суббота, 8 октября 2011 г.

ჯანსაღი ცხოვრების წესი და ბრძოლა წარმატებების მწვერვალებისკენ...

20 წლის გიორგი ცისკარაული დედოფლისწყაროში ცხოვრობს. უკვე მერამდენე თვეა დედოფლისწყაროს საბრძოლო ხელოვნებების ფედერაციაში სპორტსმენებს წვრთნის. ამბობს, რომ სპორტი მისთვის ყველაფერია, ჯანსაღი ცხოვრების წესი და სპორტული მიღწევებისადმი სიყვარული თამაზ ყარაგვეზაშვილმა ჩაუნერგა. ასაკთან შედარებით მიღწევებიც ბევრი აქვს. გიორგი ცისკარაული კახეთის ჩემპიონი და საქართველოს ჩემპიონია. სპორტის გარდა მას სხვა საინტერესო გეგმებიც აქვს. თუმცა, გაზეთი "ქიზიყი" მასთან მხოლოდ პროფესიული კითხვებით არ შემოიფარგლება და მისი სხვადასხვა მოსაზრებებითაც დაინტერესდა. გულწრფელი პასუხებიც მრავლად მივიღეთ. რაც მთავარია ცხოვრების თანამგზავრი ჯერ არ აურჩევია და თვლის, რომ არასასურველი სასიძო არ უნდა იყოს...

– სპორტი შენი ძირითადი მიზანი და საქმიანობაა, თუ სხვა ჰობიც გაქვს?
– ამჟამად სპორტი ჩემი ძირითადი საქმიანობაა. თუმცა, საერთოდ ბევრი ჰობი მაქვს, რა ვიცი...
– რა ასაკიდან გაგიტაცა სპორტმა?
– სპორტი პატარაობიდანვე მაინტერესებდა. ჯერ კარატეზე დავდიოდი მაგრამ მერე სექცია დაიხურა და მეც დავრჩი ასე. მერე გავიგე რომ კიკ-ბოქსინგის ჯგუფი იყო რაიონში და 15 წლისამ ვარჯიში დავიწყე თამაზ ყარაგვეზაშვილთან, მან უკეთ ჩამინერგა სპორტის სიყვარული. მას დიდი წვლილი მიუძღვის ჩემს სპორტულ განვითარებაში.
– როგორი იყო ბავშვობაში სპორტით შენი გატაცების მომენტები, რაზე ფიქრობდი და ოცნებობდი...
– პირველად ვარჯიში რომ დავიწყე ჩემი ერთად ერთი ოცნება იყო საქართველოს ჩემპიონი გავმხდარიყავი და სანამ არ მივაღწიე არ მოვისვენე...
– როდის და როგორ მიაღწიე, რა ემოციები იყო?
პირველად ვიყავი შეჯიბრზე ბათუმში სადაც დავმარცხდი, ამან მიმახვედრა, რომ არ ვიყავი სათანადოდ მომზადებული, ამის შემდეგ ძალიან მონდომებული ვიყავი. ბევრი ვარჯიშის და ტექნიკის დამუშავების შემდეგ (რაშიც დიდი წვლილი მიძუღვის თამაზ ყარაგვეზაშვილს) 2009 წელს საქართველოს ჩემპიონატზე გავედი თბილისში, სადაც სრული უპირატესობით მოვიგე საქართველოს ჩემპიონატი ხელჩართულ ბრძოლებში.
პირველი მეტოქე როგორ გახსოვს?
– კარგი მებრძოლი იყო და სამართლიანად გაიმარჯვა. პირველად რინგზე რომ გადავედი, ძალიან დავიბენი. გარედან ადვილი საყურებელი და განსასჯელი რომ ჩანს, თურმე ასე ადვილი არ ყოფილა იქ დგომა და ბრძოლა. პირველად სერიოზულად, მთელი სიძულვილით რომ ჩაგხედავენ თვალებში და რამდენიმე დარტყმას მიიღებ, ხვდები რომ რკინის არ ყოფილხარ და სანამ ამ ვითარებამდე არ მიხვალ ისე ვერ ხვდები ამ შრომის ფასს.
–ანუ რინგზე შეგშინებია???...
– შიშით არა, მაგრამ რინგზე გასვლის წინ ყოველთვის არის რაღაც ნერვიულობის მაგვარი რამ. ელოდები როდის გამოგაცხადებენ, მხოლოდ იმას ელოდები შენი ჯერი მალე მოვიდეს. წაგებებიც მქონია, მაგრამ არ მიფიქრია წავაგებ მეთქი. თუ იცი, რომ შენზე ძლიერი მოწინააგმდეგე გყავს, არ უნდა დანებდე და რინგზე მაინც გადახვიდე, თუნდაც იცოდე რომ წააგებ... ეგ შეიძლება ისე იფიქრო, მაგრამ მაინც უნდა ეცადო შენსას. თუ ევროპის, ან მსოპლიო ჩემპიონს ხვდები – როგორ არ უნდა იფიქრო წაგებაზეც... ერთხელ, როცა შავი ზღვის თასზე ევროპის ჩემპიონს გურამ ქუთათელაძეს ვხვდებოდი კლუბ golden gloriy-დან, საკმაოდ დავიძაბე და განვიცადე.
– რა დროს უთმობ სპორტს შენს ცხოვრებაში?
– სპორტი ჩემს ცხოვრებაში მართლაც უმნიშვნელოვანესია. თითქმის სულ სპორტზე ვარ გადართული... დროის 70%–ს სპორტს ვუთმობ, დანარჩენს კი სხვა საქმეების მოგვარებას ვახმარებ.
– სპორტსმენი ბიჭები მანდილოსნების განსაკუთრებული ყურადღების ქვეშ ექცევით... თუ გრძნობ ზედმეტ ყურადღებას, ანუ სპორტსმენობა გმატებს თუ არა თაყვანისმცემლებს?
– არა ასე არაა, ვფიქრობ, რომ პირიქით... გოგოებს რატომრაც სუსტი, გამხდარი ბიჭები მოწონთ. ზოგს კი მაგრამ ჩემი აზრით უმეტესობას გამხდარი ბიჭები ურჩევნია...
– ანუ ვერ იტყვი, რომ სპორტული ცხოვრება გეხმარება გოგონებთან ფლირტში? არა, არა მგონია...
– სერიოზული სიყვარული თუ გქონია ცხოვრებაში?...
– არა სერიოზულად არავინ შემყვარებია... გატაცებები კი იყო ბევრი...
– რა სახის კომპლიმენტები მოგისმენია საკუთარი მისამართით?...
– ასეთ დეტალებს ნამდვილად არ ვიმახსოვრებ, იმიტომ რომ მართლა არ მომწონს ქება... მერე „გაბლატავება“ იცის... რამდენჯერმე ჩემპიონი როცა გავხდი ამ ფაქტზე მომისმენია რაღაც კომპლიმენტები. სპორტულ აღნაგობაზე, ან გარეგნობაზე არა... საერთოდ, ისე არ ვიცვამ, რომ ტანი ვუბლატავო ვინმეს... (იღიმის) თანაც, კიკ-ბოქსიორები დიდად დაკუნთულები არც ვართ, აქ ვარჯიშისგან სხეული სხვანაირად ვითარდება...
– როცა ბიჭი ტანს აჩენს და კუნთების დემონსტრირებას ახდენს – ფირქობ, რომ ამარიაჟებს და ტრიპაჩობს?
– კი ნამდვილად ასეა... კარგი სპორტსმენი არასდროს „ბლატაობს“... ადამიანი თავმდაბალი უნდა იყოს...
– ალბათ წუნია ხარ, თუ სერიოზული გრძნობა რატომ ვერ გეწვია?...
–შესაძლოა...
– როგორ ფიქრობ, დედოფლისწყაროელ სიმპათიურ და სასურველ სასიძოებს შორის გიორგი ცისკარაულიც შედის თუ არა?
– არ ვიცი, ასეთ რამეზე არ ვფიქრობ არსოდეს... თუმცა, მგონი არც არასასურველი იქნება... რავიცი მგონია, რომ ვიღაც მაწანწალა და ცუდი ადამიანი არა ვარ და ამიტომ... ლოთი და ხელიდან წასული არ ვარ და...
– ალბათ არ ეწევი?
–არა და დალევითაც ალკოჰოლური სასმლის სუნს ვერ ვიტან...
– ანუ, არ მოგიწევია?
–არა...
– აბა ალკოჰოლის გარეშე მეგობრებთან ქეიფი როგორ გამოგდის?...
– მხოლოდ ლუდს ვსვამ, ისიც ცოტას... მშვენივრად გამომდის. მოლხენისთვის აუცილებელი არაა მთვრალი იყო,
– ეგ ცხადია, მაგრამ ყველა რომ სვამს და მხოლოდ შენ არა, თავს რითი იმართლებ??
– არაფრით, ასეთ წრეში მარტო მე არ ვარ... სამეგობროში თითქმის სულ სპრტსმენები ვართ და ბევრია ჩემნაირი... ერთმანეთს ადვილად ვუგებთ და გვესმის რატომ არ უნდა დავლიოთ...
– ანუ არც თამადა გემუქრება ღვინის კისერში ჩასხმით? ნუთუ არ გაძალებს ჭიქის ბოლომდე გამოცლას...
– თუ რამე არ მინდა, ვერც ვერავინ გამაკეთებინებს...
– მოკლედ, არ სვამ იმიტომ, რომ სასმელი არ მოგწონს, თუ იმიტომ, რომ სპორტსმენს ავნებს? არა იმიტომ, რომ უბრალოდ არ მიყვარს... ერთხელ ცუდად გავხდი და მას მერე არ ვსვამ... სპორტი ყველაფერზე ძალიან მიყვარს...
– ამბობენ სპორტსმენებს ზოგჯერ სექსისგან თავის შეკავებასაც სთხოვენო... ყოველთვის მაინტერესებდა, ეს თუ ხდება და რა დროს?...
– შეჯიბრის წინა 2-3 დღით ადრე ინტიმური ურთიერთობა არ შეილება. სექსის დროს ძალის რაღაც %–ს კარგავს სპორტსმენი და მოგების ნაკლები შანსი რჩება...
– საინტერესოა... შეჯიბრამდე თუ გქონია ისეთი მომენტი, რომ მანდამდე მისულა საქმე და შეჯიბრის გამო ხელი შეგშლია და გეფიქრა ოღონდ არ დამთხვეოდა რა მაგარი ვინმე გავუშვიო?...
–ასეთი მომენტი არ მქონია და არც გული დამწყვეტია...
– სხვა "საკაიფო" მოსაწევებიც გაგისინჯია?
–არა, ასეთები ჩემგან შორს..
– მოდი, გულწრფელად თქვი, ნუთუ, არც გასინჯვის სურვილი გქონია?
– არა, მეზიზღება... ისეთ რამეს არასოდეს გავაკეთებ, რომ ჩემი თავის კონტროლი დავკარგო..
– ანუ არც ისე დამთვრალხარ, რომ თავისუფალ ხასიათზე დამდგარიყავი და ცოტა მაინც დაგეკარგა კონტროლი?
– ერთხელ ბევრი დავლიე და მივხვდი რომ ცუდი გრძნობაა და თვითკონტროლი ნაკლები იყო... მას მერე აღარ ვსვავ
– ადამიანში პირველ რიგში რას აფასებ?
– ერთგულებას და შეგნებას...
– პირველ რიგში რამ უნდა მიგიზიდოს, ჯერ გარეგნულმა, თუ ჯერ შინაგანმა სილამაზემ?
– ჯერ შინაგანს ვაფასებ, შემდეგ ერთგულება დანარჩენი არ მაინტერესებს.
– რამდენად გიყვარს იუმორი, ხშირად ხუმრობ მეგობრებთან ან გარშემომყოფებთან?
– კი იუმორი მიყვარს. სულ ვხუმრობთ და სულ ესე ვართ
– შენი შეფასებით ხალისიანი ადამიანი ხარ, თუ უფრო სერიოზული?
–ცოტ–ცოტა ორივე... გააჩნია სუტუაციას...
– რა გაღიზიანებს, რა დროს ბრაზდები?
– როდესაც ჩემ მიმართ ან ჩემი ახლობლების მიმართ ვინმე არასამართლიანად იქცევა.
– ჰობიდან გამომდინარე გაბრაზებული დაუნდობელი ხარ?
– კი ძალიან დაუნდობელი ვხდები როდესაც ვინმე მაბრაზებს...
– ადვილად პატიობ????
– თუ ადამიანი ხვდება თავის საქციელს მაშინ კი...
– რაკი ახალგაზრდა ხარ საინტერესოა რას ფიქრობ – საქართველოში უნდა იყოს თუ არა სექსი ლეგალიზებული?
– არა.. ამაზე არ მიფიქრია, თუმცა ლეგალიზების მომხრე არ ვარ...
– ქორწინებამდე სექსი თუა შენთვის მისაღები?
– არა, გოგოს რომელიც ქორწინებამდე სექსზე თანახმაა – მეძავად აღვიქვამ...
– ლეგალიზებას რატომ ეწინააღმდეგები, დავიჯერო ერთხელაც არ მოხვედრიხარ მსუბუქი ყოფაქცევის ქალებთან?
– კი, მაგრამ რატომღაც ასე ვფიქრობ...
– დედოფლისწყაროში ისეთი ვინმე თუ გეგულება, მისდამი სხვანაირი სიმპათიები რომ გქონდეს?
– კი, არის ერთი...
– პატარა ასაკში ქორწინება სერიოზულად მიგაჩნია???
– არა... ნამდვილად არასერიოზულია, სანამ 18 წელს მაინც არ გადაცდები... პატარა ასაკში სერიოზულად იშვიათად უყვართ და ასეთი ოჯახები ძალიან მალე ინგრევა. მე ალბათ 23 - 24 წლის ასაკში დავქორწინდები. /ქიზიყი/ ნიკა იაკობიშვილი

Комментариев нет:

Отправить комментарий

წელს კახეთს სოფლის დახმარების პროგრამის ფარგლებში 6 მილიონზე მეტი გამოეყოფა _ * _ * _ ორგანიზაცია “რეპორტიორები საზღვრებს გარეშე” 2011 წლის ანგარიშის მიხედვით, საქართველოში პრესის თავისუფლების მაჩვენებელი წინა წელთან შედარებით დაეცა და გასული წლის 100-ე ადგილიდან 105-ზე გადაინაცვლა. ამდენად, საქართველო რეგიონში პრესის თავისუფლების მხრივ ლიდერი აღარაა. _ * _ * _ 2012 წელს ხორბლის ფასი სავარაუდოდ, მაღალი იქნება _ * _ * _ საქართველო იმ ქვეყნების ათეულში ვერ მოხვდა, რომელიც 2012 წელს საუკეთსო ტურად ცხადდება _ * _ * _ „ადამიანის უფლებათა ცენტრის" ინფორმაციით, საქართველომ ევროპაში პატიმართა რაოდენობით პირველ ადგილზე გადაინაცვლა _ * _ * _ არჩევნების დანიშვნის დღიდან შედეგების შეჯამებამდე ბიუჯეტში მანამდე გაუთვალისწინებელი პროექტების განხორციელება აიკრძალა _ * _ * _ 2011 წლის 1 იანვრიდან 28 დეკემბრის ჩათვლით, კახეთის რეგიონში ხანძრის 852 შემთხვევაა დაფიქსირებული. სტატისტიკური მონაცემებით, ხანძრის ყველაზე მეტი - 224 შემთხვევა თელავის რაიონშია აღრიცხული - დედოფლისწყაროში კი 68. _ * _ * _ სიღნაღის და დედოფლისწყაროს რაიონებში მომუშავე ფერმერების თქმით, მდინარე ალაზანმა აზერბაიჯანის მხარეს წელს კიდევ 10 ჰექტარზე მეტი მიწა დატოვა. „ყველა უწყებას მივმართეთ თხოვნით, რომ მდინარე ალაზანზე ნაპირდაცვითი სამუშაოები ჩატარებულიყო, მაგრამ ყურადღება არავინ მოგვაქცია. მდინარეს განსაკუთრებით დიდი ოდენობით მიწა გაზაფხულზე მიაქვს, როცა ადიდებულია“, - აღნიშნეს ფერმერებმა. _ * _ * _ სპორტისა და ახალგაზრდობის საქმეთა სამინისტროს ხელშეწყობით და ბავშვთა და ახალგაზრდობის განვითარების ფონდის დაფინანსებით დედოფლისწყაროში დაფუძნდა ორი კავშირი: ,,ახალი სიტყვა – ახალგაზრდული ინიციატივა“ და „ახალი თაობა – ახლი იდეა“. მრავალპროფილიანი არასამთავრობოები, აპოლიტიკური, არასამეწარმეო იურიდიული პირებია, რომლებიც თავის რიგებში აერთიანებს სხვადასხვა სფეროთი დაინტერესებულ ახალგაზრდებს, რომელთაც სურთ მონაწილეობა მიიღონ ქვეყნის დემოკრატიულ განვითარებაში. _ * _ * _



















































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































"ქიზიყის" მკითხველი ახალი ამბების გასაცნობად სხვა მისამართს უნდა ეწვიოს


ამიერიდან ეს გვერდი მუშაობას წყვეტს. ახალი ამბები შეგიძლიათ იხილოთ განახლებულ და გამარტივებულ ვებ-გვერდზე www.qiziyi.ge ამ გვერდზე, სადაც ახლა იმყოფებით, მხოლოდ აუდიო-რეპორტჟები და პროექტ „კვირის ბოლოს“ რადიოგადაცემების ჩანაწერები დაიდება. ტექსტური ამბების გასაცნობად კი ეწვიეთ ამ მისამართს. http://qiziyi.ge/

როგორც „ქიზიყის“ რედაქტორი ილია მარტყოფლიშვილი ამბობს, ახალ მისამართზე გაცილებით მეტი ინფორმაცია განთავსდება, ვიდრე აქამდე ხდებოდა. ინფორმაციების განახლების ინტენსივობა და ოპერატიულობაც გაუმჯობესდება. ძველ ვერსიაზე ამბები მხოლოდ იმ შემთხვევაში განახლდება, თუ ვებ-გვერდის ახალ ვერსიაზე ტექნიკური ხარვეზი შეიქმნება.

ასე რომ, აკრიფეთ ახალი მისამართი და გაიგეთ უფრო მეტი: http://qiziyi.ge/










ივანიშვილის პარტია დედოფლისწყაროელებს 2 ივნისს შეხვდება

ქართველი მეცენატის, ბიძინა ივანიშვილის კოალიცია „ქართული ოცნების“ მიერ 24 მაისს დედოფლისწყაროს მუნიციპალიტეტის მოსახლეობასთან დაგეგმილი შეხვდრა გადაიდო. პარტიის ლიდერების შეხვედრა დედოფლისწყაროს კულტურის სახლის შენობაში ხუთშაბათს იგეგმებოდა.

როგორც კოალიცია „ქართული ოცნების“ დედოფლისწყაროს შტაბის ხელმძღვანელმა ალექსანდრე თამაზაშვილმა „ქიზიყს“ განუცხადა, შეხვედრა კულტურის სახლის დარბაზში 2 ივნისს გაიმართება. მისი თქმით, შეხვედრის გადადება თბილისში 27 მაისს დაგეგმილმა აქციამ განაპირობა.

ლექსო თამაზაშვილის განცხადებით, თავდაპირველად დედოფლისწყაროში დარბაზის დაქირავებაზე დაბრკოლება შეექმნათ, თუმცა საბოლოო ჯამში მუნიციპალიტეტის კულტურისა და სპორტის ცენტრმა ხელშეკრულების გაფორმებაზე თანხმობა განაცხადა:

„უარის შემთხვევაში სხვა ალტერნატიული ვარიანტებიც გვქონდა, თუმცა საბოლოო ჯამში დაგვთანხმდნენ. არ ვიცი რატომ, მაგრამ ფაქტია, რომ დარბაზი დაგვითმეს,“ - აცხადებს თამაზაშვილი.

დედოფლისწყაროს კულტურისა და სპორტის ცენტრის უფროსი ვანო შანშიაშვილი „ქიზიყთან“ საუბარში ადასტურებს, რომ 24 მაისისთვის კოალიციასთან ხელშეკრულება უკვე დადებულია. ის ამბობს, რომ დარბაზის დაქირავებნაზე ივანიშვილის პოლიტიკურ ჯგუფს მათი მხრიდან პრობლემა არ შექმნია.

„ქართული ოცნების“ წარმომადგენლები დედოფლისწყაროელებს შეხვედრაზე დასწრებისკენ მოუწოდებენ. /ქიზიყი/

ილია მარტყოფლიშვილი CV

დაიბადა 28.04.1984, ქალაქ დედოფლისწყაროში. 2006 წელს დაამთავრა თსუ ჟურნალისტიკის ფაკულტეტი. (სპეციალობა ტელე-რადიო ჟურნალისტიკა)
* * *
2002-2003 წ. ჟურნალი ,,თბილისელები", - ჟურნალისტი, (თბილისი)
2003 წ. ჟურნალი ,,კვირის ბოლო" - რედაქტორი, (თბილისი);
2003 წ. დედოფლისწყაროს ტელევიზიის ყოველდღიური საინფორმაციო პროგრამების ავტორი და ტელე-წამყვანი.
2004 წ. გაზეთ ,,ქიზიყის" მთ რედაქტორი;
2004-05 წ. რადიო ,,უნივერსი" (FM 103.9) საინფორმაციოს გამომშვები რედაქტორი, საპარლამენტო კორ. (თბილისი);
2005 წ. ,,პირველი რადიო" (FM 106.4) საინფორმაციო სამსახურის პროდიუსერი, საპარლამენტო კორ, (თბილისი);
2005-2007 წ. კახეთის რეგიონული გაზეთი ,,პროგრესი" (გურჯაანი) დედოფლისწყაროს ბიუროს რედაქტორი;
2005 წლიდან ,,თავისუფალი გაზეთი" კახეთის ბიუროს რედაქტორი.
2006 წ. ჟურნალი ,,რეალური სამყარო" - ჟურნალისტი; (თბილისი);
2007-2010 წ. გაზეთი ,,ვერსია" - ჟურნალისტი ; (თბილისი);
2007 წ. გაზეთი ,,კამარა" - ჟურნალისტი; (თბილისი);
2007 წლიდან ჟურნალ ,,ღია ბოქლომი"-ს აღმასრულებელი რედაქტორი;
2007 წლიდან დღემდე გაზეთ ,,საქართველოს რესპუბლიკა"-ს კახეთის კორ;
2008-09 ახალი ამბების სააგენტო CHN-ს გამომშვები რედაქტორი, (თბილისი);
2010 წ. გაზეთი "ალია" - ჟურნალისტი;
20010-11 წ. ყოველდღიური ინტერნეტ-გაზეთი "ქიზიყი" - გამომშვები რედაქტორი.
2010 წლიდან დღემდე ანალიტიკური ინტერნეტ-გაზეთი www.7days.ge (7 დღე) ჟურნალისტი (თბილისი)
2010 წ. გაზეთი "ქართული სიტყვა" - ჟურნალისტი (თბილისი);
2010 წლიდან დღემდე ახალი ამბების სააგენტო, ინტერნეტ-გაზეთი www.newsline.ge -ჟურნალისტი (თბილისი)
* * *
სხვადასხვა ქალაქებში, პროფესიული კუთხით, გავლილი აქვს არაერთი სახის ტრენინგ-სემინარები.

სასაზღვრო სამმართველო კიდევ ერთ სკანდალში გაეხვა

პარ

კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა

კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა
მრავალბინიანი საცხოვრებელი კორპუსების სახურავების გადახურვის სამუშაოები ქალაქ დედოფლისწყაროში რამდენიმე თვის წინ განხორციელდა, ამისთვის მუნიციპალური განვითარების ფონდმა 221 000 ლარი გამოყო. თუმცა, გაირკვა რომ პრობლემა სულაც არ მოგვარებულა. ახლად გადახურულ სახლებში სამუშაოების დასრულებიდან ორიოდ დღეში ინტენსიური წვიმების დროს მოსახლეობის დიდ ნაწილს სახლებში წყალი ჩაუვიდა და ზარალი მიადგა. განსაკუთრებულად რთული ვითარება იყო ქალაქის ცენტრალურ უბნებში, რუსთაველისა და სტალინის ქუჩებზე მდებარე მრავალბინიან საცხოვრებელ კორპუსებში. მოსახლეობა მუნიციპალიტეტის ხელმძღვანელებს სამუშაოების უხარისხოდ ჩატარებაში ადანაშაულებს.

გიული ალასანია ზემო მაჩხაანში ექსმინისტრ ჭიპაშვილის ოჯახში იმყოფებოდა


რისთვის ჩამოვიდა პრეზიდენტის დედა დედოფლისწყაროში და რატომ მიიყვანეს ნიკალას მუზეუმში შემოვლითი გზებით?!

სოფელი საქართველოში, სადაც 21-ე საუკუნე ჯერ არ დამდგარა და სადაც პრეზიდენტის დედამ ეს ვერ იგრძნო

სოფელი ზემო მაჩხაანი - არ გეგონოთ, რომ პატარა, უმნიშვნელო დასახლება იყოს. ძალიან დიდი სოფელია, სიღნაღიდან, სიყვარულისა და თანამედროვე სტანდარტების ქალაქიდან, სულ რამდენიმე კილომეტრში, სიმაღლით – მის დონეზე, მის მოპირდაპირე მთაზე შეფენილი, ნიკო ფიროსმანის დედის სოფელი (თავად ფიროსმანის მირზაანიც ამ სოფლის ფაქტობრივი გაგრძელებაა), მიხეილ ჯავახიშვილის დევნილობაში მყოფი ოჯახის თავშესაფარი, ნიკო ყიასაშვილის დაბადების ადგილი. თუმცა ამას რა მნიშვნელობა აქვს. სოფელში ხალხი ცხოვრობს, თანაც, ასობით, და ელექტროენერგიას ისინიც იმავე მიზნით მოიხმარენ, როგორც ჩვენ. დიახ, ცხადია, სოფელს ჰყავს გამგებელი, დეპუტატი – რაიონულ საკრებულოში, მაგრამ, როგორც ამ სოფლის მკვიდრები ამბობენ, ისინი ადგილობრივების პრობლემებით მხოლოდ წინასაარჩევნო პერიოდებში ინტერესდებიან. ჩვენ პირობა მივეცით ამ სოფლის მოსახლეობას, რომ დავიწყებთ ვრცელ ჟურნალისტურ მოკვლევას პრობლემების შესასწავლად. იქამდე კი შევასრულეთ მათი თხოვნა დ იმ მიზეზების გარკვევა ვცადეთ, რომელთა გამო ადამიანები 21-ე საუკუნეში უშუქოდ ატარებენ დღეებს. www.7days.ge

გაზეთი "ახალი 7 დღე" - იხილეთ სტატია ვრცლად>>

სტიქიით დაზარალებულთათვის გამგეობამ მხოლოდ 150 ათასი ლარი გაითვალისწინა


დედოფლისწყაროში სტიქიით მიყენებული ზარალის შემსწავლელი კომისიის თავმჯდომარე ალექსანდრე ალუღიშვილი ამბობს, რომ ბიუჯეტიდან 150 ათასი ლარი გამოიყოფა.
როგორც ინტერნეტ-გაზეთ ქიზიყს დედოფლისწყაროს გამგეობიდან აცნობეს, სპეციალურ კომისიაში მუნიციპალიტეტის ზედამხედველობისა და ინფრასტრუქტურის სამსახურის თანამშრომლები, ასევე სოციალური სამსახურის უფროსი დავით ხიხაძე და მუნიციპალიტეტის გამგებელი ნუკრი შანშიაშვილი შედიან.
ქიზიყმა კომისიის თავმჯდომარისა და წევრების ვინაობა ორკვირიანი მცდელობის შემდეგ გაარკვია, მანამდე კომისიაზე საუბარს რატომღაც ყველა თავს არიდებდა.
დედოფლისწყაროს გამგეობის აპარატის უფროსი ნინო ჩოხელი ქიზიყთან საუბრისას აცხადებს, რომ კომისიის შექმნის თაობაზე ოფიციალური ბრძანება ჯერ არ დაწერილა, თუმცა კომისია სტიქიის დღიდანვე მუშაობს.

შეგახსენებთ, 16-17 ივლისს ქალაქი დედოფლისწყარო და სოფელი წითელწყარო ძლიერმა წვიმამ დააზარალა. მოვარდნილმა ღვარცოფმა 110-ზე მეტი საცხოვრებელი ბინა დატბორა. დაიხოცა შინაური ფრინველი და პირუტყვი. ზოგიერთის ბინა საცხოვრებლად სახიფათო გახდა. დედოფლისწყაროელები მუნიციპალიტეტის ხელმძღვანელობას უყურადღებობაში ადანაშაულებენ და დახმარებას ითხოვენ. დამცირებული მოსახლეობა წუხს, რომ გამგეობის ინფრასტრუქტურის სამსახურის უფროსმა დავით ჯიბღაშვილმა დახმარების ნაცვლად დაზარალებულების დაცინვა და მასხრად აგდება დაიწყო. ადგილობრივები ჯიბღაშვილს უზრდელად და თანამდებობისთვის შეუფერებლად მოიხსენიებენ. /ქიზიყი/ თამილა გურაშვილი

ქიზიყის ვიდეო-რგოლი

Общее·количество·просмотров·страницы