понедельник, 1 августа 2011 г.

სხვის ჭერს შეფარებული...

დედოფლისწყაროს მუნიციპალიტეტის სოფელ არბოშიკში მცხოვრები 86 წლის მარტოხელა მარია ჯანაშვილი, რომელიც ავარიულ ბინაში ცხოვრობდა, რამდენიმე თვის წინ უსახლკაროდ დარჩა. მოძველებული შენობის გამაგრება მარტოხელა მოხუცმა ვერაფრით შეძლო, რის გამოც საცხოვრებელ სახლს ჯერ ჭერი ჩამოექცა, შემდეგ კი იქ ცხოვრება უკვე შეუძლებელი გახდა. ის იძულებული იყო ბინა მიეტოვებინა.
ახლობლებმა მოხუცი დედოფლისწყაროში გამოაბარგეს და ნაქირავებ ბინაში დააბინავეს. უყურადღებოდ მიტოვებული ეზო და ნანგრევებად ქცეული შენობა ნელ-ნელა ნაწილ-ნაწილ გაიძარცვა. ზარალის ასაცილებლად მარტოხელმა ქალმა სოფელ არბოშიკში, მისივე კუთვნილი ეზოს გაყიდვის გადაწყვეტილება მიიღო. აღებული თანხის ნაწილი უმალ მკურნალობაში შემოეხარჯა, ნაწილით ვალები გაისტუმრა და სულ მალე ცარიელ-ტარიელი სხვის ჭერს შეფარებული უსახლკაროდ დარჩა.
როგორც გაზეთმა "შირაქმა" გაარკვია, მოხუც ქალბატონს შვილიც ჰყავს, თუმცა ჯანაშვილი ირწმუნება, რომ უკანასკნელი 10 წლის მანძილზე მისი ერთადეთი ვაჟის შესახებ არაფერი სმენია და არც ის იცის, საზღვარგარეთ გადახვეწილი შვილი ცოცხალია თუ მკვდარი:
"10 წელი გავიდა მას შემდეგ, რაც ჩემი ვაჟი სამუშაოდ რუსეთში გაემგზავრა. მას შემდეგ მან ჩვენთან კონტაქტი გაწყვიტა. დავრჩი ასე მარტო და სრულიად უყურადღებოდ. ჩემი მომხედავი აღარავინაა. სახლიც დამენგრა და ღია ცის ქვეშ აღმოვჩნდი. მალევე ჩემი ეზოდან ყველაფერი დაიტაცეს, რაც რამ მოსაპარი იყო, ყველაფერი გაზიდეს, მხოლოდ ადგილი დამრჩა და სასწრაფოდ გავყიდე, სანამ უარეს დღეში ჩააგდებდნენ. ისეთ ვითარებაში აღმოვჩნდი, ყოველდღე თვითმკვლელობაზე ვფიქრობ, ცოტა მიკლია, რომ ყელი გამოვიჭრა. ასე ცას გამოკიდებული როდემდე ვიქნები? იქნებ რამენაირად დამეხმაროთ," - აცხადებს მარტოხელა ჯანაშვილი.
გაზეთ "შირაქის" ინფორმაციით, მარია ჯანაშვილი სოციალურად დაუცველთა კატეგორიას მიეკუთვნება და სიღატაკის დაძლევის სახელმწიფო პროგრამის ერთიან ბაზაშიც არის რეგისტრირებული. ჯანაშვილი ჩვენთან საუბარში არ მალავს, რომ ყოველთვიურ საარსებო შემწეობას იღებს, თუმცა იქვე იმასაც აღნიშნავს, რომ მიზერული თანხა არათუ კვებაში, აუცილებელი მედიკამენტების შესაძენადაც არ არის საკმარისი.
"სოფელ წითელწყაროში, ფორე მოსულიშვილის ქუჩაზე მდებარე ახლობლის ბინაში ვცხოვრობ. ქირაში გადასახდელი ფულიც არ მაქვს და არ ვიცი, რა მეშველება. თავის დროზე, ვიდრე ბინა დამენგრეოდა, დახმარება სოფლის რწმუნებულს, რობიზონ დათუკიშვილსაც ვთხოვე, მაგრამ უყურადღებოდ დამტოვა. ბინის გამაგრების თხოვნით გამგეობასაც მივმართე. მოვიდნენ, ვითარება ადგილზე შეამოწმეს, ოქმიც შეადგინეს, პროექტიც დაიწერა, 500 ლარი უნდა გამოეყოთ, მაგრამ აღარც ეს თანხა მოგვცეს და რადგან დამოუკიდებლად ბინის გამაგრება ვერ შევძელი მალევე დაინგრა ახლა კი სხვის ჭერქვეშ ვარ, წასასვლელი არსად მაქვს და დამხმარეც არავინ მყავს,"- აცხადებს ჯანაშვილი.
გაზეთი "შირაქი" სოფელ არბოშიკის ტერიტორიული ორგანოს რწმუნებულს რობიზონ დათუკიშვილს დაუკავშირდა და მარტოხელა მოხუცის გულისტკივილი გააცნო. რწმუნებული ამბობს, რომ კონკრეტულად არ ახსოვს, თუ რა საკითხზე მიმართა ჯანაშვილმა დახმარებისთვის, მაგრამ დათუკიშვილი ირწმუნება, რომ შესაძლებლობის ფარგლებში დაეხმარა: "ეს ქალბატონი ჩემი ყოფილი თანამშრომელია, წარსულში ერთად ვმუშაობდით და ცხადია, მას უყურადღებოდ არ დავტოვებდი. როგორც ვიცი, განცხადება გამგეობაში შეიტანა და მერე რა გადაწყვიტეს, აღარ მახსოვს. არა მგონია, რომ უკმაყოფილო დარჩენილიყო,"- აცხადებს სოფლის რწმუნებული.
მარტოხელა ქალბატონის პრობლემები დედოფლისწყაროს მუნიციპალიტეტის გამგეობის სოციალური სამსახურის ხელმძღვანელს ივანე ხელაშვილს გავაცანით. როგორც სოციალური სამსახურის უფროსმა გაზეთ "შირაქს" განუცხადა, მიმდინარე წლიდან ბინის გასამაგრებლად ადგილობრივ ბიუჯეტში გათვალისწინებული ერთჯერადი ფულადი დახმარების გაცემის წესი შეიცვალა. ხელაშვილი განმარტავს, რომ ერთჯერადი 500-ლარიანი დახმარების ნაცვლად 2011 წლიდან ამ კატეგორიის მოქალაქეთათვის გათვალისწინებულია ყოველთვიური ბინის ქირის, ასევე მოხმარებული ელექტროენერგიისა და სხვა ხარჯების ადგილობრივი ბიუჯეტიდან დაფინანსება. ასე რომ, ბინის სარეაბილიტაციოდ გათვალისწინებული ერთჯერადი ფულადი დახმარება მიმდინარე წლიდან ამ ღონისძიებებმა ჩაანაცვლა.
როგორც დედოფლისწყაროს გამგეობაში განმარტავენ, ამგვარი დახმარებით ჩვენს მუნიციპალიტეტში არაერთი ოჯახი უკვე სარგებლობს. მათი თქმით, ავარიულ ბინებში მცხოვრებ ოჯახებს შენობის რეაბილიტაციის ნაცვლად მუნიციპალიტეტის შესაბამისმა სამსახურებმა ბინის ქირით უზრუნველყოფა და მოხმარებული ელექტროენერგიის გადასახადის დაფარვა ყოველთვიურ რეჟიმში შესთავაზეს. ამ კატეგორიის ოჯახებმა ალტერნატიული საცხოვრებელი ფართი უკვე მოიძიეს და სიცოცხლისთვის უსაფრთხო ბინებში დაბინავდნენ.
86 წლის მარტოხელა მარო ჯანაშვილის განცხადება დედოფლისწყაროს მუნიციპალიტეტის გამგეობაში ჯერ არ შესულა. როგორც გამგეობის სოციალურ სამსახურში განმარტავენ, თუკი ჯანაშვილი გამგეობას დახმარების თხოვნით მიმართავს, ასეთ შემთხვევაში მუნიციპალიტეტი მზადაა, ყოველთვიურად ჩარიცხოს როგორც ქალბატონის ბინის ქირის, ასევე მოხმარებული ელექტროენერგიის საფასური.

ავტორი: ილია მარტყოფლიშვილი

Комментариев нет:

Отправить комментарий

წელს კახეთს სოფლის დახმარების პროგრამის ფარგლებში 6 მილიონზე მეტი გამოეყოფა _ * _ * _ ორგანიზაცია “რეპორტიორები საზღვრებს გარეშე” 2011 წლის ანგარიშის მიხედვით, საქართველოში პრესის თავისუფლების მაჩვენებელი წინა წელთან შედარებით დაეცა და გასული წლის 100-ე ადგილიდან 105-ზე გადაინაცვლა. ამდენად, საქართველო რეგიონში პრესის თავისუფლების მხრივ ლიდერი აღარაა. _ * _ * _ 2012 წელს ხორბლის ფასი სავარაუდოდ, მაღალი იქნება _ * _ * _ საქართველო იმ ქვეყნების ათეულში ვერ მოხვდა, რომელიც 2012 წელს საუკეთსო ტურად ცხადდება _ * _ * _ „ადამიანის უფლებათა ცენტრის" ინფორმაციით, საქართველომ ევროპაში პატიმართა რაოდენობით პირველ ადგილზე გადაინაცვლა _ * _ * _ არჩევნების დანიშვნის დღიდან შედეგების შეჯამებამდე ბიუჯეტში მანამდე გაუთვალისწინებელი პროექტების განხორციელება აიკრძალა _ * _ * _ 2011 წლის 1 იანვრიდან 28 დეკემბრის ჩათვლით, კახეთის რეგიონში ხანძრის 852 შემთხვევაა დაფიქსირებული. სტატისტიკური მონაცემებით, ხანძრის ყველაზე მეტი - 224 შემთხვევა თელავის რაიონშია აღრიცხული - დედოფლისწყაროში კი 68. _ * _ * _ სიღნაღის და დედოფლისწყაროს რაიონებში მომუშავე ფერმერების თქმით, მდინარე ალაზანმა აზერბაიჯანის მხარეს წელს კიდევ 10 ჰექტარზე მეტი მიწა დატოვა. „ყველა უწყებას მივმართეთ თხოვნით, რომ მდინარე ალაზანზე ნაპირდაცვითი სამუშაოები ჩატარებულიყო, მაგრამ ყურადღება არავინ მოგვაქცია. მდინარეს განსაკუთრებით დიდი ოდენობით მიწა გაზაფხულზე მიაქვს, როცა ადიდებულია“, - აღნიშნეს ფერმერებმა. _ * _ * _ სპორტისა და ახალგაზრდობის საქმეთა სამინისტროს ხელშეწყობით და ბავშვთა და ახალგაზრდობის განვითარების ფონდის დაფინანსებით დედოფლისწყაროში დაფუძნდა ორი კავშირი: ,,ახალი სიტყვა – ახალგაზრდული ინიციატივა“ და „ახალი თაობა – ახლი იდეა“. მრავალპროფილიანი არასამთავრობოები, აპოლიტიკური, არასამეწარმეო იურიდიული პირებია, რომლებიც თავის რიგებში აერთიანებს სხვადასხვა სფეროთი დაინტერესებულ ახალგაზრდებს, რომელთაც სურთ მონაწილეობა მიიღონ ქვეყნის დემოკრატიულ განვითარებაში. _ * _ * _



















































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































































"ქიზიყის" მკითხველი ახალი ამბების გასაცნობად სხვა მისამართს უნდა ეწვიოს


ამიერიდან ეს გვერდი მუშაობას წყვეტს. ახალი ამბები შეგიძლიათ იხილოთ განახლებულ და გამარტივებულ ვებ-გვერდზე www.qiziyi.ge ამ გვერდზე, სადაც ახლა იმყოფებით, მხოლოდ აუდიო-რეპორტჟები და პროექტ „კვირის ბოლოს“ რადიოგადაცემების ჩანაწერები დაიდება. ტექსტური ამბების გასაცნობად კი ეწვიეთ ამ მისამართს. http://qiziyi.ge/

როგორც „ქიზიყის“ რედაქტორი ილია მარტყოფლიშვილი ამბობს, ახალ მისამართზე გაცილებით მეტი ინფორმაცია განთავსდება, ვიდრე აქამდე ხდებოდა. ინფორმაციების განახლების ინტენსივობა და ოპერატიულობაც გაუმჯობესდება. ძველ ვერსიაზე ამბები მხოლოდ იმ შემთხვევაში განახლდება, თუ ვებ-გვერდის ახალ ვერსიაზე ტექნიკური ხარვეზი შეიქმნება.

ასე რომ, აკრიფეთ ახალი მისამართი და გაიგეთ უფრო მეტი: http://qiziyi.ge/











.

ივანიშვილის პარტია დედოფლისწყაროელებს 2 ივნისს შეხვდება

ქართველი მეცენატის, ბიძინა ივანიშვილის კოალიცია „ქართული ოცნების“ მიერ 24 მაისს დედოფლისწყაროს მუნიციპალიტეტის მოსახლეობასთან დაგეგმილი შეხვდრა გადაიდო. პარტიის ლიდერების შეხვედრა დედოფლისწყაროს კულტურის სახლის შენობაში ხუთშაბათს იგეგმებოდა.

როგორც კოალიცია „ქართული ოცნების“ დედოფლისწყაროს შტაბის ხელმძღვანელმა ალექსანდრე თამაზაშვილმა „ქიზიყს“ განუცხადა, შეხვედრა კულტურის სახლის დარბაზში 2 ივნისს გაიმართება. მისი თქმით, შეხვედრის გადადება თბილისში 27 მაისს დაგეგმილმა აქციამ განაპირობა.

ლექსო თამაზაშვილის განცხადებით, თავდაპირველად დედოფლისწყაროში დარბაზის დაქირავებაზე დაბრკოლება შეექმნათ, თუმცა საბოლოო ჯამში მუნიციპალიტეტის კულტურისა და სპორტის ცენტრმა ხელშეკრულების გაფორმებაზე თანხმობა განაცხადა:

„უარის შემთხვევაში სხვა ალტერნატიული ვარიანტებიც გვქონდა, თუმცა საბოლოო ჯამში დაგვთანხმდნენ. არ ვიცი რატომ, მაგრამ ფაქტია, რომ დარბაზი დაგვითმეს,“ - აცხადებს თამაზაშვილი.

დედოფლისწყაროს კულტურისა და სპორტის ცენტრის უფროსი ვანო შანშიაშვილი „ქიზიყთან“ საუბარში ადასტურებს, რომ 24 მაისისთვის კოალიციასთან ხელშეკრულება უკვე დადებულია. ის ამბობს, რომ დარბაზის დაქირავებნაზე ივანიშვილის პოლიტიკურ ჯგუფს მათი მხრიდან პრობლემა არ შექმნია.

„ქართული ოცნების“ წარმომადგენლები დედოფლისწყაროელებს შეხვედრაზე დასწრებისკენ მოუწოდებენ. /ქიზიყი/


ილია მარტყოფლიშვილი CV

დაიბადა 28.04.1984, ქალაქ დედოფლისწყაროში. 2006 წელს დაამთავრა თსუ ჟურნალისტიკის ფაკულტეტი. (სპეციალობა ტელე-რადიო ჟურნალისტიკა)
* * *
2002-2003 წ. ჟურნალი ,,თბილისელები", - ჟურნალისტი, (თბილისი)
2003 წ. ჟურნალი ,,კვირის ბოლო" - რედაქტორი, (თბილისი);
2003 წ. დედოფლისწყაროს ტელევიზიის ყოველდღიური საინფორმაციო პროგრამების ავტორი და ტელე-წამყვანი.
2004 წ. გაზეთ ,,ქიზიყის" მთ რედაქტორი;
2004-05 წ. რადიო ,,უნივერსი" (FM 103.9) საინფორმაციოს გამომშვები რედაქტორი, საპარლამენტო კორ. (თბილისი);
2005 წ. ,,პირველი რადიო" (FM 106.4) საინფორმაციო სამსახურის პროდიუსერი, საპარლამენტო კორ, (თბილისი);
2005-2007 წ. კახეთის რეგიონული გაზეთი ,,პროგრესი" (გურჯაანი) დედოფლისწყაროს ბიუროს რედაქტორი;
2005 წლიდან ,,თავისუფალი გაზეთი" კახეთის ბიუროს რედაქტორი.
2006 წ. ჟურნალი ,,რეალური სამყარო" - ჟურნალისტი; (თბილისი);
2007-2010 წ. გაზეთი ,,ვერსია" - ჟურნალისტი ; (თბილისი);
2007 წ. გაზეთი ,,კამარა" - ჟურნალისტი; (თბილისი);
2007 წლიდან ჟურნალ ,,ღია ბოქლომი"-ს აღმასრულებელი რედაქტორი;
2007 წლიდან დღემდე გაზეთ ,,საქართველოს რესპუბლიკა"-ს კახეთის კორ;
2008-09 ახალი ამბების სააგენტო CHN-ს გამომშვები რედაქტორი, (თბილისი);
2010 წ. გაზეთი "ალია" - ჟურნალისტი;
20010-11 წ. ყოველდღიური ინტერნეტ-გაზეთი "ქიზიყი" - გამომშვები რედაქტორი.
2010 წლიდან დღემდე ანალიტიკური ინტერნეტ-გაზეთი www.7days.ge (7 დღე) ჟურნალისტი (თბილისი)
2010 წ. გაზეთი "ქართული სიტყვა" - ჟურნალისტი (თბილისი);
2010 წლიდან დღემდე ახალი ამბების სააგენტო, ინტერნეტ-გაზეთი www.newsline.ge -ჟურნალისტი (თბილისი)
* * *
სხვადასხვა ქალაქებში, პროფესიული კუთხით, გავლილი აქვს არაერთი სახის ტრენინგ-სემინარები.


სასაზღვრო სამმართველო კიდევ ერთ სკანდალში გაეხვა

პარ


კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა

კომპანია, რომელმაც დედოფლისწყაროს მრავალბინიანი კორპუსები გადახურა 110 719 ლარით დაჯარიმდა
მრავალბინიანი საცხოვრებელი კორპუსების სახურავების გადახურვის სამუშაოები ქალაქ დედოფლისწყაროში რამდენიმე თვის წინ განხორციელდა, ამისთვის მუნიციპალური განვითარების ფონდმა 221 000 ლარი გამოყო. თუმცა, გაირკვა რომ პრობლემა სულაც არ მოგვარებულა. ახლად გადახურულ სახლებში სამუშაოების დასრულებიდან ორიოდ დღეში ინტენსიური წვიმების დროს მოსახლეობის დიდ ნაწილს სახლებში წყალი ჩაუვიდა და ზარალი მიადგა. განსაკუთრებულად რთული ვითარება იყო ქალაქის ცენტრალურ უბნებში, რუსთაველისა და სტალინის ქუჩებზე მდებარე მრავალბინიან საცხოვრებელ კორპუსებში. მოსახლეობა მუნიციპალიტეტის ხელმძღვანელებს სამუშაოების უხარისხოდ ჩატარებაში ადანაშაულებს.

გიული ალასანია ზემო მაჩხაანში ექსმინისტრ ჭიპაშვილის ოჯახში იმყოფებოდა


რისთვის ჩამოვიდა პრეზიდენტის დედა დედოფლისწყაროში და რატომ მიიყვანეს ნიკალას მუზეუმში შემოვლითი გზებით?!

სოფელი საქართველოში, სადაც 21-ე საუკუნე ჯერ არ დამდგარა და სადაც პრეზიდენტის დედამ ეს ვერ იგრძნო

სოფელი ზემო მაჩხაანი - არ გეგონოთ, რომ პატარა, უმნიშვნელო დასახლება იყოს. ძალიან დიდი სოფელია, სიღნაღიდან, სიყვარულისა და თანამედროვე სტანდარტების ქალაქიდან, სულ რამდენიმე კილომეტრში, სიმაღლით – მის დონეზე, მის მოპირდაპირე მთაზე შეფენილი, ნიკო ფიროსმანის დედის სოფელი (თავად ფიროსმანის მირზაანიც ამ სოფლის ფაქტობრივი გაგრძელებაა), მიხეილ ჯავახიშვილის დევნილობაში მყოფი ოჯახის თავშესაფარი, ნიკო ყიასაშვილის დაბადების ადგილი. თუმცა ამას რა მნიშვნელობა აქვს. სოფელში ხალხი ცხოვრობს, თანაც, ასობით, და ელექტროენერგიას ისინიც იმავე მიზნით მოიხმარენ, როგორც ჩვენ. დიახ, ცხადია, სოფელს ჰყავს გამგებელი, დეპუტატი – რაიონულ საკრებულოში, მაგრამ, როგორც ამ სოფლის მკვიდრები ამბობენ, ისინი ადგილობრივების პრობლემებით მხოლოდ წინასაარჩევნო პერიოდებში ინტერესდებიან. ჩვენ პირობა მივეცით ამ სოფლის მოსახლეობას, რომ დავიწყებთ ვრცელ ჟურნალისტურ მოკვლევას პრობლემების შესასწავლად. იქამდე კი შევასრულეთ მათი თხოვნა დ იმ მიზეზების გარკვევა ვცადეთ, რომელთა გამო ადამიანები 21-ე საუკუნეში უშუქოდ ატარებენ დღეებს. www.7days.ge

გაზეთი "ახალი 7 დღე" - იხილეთ სტატია ვრცლად>>

სტიქიით დაზარალებულთათვის გამგეობამ მხოლოდ 150 ათასი ლარი გაითვალისწინა


დედოფლისწყაროში სტიქიით მიყენებული ზარალის შემსწავლელი კომისიის თავმჯდომარე ალექსანდრე ალუღიშვილი ამბობს, რომ ბიუჯეტიდან 150 ათასი ლარი გამოიყოფა.
როგორც ინტერნეტ-გაზეთ ქიზიყს დედოფლისწყაროს გამგეობიდან აცნობეს, სპეციალურ კომისიაში მუნიციპალიტეტის ზედამხედველობისა და ინფრასტრუქტურის სამსახურის თანამშრომლები, ასევე სოციალური სამსახურის უფროსი დავით ხიხაძე და მუნიციპალიტეტის გამგებელი ნუკრი შანშიაშვილი შედიან.
ქიზიყმა კომისიის თავმჯდომარისა და წევრების ვინაობა ორკვირიანი მცდელობის შემდეგ გაარკვია, მანამდე კომისიაზე საუბარს რატომღაც ყველა თავს არიდებდა.
დედოფლისწყაროს გამგეობის აპარატის უფროსი ნინო ჩოხელი ქიზიყთან საუბრისას აცხადებს, რომ კომისიის შექმნის თაობაზე ოფიციალური ბრძანება ჯერ არ დაწერილა, თუმცა კომისია სტიქიის დღიდანვე მუშაობს.

შეგახსენებთ, 16-17 ივლისს ქალაქი დედოფლისწყარო და სოფელი წითელწყარო ძლიერმა წვიმამ დააზარალა. მოვარდნილმა ღვარცოფმა 110-ზე მეტი საცხოვრებელი ბინა დატბორა. დაიხოცა შინაური ფრინველი და პირუტყვი. ზოგიერთის ბინა საცხოვრებლად სახიფათო გახდა. დედოფლისწყაროელები მუნიციპალიტეტის ხელმძღვანელობას უყურადღებობაში ადანაშაულებენ და დახმარებას ითხოვენ. დამცირებული მოსახლეობა წუხს, რომ გამგეობის ინფრასტრუქტურის სამსახურის უფროსმა დავით ჯიბღაშვილმა დახმარების ნაცვლად დაზარალებულების დაცინვა და მასხრად აგდება დაიწყო. ადგილობრივები ჯიბღაშვილს უზრდელად და თანამდებობისთვის შეუფერებლად მოიხსენიებენ. /ქიზიყი/ თამილა გურაშვილი

ქიზიყის ვიდეო-რგოლი

Общее·количество·просмотров·страницы