пятница, 7 октября 2011 г.

"სარკოზობაზე დედოფლისწყაროდან 500 ადამიანის წაყვანა დაავალეს"

დედოფლისწყაროს ავტოსადგურში სამარშრუტო მანქანების სიმრავლეა. როგორც რადიო "ჰერეთს" მოძრაობა "თავისუფალი საქართველოდან" აცნობეს, "დედოფლისწყაროს მუნიციპალიტეტის ხელმძღვანელობას "სარკოზი-სააკაშვილის სპექტაკლზე დედოფლისწყაროდან 500 ადამიანის წაყვანა დაავალეს"
"დედოფლისწყაროს კულტურის სახლის, ხელოვნების სკოლის, "სერვისი-2007"-ის და რესურს-ცენტრის ხელმძღვანელები უშუალოდ გააფრთხილეს შეხვედრაზე წასვლაზე, თან მკაცრად. გარდა საბიუჯეტო ორგანიზაციებისა, ასევე გააფრთხილეს კერძო შპს-ს ხელმძღვანელები, თან დაემუქრნენ. ერთ-ერთი შპს-ს თანამშრომელი აღნიშნავს, რომ არ გვინდა წასვლა, მაგრამ ორი თავი ვის აქვსო", - განუცხადეს რადიო "ჰერეთს" "თავისუფალ საქართველოში".
დედოფლისწყაროს მუნიციპალიტეტის თვითმმართველობაში აღნიშნულ ინფორმაციას არ ადასტურებენ. მათი თქმით, ამ შეხვედრაზე წავა ის, ვისაც ამის სურვილი გააჩნია. "ძალადობას ადგილი არ აქვს", - განაცხადეს ადგილობრივ გამგეობაში. /ჰერეთი/

* * *
დედოფლისწყაროს მუნიციპალიტეტმა ტენდერი გამოაცხადა

დედოფლისწყაროს მუნიციპალიტეტმა მის ბალანსზე რიცხული ქონების პრივატიზების მიზნით რამდენიმე დღის წინ ტენდერი გამოაცხადა.

როგორც "ქიზიყმა" გაარკვია, აუქციონზე გასაყიდად გამოტანილი იქნება შემდეგი ქონება: 1. ლითონის მილი, დიამეტრი – 325მმ, 333 გრძივი მეტრი, (ადგილი დალის მთა), 2. ლითონის მილი, დიამეტრი – 426მმ, 644 გრძივი მეტრი, (ადგილი დალის მთა), 3. ლითონის მილი, დიამეტრი – 530მმ, 1491.5 გრძივი მეტრი, (აქედან 360 გრძივი მეტრი – ადგილი ,,ჭაჭუნა", 1131.5 გრძივი მეტრი – სოფელი საბათლო)

აუქციონში მონაწილეობის მიღება შეუძლიათ: საქართველოს ან უცხო ქვეყნის ფიზიკურ ან იურიდიულ პირს, ან იმ პირთა გაერთიანებას რომლის ქონებაშიც, საქართველოს სახელმწიფოს ან ადგილობრივი თვითმმართველობის ორგანოს მონაწილეობის წილი 25%-ზე ნაკლებია. აუქციონში მონაწილეობის მსურველთა განაცხადების მიღება იწარმოებს დედოფლისწყაროს მუნიციპალიტეტის ადმინისტრაციულ შენობაში. განაცხადების მიღების ვადა მიმდინარე წლის 20 ოქტომბერს იწურება. აუქციონი გაიმართება განაცხადების მიღების დამთავრების დღეს, 12:00სთ-ზე - მუნიციპალიტეტის ადმინისტრაციული შენობა, მე-2 სართული, სააქტო დარბაზი.

დაინტერესებულმა პირებმა უნდა მიმართონ მუნიციპალიტეტის გამგეობის ეკონომიკისა და ინფრასტრუქტურის განვითარების სამსახურის, ქონებისა და მიწის მართვის განყოფილების სპეციალისტს ნოდარ ზუბიაშვილს. /ქიზიყი/

* * *
საბიუჯეტო ორგანიზაციების თანამშრომლებს სარკოზისთან შეხვედრაზე დასწრებას აიძულებენ?!

საბიუჯეტო ორგანიზაციების თანამშრომლებს 7 ოქტომბერს ქალაქ თბილისში თავისუფლების მოედანზე დაგეგმილ საფრანგეთის ტრეზიდენტის ნიკოლა სარკოზისთან შეხვედრაზე დასწრებას აიძულებენ. "ქიზიყს" დედოფლისწყაროს მუნიციპალიტეტის რამდენიმე საბიუჯეტო ორგანიზაციის თანამშრომელმა დაუდასტურა, რომ თბილისში წასვლის დავალება ნამდვილად მიიღეს. უფრო მეტიც, სამსახურების ხელმძღვანელობამ მათ დედაქალაქში გამგზავრება მათივე თანხებით დაავალა, რაც თანამშრომლების უკმაყოფილების მიზეზი გახდა.

მედიაში გავრცელებული ინფორმაციის მიხედვით, ადგილობრივი თვითმმართველობის ორგანოებმა პრეზიდენტის ადმინისტრაციიდან ახალი დავალება მიიღეს. დავალების თანახმად, თითოეული მუნიციპალიტეტის გამგეობას ევალება 7 ოქტომბერს თბილისში, თავისუფლების მოედანზე, სადაც სიტყვით საფრანგეთისა და საქართველოს პრეზიდენტები გამოვლენ, 10 მიკროავტობუსი ხალხი ჩაიყვანოს.

თავისუფლების მოედანზე რაც შეიძლება ბევრი, ათასობით ადამიანი უნდა ვიყოთ იმის სადემონსტრაციოდ, რომ ხალხი ხელისუფლების კურსს მხარს უჭერს, ასე აუხსნეს მუნიციპალიტეტის გამგეობის სამსახურის ხელმძღვანელებმა თავის თანამშრომლებს 7 ოქტომბერს, თბილისში წასვლის აუცილებლობა.

დაზუსტებული ინფორმაციით, თითოეული მუნიციპალიტეტიდან წაყვანილი ადამიანების რაოდენობა 150-ზე ნაკლები არ უნდა იყოს. კახეთის საინფორმაციო ცენტრის ცნობით, სამსახურების ხელმძღვანელებმა გამგეობიდან მიიღეს რეკომენდაცია, რომ ტრანსპორტირების თანხას ადგილობრივ ბიუჯეტში გათვალისწინებული სხვა ხარჯებიდან ან გამგებლის სარეზერვო ფონდიდან მიიღებენ. ამ საკითხებზე მუნიციპალიტეტების გამგებლები ოფიციალურ კომენტარს არ აკეთებენ. თუმცა, ადასტურებენ, რომ თვითონაც წავლენ და ის თანამშრომლებიც, ვისაც წასვლა უნდა.

შოთა უტიაშვილი, (გურჯაანის მუნიციპალიტეტის გამგებელი): „ძალიან გულით მინდა, რომ წავიდე. თანამშრომლებიდან ვისაც უნდა წასვლა, წავლენ“.

ნიკოლოზ შანშიაშვილი, (დედოფლისწყაროს მუნიციპალიტეტის გამგებელი): „მე პირადად წასვლის სურვილი მაქვს. თანამშრომლებიდან ვისაც სურვილი ექნება, წამოვლენ ალბათ“.

რადიო "ჰერეთის" ინფორმაციით, კახეთის რაიონებში საგანმანათლებლო რესურს-ცენტრებმა განათლებისა და მეცნიერების სამინისტროსგან მიიღეს დავალება, რომ თითო სკოლიდან 5 პედაგოგი საფრანგეთისა და საქართველოს პრეზიდენტების სიტყვით გამოსვლას უნდა დაესწროს.

საგანმანათლებლო რესურს-ცენტრებში ამ ფაქტს არ ადასტურებენ. თელავის რესურს-ცენტრის უფროსმა ნანა ვახტანგიშვილმა კი რადიო “ჰერეთის” ჟურნალისტს ტელეფონი მას შემდეგ გაუთიშა, როდესაც კითხვა მოისმინა. მიუხედავად ამისა, "ჰერეთს" აქვს უტყუარი ინფორმაცია, რომ ბრძანების საფუძველზე ლაგოდეხისა და თელავის სკოლებიდან რამდენიმე ათეული პედაგოგი მიემგზავრება აღნიშნულ შეხვედრაზე.

ცნობისთვის, ნიკოლა სარკოზი თბილისს კავკასიის ტურნეს ფარგლებში ეწვევა. ის საქართველოში რამდენიმე საათით ჩამოვა. ვიზიტის ფარგლებში დაგეგმილია საქართველოს პრეზიდენტისა და საფრანგეთის პრეზიდენტის ქართველი ხალხისადმი სიტყვით მიმართვა თავისუფლების მოედანზე. საფრანგეთის პრეზიდენტი საქართველოს იმავე დღეს დატოვებს. /ქიზიყი/

Комментариев нет:

Отправить комментарий

წელს კახეთს სოფლის დახმარების პროგრამის ფარგლებში 6 მილიონზე მეტი გამოეყოფა _ * _ * _ ორგანიზაცია “რეპორტიორები საზღვრებს გარეშე” 2011 წლის ანგარიშის მიხედვით, საქართველოში პრესის თავისუფლების მაჩვენებელი წინა წელთან შედარებით დაეცა და გასული წლის 100-ე ადგილიდან 105-ზე გადაინაცვლა. ამდენად, საქართველო რეგიონში პრესის თავისუფლების მხრივ ლიდერი აღარაა. _ * _ * _ 2012 წელს ხორბლის ფასი სავარაუდოდ, მაღალი იქნება _ * _ * _ საქართველო იმ ქვეყნების ათეულში ვერ მოხვდა, რომელიც 2012 წელს საუკეთსო ტურად ცხადდება _ * _ * _ „ადამიანის უფლებათა ცენტრის" ინფორმაციით, საქართველომ ევროპაში პატიმართა რაოდენობით პირველ ადგილზე გადაინაცვლა _ * _ * _ არჩევნების დანიშვნის დღიდან შედეგების შეჯამებამდე ბიუჯეტში მანამდე გაუთვალისწინებელი პროექტების განხორციელება აიკრძალა _ * _ * _ 2011 წლის 1 იანვრიდან 28 დეკემბრის ჩათვლით, კახეთის რეგიონში ხანძრის 852 შემთხვევაა დაფიქსირებული. სტატისტიკური მონაცემებით, ხანძრის ყველაზე მეტი - 224 შემთხვევა თელავის რაიონშია აღრიცხული - დედოფლისწყაროში კი 68. _ * _ * _ სიღნაღის და დედოფლისწყაროს რაიონებში მომუშავე ფერმერების თქმით, მდინარე ალაზანმა აზერბაიჯანის მხარეს წელს კიდევ 10 ჰექტარზე მეტი მიწა დატოვა. „ყველა უწყებას მივმართეთ თხოვნით, რომ მდინარე ალაზანზე ნაპირდაცვითი სამუშაოები ჩატარებულიყო, მაგრამ ყურადღება არავინ მოგვაქცია. მდინარეს განსაკუთრებით დიდი ოდენობით მიწა გაზაფხულზე მიაქვს, როცა ადიდებულია“, - აღნიშნეს ფერმერებმა. _ * _ * _ სპორტისა და ახალგაზრდობის საქმეთა სამინისტროს ხელშეწყობით და ბავშვთა და ახალგაზრდობის განვითარების ფონდის დაფინანსებით დედოფლისწყაროში დაფუძნდა ორი კავშირი: ,,ახალი სიტყვა – ახალგაზრდული ინიციატივა“ და „ახალი თაობა – ახლი იდეა“. მრავალპროფილიანი არასამთავრობოები, აპოლიტიკური, არასამეწარმეო იურიდიული პირებია, რომლებიც თავის რიგებში აერთიანებს სხვადასხვა სფეროთი დაინტერესებულ ახალგაზრდებს, რომელთაც სურთ მონაწილეობა მიიღონ ქვეყნის დემოკრატიულ განვითარებაში. _ * _ * _



















































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































"ქიზიყის" მკითხველი ახალი ამბების გასაცნობად სხვა მისამართს უნდა ეწვიოს


ამიერიდან ეს გვერდი მუშაობას წყვეტს. ახალი ამბები შეგიძლიათ იხილოთ განახლებულ და გამარტივებულ ვებ-გვერდზე www.qiziyi.ge ამ გვერდზე, სადაც ახლა იმყოფებით, მხოლოდ აუდიო-რეპორტჟები და პროექტ „კვირის ბოლოს“ რადიოგადაცემების ჩანაწერები დაიდება. ტექსტური ამბების გასაცნობად კი ეწვიეთ ამ მისამართს. http://qiziyi.ge/

როგორც „ქიზიყის“ რედაქტორი ილია მარტყოფლიშვილი ამბობს, ახალ მისამართზე გაცილებით მეტი ინფორმაცია განთავსდება, ვიდრე აქამდე ხდებოდა. ინფორმაციების განახლების ინტენსივობა და ოპერატიულობაც გაუმჯობესდება. ძველ ვერსიაზე ამბები მხოლოდ იმ შემთხვევაში განახლდება, თუ ვებ-გვერდის ახალ ვერსიაზე ტექნიკური ხარვეზი შეიქმნება.

ასე რომ, აკრიფეთ ახალი მისამართი და გაიგეთ უფრო მეტი: http://qiziyi.ge/










ივანიშვილის პარტია დედოფლისწყაროელებს 2 ივნისს შეხვდება

ქართველი მეცენატის, ბიძინა ივანიშვილის კოალიცია „ქართული ოცნების“ მიერ 24 მაისს დედოფლისწყაროს მუნიციპალიტეტის მოსახლეობასთან დაგეგმილი შეხვდრა გადაიდო. პარტიის ლიდერების შეხვედრა დედოფლისწყაროს კულტურის სახლის შენობაში ხუთშაბათს იგეგმებოდა.

როგორც კოალიცია „ქართული ოცნების“ დედოფლისწყაროს შტაბის ხელმძღვანელმა ალექსანდრე თამაზაშვილმა „ქიზიყს“ განუცხადა, შეხვედრა კულტურის სახლის დარბაზში 2 ივნისს გაიმართება. მისი თქმით, შეხვედრის გადადება თბილისში 27 მაისს დაგეგმილმა აქციამ განაპირობა.

ლექსო თამაზაშვილის განცხადებით, თავდაპირველად დედოფლისწყაროში დარბაზის დაქირავებაზე დაბრკოლება შეექმნათ, თუმცა საბოლოო ჯამში მუნიციპალიტეტის კულტურისა და სპორტის ცენტრმა ხელშეკრულების გაფორმებაზე თანხმობა განაცხადა:

„უარის შემთხვევაში სხვა ალტერნატიული ვარიანტებიც გვქონდა, თუმცა საბოლოო ჯამში დაგვთანხმდნენ. არ ვიცი რატომ, მაგრამ ფაქტია, რომ დარბაზი დაგვითმეს,“ - აცხადებს თამაზაშვილი.

დედოფლისწყაროს კულტურისა და სპორტის ცენტრის უფროსი ვანო შანშიაშვილი „ქიზიყთან“ საუბარში ადასტურებს, რომ 24 მაისისთვის კოალიციასთან ხელშეკრულება უკვე დადებულია. ის ამბობს, რომ დარბაზის დაქირავებნაზე ივანიშვილის პოლიტიკურ ჯგუფს მათი მხრიდან პრობლემა არ შექმნია.

„ქართული ოცნების“ წარმომადგენლები დედოფლისწყაროელებს შეხვედრაზე დასწრებისკენ მოუწოდებენ. /ქიზიყი/

ილია მარტყოფლიშვილი CV

დაიბადა 28.04.1984, ქალაქ დედოფლისწყაროში. 2006 წელს დაამთავრა თსუ ჟურნალისტიკის ფაკულტეტი. (სპეციალობა ტელე-რადიო ჟურნალისტიკა)
* * *
2002-2003 წ. ჟურნალი ,,თბილისელები", - ჟურნალისტი, (თბილისი)
2003 წ. ჟურნალი ,,კვირის ბოლო" - რედაქტორი, (თბილისი);
2003 წ. დედოფლისწყაროს ტელევიზიის ყოველდღიური საინფორმაციო პროგრამების ავტორი და ტელე-წამყვანი.
2004 წ. გაზეთ ,,ქიზიყის" მთ რედაქტორი;
2004-05 წ. რადიო ,,უნივერსი" (FM 103.9) საინფორმაციოს გამომშვები რედაქტორი, საპარლამენტო კორ. (თბილისი);
2005 წ. ,,პირველი რადიო" (FM 106.4) საინფორმაციო სამსახურის პროდიუსერი, საპარლამენტო კორ, (თბილისი);
2005-2007 წ. კახეთის რეგიონული გაზეთი ,,პროგრესი" (გურჯაანი) დედოფლისწყაროს ბიუროს რედაქტორი;
2005 წლიდან ,,თავისუფალი გაზეთი" კახეთის ბიუროს რედაქტორი.
2006 წ. ჟურნალი ,,რეალური სამყარო" - ჟურნალისტი; (თბილისი);
2007-2010 წ. გაზეთი ,,ვერსია" - ჟურნალისტი ; (თბილისი);
2007 წ. გაზეთი ,,კამარა" - ჟურნალისტი; (თბილისი);
2007 წლიდან ჟურნალ ,,ღია ბოქლომი"-ს აღმასრულებელი რედაქტორი;
2007 წლიდან დღემდე გაზეთ ,,საქართველოს რესპუბლიკა"-ს კახეთის კორ;
2008-09 ახალი ამბების სააგენტო CHN-ს გამომშვები რედაქტორი, (თბილისი);
2010 წ. გაზეთი "ალია" - ჟურნალისტი;
20010-11 წ. ყოველდღიური ინტერნეტ-გაზეთი "ქიზიყი" - გამომშვები რედაქტორი.
2010 წლიდან დღემდე ანალიტიკური ინტერნეტ-გაზეთი www.7days.ge (7 დღე) ჟურნალისტი (თბილისი)
2010 წ. გაზეთი "ქართული სიტყვა" - ჟურნალისტი (თბილისი);
2010 წლიდან დღემდე ახალი ამბების სააგენტო, ინტერნეტ-გაზეთი www.newsline.ge -ჟურნალისტი (თბილისი)
* * *
სხვადასხვა ქალაქებში, პროფესიული კუთხით, გავლილი აქვს არაერთი სახის ტრენინგ-სემინარები.

სასაზღვრო სამმართველო კიდევ ერთ სკანდალში გაეხვა

პარ

კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა

კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა
მრავალბინიანი საცხოვრებელი კორპუსების სახურავების გადახურვის სამუშაოები ქალაქ დედოფლისწყაროში რამდენიმე თვის წინ განხორციელდა, ამისთვის მუნიციპალური განვითარების ფონდმა 221 000 ლარი გამოყო. თუმცა, გაირკვა რომ პრობლემა სულაც არ მოგვარებულა. ახლად გადახურულ სახლებში სამუშაოების დასრულებიდან ორიოდ დღეში ინტენსიური წვიმების დროს მოსახლეობის დიდ ნაწილს სახლებში წყალი ჩაუვიდა და ზარალი მიადგა. განსაკუთრებულად რთული ვითარება იყო ქალაქის ცენტრალურ უბნებში, რუსთაველისა და სტალინის ქუჩებზე მდებარე მრავალბინიან საცხოვრებელ კორპუსებში. მოსახლეობა მუნიციპალიტეტის ხელმძღვანელებს სამუშაოების უხარისხოდ ჩატარებაში ადანაშაულებს.

გიული ალასანია ზემო მაჩხაანში ექსმინისტრ ჭიპაშვილის ოჯახში იმყოფებოდა


რისთვის ჩამოვიდა პრეზიდენტის დედა დედოფლისწყაროში და რატომ მიიყვანეს ნიკალას მუზეუმში შემოვლითი გზებით?!

სოფელი საქართველოში, სადაც 21-ე საუკუნე ჯერ არ დამდგარა და სადაც პრეზიდენტის დედამ ეს ვერ იგრძნო

სოფელი ზემო მაჩხაანი - არ გეგონოთ, რომ პატარა, უმნიშვნელო დასახლება იყოს. ძალიან დიდი სოფელია, სიღნაღიდან, სიყვარულისა და თანამედროვე სტანდარტების ქალაქიდან, სულ რამდენიმე კილომეტრში, სიმაღლით – მის დონეზე, მის მოპირდაპირე მთაზე შეფენილი, ნიკო ფიროსმანის დედის სოფელი (თავად ფიროსმანის მირზაანიც ამ სოფლის ფაქტობრივი გაგრძელებაა), მიხეილ ჯავახიშვილის დევნილობაში მყოფი ოჯახის თავშესაფარი, ნიკო ყიასაშვილის დაბადების ადგილი. თუმცა ამას რა მნიშვნელობა აქვს. სოფელში ხალხი ცხოვრობს, თანაც, ასობით, და ელექტროენერგიას ისინიც იმავე მიზნით მოიხმარენ, როგორც ჩვენ. დიახ, ცხადია, სოფელს ჰყავს გამგებელი, დეპუტატი – რაიონულ საკრებულოში, მაგრამ, როგორც ამ სოფლის მკვიდრები ამბობენ, ისინი ადგილობრივების პრობლემებით მხოლოდ წინასაარჩევნო პერიოდებში ინტერესდებიან. ჩვენ პირობა მივეცით ამ სოფლის მოსახლეობას, რომ დავიწყებთ ვრცელ ჟურნალისტურ მოკვლევას პრობლემების შესასწავლად. იქამდე კი შევასრულეთ მათი თხოვნა დ იმ მიზეზების გარკვევა ვცადეთ, რომელთა გამო ადამიანები 21-ე საუკუნეში უშუქოდ ატარებენ დღეებს. www.7days.ge

გაზეთი "ახალი 7 დღე" - იხილეთ სტატია ვრცლად>>

სტიქიით დაზარალებულთათვის გამგეობამ მხოლოდ 150 ათასი ლარი გაითვალისწინა


დედოფლისწყაროში სტიქიით მიყენებული ზარალის შემსწავლელი კომისიის თავმჯდომარე ალექსანდრე ალუღიშვილი ამბობს, რომ ბიუჯეტიდან 150 ათასი ლარი გამოიყოფა.
როგორც ინტერნეტ-გაზეთ ქიზიყს დედოფლისწყაროს გამგეობიდან აცნობეს, სპეციალურ კომისიაში მუნიციპალიტეტის ზედამხედველობისა და ინფრასტრუქტურის სამსახურის თანამშრომლები, ასევე სოციალური სამსახურის უფროსი დავით ხიხაძე და მუნიციპალიტეტის გამგებელი ნუკრი შანშიაშვილი შედიან.
ქიზიყმა კომისიის თავმჯდომარისა და წევრების ვინაობა ორკვირიანი მცდელობის შემდეგ გაარკვია, მანამდე კომისიაზე საუბარს რატომღაც ყველა თავს არიდებდა.
დედოფლისწყაროს გამგეობის აპარატის უფროსი ნინო ჩოხელი ქიზიყთან საუბრისას აცხადებს, რომ კომისიის შექმნის თაობაზე ოფიციალური ბრძანება ჯერ არ დაწერილა, თუმცა კომისია სტიქიის დღიდანვე მუშაობს.

შეგახსენებთ, 16-17 ივლისს ქალაქი დედოფლისწყარო და სოფელი წითელწყარო ძლიერმა წვიმამ დააზარალა. მოვარდნილმა ღვარცოფმა 110-ზე მეტი საცხოვრებელი ბინა დატბორა. დაიხოცა შინაური ფრინველი და პირუტყვი. ზოგიერთის ბინა საცხოვრებლად სახიფათო გახდა. დედოფლისწყაროელები მუნიციპალიტეტის ხელმძღვანელობას უყურადღებობაში ადანაშაულებენ და დახმარებას ითხოვენ. დამცირებული მოსახლეობა წუხს, რომ გამგეობის ინფრასტრუქტურის სამსახურის უფროსმა დავით ჯიბღაშვილმა დახმარების ნაცვლად დაზარალებულების დაცინვა და მასხრად აგდება დაიწყო. ადგილობრივები ჯიბღაშვილს უზრდელად და თანამდებობისთვის შეუფერებლად მოიხსენიებენ. /ქიზიყი/ თამილა გურაშვილი

ქიზიყის ვიდეო-რგოლი

Общее·количество·просмотров·страницы