среда, 9 июня 2010 г.

შეძლებს თუ არა გოდერძი აბულაშვილი ოპოზიციური ჭაპანის ეულად ზიდვას და რატომ დგება მისი ოპოციციონერობის საკითხი კითხვის ნიშნის ქვეშ?!...

დედოფლისწყაროში ახალ საკრებულოს ერთადერთი ოპოზიციური დეპუტატი ჰყავს, ისიც ხელისუფლების სატელიტად შერაცხულ ქრისტიან-დემოკრატიული მოძრაობიდან. სიტყვა ოპოზიციონერი, ალბათ, ბრჭყალებში უნდა დაიწეროს, რადგან გოდერძი აბულაშვილს ხელისუფლების მიერ ჩასმულ კადრად თავიდანვე მოიხსენიებდნენ. მითქმა-მოთქმა მაშინვე დაიწყო, როცა ქრისტიან-დემოკრატიული მოძრაობის დედოფლისწყაროს ორგანიზაციის ხელმძღვანელად აბულაშვილი დაინიშნა.

მაშ ასე, დეტალურად განვიხილოთ მისი ფიგურა. ვინ არის აბულაშვილი და რატომ გაჩნდა მის ირგვლივ არაერთგვაროვანი ეჭვები?
ვარდების რევოლუციამდე გოდერძი აბულაშვილი დედოფლისწყაროს გამგეობის მაღალჩინოსანი იყო. გარდა იმისა, რომ 2003 წლის საპარლამენტო არჩევნებზე ის მოქალაქეთა კავშირის დედოფლისწყაროს ორგანიზაციას ხელმძღვანელობდა, ბოლო დროს ის რაიონის გამგებლის ვაჟა ქადაგიძის მოადგილეც გახლდათ. თანამდებობას სწორედ ვარდების რევოლუციის შემდეგ ნაციონალების წყალობით გამოეთხოვა. თუმცა, სამართლიანობა მოითხოვს ისიც აღინიშნოს, რომ გათავისუფლებიდან დღემდე აბულაშვილი არსად გამოჩენილა და არც პოლიტიკური აქტივობა გამოუჩენია. ექვსი წლის მანძილზე მისგან არც ოპოზიციური განცხადებები ახსოვს ვინმეს. ერთი სიტყვით, შეიძლება თამამად ითქვას, ამ უკანასკნელმა პოლიტიკური ტაიმ-აუტი აიღო და ამ ხნის მანძილზე არასოდეს უაქტიურია.
სახელისუფლებო გუნდში მოიაზრება აბულაშვილის მეუღლე ეთერ ფიცხელაურიც, რომელიც ამ დრომდე დედოფლისწყაროს საგანმანათლებლო რესურს-ცენტრში მუშაობს...
სწორედ ამიტომაც, 2010 წლის ადგილობრივ არჩევნებამდე რამდენიმე თვით ადრე, როცა აბულაშვილი ისევ გამოჩნდა და პირდაპირ ქრისტიან-დემოკრატების ხელმძღვანელი გახდა, დედოფლისწყაროში აქტიურად ალაპარაკდნენ, რომ თარგამაძის პარტიის სამართავად ხელისუფლებამ ამ მოძრაობაშიც სასურველი კადრი ჩასვა. ეჭვები სულ მალე დადასტურდა და გოდერძი აბულაშვილმა რეალური სახე მას შემდეგ გამოაჩინა, როცა არჩევნებამდე ერთი თვით ადრე პარტიული სია წარმოადგინა.
13 კაციან სიაში მოსახლეობას ჭეშმარიტად ოპოზიციურად განწყობილი კადრის პოვნა გაუჭირდა და ამიტომაც ვრცელდებოდა მოსაზრებები, რომ დედოფლისწყაროში ქრისტიან-დემოკრატიული მოძრაობა მთლიანად სახელისუფლებო კანდიდატებით დაკომპლექტდა!... სიაში ბევრი საეჭვო გარემოების აღმოჩენა შეიძლებოდა, რაზეც გაზეთი ქიზიყი ყურადღებას მუდმივად ამახვილებდა.
ნიშანდობლივია, რომ პარტიის შიგნით არსებული განხეთქილების შესახებ თავდაპირველად სწორედ აბულაშვილის თანაგუნდელები ალაპარაკდნენ.
მაგალითად, დედოფლისწყაროს #1 სკოლის ყოფილი დირექტორი თენგიზ ტუხაშვილი, რომელიც ამავე სიის მეოთხე ნომერია, აბულაშვილს ხელისუფლებასთან გარიგებაში ადანაშაულებს და მიიჩნევს, რომ ეს პარტია ხელისუფლებას მთლიანად შეეკრა და თავად ხელიც ამიტომ ჩაიქნია. მისი თქმით, ყველაფერში დამნაშავე აბულაშვილია.

პარტიის შიგნითაც არ მალავენ, რომ ბოლო დრომდე მეორე ნომრად ია ჯანაშვილის ჩაწერა იგეგმებოდა, თუმცა ჯანაშვილი ნაციონალების სასურველი კადრის ექს-ლეიბორისტის დავით ალუღიშვილის საკრებულოში გასაყვანად ჩამოაჩოჩეს.
სხვათაშორის, ალუღიშვილის მეორე ნომრად გაფორმებაც სუპერ სკანდალად შეიძლება ჩაითვალოს, რადგან ამ უკანასკნელის ადგილობრივ ხელისუფლებასთან ჩახუტების ამბავი დედოფლისწყაროში ბავშვმაც კი იცის. ის ოპოზიციონერად დიდი ხანია აღარ მოიაზრება. ყველაფრის მიუხედავად აბულაშვილი ამაში საეჭვოს ვერაფერს ხედავს, მითუმეტეს, რომ ალუღიშვილმა წინა შემთხვევებში პარტიის ხელმძღვანელების იმედები გააცრუა და მათგან გაყიდულის იარლიყი დაიმსახურა.
არჩევნების შედეგების გამოცხადების შემდეგ დედოფლისწყაროში ბევრს საუბრობენ, რომ ქრისტიან-დემოკრატების მიერ დედოფლისწყაროს ოლქში აღებული შედეგი ადგილობრივი ორგანიზაციის წევრების ავტორიტეტის დამსახურება სულაც არ გახლავთ და ეს პროცენტი დედოფლისწყაროელებმა თარგამაძე-გრიგოლიას სიყვარულით აჩვენეს.
ასეა თუ ისე, ახალი მოწვევის საკრებულოში ერთადერთი ოპოზიციონერი შევიდა, ისიც სახელით ოპოზიციონერი და არა შინაგანი მრწამსით. ამგვარ მოსაზრებას არ ეთანხმება თავად გოდერძი აბულაშვილი და თავს ხელისუფლებასთან დაახლოებულად სულაც არ მიიჩნევს. მის საქმიან ნაბიჯებშიც, რომელზეც სკანდალური ინფორმაციები ბოლო დროს მუდმივად ვრცელდებოდა, აბულაშვილი უცნაურს ვერაფერს ხედავს და თანაგუნდელების ბრალდებებიც ნაკლებად აღელვებს.

რამდენად უნდა ჰქონდეთ დედოფლისწყაროელებს ერთპარტიულ საკრებულოში ერთადერთ მერცხლად წარმოდგენილი აბულაშვილის იმედი და იქნება თუ არა ის ჭეშმარიტი ოპოზიციონერი, რამდენად შეძლებს ოპოზიციური დეპუტატის ჭაპანის დამოუკიდებლად ზიდვას? ხომ არ აჰყვება ხელისუფლების მაღალ სავარძლებს ჩამოშორებული აბულაშვილი ცდუნებას და წინამორბედების მსგავსად ჩაეხუტება თუ არა ისიც ადგილობრივ ნაციონალებს ამას მომავალში შევიტყობთ. (!) გაზეთი ქიზიყი კი ამ უკანასკნელის ნაბიჯებს, სხვების მსგავსად, გამადიდებელი ლუპის ქვეშ დააკვირდება და კვლავაც ყველაფრის სააშკარაოზე გამოტანას გეგმავს... /ქიზიყი/

P.S. ასე რომ, თუ ღმერთი გწამთ, არ გვიღალატო, ბიჭო, გოდერძი...

ილია მარტყოფლიშვილი

* * *

დედოფლისწყაროში ერთპარტიული საკრებულოს ახალი წევრების ვინაობა გაირკვა


წინა მოწვევის საკრებულოსგან განსხვავებით ახლა მხოლოდ ერთი ოპოზიციონერი დეპუტატი იქნება

30 მაისის ადგილობრივი თვითმმართველობის არჩევნების საბოლოო შედეგების მიხედვით დედოფლისწყაროს მუნიციპალიტეტის საკრებულოში 22 ადგილიდან 21-ს ანუ თითქმის 100%-ს ნაციონალური მოძრაობის წევრები დაიკავებენ.
როგორც ინტერნეტ-გაზეთ ქიზიყს დედოფლისწყაროს საოლქო საარჩევნო კომისიაში განუცხადეს, პროპორციული სისტემით 9 მანდატი მმართველ პარტიას ერგო. მხოლოდ 1 ოპოზიციური მანდატი ქრისტიან-დემოკრატების ადგილობრივ ხელმძღვანელს გოდერძი აბულაშვილს შეხვდა.
საერთო ჯამში ნაციონალურმა მოძრაობამ 77,15% მოაგროვა, რაც 9 070 ხმას შეადგენს; ქრისტიან დემოკრატებმა კი 9,91% რაც 1 165 ხმას უდრის.
საყურადღებოა ერთი მნიშვნელოვანი დეტალიც: ბლოკებმა ეროვნულმა საბჭომ და ალიანსი საქართველოსთვის 5%-იანი ბარიერის გადალახვა ვერ შეძლეს, ამიტომ ახალ საკრებულოში მათ არცერთი წარმომადგენელი არ ეყოლებათ.
პროპორციული სისტემით დედოფლისწყაროს საკრებულოს წევრთა სია ასე გამოიყურება:
1. ბაღაშვილი ლევანი (ნაც. მოძრაობა)
2. ტოკლიკიშვილი ნანი (ნაც. მოძრაობა)
3. ფიროსმანაშვილი ზაზა (ნაც. მოძრაობა)
4. ჯამალაშვილი ლევანი (ნაც. მოძრაობა)
5. ლაპიაშვილი ივანე (ნაც. მოძრაობა)
6. ჯანაშვილი ემზარი (ნაც. მოძრაობა)
7. მჭდედლიშვილი ლევანი (ნაც. მოძრაობა)
8. ნატროშვილი გურამი (ნაც. მოძრაობა)
9. ოზაშვილი მურადი (ნაც. მოძრაობა)
10. აბულაშვილი გოდერძი (ქრისტიან-დემოკრატები)

მაჟორიტარული სისტემით დედოფლისწყაროს 12-ივე ოლქი ნაციონალურმა მოძრაობამ მოიგო. ტერიტორიული ორგანოებიდან საკრებულოს მაჟორიტარ დეპუტატთა სია ასეთია:

ქ. დ/წყარო - ნატროშვილი ლევანი ნაც. მოძრაობა
არბოშიკი - ბაღაშვილი ნუკრი ნაც. მოძრაობა
არხილოსკალო - წიკლაური მალხაზი ნაც. მოძრაობა
გამარჯვება - ნატროშვილი ვეფხია ნაც. მოძრაობა
ზემო მაჩხაანი - ნატროშვილი ივანე ნაც. მოძრაობა
ზემო ქედი - ნაროზაურლი დავითი ნაც. მოძრაობა
ოზაანი - ქურხულიშვილი ტრისტანი ნაც. მოძრაობა
სამთაწყარო - შაინიძე ავთანდილი ნაც. მოძრაობა
ქვემო ქედი - შიოლაშვილი ზაზა ნაც. მოძრაობა
საბათლო - ჩოვუშიანი ვასილი ნაც. მოძრაობა
წითელი წყარო - თეთრაული გელა ნაც. მოძრაობა
ჯაფარიძე - ტალიაშვილი ილია ნაც. მოძრაობა

საკრებულოს ახალი დეპუტატების წარსულის გაზეთი ქიზიყი უახლოეს მომავალში ვრცლად მიმოიხილავს. თუმცა, გასულ წელს, როცა დედოფლისწყაროს საკრებულოში 4 ოპოზიციონერი დეპუტატი მუშაობდა არცთუ დადებითად ფასდებოდა და ახლა, როცა დეპუტატების თითქმის 100% მმართველი პარტიის წარმომადგენელია და ოპოზიციის წარმომადგენლები საერთოდ არ გააჭაჭანეს, ადგილობრივები ახალი მოწვევის საკრებულოს არცთუ იმედის თვალით უყურებენ./ქიზიყი/

Комментариев нет:

Отправить комментарий

წელს კახეთს სოფლის დახმარების პროგრამის ფარგლებში 6 მილიონზე მეტი გამოეყოფა _ * _ * _ ორგანიზაცია “რეპორტიორები საზღვრებს გარეშე” 2011 წლის ანგარიშის მიხედვით, საქართველოში პრესის თავისუფლების მაჩვენებელი წინა წელთან შედარებით დაეცა და გასული წლის 100-ე ადგილიდან 105-ზე გადაინაცვლა. ამდენად, საქართველო რეგიონში პრესის თავისუფლების მხრივ ლიდერი აღარაა. _ * _ * _ 2012 წელს ხორბლის ფასი სავარაუდოდ, მაღალი იქნება _ * _ * _ საქართველო იმ ქვეყნების ათეულში ვერ მოხვდა, რომელიც 2012 წელს საუკეთსო ტურად ცხადდება _ * _ * _ „ადამიანის უფლებათა ცენტრის" ინფორმაციით, საქართველომ ევროპაში პატიმართა რაოდენობით პირველ ადგილზე გადაინაცვლა _ * _ * _ არჩევნების დანიშვნის დღიდან შედეგების შეჯამებამდე ბიუჯეტში მანამდე გაუთვალისწინებელი პროექტების განხორციელება აიკრძალა _ * _ * _ 2011 წლის 1 იანვრიდან 28 დეკემბრის ჩათვლით, კახეთის რეგიონში ხანძრის 852 შემთხვევაა დაფიქსირებული. სტატისტიკური მონაცემებით, ხანძრის ყველაზე მეტი - 224 შემთხვევა თელავის რაიონშია აღრიცხული - დედოფლისწყაროში კი 68. _ * _ * _ სიღნაღის და დედოფლისწყაროს რაიონებში მომუშავე ფერმერების თქმით, მდინარე ალაზანმა აზერბაიჯანის მხარეს წელს კიდევ 10 ჰექტარზე მეტი მიწა დატოვა. „ყველა უწყებას მივმართეთ თხოვნით, რომ მდინარე ალაზანზე ნაპირდაცვითი სამუშაოები ჩატარებულიყო, მაგრამ ყურადღება არავინ მოგვაქცია. მდინარეს განსაკუთრებით დიდი ოდენობით მიწა გაზაფხულზე მიაქვს, როცა ადიდებულია“, - აღნიშნეს ფერმერებმა. _ * _ * _ სპორტისა და ახალგაზრდობის საქმეთა სამინისტროს ხელშეწყობით და ბავშვთა და ახალგაზრდობის განვითარების ფონდის დაფინანსებით დედოფლისწყაროში დაფუძნდა ორი კავშირი: ,,ახალი სიტყვა – ახალგაზრდული ინიციატივა“ და „ახალი თაობა – ახლი იდეა“. მრავალპროფილიანი არასამთავრობოები, აპოლიტიკური, არასამეწარმეო იურიდიული პირებია, რომლებიც თავის რიგებში აერთიანებს სხვადასხვა სფეროთი დაინტერესებულ ახალგაზრდებს, რომელთაც სურთ მონაწილეობა მიიღონ ქვეყნის დემოკრატიულ განვითარებაში. _ * _ * _



















































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































"ქიზიყის" მკითხველი ახალი ამბების გასაცნობად სხვა მისამართს უნდა ეწვიოს


ამიერიდან ეს გვერდი მუშაობას წყვეტს. ახალი ამბები შეგიძლიათ იხილოთ განახლებულ და გამარტივებულ ვებ-გვერდზე www.qiziyi.ge ამ გვერდზე, სადაც ახლა იმყოფებით, მხოლოდ აუდიო-რეპორტჟები და პროექტ „კვირის ბოლოს“ რადიოგადაცემების ჩანაწერები დაიდება. ტექსტური ამბების გასაცნობად კი ეწვიეთ ამ მისამართს. http://qiziyi.ge/

როგორც „ქიზიყის“ რედაქტორი ილია მარტყოფლიშვილი ამბობს, ახალ მისამართზე გაცილებით მეტი ინფორმაცია განთავსდება, ვიდრე აქამდე ხდებოდა. ინფორმაციების განახლების ინტენსივობა და ოპერატიულობაც გაუმჯობესდება. ძველ ვერსიაზე ამბები მხოლოდ იმ შემთხვევაში განახლდება, თუ ვებ-გვერდის ახალ ვერსიაზე ტექნიკური ხარვეზი შეიქმნება.

ასე რომ, აკრიფეთ ახალი მისამართი და გაიგეთ უფრო მეტი: http://qiziyi.ge/











.

ივანიშვილის პარტია დედოფლისწყაროელებს 2 ივნისს შეხვდება

ქართველი მეცენატის, ბიძინა ივანიშვილის კოალიცია „ქართული ოცნების“ მიერ 24 მაისს დედოფლისწყაროს მუნიციპალიტეტის მოსახლეობასთან დაგეგმილი შეხვდრა გადაიდო. პარტიის ლიდერების შეხვედრა დედოფლისწყაროს კულტურის სახლის შენობაში ხუთშაბათს იგეგმებოდა.

როგორც კოალიცია „ქართული ოცნების“ დედოფლისწყაროს შტაბის ხელმძღვანელმა ალექსანდრე თამაზაშვილმა „ქიზიყს“ განუცხადა, შეხვედრა კულტურის სახლის დარბაზში 2 ივნისს გაიმართება. მისი თქმით, შეხვედრის გადადება თბილისში 27 მაისს დაგეგმილმა აქციამ განაპირობა.

ლექსო თამაზაშვილის განცხადებით, თავდაპირველად დედოფლისწყაროში დარბაზის დაქირავებაზე დაბრკოლება შეექმნათ, თუმცა საბოლოო ჯამში მუნიციპალიტეტის კულტურისა და სპორტის ცენტრმა ხელშეკრულების გაფორმებაზე თანხმობა განაცხადა:

„უარის შემთხვევაში სხვა ალტერნატიული ვარიანტებიც გვქონდა, თუმცა საბოლოო ჯამში დაგვთანხმდნენ. არ ვიცი რატომ, მაგრამ ფაქტია, რომ დარბაზი დაგვითმეს,“ - აცხადებს თამაზაშვილი.

დედოფლისწყაროს კულტურისა და სპორტის ცენტრის უფროსი ვანო შანშიაშვილი „ქიზიყთან“ საუბარში ადასტურებს, რომ 24 მაისისთვის კოალიციასთან ხელშეკრულება უკვე დადებულია. ის ამბობს, რომ დარბაზის დაქირავებნაზე ივანიშვილის პოლიტიკურ ჯგუფს მათი მხრიდან პრობლემა არ შექმნია.

„ქართული ოცნების“ წარმომადგენლები დედოფლისწყაროელებს შეხვედრაზე დასწრებისკენ მოუწოდებენ. /ქიზიყი/


ილია მარტყოფლიშვილი CV

დაიბადა 28.04.1984, ქალაქ დედოფლისწყაროში. 2006 წელს დაამთავრა თსუ ჟურნალისტიკის ფაკულტეტი. (სპეციალობა ტელე-რადიო ჟურნალისტიკა)
* * *
2002-2003 წ. ჟურნალი ,,თბილისელები", - ჟურნალისტი, (თბილისი)
2003 წ. ჟურნალი ,,კვირის ბოლო" - რედაქტორი, (თბილისი);
2003 წ. დედოფლისწყაროს ტელევიზიის ყოველდღიური საინფორმაციო პროგრამების ავტორი და ტელე-წამყვანი.
2004 წ. გაზეთ ,,ქიზიყის" მთ რედაქტორი;
2004-05 წ. რადიო ,,უნივერსი" (FM 103.9) საინფორმაციოს გამომშვები რედაქტორი, საპარლამენტო კორ. (თბილისი);
2005 წ. ,,პირველი რადიო" (FM 106.4) საინფორმაციო სამსახურის პროდიუსერი, საპარლამენტო კორ, (თბილისი);
2005-2007 წ. კახეთის რეგიონული გაზეთი ,,პროგრესი" (გურჯაანი) დედოფლისწყაროს ბიუროს რედაქტორი;
2005 წლიდან ,,თავისუფალი გაზეთი" კახეთის ბიუროს რედაქტორი.
2006 წ. ჟურნალი ,,რეალური სამყარო" - ჟურნალისტი; (თბილისი);
2007-2010 წ. გაზეთი ,,ვერსია" - ჟურნალისტი ; (თბილისი);
2007 წ. გაზეთი ,,კამარა" - ჟურნალისტი; (თბილისი);
2007 წლიდან ჟურნალ ,,ღია ბოქლომი"-ს აღმასრულებელი რედაქტორი;
2007 წლიდან დღემდე გაზეთ ,,საქართველოს რესპუბლიკა"-ს კახეთის კორ;
2008-09 ახალი ამბების სააგენტო CHN-ს გამომშვები რედაქტორი, (თბილისი);
2010 წ. გაზეთი "ალია" - ჟურნალისტი;
20010-11 წ. ყოველდღიური ინტერნეტ-გაზეთი "ქიზიყი" - გამომშვები რედაქტორი.
2010 წლიდან დღემდე ანალიტიკური ინტერნეტ-გაზეთი www.7days.ge (7 დღე) ჟურნალისტი (თბილისი)
2010 წ. გაზეთი "ქართული სიტყვა" - ჟურნალისტი (თბილისი);
2010 წლიდან დღემდე ახალი ამბების სააგენტო, ინტერნეტ-გაზეთი www.newsline.ge -ჟურნალისტი (თბილისი)
* * *
სხვადასხვა ქალაქებში, პროფესიული კუთხით, გავლილი აქვს არაერთი სახის ტრენინგ-სემინარები.


სასაზღვრო სამმართველო კიდევ ერთ სკანდალში გაეხვა

პარ


კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა

კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა
მრავალბინიანი საცხოვრებელი კორპუსების სახურავების გადახურვის სამუშაოები ქალაქ დედოფლისწყაროში რამდენიმე თვის წინ განხორციელდა, ამისთვის მუნიციპალური განვითარების ფონდმა 221 000 ლარი გამოყო. თუმცა, გაირკვა რომ პრობლემა სულაც არ მოგვარებულა. ახლად გადახურულ სახლებში სამუშაოების დასრულებიდან ორიოდ დღეში ინტენსიური წვიმების დროს მოსახლეობის დიდ ნაწილს სახლებში წყალი ჩაუვიდა და ზარალი მიადგა. განსაკუთრებულად რთული ვითარება იყო ქალაქის ცენტრალურ უბნებში, რუსთაველისა და სტალინის ქუჩებზე მდებარე მრავალბინიან საცხოვრებელ კორპუსებში. მოსახლეობა მუნიციპალიტეტის ხელმძღვანელებს სამუშაოების უხარისხოდ ჩატარებაში ადანაშაულებს.

გიული ალასანია ზემო მაჩხაანში ექსმინისტრ ჭიპაშვილის ოჯახში იმყოფებოდა


რისთვის ჩამოვიდა პრეზიდენტის დედა დედოფლისწყაროში და რატომ მიიყვანეს ნიკალას მუზეუმში შემოვლითი გზებით?!

სოფელი საქართველოში, სადაც 21-ე საუკუნე ჯერ არ დამდგარა და სადაც პრეზიდენტის დედამ ეს ვერ იგრძნო

სოფელი ზემო მაჩხაანი - არ გეგონოთ, რომ პატარა, უმნიშვნელო დასახლება იყოს. ძალიან დიდი სოფელია, სიღნაღიდან, სიყვარულისა და თანამედროვე სტანდარტების ქალაქიდან, სულ რამდენიმე კილომეტრში, სიმაღლით – მის დონეზე, მის მოპირდაპირე მთაზე შეფენილი, ნიკო ფიროსმანის დედის სოფელი (თავად ფიროსმანის მირზაანიც ამ სოფლის ფაქტობრივი გაგრძელებაა), მიხეილ ჯავახიშვილის დევნილობაში მყოფი ოჯახის თავშესაფარი, ნიკო ყიასაშვილის დაბადების ადგილი. თუმცა ამას რა მნიშვნელობა აქვს. სოფელში ხალხი ცხოვრობს, თანაც, ასობით, და ელექტროენერგიას ისინიც იმავე მიზნით მოიხმარენ, როგორც ჩვენ. დიახ, ცხადია, სოფელს ჰყავს გამგებელი, დეპუტატი – რაიონულ საკრებულოში, მაგრამ, როგორც ამ სოფლის მკვიდრები ამბობენ, ისინი ადგილობრივების პრობლემებით მხოლოდ წინასაარჩევნო პერიოდებში ინტერესდებიან. ჩვენ პირობა მივეცით ამ სოფლის მოსახლეობას, რომ დავიწყებთ ვრცელ ჟურნალისტურ მოკვლევას პრობლემების შესასწავლად. იქამდე კი შევასრულეთ მათი თხოვნა დ იმ მიზეზების გარკვევა ვცადეთ, რომელთა გამო ადამიანები 21-ე საუკუნეში უშუქოდ ატარებენ დღეებს. www.7days.ge

გაზეთი "ახალი 7 დღე" - იხილეთ სტატია ვრცლად>>

სტიქიით დაზარალებულთათვის გამგეობამ მხოლოდ 150 ათასი ლარი გაითვალისწინა


დედოფლისწყაროში სტიქიით მიყენებული ზარალის შემსწავლელი კომისიის თავმჯდომარე ალექსანდრე ალუღიშვილი ამბობს, რომ ბიუჯეტიდან 150 ათასი ლარი გამოიყოფა.
როგორც ინტერნეტ-გაზეთ ქიზიყს დედოფლისწყაროს გამგეობიდან აცნობეს, სპეციალურ კომისიაში მუნიციპალიტეტის ზედამხედველობისა და ინფრასტრუქტურის სამსახურის თანამშრომლები, ასევე სოციალური სამსახურის უფროსი დავით ხიხაძე და მუნიციპალიტეტის გამგებელი ნუკრი შანშიაშვილი შედიან.
ქიზიყმა კომისიის თავმჯდომარისა და წევრების ვინაობა ორკვირიანი მცდელობის შემდეგ გაარკვია, მანამდე კომისიაზე საუბარს რატომღაც ყველა თავს არიდებდა.
დედოფლისწყაროს გამგეობის აპარატის უფროსი ნინო ჩოხელი ქიზიყთან საუბრისას აცხადებს, რომ კომისიის შექმნის თაობაზე ოფიციალური ბრძანება ჯერ არ დაწერილა, თუმცა კომისია სტიქიის დღიდანვე მუშაობს.

შეგახსენებთ, 16-17 ივლისს ქალაქი დედოფლისწყარო და სოფელი წითელწყარო ძლიერმა წვიმამ დააზარალა. მოვარდნილმა ღვარცოფმა 110-ზე მეტი საცხოვრებელი ბინა დატბორა. დაიხოცა შინაური ფრინველი და პირუტყვი. ზოგიერთის ბინა საცხოვრებლად სახიფათო გახდა. დედოფლისწყაროელები მუნიციპალიტეტის ხელმძღვანელობას უყურადღებობაში ადანაშაულებენ და დახმარებას ითხოვენ. დამცირებული მოსახლეობა წუხს, რომ გამგეობის ინფრასტრუქტურის სამსახურის უფროსმა დავით ჯიბღაშვილმა დახმარების ნაცვლად დაზარალებულების დაცინვა და მასხრად აგდება დაიწყო. ადგილობრივები ჯიბღაშვილს უზრდელად და თანამდებობისთვის შეუფერებლად მოიხსენიებენ. /ქიზიყი/ თამილა გურაშვილი

ქიზიყის ვიდეო-რგოლი

Общее·количество·просмотров·страницы