავსდა. როგორც "ქიზიყმა" გაარკვია, დედოფლისწყაროში პრობაციის ბიუროს ლევან გოზალიშვილი ხელმძღვანელობს.

aსე ჩაუფუშა "ქიზიყმა" მორიგი პიარ-აქცია ცრუპენტელა ხელისუფლებას, რომელიც საზოგადოების მოტყუებას და ჩვენთვის თვალებში ნაცრის შეყრას ურცხვად გეგმავდა. /ქიზიყი/ ილია მარტყოფლიშვილი; თამილა გურაშვილი
* * *
საკრებულოს სხდომაზე თეთრაულს სარჩელის შეტანისთვის შენიშვნა მისცეს
ხუთშაბათს დედოფლისწყაროს მუნიციპალიტეტის საკრებულოს კომისიების სხდომა გაიმართა, სადაც დეპუტატებმა ცალკეული საკითხები განიხილეს. სხდომის დაწყებისთანავე საკრებულოს თავმჯდომარემ ლევან ბაღაშვილმა საკრებულოს აგრარულ საკითხთა, ბუნებრივი რესურსებისა და ქონების მართვის კომისიის თავმჯდომარეს გელა თეთრაულს ჟურნალისტის წინააღმდეგ სასამართლოში სარჩელის შეტანის გამო სხდომაზე საჯაროდ შენიშვნა მისცა და ილია მარტყოფლიშვილისგან ფულადი კომპენსაციის მოთხოვნის მიზეზებით დაინტერესდა.

ბაღაშვილს "ქიზიყი" სხდომის დასრულების შემდეგ შეხვდა და გაესაუბრა: ,,სხდომის დაწყებისთანავე პირველი რაც გავაკეთე ის იყო, რომ თეთრაულს სახალხოდ შენიშვნა მივეცი და დავინტერესდი, რატომ გადადგა ეს ნაბიჯი. თუმცა, მან ახსნა და საკუთარი მოსაზრებები გამოხატა. ეს მისი პირადი საქმეა. მე საქმის კურსში არ ვყოფილვარ. ამ საკითხზე კომენტარისთვის დღეს ათზე მეტმა ჟურნალისტმა დაგვირეკა მეც და თეთრაულსაც". - განუცხადა "ქიზიყს" ლევან ბაღაშვილმა. იქვე, ლევან ბაღაშვილი "ქიზიყთან" საუბარში ხაზს უსვამს, რომ ეს თეთრაულის არჩევანი იყო და მის გადაწყვეტილებაში ის ვერანაირად ვერ ჩაერეოდა. ჟურნალისტი ილია მარტყოფლიშვილი სპეციალურ შესაგებელს დედოფლისწყაროს სასამართლოში 10 დღის ვადაში შეიტანს, რის შემდეგაც მოსამართლე თამარ ჭუნიაშვილი მოსამზადებელ სხდომას ჩანიშნავს. /ქიზიყი/ თამილა გურაშვილი
* * *
ვანო ნატროშვილი: "შენობები რამდენიმე ინვესტორმა დაათვალიერა"

"ქიზიყის" მიერ მოპოვებული ექსკლუზიური ინფორმაციით, დედოფლისწყაროს საავადმყოფო-პოლიკლინიკურ გაერთიანებას უცხოელი ინვესტორები შეისყიდიან. ინფორმირებულმა წყარომ ინტერნეტ-გაზეთ "ქიზიყს" აცნობა, რომ საავადმყოფოს შეძენის სურვილი ებრაულმა მხარემ გამოთქვა.
დედოფლისწყაროს მთავარი ექიმი, საავადმყოფო-პოლიკლინიკური გაერთიანების ხელმძღვანელი ვანო ნატროშვილი გაზეთ "ქიზიყთან" საუბარში ამ საკითხზე კომენტირებისას ადასტურებს, რომ ინვესტორებმა საავადმყოფოსა და პოლიკლინიკის შენობები პირადად უკვე მოინახულეს:

,,ბოლო დროს ეკონომიკის სამინისტრომ ჩვენი მონაცემები დაინტერესებულ მხარეებს მიაწოდა და ინვესტორთა რამდენიმე ჯგუფი დედოფლისწყაროში უკვე ჩამოსული იყო. აქაურ პირობებს გაეცნენ, შენობები დათვალიერეს... ბოლო მომენტში ებრაელ ინვესტორებს ვუმასპინძლეთ. დაწვრილებით გავაცანით ჩვენი მდგომარეობა. ჯერ გადაწყვეტილი არაფერია. ამ ეტაპზე კონკრეტულად არაფრის თქმა არ შემიძლია. ინვესტორის შემოსვლის შემდეგ კი საავადმყოფოს განახლება მოხდება" - აცხადებს ვანო ნატროშვილი. /ქიზიყი/ თამილა გურაშვილი
* * *
დედოფლისწყაროს ყოფილ სამხედრო ბაზაში არსებულ ფეთქებად მასალებს "დელტა" გააუვნებელყოფს

სამხედრო სამეცნიერო - ტექნიკური ცენტრი „დელტა“ პროექტის „ვადაგასული, უვარგისი და ზენორმატიული საბრძოლო მასალების უტილიზაციის შესახებ“ ფარგლებში დედოფლისწყაროს ყოფილ სამხედრო ბაზაში არსებულ ფეთქებად მასალებს გააუვნებელყოფს. როგორც "ქიზიყმა" გაარკვია, პროექტის მიზანია საქართველოს სამხედრო ბაზებში თავმოყრილი, მიზნობრივად გამოუყენებადი და ამასთან, ფეთქებადი, ცეცხლგამჩენი საფრთხისა და ეკოლოგიური თვალსაზრისით მაღალი რისკფაქტორის მქონე სხვადასხვა დანიშნულების სახელობისა და კალიბრის საბრძოლო მასალების გაუვნებელყოფა - უტილიზაცია. პროექტის გარემოზე ზემოქმედების შეფასების (გზშ) ანგარიშის საჯარო განხილვა 26 ნოემბერს, დედოფლისწყაროში, დედოფლისწყაროს საუტილიზაციო ბაზის ადმინისტრაციის შენობაში გაიმართება. გზშ-ს ანგარიში და შესაბამისი დეტალური ინფორმაცია ხელმისაწვდომია შემდეგ მისამართებზე: გარემოს დაცვისა და ბუნებრივი რესურსების სამინისტროს ლიცენზიებისა და ნებართვების სამსახური, ქ. თბილისი, გულუას ქ. №6; სსიპ „დელტა“. /ქიზიყი/
* * *
ჟურნალისტისგან 10 000 ლარის მოთხოვნით ნაციონალმა დეპუტატმა სასამართლოში სარჩელი შეიტანა

დედოფლისწყაროს მუნიციპალიტეტის საკრებულოს აგრარულ საკითხთა და გარემოს დაცვისა და ქონების მართვის კომისიის თავმჯდომარე, გამგებლის ყოფილი მოადგილე გელა თეთრაული ჟურნალისტ ილია მარტყოფლიშვილისგან მორალური ზიანის ანაზღაურების მიზნით 10 000 ლარის გადახდას ითხოვს. ნაციონალური მოძრაობის სიით გასულმა დეპუტატმა შესაბამისი სასარჩელო განცხადებით დედოფლისწყაროს სასამართლოს უკვე მიმართა.

სარჩელში დეპუტატი გელა თეთრაული აღნიშნავს, რომ ჟურნალისტ ილია მარტყოფლიშვილის მიერ წლების მანძილზე სხვადასხვა გამოცემებში გამოქვეყნებული სტატიებით მას და მის საქმიან რეპუტაციას მორალური ზიანი მიადგა. დეპუტატს რატომღაც თმენის ვალდებულება არ გამოუყენებია და ფულადი კომპენსაციის მოთხოვნით სასამართლოს მიმართა.

ილია მარტყოფლიშვილი აცხადებს, რომ შეურაცხმყოფელი და ცილისმწამებლური ინფორმაცია არასოდეს გამოუქვეყნებია და მზად არის სასამართლოს წინაშე წარსდგეს. ის საჯარო მოხელის ნაბიჯს ზეწოლად და პროფესიულ საქმიანობაში ჩარევის მცდელობად აფასებს.

დედოფლისწყაროს საკრებულოს თავმჯდომარე ლევან ბაღაშვილი ამ საკითხზე კომენტირებისას ამბობს, რომ ამის შესახებ არაფერი იცოდა. /ქიზიყი/
* * *
გაუჩინარებული მამაკაცი 4 დღის შემდეგ ტყეში ჩამომხრჩვალი იპოვეს


სახლიდან გაუჩინარებული სოფელ წითელწყაროში მცხოვრები 55 წლის თამაზ მაზიაშვილი 4 დღიანი ძებნის შემდეგ დედოფლისწყაროს პოლიციის თანამშრომლებმა სოფელ მაზოვკის ტყეში, ხეზე თოკით ჩამომხრჩვალი იპოვეს.

როგორც "ქიზიყმა" გაარკვია, მაზიაშვილმა სახლიდან გასვლამდე მეუღლესა და შვილებს წერილი დაუტოვა, რის მიხედვითაც ირკვევა, რომ ის თვითმკვლელობას გეგმავდა. წერილში თვითმკვლელობის მიზეზებზეც არის საუბარი, თუმცა გარდაცვლილის ოჯახი მის შინაარსს არ ახმაურებს.

როგორც გაზეთ "ქიზიყს" დედოფლისწყაროს პოლიციის სამმართველოში განუცხადეს, მომხდარზე აღძრულია სისხლის სამართლის საქმე. მიმდინარეობს გამოძიება.

შეგახსენებთ, ბოლო რამდენიმე დღის მანძილზე ეს დედოფლისწყაროში ადამიანის დაკარგვის უკვე მეორე შემთხვევაა, დედოფლისწყაროს პოლიცია არხილოსკალოში მცხოვრებ 14 წლის ვასილ წიკლაურს ამ დრომდე უშედეგოდ ეძებს. /ქიზიყი/ თამილა გურაშვილი
* * *
ჩინოსნების ტაშ-ფანდური, გამოცარიელებული თვითმმართველობა და დიდი სხადნიაკი "დიდნაურში"

ერთ ცისმარე დღეს, წესით და რიგით ერთი ჩვეულებრივი სამუშაო დღე იყო, თუმცა დედოფლისწყაროს საკრებულოსა და გამგეობაში ოფიციალური პირების ჭაჭანება არ იყო... მიუხედავად იმისა, რომ სამუშაო საათები ჯერ დასრულებული არ იყო, შენობა ერთიანად გამოცარიელებულიყო. იფიქრებთ, ალბათ, რაიონის თავკაცები ხალხში გაჭრილან, მოსახლეობის კეთილდღეობაზე საზრუნავადო... მაგრამ, ჰოი საოცრებავ...

დედოფლისწყაროელი მაღალჩინოსნების მთელი შანტრაბა რუსთაველის ქუჩაზე მდებარე კაფე-რესტორან "დიდნაურში" ჩამსხდარა, "სხადნიაკი" მოუწყიათ და გემოზე მოულხენიათ. მიზეზიც ჰქონიათ... როგორც "ქიზიყმა" გაარკვია, სუფრაზე გერმანელი სტუმარი დიტერ მიულერიც იმყოფებოდა. დღის 4 საათზე სამუშაო საათების მიუხედავად მათ თავი ერთიანად განცხრომას მისცეს, ფეხი ფეხზე გადაიდეს და ტაშ-ფანდური გააჩაღეს. იქვე, კაფე "დიდნაურის" წინ იდგა GTZ-ს ავტომობილიც. გამგეობის შენობაში ვითარების დასაზუსტებლად კიდევ ერთხელ შევბრუნდით. ოფიციალური პირებისგან შენობა გამოცარიელებულიყო. მხოლოდ ვირთხები დარბოდნენ... (ეშმაკსაც წაუღია მოსახლეობა...) თვითმმართველობის ორგანოში ვინმე მოქალაქე რომ მისულიყო და რაიმე საკითხზე დახმარება სდომებოდა, პასუხის გამცემიც არ ჩანდა...

შენობაში მხოლოდ გამგეობის საზოგადოებასთან ურთიერთობის სპეციალისტი ანა ბენაშვილი შევნიშნეთ და ისიც მხოლოდ იმ დროს, როცა კიბეებზე ჩამოდიოდა. აშკარად ჩანდა, რომ მასაც სადღაც მიიჩქაროდა... ვერ გეტყვით, ბენაშვილსაც იმავე სუფრაზე აგვიანდებოდა, თუ გამგეობის შენობიდან დროულად გაცლას ლამობდა, მაგრამ ფაქტია, რომ ჩქარობდა. კაფე-რესტორან "დიდნაურის" წინ ამვლელ-ჩამვლელი იმ ფაქტს იხსენებდა, რომ გერმანულმა მხარემ დედოფლისწყაროში ხეების დასარგავად ახლახან 150 ათასზე მეტი ლარი გამოყო და სტუმრად გერმანელი ბავშვებიც ჩამოიყვანა.

დედოფლისწყაროელების ნაწილი ეჭვობდა, რომ ზედმეტად დარჩენილი თანხით კმაყოფილი მაღალჩინოსნები ცხოვრებით ტკბებოდნენ. როგორც ცნობილია, გერმანიის ტექნიკური თანამშრომლობის ცენტრის დაფინანსებით დედოფლისწყაროში გაუდაბნოებასთან საბრძოლველად საკმაოდ სოლიდური თანხები იხარჯება. დედოფლისწყაროელები კი მიანიშნებენ, რომ კლიმატის ცვლილებასთან ბრძოლაში ჩართული დედოფლისწყაროელი მაღალჩინოსნების დიდმა ნაწილმა ცხოვრება აიწყო. მოსახლეობას არც ის ფაქტი გამორჩენია, რომ ადგილობრივი ხელისუფლების ზოგიერთმა მაღალჩინოსანმა სწორედ ამ პროექტის განხორციელების შემდეგ ძვირადღირებული ავტომობილები შეიძინა. საგრძნობლად შეიცვალა მათი ფინანსური მდგომარეობა.

დიტერ მიულერი დედოფლისწყაროში ნერგებისა და ტყის გაშენების მასშტაბური პროექტის ხელმძღვანელია. მიულერის დედოფლისწყაროში მორიგი ვიზიტისა და რესტორანში მოლხენის შესახებ ორიოდ კითხვა "ქიზიყმა" გამგეობის საზოგადოებასთან ურთიერთობის სპეციალისტს ანა ბენაშვილს დაუსვა. გვაინტერესებდა, ამ დღეებში კონკრეტულად რა მიზნით ეწვია მიულერი დედოფლისწყაროს. როგორც ანა ბენაშვილმა განმარტა, დიტერ მიულერი დროის დიდ ნაწილს დედოფლისწყაროში ატარებს, სასტუმროში ცხოვრობს და ხშირად აქ რჩება. რესტორანში გამართული სხადნიაკის შესახებ ბენაშვილმა არაფერი იცის. სამაგიეროდ, ყველაფერი კარგად დაინახეს დედოფლისწყაროელებმა და გაზეთ "ქიზიყის" კორესპონდენტმა. რეალური სურათის შესაქმნელად ესეც კმარა... /ქიზიყი/ თამილა გურაშვილი
* * *
მგლები საზღვრისპირა სოფელ სამთაწყაროში პირუტყვს ანადგურებს

დედოფლისწყაროს საზღვრისპირა სოფელ სამთაწყაროს მოსახლეობას მერამდენე დღეა თავს მგლები ესხმიან. ინფორმაცია ინტერნეტ-გაზეთ "ქიზიყს" დედოფლისწყაროს გამგებელმა ნიკოლოზ შანშიაშვილმაც დაუდასტურა:

,,ამ ეტაპზე მაქვს ინფორმაცია, რომ სოფლიდან 2 კილომეტრით მოშორებით მდებარე ერთ-ერთ ფერმას მტაცებლები დაესხნენ და პირუტყვი დაგლიჯეს" – აცხადებს გამგებელი.

ადგილობრივები ხელისუფლებისგან დახმარებას ითხოვენ და აცხადებენ, რომ დედოფლისწყაროს სასაზღვრო პოლიციის თანამშრომლები მათ თავდაცვის მიზნით თოფის გამოყენებას უკრძალავენ. როგორც ადგილობრივებმა გაზეთ "ქიზიყს" განუცხადეს, სოფელ სამთაწყაროში ბოლო ერთ კვირაში მგლებმა მარჩენალი პირუტყვი სარდალაშვილების, მალაყმაძეებისა და შაინიძეების ოჯახებს გაუნადგურა. ზარალი 4 000 ლარს აღწევს.

სანდრო ხილაძე (სამთაწყაროს მკვიდრი): ,,მარტო ოთარ მალაყმაძის ოჯახს მგლებმა 4 სული საქონელი დაუგლიჯეს. სამთაწყაროში მგლების რაოდენობამ იმატა, რადგან ამ პერიოდში ცხვარი აქეთ მოდის. უკვე აცივდა და მტაცებლები პირდაპირ დასახლებაში ჩამოდიან. ძალიან გვეშინია, მაგრამ თავდაცვის საშუალებას არ გვაძლევენ. ,,ჩვენი სოფლები საერთოდ უყურადღებოდაა მიტოვებული. ხელისუფლებას არ ვაღელვებთ, მაგრამ არც იმის საშუალებას გვაძლევენ, რომ მტაცებლისგან თავი საკუთარი ძალებით მაინც დავიცვათ და ზარალი ავირიდოთ. სოფლებში ბევრი ოჯახის მარჩენალი მხოლოდ ძროხაა, რძე-მაწვნით გადაგვაქვს შიმშილის საფრთხე და ამასაც მგელი გვინადგურებს. ვისაც საქონელი ეხოცება, არცერთისთვის ხელისუფლებას დახმარება არ აღმოუჩენია. – აცხადებენ ადგილობრივები ჯულიეტა შაინიძე და ლუიზა სარდალაშვილი. დედოფლისწყაროს გამგეობაში განმარტავენ, რომ ამგვარ შემთხვევებში ადგილობრივი ბიუჯეტი დაზარალებულთა დახმარებას არ ითვალისწინებს. /ქიზიყი/ ილია მარტყოფლიშვილი; თამილა გურაშვილი

* * *
შირაქის ველებზე თაგვის მომრავლება ყოფილ გამგებელს ბრალდება

რა კავშირშია ექს-გამგებლის მიერ რუსეთიდან ვაგონებით შემოტანილი "პრესი" შირაქის ველებზე თაგვის გავრცელებასა და მოსავალის განადგურებასთან?!

დედოფლისწყაროში, შირაქის ველზე უცნაური ჯიშის თაგვი გავრცელდა და ხორბლისა და ქერის მოსავალი მთლიანად გაანადგურა. დედოფლისწყაროელებმა ეს უცნაურობა ხელისუფლებას დააბრალეს, ჩვენი გაკოტრება უნდათ და გვებრძვიანო. როგორც ჩანს, ამ ვარაუდის საწინააღმდეგოდ, ერთი-ორი კვირის თავზე, ახალი სახელისუფლებო ვერსიები გაჩნდა. თურმე 2008 წლის აგვისტოში, როცა რუსებმა შირაქის ველიც დაბომბეს (კომუნისტების დროს, აქ გასაიდუმლოებული სამხედრო აეროპორტი მდებარეობდა), ჩამოყარეს უცნაური არსებები, რომლებიც ორი წლის შემდეგ, ყოვლისმმუსვრელ თაგვებად იქცნენ და კახელების იმედებს, ზამთარში პური მაინც გვექნებაო, ცივი წყალი გადაასხეს.

შემდეგი ვერსია ასეთია: დედოფლისწყაროს ყოფილმა გამგებელმა, რუსეთიდან შემოიტანა რამდენიმე ვაგონი "პრესი", რომელშიც ზემოთ ხსენებული უცნაური ჯიშის თაგვები ისხდნენ. დედოფლისწყაროს ვაგზალზე შემოსული თაგვები როგორ მოხვდნენ შირაქის ველზე, ამ დეტალის დაზუსტებით თავი არავის შეუწუხებია. ჩვენ ბევრი ვეცადეთ, გამგებელყოფილს დავკავშირებოდით, მაგრამ ვერ მოვახერხეთ (ამიტომ მის გვარს შეგნებულად არ ვასახელებთ). ალბათ, კარგია, რომ ვერ მოვახერხეთ, რადგან რა პასუხს მივიღებდით ამ აბსურდულ ბრალდებაზე, ძნელი მისახვედრი არ არის. რაც რეალობის ჩარჩოებს არ სცილდება, ის არის, რომ თაგვმა შირაქიდან ალაზნის ველზე გადაინაცვლა და ახლა იქ დაერია მოწეულ მოსავალს. ალაზნის ნაპირებზე, ძირითადად, საზამთროს ბაღებია. როგორც აქაურები ჰყვებიან, ერთი შეხედვით, საზამთრო მოსაწყვეტად მზად არის. მოჰკიდებ ხელს და ნახავ, რომ მიწაზე დადებული მხარე მთლიანად გამოჭმულია. თაგვები არც ბაღჩეული კულტურების განადგურებაზე ამბობენ უარს. რა არის ამ მონათხრობში ჭორი და მართალი, ძნელი გასარკვევია. ფაქტი ერთია, რომ მოსახლეობამ სოფლის მეურნეობის სამინისტროს მიმართა და განადგურებული მოსავლის გამო დახმარება სთხოვა. ამის პასუხად, სამინისტრომ დედოფლისწყაროსა და სიღნაღში სპეციალური ჯგუფი მიავლინა და გლეხებს "დახმარება" შესთავაზა: ერთ კილოგრამ სათესლე ხორბალს ერთ დოლარად შემოგიტანთო, რაც საბაზრო ფასთან შედარებით 50 პროცენტით ნაკლებია. კახელებს ეს შეთავაზება სასაცილოდ არ ეყოთ, ერთ ჰექტარზე სულ ცოტა 300კგ თესლი მაინც არის საჭირო. სამასი დოლარი, ანუ 500 ლარი თუ თესლში გადავიხადეთ, ხარჯებს ყველაზე კარგი მოსავალიც ვერ გაგვისტუმრებსო. კახელები მაინც ელოდებიან, იქნებ ხელისუფლებამ რამე შეღავათი მოიფიქროს და ეს წელიწადი როგორმე გადაგვაგორებინოსო. როგორც ჩანს, ლოდინი დიდხანს არ მოუწევთ, რადგან ხელისუფლებამ განსაკუთრებული "სიურპრიზები" უკვე მოიფიქრა და შესთავაზა კიდეც.

პრეზიდენტის მოულოდნელი "შტუკები" ---> კახეთში ყოველ ოჯახს 1,25 ჰექტარი სახნავი მიწა კერძო საკუთრებაში აქვს გატარებული. ეს მოცულობა თავის სარჩენად ნამდვილად არ არის საკმარისი; მაგრამ ჩვეულებრივ, ოჯახების უმეტესობას მიწები იჯარით აქვთ აღებული. ორი წლის წინ, მათ ამ მიწების გამოყენებისთვის უფლება მიიღეს, თუ თანხის 50 პროცენტს ერთდროულად გადაიხდიდნენ, მეორე ნახევარი ჩამოეწერებოდათ, და ფართობი საკუთრებაში გადაეცემოდათ, ვისაც ერთბაშად შესყიდვის შესაძლებლობა არ ჰქონდა, შეეძლო, გადასახადი რამდენიმე წელიწადში დაეფარა. ოჯახების უმეტესობა ამ თანხას ნელ-ნელა ისტუმრებდა და ბოლომდე დაფარავდა კიდეც, რომ არა პრეზიდენტის აგვისტოს განკარგულება.

გიორგი ყოჩიაშვილი: _ ,რაღაცა რომ შეიცვლებოდა, ვხედავდით და ვგრძნობდით, მაგრამ გვეგონა, საპარლამენტო სესიის დაწყებამდე ყველაფერი ძველებურად დარჩებოდა. აგვისტოს დასაწყისში გავიგეთ, რომ პრეზიდენტის განკარგულებით, ახალი ვადები დაგვიწესეს. თუ 9 აგვისტომდე არ დავფარავდით გამოსასყიდ თანხას, 10 აგვისტოდან 20-ჯერ ძვირის გადახდა მოგვიწევდა. ვისაც შესაძლებლობა გვქონდა, სასწრაფოდ ჩავედით თელავში და რეგიონულ სასამართლოში განაცხადი შევიტანეთ, რომ თანახმა ვიყავით დაგვეფარა გამოსასყიდი. ჩვენმა ოპერატიულობამ სასამართლოს თანამშრომლები ძალიან აღაშფოთა. წესიერად არც დაგველაპარაკნენ და გვითხრეს, პასუხს წერილობით გაცნობებთო. პასუხი ჯერ არ მიგვიღია. ახლობლებისგან არაოფიციალურად შევიტყვეთ, რომ ჩვენი განაცხადები შემდეგი რიცხვით გაატარეს და, ალბათ, ისევ გაზრდილი თანხის გადახდა მოგვიწევს. დღეს კახეთში ბევრს არა აქვს იმის შესაძლებლობა, რომ ასე ერთბაშად ორჯერ გაზრდილი გამოსასყიდი დაფაროს. ამიტომ ძალიან ბევრი იძულებული გახდება, ხელი აიღოს იმ მიწაზე, რომელიც მისთვის თავის რჩენის ერთადერთი საშუალებაა. როგორც ცნობილია, მოგვიანებით ეს სასოფლო-სამეურნეო მიწები აუქციონზე გავა და ვინც მეტს გადაიხდის, მფლობელიც ის გახდება. როგორც ჩვენთვის გახდა ცნობილი, ასევე იზრდება მიწის გადასახადიც, სულ ცოტა, სამჯერ მაინც. მოიჯარეებს ვადა წლის ბოლომდე აქვთ მიცემული. თუ გაზრდილ ფასს არ გადაიხდიან, ყოველგვარი გაფრთხილების გარეშე მიწები აუქციონზე გავა და გაიყიდება. კახელები იმასაც ჩივიან, რომ პრეზიდენტის განკარგულების შესახებ, ოფიციალურად არაფერი სმენიათ და შემთხვევით ერთმანეთისგან შეიტყვეს ინფორმაცია. ეს ამბავიც მთავრობამ როგორც შეეძლო, გაასაიდუმლოვა და ამანაც კიდევ დამატებითი ეჭვი გაუჩინა მიწის პოტენციურ მეპატრონეებს. ბევრი რომ აღარ გავაგრძელოთ, "თაგვების სკანდალსაც" და ზემოთ მოყოლილ სხვა ამბებსაც ერთი ქვეტექსტი აქვს: კახელები ხედავენ და ხვდებიან, რომ ყველაფერი მათ წინააღმდეგ მუშაობს. ხელისუფლება ყველანაირად ცდილობს, სასოფლო-სამეურნეო მიწებზე ხელი ააღებინოს და მათი ერთადერთი მარჩენალი აუქციონზე გაიტანოს. ვინ იქნება მყიდველი, ძნელი გამოსაცნობი და მისახვედრი არ არის. ამის შესახებაც კახეთში უამრავი ჭორი დადის.

P. S. ცნობისათვის, ოფიციალური სტატისტიკით, საქართველოში დასაქმებულ მილიონ 600 ათასი კაციდან, მილიონ 20 ათასი სოფლის სექტორზე მოდის. ისინი მიწაზე თვითდასაქმებული ხალხია. ფაქტობრივად, ისინი ხელისუფლებას პირს წმენდენ, რადგან რომ არა მათ მიერ მიწიდან მიღებული შემოსავალი, ქვეყანაში უმუშევართა რაოდენობა ოფიციალურად 50 პროცენტზე მეტი იქნებოდა. გაისად, ალბათ, ასეც იქნება, რადგან ხელისუფლება სწორედ ამ ხალხს ართმევს მიწას, შესაბამისად, თავის რჩენის შესაძლებლობას.
მანანა გეგიძე
სპეციალურად "საერთო გაზეთისთვის"

ყოფილი პოლიციელი ომის ვეტერანი, წლობით დაგროვილ სახელფასო დავალიანებას ითხოვს

სოფელ არბოშიკში მცხოვრები 45 წლის დავით დათუკიშვილი შინაგან საქმეთა სამინისტროს დედოფლისწყაროს რაიონული სამმართველოს თანამშრომელი იყო. 1997-2003 წლებში მის მიმართ დაგროვილი სახელფასო დავალიანების ანაზღაურებას ის დღემდე უშედეგოდ ითხოვს. საქმე სულ მალე სასამართლოში შევა.

დათუკიშვილს ხელთ აქვს შს დედოფლისწყაროს სამმართველოს მიერ გაცემული ცნობა # 1148, საიდანაც ირკვევა, რომ შსს-ს დათუკიშვილის მიმართ 2 550 ლარის დავალიანება აქვს. ცნობას ხელს შს პოლიცის სამმართველოს იმჟამინდელი უფროსი, ვიცე-პოლკოვნიკი ირაკლი ბაზერაშვილი აწერს. დათუკიშვილმა დოკუმენტაცია გაზეთ "ქიზიყს" მიაწოდა და დახმარება ითხოვა.

ომსა და სამხედრო ძალების ვეტერანი დავით დათუკიშვილი აფხაზეთის ომის მონაწილეა, ის შს რაიონულ განყოფილებაში საპატრულო საგუშაგოს პოლიციელად მუშაობდა: ,,ვერსად ვმუშაობ, ორი არასრულწლოვანი შვილი მყავს, ანალოგიურ ვითარებაში კიდევ 2-3 კაცი იყო. მაშინ გვითხრეს, რომ ხელფასი ადგილობრივი ბიუჯეტიდან დედოფლისწყაროს გამგეობას უნდა გაეცა. 2003 წელს რომ მივაკითხე, მაშინდელმა გამგებელმა ასე მითხრა, "მე რატომ უნდა მოგცე, წინა გამგებელს მოსთხოვე, მე რა შუაში ვარო". დავიღალე, სად აღარ ვიყავი, მაგრამ ყველგან უარით მისტუმრებენ. სიმართლეს ვერსად მივაგენი. არადა, ჩემს ოჯახს ეს თანხა ჰაერივით სჭირდება. სხვისას არაფერს ვითხოვ, ჩემი შრომის ანაზღაურებას ვითხოვ" - განუცხადა "ქიზიყს" ომის ვეტერანმა.

როგორც "ქიზიყმა" გაარკვია, დათუკიშვილი სახელფასო დავალიანების მისაღებად სამართლებრივი ბრძოლის დაწყებას და სასამართლოსთვის მიმართვას გეგმავს. ვეტერანის სახელფასო დავალიანების საქმეს ადვოკატი უშანგი დონჯაშვილი სწავლობს. "ქიზიყის" ინფორმაციით, ამ დღეებში, კიდევ ერთი განცხადება შევა დედოფლისწყაროს მუნიციპალიტეტის გამგებლის ნიკოლოზ შანშიაშვილის სახელზე, სადაც დათუკიშვილი მისი საქმის შესწავლას და დავალიანების ანაზღაურებას კიდევ ერთხელ მოითხოვს. "ქიზიყი" ამ საკითხს მონიტორინგს ადვოკატებთან ერთად გაუწევს და მოვლენათა განვითარებას თვალყურს ინტენსიურად მიადევნებს. /ქიზიყი/ ილია მარტყოფლიშვილი
* * *
საკრებულოს იურისტი მძღოლის ხელფასის აღებასაც ადასტურებს


ბოლო დროს დედოფლისწყაროში ბევრს საუბრობენ, რომ მუნიციპალიტეტის საკრებულოს იურისტად გადაყვანილ ექს-ოპოზიციონერ მიხეილ ბიკაშვილს საკრებულოს თანამშრომელთათვის ავტომანქანით მომსახურების დროს განსაკუთრებით ხშირად ხედავენ. გაკვირვებული დედოფლისწყაროელების ნაწილი იმის გარკვევას ცდილობდა ბიკაშვილი საკრებულოში იურისტად დანიშნეს თუ მძღოლად. ბიკაშვილი მძღოლად განსაკუთრებით ხშრად საკრებულოს აპარატის უფროსს ხათუნა გონაშვილს ემსახურება. შეიძლება ითქვას, ამ უკანასკნელს ავტომანქანით მხოლოდ საკრებულოს იურისტი დაატარებს. ამ ფაქტზე მთელი რაიონი ღიად საუბრობს. ისინი "ქიზიყმაც" რამდენჯერმე დააფიქსირა.
დტალების დაზუსტება "ქიზიყმა" თავად ადრესატთან სცადა. მიხეილ ბიკაშვილი ჩვენთან საუბარში ადასტურებს, რომ საკრებულოში იურისტის ხელფასსაც იღებს და შეთავსებით მძღოლის ანაზღაურებასაც: ,,შეგიძლიათ პირდაპირ ასე დაწეროთ, იურისტის ხელფასიც მაქვს და მძღოლისაც. ესეც შევითავსე და თუ გინდათ დაწერეთ"... - აცხადებს იურისტი. "ქიზიყი" საკრებულოს აპარატის უფროსს ხათუნა გონაშვილს რამდენჯერმე დაუკავშირდა, მაგრამ გონაშვილმა ჩვენს სატელეფონო ზარებს არცერთხელ არ უპასუხა. მოგვიანებით ფაქტების გადამოწმება პირადად საკრებულოს თავმჯდომარესთან ვცადეთ. ჩვენდა გასაკვირად ლევან ბაღაშვილმა ბიკაშვილისთვის მძღოლის ხელფასის გაცემა არ დაადასტურა.

ლევან ბაღაშვილი (საკრებულოს თავმჯდომარე): ,,მძღოლის ხელფასს სადმე სხვაგან თუ იღებს და რამეს შეუთავსა არ ვიცი... მაგრამ, შემიძლია დანამდვილებით გითხრათ, რომ საკრებულოში მიხეილ ბიკაშვილი მხოლოდ იურისტის ხელფასს იღებს და მძღოლად არ არის გაფორმებული. ვერ გეტყვით, რა იგულისხმა"...

როგორც "ქიზიყმა" გაარკვია, საკრებულოს იურისტის ხელფასი ყოველთვიურად 350 ლარს შეადგენს. მოსახლეობა ეჭვობს, რომ შესაძლოა მძღოლის ანაზღაურება პირადი შეთანხმების საფუძველზე მომხდარიყო. დანარჩენი დეტალები ბიკაშვილს აღარ დაუკონკრეტებია და ინტერვიუზე მასთან მისვლა "სხვა დროს" გვირჩია... /ქიზიყი/ თამილა გურაშვილი

* * *
შპს "დიდოსტატი 1"-ის უფროსი ილია ჯინაშვილი ბრალდებებს მუქარით პასუხობს

სოფელ წითელწყაროს სასაფლაოს მესერის ირგვლივ ატეხილ სკანდალთან დაკავშირებით სამუშაოების შემსრულებელი ორგანიზაციის ხელმძღვანელმა ბრალდებებზე გაზეთ "ქიზიყთან" ექსკლუზიური კომენტარი გააკეთა. შპს "დიდოსტატი 1"-ის დირექტორი ილია ჯინაშვილი ადასტურებს, რომ სასაფლაოს შემოსაღობად ცალკეულმა მეწარმეებმა სამშენებლო მასალები ქველმოქმედების მიზნით მართლაც უსასყიდლოდ გადასცეს. თუმცა, ჯინაშვილი იქვე ირწმუნება, რომ სოფლის დახმარების პროგრამიდან გამოყოფილი თანხებიდან ფულის მითვისებას ადგილი არ ჰქონია და ორგანიზაციამ ზედმეტად დარჩენილი თანხიდან გეგმით გათვალისწინებულზე მეტი სამუშაოები შეასრულა:

,,მორწმუნე კაცი ვარ და მაგას არ ვიკადრებდი. მართალია სამშენებლო მასალების დიდ ნაწილში ფული არ გადაგვიხდია, მაგრამ მინდა გითხრათ, რომ სამაგიეროდ ჩვენმა ორგანიზაციამ იმაზე მეტი გააკეთა, ვიდრე ხელშეკრულებით ევალებოდა. ისე, ისინი ვინც ამ ბრალდებებს გვიყენებენ, ფრთხილად იყვნენ... სასამართლოში 50 000 ლარიანი ჯარიმა არ "აიკრან"... თავი გაგვანებონ, თანხები არავის მოუტეხია"... – აცხადებს ჯინაშვილი. სხვათაშორის, "ქიზიყმა" ჯინაშვილის კომენტარი ქალაქ დედოფლისწყაროს ღვთისმშობლის მიძინების ტაძრის ეზოში ჩაწერა.

საყურადღებოა, რომ გამგეობის მიერ შეკვეთილი ინფრასტრუქტურული სამუშაოების დიდ ნაწილს სწორედ შპს "დიდოსტატი 1" ახორციელებს, მოსახლეობა ეჭვს გამოსთქვამს, რომ მუნიციპალიტეტის ხელმძღვანელებთან ჩახუტების გამო ეს ორგანიზაცია პრივილეგირებულ ვითარებაში აღმოჩნდა. აჟიოტაჟი კი ამავე შპს-ს მიერ სოფელ წითელწყაროს სასაფლაოს შემოღობვითი სამუშაოების ირგვლივ ატყდა. დედოფლისწყაროში მოქმედი რამდენიმე მეწარმე "ქიზიყთან" საუბარში ღიად აცხადებს, რომ სამშენებლო მასალები უსასყიდლოდ გადასცეს, არადა სამუშაოებისთვის გამგეობამ ათასობით თანხა გადარიცხა. წითელწყაროელები ირწმუნებიან, რომ სამუშაოები "მუქთად" განხორციელდა, დარჩენილი თანხა კი ილია ჯინაშვილმა, გელა თეთრაულმა და ტარიელ ღარიბაშვილმა მიითვისეს.

შეგახსენებთ, ხსენებული ბრალდებების ადრესატების მისამართით საჯაროდ უკვე მეორე პირი იმუქრება. რამდენიმე დღის წინ ამ პრობლემის გახმაურებით შეშფოთებული საკრებულოს დეპუტატი გელა თეთრაული სასამართლოთი იმუქრებოდა, ამჯერად კი მუქარა ჯინაშვილის მხრიდანაც გაისმა. სამუშაოებზე დასაქმებული მუშები კი ირწმუნებიან, რომ რაც საკუთარი თვალით ნახეს, იმას ყვებიან და შესაბამის ორგანოებს საქმის შესწავლისკენ მოუწოდებენ.

მოსახლეობა მიჩნევს, რომ მეწარმეებმა მასალა სოფელს აჩუქეს და არა კერძო ორგანიზაციას. წითელწყაროს მაცხოვრებლები გამგეობის ზედამხედველობის სამსახურში შესატანად საჩივარს ამზადებენ. ზედამხედველობის სამსახურის თავკაცი ავთანდილ თეთრაული კი ირწმუნება, რომ რეაგირებას მოსახლეობის მიერ საჩივრის ოფიციალურად შეტანის შემდეგ მოახდენს და საკითხს მას შემდეგ შეისწავლის. /ქიზიყი/ ილია მარტყოფლიშვილი; თამილა გურაშვილი

* * *
კახელები საქონლის ხორცს ისე ვეღარ გაყიდიან, თუ პირუტყვი თელავში შემოწმებაზე არ გადაიყვანეს

17 ოქტომბრიდან, სურსათის უვნებლობის, ვეტერინარიისა და მცენარეთა დაცვის სამსახურის გადაწყვეტილებით კახეთის რაინის მაცხოვრებლებს საქონლის ხორცის რეალიზებისთვის დამატებითი ბარიერები გაუჩნდებათ. როგორც დედოფლისწყაროს მთავარმა ვეტერინარმა დავით ვეშაგურიძემ ინტერნეტ-გაზეთ "ქიზიყს" განუცხადა, საქონლის ხორცზე ცნობებს მათი სამსახური აღარ გასცემს:

,,კახეთის რაიონებში მაცხოვრებლები ამიერიდან ვალდებულნი იქნებიან დასაკლავი საქონელი თელავში სანიტარულ სასაკლაოზე გადაიყვანონ. ყველანაირ შემოწმებას საქონელს ადგილზე ჩაუტარებენ და გაიცემა "ფორმა 2". მხოლოდ მას შემდეგ შეძლებს პატრონი პირუტყვის დაკვლას და ხორცის რეალიზაციას. წინააღმდეგ შემთხვევაში ხორცს ვერცერთ საკოლმეურნეო ბაზარში ვერ გაყიდიან". – აცხადებს დავით ვეშაგურიძე.

აღნიშნულ ცვლილებას უკმაყოფილებით ხვდება ადგილობრივი მოსახლეობა. დედოფლისწყაროელები "ქიზიყთან" საუბარში ამბობენ, რომ პირუტყვის თელავში ტრანსპორტირება იმდენი დაჯდება, მოსახლეობას არც მოგება დარჩება და შესაძლოა თანხის დამატებაც მოუხდეთ: ,,რა სისულელეა, ეს გლეხებზე ძალიან ცუდად აისახება. მოსახლეობა სოფელში მესაქონლეობით ირჩენს თავს და რომ გამიჭირდეს და ორი კაპიკის საშოვნელად საქონლის გაყიდვა დავაპირო, ძროხები ასე თელავში თუ წინ და უკან ვატარე მოგება კი არ დამრჩება, ხარჯებსაც ვერ დავფარავ და ვალშიც დავრჩები. საწვავი და ტრანსპორტიც ასე გაძვირებულია. ყველაფერს აკეთებენ, რომ, გლეხებს სული ამოგვხადონ. ეს უკვე მეტისმეტია". – აცხადებენ უკმაყოფილო დედოფლისწყაროელები.

სურსათის უვნებლობის, ვეტერინარიისა და მცენარეთა დაცვის სამსახურის დედოფლისწყაროს განყოფილების უფროსი დავით ვეშაგურიძე ამბობს, რომ კონტროლის გამკაცრება აუცილებელი იყო: ,,ცნობები ჩვენ რომ გავცეთ, შესაძლოა თბილისში, ან სხვა ბაზრებში აქედან ვინმემ დაავადებული ხორცი გაიტანოს და საშარო საქმეა... ჩვენც სამსახურები გვაქვს, ადგილი რატომ დავკარგოთ. ჯობია, რომ გამოკვლევები თელავში უფრო ძირფესვიანად ჩატარდეს".

ვეტერინარების ინფორმაციით, ხსენებული ცვლილება ძალაში 2010 წლის 17 ოქტომბრიდან შევა, თუმცა ვეტერინარიეს სამსახურში არ აკონკრეტებენ, რამდენად შეძლებს სოფლად მცხოვრები გლეხი საქონლის თელავში ტრანსპორტირებას. /ქიზიყი/ თამილა გურაშვილი
* * *

ინტელიგენცია დედოფლისწყაროში მთავრობისა და ოპოზიციის გარიგებაზე მიანიშნებს

დედოფლისწყაროს საკრებულოს იურისტად კონსერვატიული პარტიის ადგილობრივი ორგანიზაციის ხელმძღვანელის მიშა ბიკაშვილის დანიშვნის ფაქტზე აჟიოტაჟი კვლავაც გრძელდება. დედოფლისწყაროს ინტელიგენციის დიდი ნაწილი ამ ფაქტს კვლავაც უარყოფითად აფასებს და გარიგებად მიიჩნევს. "ქიზიყი" ამ საკითხით დაინტერესდა და რამდენიმე ადამიანის მოსაზრება მოისმინა. მიღებული შეფასებების სრული უმრავლესობა უარყოფითია:

ზაქრო სეხნიაშვილი (ყოფილი ჟურნალისტი): ,, ასეთი ქცევა, რაც ბოლო დროს დედოფლისწყაროში ხდება, ჩვენი საზოგადოებისთვის დამღუპველია. თუ ერთ პარტიაში ხარ, მისი ერთგული უნდა დარჩე. ის, რაც ლევან ბაღაშვილმა კონსერვატორიული პარტიის ხელმძღვანელის მიხეილ ბიკაშვილის შემთხვევაში ახლახან გააკეთა, შესაძლოა გარიგება ყოფილიყო. ადამიანები ამ ზომამდე იმიტომ მივიდნენ, რომ გაუსაძლისი პირობებია და ამიტომაა, რომ რაქც ღირებული აქვთ ადამიანები ყველაფერს კარგავენ. ზოგიერთები სულსაც ყიდიან და ეს მართლაც საწყენია"...

ბესიკ ცისკარაული (ლეიბორისტების კოორდინატორი დედოფლისწყაროში): ,,თუ ხარ რომელიმე პარტიაში, მითუმეტეს მისი რაიონული ორგანიზაციის ხელმძღვანელი, პრინციპებს არ უნდა უღალატო. მიხეილ ბიკაშვილის შემთხვევაში კი მე მახსენდება, როცა ის გაზეთ "ქიზიყთან" საუბარში რამდენიმე თვით ადრე ხმამაღლა აცხადებდა, რომ "პრინციპებს არ ღალატობს". ამ განცხადებიდან სულ რაღაც ერთ თვეში კი საკრებულოს იურისტად გადაიყვანეს. ეს კი ღირსეული ვაჟკაცის საქციელი არ არის!!!... პირადად მე შემრცხვებოდა და ასე ნამდვილად არ მოვიქცეოდი"...

გურამ ნათელაძე (არენდატორი): ,,ასეთი ხალხი არიან თვალთმაქცები8... ვინც ჩამოთვალეთ, ესენი ოპოზიცია არასოდეს ყოფილა. სასაცილოდ არ მყოფნის, როცა მათ ვუყურებ. ... ამათი აშენებული ქვეყანა რა უნდა იყოს... ერთ დღეს ოპოზიციის ლიდერები არიან მეორე დღეს კი სააკაშვილის ლაქიებად იქცევიან ხოლმე... პრინციპები საერთოდ არა აქვთ... კომიკურ ვითარებაში ვარდებიან და თავს იმასხარავებენ"...

ია ჯანაშვილი (ქრისტიან-დემოკრატები): ,,ჩემი გადმოსახედიდან მიხეილ ბიკაშვილი ნიჭიერი ბიჭია. მერე რა, თუ ჰარვარდის ან ოქსფორდის უნივერსიტეტი არ დაამთავრა. ის კონტაქტური და დადებითი პიროვნებაა... ცხოვრებაში ისეც ხდება ხოლმე, როცა ოპოზიციიდან სახელმწიფო სტრუქტურებში სამუშაოდ გადადიან... შანსი რომ მომეცეს საყოფაცხოვრებო პირობები გავიუმჯობესო, თვალს არ დავახამხამებ, ისე გადავალ მმართველ გუნდში. ორი შვილი მყავს გასაზრდელი, აბა რა ვქნა?... სხვაქ გზა ნამდვილად არ მაქვს... გული მწყდება, რომ ოპოზიცია დედოფლისწყაროში სუსტია. გულწრფელად რომ გითხრათ, ამ მთავრობისგან არც არაფერს ველოდები და სიმართლე გითხრათ, მათთან მუშაობის სურვილი არც მაქვს"...

ქეთევან მჭედლიშვილი (პედაგოგი): ,,რაც ლევან ბაღაშვილია, ისეთივე იურისტიც შეარჩია... გასაკვირი არაფერია... გადაბირებები რომ ხდება... ბიკაშვილს ხელში კომბალი უნდა ეჭიროს, ასეთი კადრები საკრებულოში არ უნდა იყვნენ... ყველა ყველაფერს მშვენივრად ხვდება, თვალში ნაცრის შეყრას ნუ ცდილობენ და ხალხი სულელი ნამდვილად არ არის... ბაღაშვილის განზრახვებსაც მშვენივრად ხვდებიან და ბიკაშვილისასაც"... /ქიზიყი/ თამილა გურაშვილი
* * *
ბაჩუკი გონაშვილსა და მის ვაჟს ცხვრის ბიზნესზე მონოპოლიაში ადანაშაულებენ

ბოლო დროს აქტიურად ვრცელდება ინფორმაციები, რომ ცხვრის ბიზნესი საქართველოში სარფიანი გახდა, რადგან არაბები და ირანელები ქართული ცხვრის იმპორტს ბევრად გაზრდილი ოდენობით აწარმოებენ. შედეგად ქართულ ცხვარზე მოთხოვნილებამ საგრძნობლად იმატა. ქართული ცხვრის შეძენის მსურველთა რიცხვი რომ გაიზარდა, ამას მეცხვარეთა ასოციაციის ხელმძღვანელი ბექა გონაშვილიც ადასტურებს. ეს უკანასკნელი კი ბაჩუკი გონაშვილის ვაჟი გახლავთ.

საქმეში ჩახედული ადამიანები კი ფერმერთა ასოციაციის ხელმძღვანელს ბექა გონაშვილს და მის მამას, ფერმერ ბაჩუკი გონაშვილს პირადი ინტერესების გატარებასა და ცხვრის ბიზნესში მონოპოლიის შექმნაში ადანაშაულებენ. მეცხვარეები ირწმუნებიან, რომ გონაშვილების გარეშე ცხვარი საქართველოდან ვერ გადის, მათ კი მადა ისე გაეხსნათ, რომ ჩვენს ქვეყანაში არსებული ცხვრების დიდი ნაწილი სულ თვითონ შეისყიდეს.საქმეში კარგად ჩახედული გლეხი ამბობს, რომ ყველა გზას, რომლითაც უცხოელები ქართულ ცხვარს ყიდულობენ, ამჟამად გონაშვილები აკონტროლებენ, ამიტომაც უცხო მოთამაშეს არსად აჭაჭანებენ. მისი თქმით, გონაშვილების ინტერესები იმდენად დიდია, რომ მათთვის წინააღმდეგობის გასაწევად და ცხვრის გასაყიდად შს მინისტრის ვანო მერაბიშვილის სიმამრის ჩარევაც კი გახდა აუცილებელი.,,მე და ბაჩუკი ერთად გავიზარდეთ. თავზე ხელსაც კი წამოვარტყამდი ხოლმე. მთელი მისი მოდგმა ოდითგანვე მეცხვარეობას მისდევდა, ახლაც ასე აგრძელებენ. მილიონობით ლარის ცხვარი იყიდეს. ასოციაციის თავმჯდომარედაც თავისივე ვაჟი წამოსვა და ყველაფერს საუკეთესოდ აკონტროლებენ. სანამ მერაბიშვილის სიმამრი არ ჩავრიე მანამდე ვერაფერს გავხდი. ყველაფერში გონაშვილები არიან ჩართულნი". – ჰყვება საქმეში ჩახედული პირი, რომელმაც გასაგები მიზეზების გამო ვინაობის დაკონკრეტება არ ისურვა. /ქიზიყი/ ილია მარტყოფლიშვილი
* * *
მირზაანის სკოლას ისევ ბოქლომი ადევს
სოფელ მირზაანის მაცხოვრებლებმა საპროტესტო აქცია გამართეს


დედოფლისწყაროს რაიონის სოფელ მირზაანის მაცხოვრებლებმა საპროტესტო აქცია გამართეს. აქციის მონაწილეების თქმით, ახალი სასწავლო წლის დაწყებამდე სოფლის სკოლის შენობაში, რომელიც რამდენიმე წელია აღარ ფუნქციონირებს, სასწავლო პროცესის აღდგენის მიზნით სარეაბილიტაციო სამუშაოები ჩატარდა, თუმცა სწავლა ამ დრომდე არ განახლებულა. „1 სექტემბრამდე დაგვპირდნენ, რომ მირზაანის საჯარო სკოლაში ოთხწლიანი პაუზის შემდეგ სასწავლო პროცესი განახლდებოდა. საჯარო სკოლა 15 სექტემბერს უნდა გახსნილიყო და 150 მოსწავლე მიეღო, მაგრამ სკოლას დღემდე ბოქლომი ადევს და პასუხსაც ვეღარ ვიღებთ“, - აღნიშნეს აქციის მონაწილეებმა. მათივე თქმით, სკოლის გაუქმების შემდეგ სოფელი არაერთმა ოჯახმა დატოვა, ბავშვები კი ვინც სოფელში ამ დრომდე დარჩნენ, სასწავლებლად მეზობელი სოფლის სკოლაში დადიოდნენ, რომელიც მირზაანიდან რამდენიმე კილომეტრით არის დაშორებული. დედოფლისწყაროს საგანმანათლებლოს რესურსცენტრის ინფორმაციით, სკოლაში სწავლა მას შემდეგ განახლდება, რაც განათლების მინისტრი შესაბამის დოკუმენტს ხელს მოაწერს. ამ საკითხზე განათლების სამინისტროში კომენტარი არ გააკეთეს. იმ შემთხვევაში თუ მირზაანის საჯარო სკოლაში სწავლა არ განახლდა, მოსახლეობა საპროტესტო აქციების გამართვას განათლების სამინისტროსთან აპირებს. /ICK/
* * *

პრეს-მდივანის სკამზე მეოცნებე მარტყოფლიშვილის პასუხები ზოგიერთი "არამკითხეთათვის"...


მას შემდეგ, რაც „ქიზიყის“ პორტალზე შთაბეჭდილებების დაფა გაჩნდა, ნაცმოძრაობის აქტივისტები პასკვილებს ელვისებრი სისწრადფით გვესვრიან. თან თაგუნიებივით სხვის სახელს ამოფარებულან და მორალს ისე გვიკითხავენ. ისე გვმოძღვრავენ, თითქოს ჩემსავით სახლში ჟურნალისტიკის ფაკულტეტის დიპლომი ედოთ. მამა შვილს ასწავლიდაო, ისეა ამათი საქმეც და აქეთ გვიკიჟინებენ, თურმე როგორ უნდა დაიწეროს სტატიები.

სიმართლე გითხრათ, სხვის ნიღაბს ამოფარებული ადამიანების, მითუმეტეს სააკაშვილის ლაქიების გამო პასუხებას ნამდვილად არ ვაპირებდი, მაგრამ რაკი უკვე იმის განხილვაც დაიწყეს რომ მარტყოფლიშვილს ესა და ეს სკამი უნდაო, გადავწყვიტე ერთი-ორი „სმეშნოი“ სიტყვა ამათაც ჩვენებურად ავარტყათ... ვინმე ვაჟბატონი „ვახო“ წერს, „ილიას აბოდებს ისე უნდა ანა ბენაშვილის ადგილი...“ ჯერ ერთი, შენ რა იცი რომ „აბოდებს“, ანდა საიდან ასკვნი რომ ასეა?... რაზეც ილია აბოდებს, ხშირ შემთხვევაში ისრულებს ხოლმე... არარეალურები და ნაკლებად საინტერესო ოცნებები კი მარტყოფლიშვილს ნამდვილად არ აქვს...

მოკლედ: მარტყოფლიშვილს ანა ბენაშვილის ადგილი ვერ ენდომება, იმ მარტივი მიზეზის გამო, რომ ის თბილისში მუშაობს, დროის ძირითად ნაწილს თბილისში ატარებს და მუდმივად დედოფლისწყაროში გადასახლებას ვერ მოახერხებს.
მეორეც: იმ თანამდებობების შემდეგ, რაც მარტყოფლიშვილმა ჯერ კიდევ 24 წლის ასაკში გაიარა, გამგეობის პრეს-მდივნის სავარძელი არცთუ ისე საოცნებოა, პირიქით... ერთგვარად დაქვეითებაც კია... ამ ფონზე მისი პოსტი არცთუ მომხიბვლელად გამოიყურება, მით უფრო, რომ მას პრეს-სამსახურიც კი არ ჰქვია და დღემდე სპეციალისტად არის გაფორმებული. და კიდევ: ანა ბენაშვილის ადგილი რომ სდომებოდა, მარტყოფლიშვილი ამ საქმის მოგვარებას რაიონისა და რეგიონის მასშტაბით თუ ვერ მოაგვარებდა, თბილისის ჩარევის შემდეგ მაინც მოახერხებდა თანამდებობის მიღებას... თუმცა, არც უცდია...

იმდღეს, უტიფარმა საკრებულოს დეპუტატმა გელა თეთრაულმა, ლანძღვა-გინების, ყვირილისა და ღრიალის შემდეგ „ქიზიყის“ კორესპონდენტს თამილა გურაშვილს მიაძახა: „ერთი მე გადამეკიდეთ და მეორე ანა ბენაშვილსო. ეტყობა ანას ადგილო უნდაო“ - დაასკვნა ბოლოს. ეგ რანაირი ლოგიკაა, ვერ ვხვდები. თუ ორ კაცს გადავეკიდე, მაინცდამაინც ანას ადგილი რატომ მინდა?... თეთრაულს უფრო მაღალი ხელფასი აქვს და იქნებ იმ ადგილისთვის ვიბრძვი?... მოკლედ, ვისაც ვაკრიტიკებთ ყველას ადგილი გვინდა?... სადამდე წასულა ჩვენი ამბიციები და ვერ ვხვდები-თურმე... ჯერ ერთი, ამხელა კაცს, ამდენი თანამდებობების მოვლის შემდეგ ოდნავ მაინც უნდა ესწავლა ჟურნალისტებთან მოქცევის წესები... ჩემო გელა, რომ დამდგარხარ და ამ ასაკში ჟურნალისტების მისამართით უტიფრად იგინები, არ გეშინია, რომ ეგ შენი ლანძღვა-გინება დიქტოფონზე ჩავიწეროთ და ეგ მახინაციებით ძლივს მიღებული დეპუტატის მანდატიც საერთოდ დაგატოვებინოთ?!...

ისე, მეტის ღირსები ვართ... ახია ჩვენზე... თეთრაულის "საბლატაო" რომ გახდება დედოფლისწყაროში უარესსაც ვიმსახურებთ, (სხვა რაღა უნდა გვიკვირდეს)...

ანდა, „ვითომ ჟურნალისტებიო“ რომ წერთ, პირი გამოირეცხეთ, ზოგიერთებმა...

2005 წელს ილია მარტყოფლიშვილმა თსუ ივანე ჯავახიშვილის სახელობის სახელმწიფო უნივერსიტეტის ჟურნალისტიკის ფაკულტეტი დაამთავრა, ტელე-რადიო ჟურნალისტიკის სპეციალობით. ხოლო, 2007 წელს მაგისტრატურა. ასეც რომ არ იყოს, მარტყოფლიშვილის კომპეტენცია ზოგიერთების განსასჯელი ნამდვილად არ არის...

ამას გარდა,

ილია მარტყოფლიშვილი CV
2002-2003 წ მუშაობდა ჟურნალ „თბილისელებში“; 2003 წ ჟურნალ „კვირის ბოლოს“ რედაქტორი; 2003 წ დედოფლისწყაროს ტელევიზიის საინფორმაციო პროგრამების ავტორი და ტელე-წამყვანი. 2004-2006 წ გაზეთ „ქიზიყის“ მთ რედაქტორი; 2003-06 ისტორიულ-ეთნოგრაფიული საზოგადოება „კამბეჩოვანი“-ს დირექტორის მოადგილე; 2004 წ რადიო „უნივერსის“ (103.9) საინფორმაციოს გამომშვები რედაქტორი, საპარლამენტო კორ. 2005 წ „პირველი რადიო“-ს (106.4) საინფორმაციო სამსახრის პროდიუსერი, საპარლამენტო კორ, 2005-2007 წ კახეთის რეგიონულ გაზეთ „პროგრესის“ დედოფლისწყაროს ბიუროს რედაქტორი; 2005 წლიდან დღემდე „თავისუფალი გაზეთი“-ს კახეთის ბიუროს რედაქტორი. 2006 წ ჟურნალ „რეალური სამყარო“-ს ჟურნალისტი; 2007 წ გაზეთ „კამარა“-ს ჟურნალისტი. 2007 წლიდან ჟურნალ „ღია ბოქლომი“-ს აღმასრულებელი რედაქტორი 2007 წლიდან დღემდე გაზეთ „საქართველოს რესპუბლიკა“-ს კახეთის კორ 2007 წლიდან გაზეთ „ვერსია“ს კახეთის კორ 2008 ახალი ამბების სააგენტო CHN-ს გამომშვები რედაქტორი 2009 წ დღემდე ინტერნეტ-გაზეთ „ქიზიყის“ მთავარი რედაქტორი

საკმარისია ძვირფასებო, თუ კიდევ გავაგრძელოთ... ანდა ნერვებს რატომ იშლით?... თუ არ მოგწონთ და თუ თქვენს გემოვნებას "ქიზიყის" პორტალი ვერ აკმაყოფილებს - ვინ გაძალებთ???... ძალით ვინ გექაჩებათ, სხვა საიტები მონახეთ, სადაც თქვენი დახვეწილი გემოვნების დაკმაყოფილებას შეძლებენ. მაგალითად www.unm.ge ზე შებრძანდით და დატკბით ცხოვრებით. ანდა ტელევიზორი ჩართეთ და ნებისმიერ ქართულ არხზე გადართეთ, საინფორმაციო გამოშვებებს დაელოდეთ და მიხვდებით, თუ რა ელვისებური სისწრაფით მიექანება საქართველო აღმშენებლობისა და განვითარებისკენ... ჩართეთ ტელევიზორი და ნახავთ... "ქიზიყი" კი თავის საქმეს გაკეთებს და უთქვენოდაც არ უღალატებს პრინციპებს...

და რაც ყველაზე მთავარია: საკუთარ თავთან და საკუთარ სინდისთან ვიქნებით მართლები. ერთადერთ პრინციპს არ დავარღვევთ - ეს იქნება მხოლოდ სიმართლე!!! დანარჩენებმა კი იქილიკონ და გასკდნენ ბოღმით... ღმერთმა ხომ იცის, ვინაა მტყუან-მართალი...

ილია მარტყოფლიშვილი

* * *
კულტურის სამსახური შემოქმედებითად დახუნძლულ შემოდგომას გვპირდება

დედოფლისწყაროში მოქმედ მომღერალ ვაჟთა გუნდ "ხორნაბუჯის" იუბილის აღნიშვნას კულტურის სამსახური უახლოეს მომავალში გრანდიოზულად გეგმავს. ამის შესახებ ადგილობრივ ჟურნალისტებთან საუბარში დედოფლსიწყაროს მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდობის საქმეთა სამსახურის უფროსმა გიორგი ყოჩიაშვილმა განაცხადა. იქვე მან სამომავლო გეგმებზეც ისაუბრა: ,,ახლო მომავალში იგეგმება თბილისის "ბავშვთა თეატრის" მოწვევა დედოფლისწყაროში, ასევე, ფართომასშტაბიანად ვგეგმავთ ქართული ხალხური სიმღერის შემსრულებელ მომღერალ ვაჟთა გუნდ "ხორნაბუჯის" 30 წლის იუბილის აღნიშვნას. ასე რომ, წინ საინტერესო და შემოქმედებითად დახუნძლული შემოდგომა და არა მხოლოდ შემოდგომა გველის." - აღნიშნა ყოჩიაშვილმა. შეგახსენებთ, ის ამ თანამდებობაზე რამდენიმე თვის წინ დაინიშნა. გიორგი ყოჩიაშვილი ირწმუნება, რომ დედოფლისწყაროს კულტურული გამოცოცხლება მალე შეეტყობა. ყველაფრის მიუხედავად, კულტურის სამსახურის ახალი შეფი მიიჩნევს, რომ თეატრების დედოფლისწყაროში მოწვევა აზრს კარგავს, რადგან ადგილობრივების ღირებულებები შეიცვალა და ასეთი წარმოდგენები ნახევრად ცარიელ დარბაზში იმართება. ამ ფონზე, ადგილობრივი ბიუჯეტიდან თეატრების დაფინანსებისთვის ფულის ხარჯვა ყოჩიაშვილს მართებულად არ მიაჩნია. /ქიზიყი/

საკრებულოში აუქციონის კომისია შეიქმნა

დედოფლისწყაროს მუნიციპალიტეტის საკრებულოში ამიერიდან ერთით მეტი კომისია იმუშავებს. როგორც ცნობილია, საკრებულოს ბოლო სხდომაზე დეპუტატებმა აუქციონის კომისიის შექმნაზე იმსჯელეს. როგორც საკრებულოს თავმჯდომარემ ლევან ბაღაშვილმა ინტერნეტ-გაზეთ "ქიზიყს" ექსკლუზიურად განუცხადა, ახლადშექმნილი კომისია აუქციონზე გასატან საკითხებზე იმუშავებს და ამ კომისიას თავად უხელმძღვანელებს: ,,დებულება უკვე შევუმუშავეთ, მაგრამ კომისიას ოფიციალური მუშაობა ჯერ არ დაუწყია. რეგლამენტის მიხედვით, კომისია 11-დან 13-მდე წევრით უნდა დაკომპლექტდეს. მისი ხელმძღვანელი აუცილებლად საკრებულოს თავმჯდომარე უნდა იყოს, ამდენად, კომისიას მე ვუხელმძღვანელებ. წევრთა ვინაობაზე ახლა მიდის მუსაობა და მათი გვარები მოგვიანებით გახდება ცნობილი." - აცხადებს ბაღაშვილი. /ქიზიყი/ ილია მარტყოფლიშვილი

ინფრასტრუქტურის სამსახურში წითელწყაროს სასაფლაოს სკანდალის ირგვლივ საეჭვოს ვერაფერს ხედავენ

სოფელ წითელწყაროს სასაფლაოზე განხორციელებული შემოღობვის სამუშაოების ირგვლივ სკანდალი აქტიურ ფაზაში გადავიდა. მოსახლეობა თანხების მითვისებაზე საუბრობს და დამნაშავეთა დასჯას მოითხოვს, დასახელებული მაღალჩინოსნებიდან ერთ-ერთი მათგანი ინფორმაციის გავრცელებისთვის ჟურნალისტებს სასამართლოთი ემუქრება, მისი მოგვარე, ავთანდილ თეთრაული რომელიც გამგეობის ზედამხედველობის სამსახურის უფროსი გახლავთ, სამწუხაროდ საღათას ძილს მისცემია და "ქიზიყის" კორესპონდენტის კითხვაზე არცთუ საიმედო პასუხს ამბობს. ჩანს, რომ მოგვარე გელა თეთრაულის გამო არ უნდა, ამ მზაკვრული საქმის დეტალები ამოქექოს... თეთრაულებს თუ არ უნდათ, სამაგიეროდ "ქიზიყს" უნდა და შესაშური ენთუზიაზმით და დიდი სიამოვნებით ჩავუღრმავდებით ამ საკითხს და ბოლომდე მივიყვანთ მას.

სხვათაშორის, დედოფლისწყაროს გამგეობის ინფრასტრუქტურის სამსახურში მიაჩნიათ, რომ თუ სოფლის დახმარების პროგრამის ფარგლებში წითელწყაროში განხორციელებული სამუშაოების დროს თანხა გაუხარჯავი დარჩა და ის თუ შპს „დიდოსტატი1“ ის მიითვისა, ან სხვა დედოფლისწყაროელი მაღალჩინოსნები „წილში გაიყვანა“ ამაში საგანგაშოს ვერაფერს ხედავენ. „ქიზიყი“ გამგეობის ინფრასტრუქტურის სამსახურში იმის გარკვევას ცდილობდა, სოფელ წითელწყაროში ახალი სასაფლაოს შემოღობვის დროს, კონკრეტულად რომელი სპეციალისტი ადევნებდა თვალყურს. მოკვლევისას საკმაოდ უცნაური პასუხები მივიღეთ. გამგეობის ეკონომიკისა და ინფრასტრუქტურის სამსახურის სპეციალისტმა დავით ფხოველიშვილმა „ქიზიყთან“ საუბარში განაცხადა, რომ თუ მას მეხსიერება არ ღალატობს, შესაძლოა კონკრეტულად ამ სამუშაოებზე თავად იყო მიმაგრებული. „რა ვიცი, მე მგონი მე ვიყავი... ზუსტად აღარ მახსოვს, ბევრი სამუშაო იყო და ახლა ვეღარ ვიხსენებ. დრო გავიდა და აღარ მახსოვს... ალბათ მე ვიყავი - აცხადებს სპეციალისტი დავით ფხოველიშვილი.

- ალბათ, რას ქვია?... ჩვენ გვაინტერესებს იყავი თუ არა?...

- მგონი კი...

- აქ პრეტენზიები აქვს მოსახლეობას და თუკი თანხები „მოიტეხა“ და მაღალჩინოსნებმა მიითვისეს, პასუხი ვინ უნდა აგოს?...

--საგანგაშო არაფერია... მერე რა მოხდა... სამშენებლო მასალები კი აჩუქეს, მაგრამ ისა... დარჩენილი ფული იმ შპს-ს დარჩეს, რა მოხდება, ამაში უცნაური რა არის...

-- რა უცნაურად მსჯელობთ... საჯარო მოხელე ხართ და ნუთუ უცნაურს ვერაფერს ხედავთ, რომ საპრეზიდენტო პროგრამით გამოყოფილი ფული კერძო შპს-მ ჯიბეში ჩაიდოს? -- რა მოხდა მერე...

-- რა რა მოხდა, თუ მეწარმეებმა ქველმოქმედება გასწიეს და სოფელს დაეხმარნენ, თუ მასალა სოფელს აჩუქეს კერძო ორგანიზაციამ რატომ უნდა ისარგებლოს - გაუგებარია.... უფასოდ აშენება თუ შესაძლებელი იყო, ეს სამუშაოები ისეც ჩაგეტარებინათ და სოფლის პროგრამის თანხით კი სხვა პრობლემა მოგეგვარებინათ... ზედმეტი მოუვიდოდათ წითელწყაროელებს თუ, რას ფიქრობთ?...

- არ ვიცი... არ ვიცი... გასაკვირი რა ნახეთ, თანხები თუ დარჩა და შპს-ს შერჩა, ეს მისთვის განკუთვნილი ფული იყო..." - აცხადებს ფხოველიშვილი.

მოკლედ რომ ვთქვათ, ინფრასტრუქტურის სამსახურში ტყემალზე სხედან და ბალის კურკებს ისვრიან... სხვათაშორის, ფხოველიშვილი ისე თავგამოდებით ცდილობდა ამ შპს-ს გამართლებას და დაცვას, რომ საფუძვლიანი ეჭვი ჩნდება, დარჩენილი თანხიდან წილში ისიც გაეყვანათ და თამასუქები მისთვისაც მიეცათ. სხვაგვარად, ასე აბდაუბდა პასუხებს არ გაგვცემდა, ასეთ ტუტუცურ შეფასებებს არ გააკეთებდა და თავს კომიკურ ვითარებაში არ ჩაიგდებდა. საჯარო მოხელესთვის ეს კომენტარი მართლაც რომ შეუფერებელი და სამარცხვინოა, ამას მტკიცება აღარ სჭირდება, მაგრამ აქ საინტერესო ის არის, რატომ ცდილობს ფხოველიშვილი ასე თავგამოდებით თავის მართლებას და მოსახლეობისთვის თვალში ნაცრის შეყრას?... იმედია, მოსახლეობისთვის საინტერესო კითხვებს სულ მალე გაეცემა პასუხი... /ქიზიყი/ თამილა გურაშვილი

წელს კახეთს სოფლის დახმარების პროგრამის ფარგლებში 6 მილიონზე მეტი გამოეყოფა _ * _ * _ ორგანიზაცია “რეპორტიორები საზღვრებს გარეშე” 2011 წლის ანგარიშის მიხედვით, საქართველოში პრესის თავისუფლების მაჩვენებელი წინა წელთან შედარებით დაეცა და გასული წლის 100-ე ადგილიდან 105-ზე გადაინაცვლა. ამდენად, საქართველო რეგიონში პრესის თავისუფლების მხრივ ლიდერი აღარაა. _ * _ * _ 2012 წელს ხორბლის ფასი სავარაუდოდ, მაღალი იქნება _ * _ * _ საქართველო იმ ქვეყნების ათეულში ვერ მოხვდა, რომელიც 2012 წელს საუკეთსო ტურად ცხადდება _ * _ * _ „ადამიანის უფლებათა ცენტრის" ინფორმაციით, საქართველომ ევროპაში პატიმართა რაოდენობით პირველ ადგილზე გადაინაცვლა _ * _ * _ არჩევნების დანიშვნის დღიდან შედეგების შეჯამებამდე ბიუჯეტში მანამდე გაუთვალისწინებელი პროექტების განხორციელება აიკრძალა _ * _ * _ 2011 წლის 1 იანვრიდან 28 დეკემბრის ჩათვლით, კახეთის რეგიონში ხანძრის 852 შემთხვევაა დაფიქსირებული. სტატისტიკური მონაცემებით, ხანძრის ყველაზე მეტი - 224 შემთხვევა თელავის რაიონშია აღრიცხული - დედოფლისწყაროში კი 68. _ * _ * _ სიღნაღის და დედოფლისწყაროს რაიონებში მომუშავე ფერმერების თქმით, მდინარე ალაზანმა აზერბაიჯანის მხარეს წელს კიდევ 10 ჰექტარზე მეტი მიწა დატოვა. „ყველა უწყებას მივმართეთ თხოვნით, რომ მდინარე ალაზანზე ნაპირდაცვითი სამუშაოები ჩატარებულიყო, მაგრამ ყურადღება არავინ მოგვაქცია. მდინარეს განსაკუთრებით დიდი ოდენობით მიწა გაზაფხულზე მიაქვს, როცა ადიდებულია“, - აღნიშნეს ფერმერებმა. _ * _ * _ სპორტისა და ახალგაზრდობის საქმეთა სამინისტროს ხელშეწყობით და ბავშვთა და ახალგაზრდობის განვითარების ფონდის დაფინანსებით დედოფლისწყაროში დაფუძნდა ორი კავშირი: ,,ახალი სიტყვა – ახალგაზრდული ინიციატივა“ და „ახალი თაობა – ახლი იდეა“. მრავალპროფილიანი არასამთავრობოები, აპოლიტიკური, არასამეწარმეო იურიდიული პირებია, რომლებიც თავის რიგებში აერთიანებს სხვადასხვა სფეროთი დაინტერესებულ ახალგაზრდებს, რომელთაც სურთ მონაწილეობა მიიღონ ქვეყნის დემოკრატიულ განვითარებაში. _ * _ * _



















































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































"ქიზიყის" მკითხველი ახალი ამბების გასაცნობად სხვა მისამართს უნდა ეწვიოს


ამიერიდან ეს გვერდი მუშაობას წყვეტს. ახალი ამბები შეგიძლიათ იხილოთ განახლებულ და გამარტივებულ ვებ-გვერდზე www.qiziyi.ge ამ გვერდზე, სადაც ახლა იმყოფებით, მხოლოდ აუდიო-რეპორტჟები და პროექტ „კვირის ბოლოს“ რადიოგადაცემების ჩანაწერები დაიდება. ტექსტური ამბების გასაცნობად კი ეწვიეთ ამ მისამართს. http://qiziyi.ge/

როგორც „ქიზიყის“ რედაქტორი ილია მარტყოფლიშვილი ამბობს, ახალ მისამართზე გაცილებით მეტი ინფორმაცია განთავსდება, ვიდრე აქამდე ხდებოდა. ინფორმაციების განახლების ინტენსივობა და ოპერატიულობაც გაუმჯობესდება. ძველ ვერსიაზე ამბები მხოლოდ იმ შემთხვევაში განახლდება, თუ ვებ-გვერდის ახალ ვერსიაზე ტექნიკური ხარვეზი შეიქმნება.

ასე რომ, აკრიფეთ ახალი მისამართი და გაიგეთ უფრო მეტი: http://qiziyi.ge/











.

ივანიშვილის პარტია დედოფლისწყაროელებს 2 ივნისს შეხვდება

ქართველი მეცენატის, ბიძინა ივანიშვილის კოალიცია „ქართული ოცნების“ მიერ 24 მაისს დედოფლისწყაროს მუნიციპალიტეტის მოსახლეობასთან დაგეგმილი შეხვდრა გადაიდო. პარტიის ლიდერების შეხვედრა დედოფლისწყაროს კულტურის სახლის შენობაში ხუთშაბათს იგეგმებოდა.

როგორც კოალიცია „ქართული ოცნების“ დედოფლისწყაროს შტაბის ხელმძღვანელმა ალექსანდრე თამაზაშვილმა „ქიზიყს“ განუცხადა, შეხვედრა კულტურის სახლის დარბაზში 2 ივნისს გაიმართება. მისი თქმით, შეხვედრის გადადება თბილისში 27 მაისს დაგეგმილმა აქციამ განაპირობა.

ლექსო თამაზაშვილის განცხადებით, თავდაპირველად დედოფლისწყაროში დარბაზის დაქირავებაზე დაბრკოლება შეექმნათ, თუმცა საბოლოო ჯამში მუნიციპალიტეტის კულტურისა და სპორტის ცენტრმა ხელშეკრულების გაფორმებაზე თანხმობა განაცხადა:

„უარის შემთხვევაში სხვა ალტერნატიული ვარიანტებიც გვქონდა, თუმცა საბოლოო ჯამში დაგვთანხმდნენ. არ ვიცი რატომ, მაგრამ ფაქტია, რომ დარბაზი დაგვითმეს,“ - აცხადებს თამაზაშვილი.

დედოფლისწყაროს კულტურისა და სპორტის ცენტრის უფროსი ვანო შანშიაშვილი „ქიზიყთან“ საუბარში ადასტურებს, რომ 24 მაისისთვის კოალიციასთან ხელშეკრულება უკვე დადებულია. ის ამბობს, რომ დარბაზის დაქირავებნაზე ივანიშვილის პოლიტიკურ ჯგუფს მათი მხრიდან პრობლემა არ შექმნია.

„ქართული ოცნების“ წარმომადგენლები დედოფლისწყაროელებს შეხვედრაზე დასწრებისკენ მოუწოდებენ. /ქიზიყი/


ილია მარტყოფლიშვილი CV

დაიბადა 28.04.1984, ქალაქ დედოფლისწყაროში. 2006 წელს დაამთავრა თსუ ჟურნალისტიკის ფაკულტეტი. (სპეციალობა ტელე-რადიო ჟურნალისტიკა)
* * *
2002-2003 წ. ჟურნალი ,,თბილისელები", - ჟურნალისტი, (თბილისი)
2003 წ. ჟურნალი ,,კვირის ბოლო" - რედაქტორი, (თბილისი);
2003 წ. დედოფლისწყაროს ტელევიზიის ყოველდღიური საინფორმაციო პროგრამების ავტორი და ტელე-წამყვანი.
2004 წ. გაზეთ ,,ქიზიყის" მთ რედაქტორი;
2004-05 წ. რადიო ,,უნივერსი" (FM 103.9) საინფორმაციოს გამომშვები რედაქტორი, საპარლამენტო კორ. (თბილისი);
2005 წ. ,,პირველი რადიო" (FM 106.4) საინფორმაციო სამსახურის პროდიუსერი, საპარლამენტო კორ, (თბილისი);
2005-2007 წ. კახეთის რეგიონული გაზეთი ,,პროგრესი" (გურჯაანი) დედოფლისწყაროს ბიუროს რედაქტორი;
2005 წლიდან ,,თავისუფალი გაზეთი" კახეთის ბიუროს რედაქტორი.
2006 წ. ჟურნალი ,,რეალური სამყარო" - ჟურნალისტი; (თბილისი);
2007-2010 წ. გაზეთი ,,ვერსია" - ჟურნალისტი ; (თბილისი);
2007 წ. გაზეთი ,,კამარა" - ჟურნალისტი; (თბილისი);
2007 წლიდან ჟურნალ ,,ღია ბოქლომი"-ს აღმასრულებელი რედაქტორი;
2007 წლიდან დღემდე გაზეთ ,,საქართველოს რესპუბლიკა"-ს კახეთის კორ;
2008-09 ახალი ამბების სააგენტო CHN-ს გამომშვები რედაქტორი, (თბილისი);
2010 წ. გაზეთი "ალია" - ჟურნალისტი;
20010-11 წ. ყოველდღიური ინტერნეტ-გაზეთი "ქიზიყი" - გამომშვები რედაქტორი.
2010 წლიდან დღემდე ანალიტიკური ინტერნეტ-გაზეთი www.7days.ge (7 დღე) ჟურნალისტი (თბილისი)
2010 წ. გაზეთი "ქართული სიტყვა" - ჟურნალისტი (თბილისი);
2010 წლიდან დღემდე ახალი ამბების სააგენტო, ინტერნეტ-გაზეთი www.newsline.ge -ჟურნალისტი (თბილისი)
* * *
სხვადასხვა ქალაქებში, პროფესიული კუთხით, გავლილი აქვს არაერთი სახის ტრენინგ-სემინარები.


სასაზღვრო სამმართველო კიდევ ერთ სკანდალში გაეხვა

პარ


კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა

კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა
მრავალბინიანი საცხოვრებელი კორპუსების სახურავების გადახურვის სამუშაოები ქალაქ დედოფლისწყაროში რამდენიმე თვის წინ განხორციელდა, ამისთვის მუნიციპალური განვითარების ფონდმა 221 000 ლარი გამოყო. თუმცა, გაირკვა რომ პრობლემა სულაც არ მოგვარებულა. ახლად გადახურულ სახლებში სამუშაოების დასრულებიდან ორიოდ დღეში ინტენსიური წვიმების დროს მოსახლეობის დიდ ნაწილს სახლებში წყალი ჩაუვიდა და ზარალი მიადგა. განსაკუთრებულად რთული ვითარება იყო ქალაქის ცენტრალურ უბნებში, რუსთაველისა და სტალინის ქუჩებზე მდებარე მრავალბინიან საცხოვრებელ კორპუსებში. მოსახლეობა მუნიციპალიტეტის ხელმძღვანელებს სამუშაოების უხარისხოდ ჩატარებაში ადანაშაულებს.

გიული ალასანია ზემო მაჩხაანში ექსმინისტრ ჭიპაშვილის ოჯახში იმყოფებოდა


რისთვის ჩამოვიდა პრეზიდენტის დედა დედოფლისწყაროში და რატომ მიიყვანეს ნიკალას მუზეუმში შემოვლითი გზებით?!

სოფელი საქართველოში, სადაც 21-ე საუკუნე ჯერ არ დამდგარა და სადაც პრეზიდენტის დედამ ეს ვერ იგრძნო

სოფელი ზემო მაჩხაანი - არ გეგონოთ, რომ პატარა, უმნიშვნელო დასახლება იყოს. ძალიან დიდი სოფელია, სიღნაღიდან, სიყვარულისა და თანამედროვე სტანდარტების ქალაქიდან, სულ რამდენიმე კილომეტრში, სიმაღლით – მის დონეზე, მის მოპირდაპირე მთაზე შეფენილი, ნიკო ფიროსმანის დედის სოფელი (თავად ფიროსმანის მირზაანიც ამ სოფლის ფაქტობრივი გაგრძელებაა), მიხეილ ჯავახიშვილის დევნილობაში მყოფი ოჯახის თავშესაფარი, ნიკო ყიასაშვილის დაბადების ადგილი. თუმცა ამას რა მნიშვნელობა აქვს. სოფელში ხალხი ცხოვრობს, თანაც, ასობით, და ელექტროენერგიას ისინიც იმავე მიზნით მოიხმარენ, როგორც ჩვენ. დიახ, ცხადია, სოფელს ჰყავს გამგებელი, დეპუტატი – რაიონულ საკრებულოში, მაგრამ, როგორც ამ სოფლის მკვიდრები ამბობენ, ისინი ადგილობრივების პრობლემებით მხოლოდ წინასაარჩევნო პერიოდებში ინტერესდებიან. ჩვენ პირობა მივეცით ამ სოფლის მოსახლეობას, რომ დავიწყებთ ვრცელ ჟურნალისტურ მოკვლევას პრობლემების შესასწავლად. იქამდე კი შევასრულეთ მათი თხოვნა დ იმ მიზეზების გარკვევა ვცადეთ, რომელთა გამო ადამიანები 21-ე საუკუნეში უშუქოდ ატარებენ დღეებს. www.7days.ge

გაზეთი "ახალი 7 დღე" - იხილეთ სტატია ვრცლად>>

სტიქიით დაზარალებულთათვის გამგეობამ მხოლოდ 150 ათასი ლარი გაითვალისწინა


დედოფლისწყაროში სტიქიით მიყენებული ზარალის შემსწავლელი კომისიის თავმჯდომარე ალექსანდრე ალუღიშვილი ამბობს, რომ ბიუჯეტიდან 150 ათასი ლარი გამოიყოფა.
როგორც ინტერნეტ-გაზეთ ქიზიყს დედოფლისწყაროს გამგეობიდან აცნობეს, სპეციალურ კომისიაში მუნიციპალიტეტის ზედამხედველობისა და ინფრასტრუქტურის სამსახურის თანამშრომლები, ასევე სოციალური სამსახურის უფროსი დავით ხიხაძე და მუნიციპალიტეტის გამგებელი ნუკრი შანშიაშვილი შედიან.
ქიზიყმა კომისიის თავმჯდომარისა და წევრების ვინაობა ორკვირიანი მცდელობის შემდეგ გაარკვია, მანამდე კომისიაზე საუბარს რატომღაც ყველა თავს არიდებდა.
დედოფლისწყაროს გამგეობის აპარატის უფროსი ნინო ჩოხელი ქიზიყთან საუბრისას აცხადებს, რომ კომისიის შექმნის თაობაზე ოფიციალური ბრძანება ჯერ არ დაწერილა, თუმცა კომისია სტიქიის დღიდანვე მუშაობს.

შეგახსენებთ, 16-17 ივლისს ქალაქი დედოფლისწყარო და სოფელი წითელწყარო ძლიერმა წვიმამ დააზარალა. მოვარდნილმა ღვარცოფმა 110-ზე მეტი საცხოვრებელი ბინა დატბორა. დაიხოცა შინაური ფრინველი და პირუტყვი. ზოგიერთის ბინა საცხოვრებლად სახიფათო გახდა. დედოფლისწყაროელები მუნიციპალიტეტის ხელმძღვანელობას უყურადღებობაში ადანაშაულებენ და დახმარებას ითხოვენ. დამცირებული მოსახლეობა წუხს, რომ გამგეობის ინფრასტრუქტურის სამსახურის უფროსმა დავით ჯიბღაშვილმა დახმარების ნაცვლად დაზარალებულების დაცინვა და მასხრად აგდება დაიწყო. ადგილობრივები ჯიბღაშვილს უზრდელად და თანამდებობისთვის შეუფერებლად მოიხსენიებენ. /ქიზიყი/ თამილა გურაშვილი

ქიზიყის ვიდეო-რგოლი

Общее·количество·просмотров·страницы