„თავისუფალი საქართველოს“ დედოფლისწყაროს ორგანიზაციის თავმჯდომარის თამილა გურაშვილის თქმით დედოფლისწყაროს პროკურატურამ პროკურორის შვილის შეურაცყოფისთვის სამ მცირეწლოვანს სასჯელი მიუსაჯა, ხოლო გაუპატიურების მცდელობაზე აღძრული სისხლის სამართლის საქმე შეწყვიტა. 2010 წლის ოქტომბრის თვეში სამი მცირეწლოვანი 17 წლის მამუკა ხიზანიშვილი, ლექსო გიგაური და გიგი გიგაური ხულიგნობის ბრალდებით დააკავეს და დედოფლისწყაროს სასამართლომ სამთვიანი წინასწარი პატიმრობა შეუფარდა მათ. შემდგომში ლექსო და გიგი გიგაურებმა გადაიხადეს 6-6 ათასი ლარი გირაო, ხოლო მამუკა ხიზანიშვილს შეუფარდეს 2000ლარი გირაო და 2წელი თავისუფლების აღკვეთა. ასევე გიგაურებს მიესაჯათ სამ-სამი წელი პირობითი სასჯელი.
აღსანიშნავია ის ფაქტი, რომ ეს ახალგაზდები იყვნენ წარმატებული სპორტსმენები და ბურთის გამო პროკურორის შვილთან შელაპარაკების გამო, ამ სამ ახალგაზდას დაუნგრიეს მომავალი. ამას წინათ როგორც პრესით და ტელევიზიით გახდა ცნობილი დედოფლისწყაროს საზღვრისპირა სოფელში მცხოვრები სამოცი წლის ი.ბ 13 წლის გოგონას გაუპატიურებაში დაადანაშაულეს, მაგრამ ადგილობრივი პოლიციის უფროსი გიორგი ბუნტური აღნიშნავს, რომ ეს საქმე პროკურატურამ მტკიცებულების არარსებობის გამო შეწყვიტაო. ასევე, აღსანიშნავია ის ფაქტი, რომ დედოფლისწყაროს ორივე პროკურორი, გოჩა ჯანყარაშვილი და დავით დუღაშვილი ბოლო 2 თვის განმავლობაში განთავისუფლებულ იქნენ სხვადასხვა დარღვევების გამო. 13წლის გოგონას დედა დ.ც აღნიშნავს, ისინი აპირებენ განცხადება შეიტანონ გენერალურ პროკურატურაში.
,,ჩვენთვის ექსპერტიზის პასუხი არავის ჩაუბარებია. ჩვენმა ოჯახმა დიდი მორალური ტრავმა მიიღო, პოლიციის რწმუნებულის იმედა თაგოშვილის არაობიექტურობის გამო ერთხელაც იქნება, რომ საშინელება მოხდება და ჩემი მეუღლე თავს ვეღარ შეიკავებს. აბა, პოლიციელების შვილებისთვის ეკადრებინათ ასეთი რამ? თუ რამ მოხდა, ვაცხადებ, რომ მთელი პასუხისმგებლობა დაეკისროს სამართალდამცველ ორგანოებს“, _ აცხადებს მოზარდის დედა.
“თავისუფალი საქართველო“ მოითხოვს, დაუყოვნებლივ აღიძრას სისხლის სამართლის საქმე გაუპატიურების მცდელობაზე. ამასთანავე მოვუწოდებ დედოფლისწყაროს სამართალდამცველებს, გამოიჩინონ ადამიანურობა და ობიექტურად მოეკიდნენ ამ საქმეს, წინააღმდეგ შემთხვევაში, საქმის გართულებისას მთელი პასუხისმგებლობა დაეკისროთ მათ. /ქიზიყი/
* * *
ხიდან ჩამოვარდნილი 64 წლის მამაკაცი გარდაიცვალა
ქალაქ დედოფლისწყაროში ბარათაშვილის ქუჩაზე მცხოვრები 64 წლის ლერი ნატროშვილი, რომელიც რამდენიმე დღის წინ ხიდან ჩამოვარდნის შემდეგ კატასტროფის ცენტრის ბრიგადამ დედოფლისწყაროდან თბილისში გადაიყვანა, 16 სექტემბერს გარდაიცვალა. ის ამ დრომდე ღუდუშაურის კლინიკაში მართვით სუნთქვაზე, უგონო მდგომარეობაში იმყოფებოდა.
მედიკოსების განცხადებით, მამაკაცს იმდენად მძიმე ტრავმები აღენიშნებოდა, მისი გადარჩენა შეუძლებელი გახდა: „ნატროშვილს თავი ჰქონდა გატეხილი, საკმაოდ მძიმე ტრავმები და დაჟეჟილობები იყო. ასევე ნეკნების მოტეხილობები აღენიშნებოდა. ძალიან მძიმე მდგომარეობაში იყო და პაციენტი სასწრაფოდ თბილისში გადავიყვანეთ. ჩავთვალეთ, რომ ადგილზე მკურნალობა დაუშვებელი იყო. კატასტროფის ცენტრიც ამიტომ გამოვიძახეთ,“ – აცხადებს დედოფლისწყაროს სასწრაფო–სამედიცინო დახმარების სამსახურის უფროსი ხათუნა ზურიკაშვილი.
უბედური შემთხვევა დედოფლისწყაროში მიმდინარე წლის 1 სექტემბერს მოხდა. მამაკაცი საკუთარ ეზოში მდებარე ხიდან ჩამოვარდა. გარდაცვლილი 18 სექტემბერს დედოფლისწყაროში დაკრძალეს. /ქიზიყი/
გამოხმაურება პრესაში: ჯეონიუსი>> ; ნიუსლაინი>>
Комментариев нет:
Отправить комментарий