დიანა ღურწკაიას სიბრმავე გამოგონილია? - სკანდალური ფოტო

ინტერნეტში ქართველი მომღერლის დიანა ღურწკაიას ფოტო ვრცელდება, რომელიც მობილურ ტელეფონს უყურებს.


ამ სკანდალური ფოტოს შემდეგ მის სიბრმავეში ბევრმა ეჭვი შეიტანა.

მოსახლეობის ნაწილი მიიჩნევს, რომ მისი სიბრმავე მარკეტინგული გათვლაა.

ბევრს საუბრობენ, რომ ამ ფოტოს გამოჩენის შემდეგ გამორიცხული არ არის მისი სიბრმავე გამოგონილი იყოს მომღერლის პოპულარობის გაზრდის მიზნით.

ამ საკითხთან დაკავშირებით დამატებითი ინფორმაცია არ ვრცელდება.

ავტოსაგზაო შემთხვევა დედოფლისწყაროში, დაშავებულია 10 წლის გოგონა

EXCLUSIVE - ავტოსაგზაო შემთხვევა მოხდა დედოფლისწყაროში. სოფელ ხორნაბუჯში, რუსულ-ქართული საჯარო სკოლის მიმდებარე ტერიტორიაზე 10 წლის გოგონას ავტომანქანა შეეჯახა, რომელმიც მცირედ დაშავდა.

„ქიზიყის“ ინფომაციით, ავტოსაგზაო შემთხვევის შედეგად ორი ავტომობილი დაზიანდა. მერსედესისა და ფოლკსვაგენ გოლფის ტიპის ავტომანქანები ევაკუატორის დახმარებით საჯარიმოზე გადაიყვანეს.

თვითმხილველების განმარტებით, ერთ-ერთი ავტომობილი ჯერ ბავშვს დაეჯახა, შემდეგ არიდების დროს სხვა ავტომანქანას დაარტყა, ბოლოს კი ბოძს შეეჯახა.

როგორც დედოფლისწყაროს საავადმყოფოში აცხადებენ, მოზარდის სიცოცხლეს საფრთხე არ ემუქრება და ვითარება სტაბილურია.

შსს-ს პრესცენტრში განმარტავენ, რომ მომხდარზე გამოძიება 276-ე მუხლის პირველი ნაწილით მიმდინარეობს. საქმეს კახეთის საპატრულო პოლიცია იძიებს. მძღოლს ალკოჰოლური თრობა არ აღენიშნებოდა.

276-ე მუხლის I ნაწილი გულისხმობს ავტომობილის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ჯანმრთელობის ნაკლებად მძიმე დაზიანება, – ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით იმავე ვადით. /ქიზიყი/ ილია მარტყოფლიშვილი 15.02.2014

დედოფლისწყაროს გამგებელი, 31 წლის ნიკა ჯანიაშვილი გახდება

დედოფლისწყაროს გამგებლის კანდიდატურაზე გამოცხადებულ კონკურსში საკონკურსო-საატესტაციო კომისიამ ნიკოლოზ ჯანიაშვილი შეარჩია. ამის შესახებ კომისიის თავმჯდომარე ვეფხია ნატროშვილი აცხადებს.

ნატროშვილის განმარტებით, ნიკა ჯანიაშვილმა შერჩეული 5 კანდიდატიდან კომისიის წევრთაგან ყველაზე დამაკმაყოფილებელი შეფასება მიიღო. კომისიის თავმჯდომარე ამბობს, რომ თუ კომისიამ გადაწყვეტილება არ შეცვალა, ჯანიაშვილის კანდიდატურა დედოფლისწყაროს საკრებულოს დასამტკიცებლად წარედგინება. მისივე თქმით, ეს საბოლოო გადაწყვეტილება არ არის.

ნიკოლოზ ჯანიაშვილი 1983 წლის 12 სექტემბერს დედოფლისწყაროში დაიბადა. დედოფლისწყაროს #1 საჯარო სკოლის დამთავრების შემდეგ ის ჯავახიშვილის სახელობის თბილისის სახელმწიფო უნივერსიტეტში სწავლობდა. ამ დრომდე ნიკა ჯანიაშვილი ბანკ „კრისტალის“ წნორის ფილიალის მმართველის პოსტს იკავებს. 

კონკურსში 47 კანდიდატი დარეგისტრირდა, საიდანაც არჩევანი ხუთეულს შორის გაკეთდა. უკანასკნელი განხილვა კომისიამ 14 თებერვალს გამართა.

შერჩეულ ხუთეულში მოხვდნენ დავით ყარაგვეზაშვილი, ნიკოლოზ ჯანიაშვილი, ლალი ჯანიკაშვილი, ჯიმი კეკელაშვილი და გიორგი მჭედლიშვილი. /ქიზიყი/

დედოფლისწყაროს ამბები-საინფორმაციო გამოშვება “კვირის ბოლოს” #21 (აუდიო)

11 ოქტომბერი საინფორმაციო ანალიტიკური პროგრამა „კვირის ბოლოს“

დედოფლისწყაროელების პირველი სამლოცველო სახლი ხანძრის შედეგად განადგურდა. ღვთისმშობლის შობის სამლოცველო სახლში ცეცხლი მას შემდეგ გაჩნდა, რაც მამა პეტრე ხუმარაშვილი „ქართული ოცნების“ ორგანიზებულ აქციებზე ღიად ჩნდებოდა. გაჩნდა ეჭვი, ხომ არ უკავშირდება მომხდარი მამა პეტრეს მიერ დაფიქსირებულ პოზიციას

* * * ნაციონალური მოძრაობა ჩამოიშალა - პროპორციული სიით დედოფლისწყაროს ოლქი „ქართულმა ოცნებამ“ მოიგო და ნაციონალური მოძრაობა უკან ჩამოიტოვა, თუმცა მაჟორიტარული ხმები კვლავაც სადაოა

* * *უარი არჩევნების შედეგების გაუქმებაზე -- ერთადერთი რეაგირება რაც დედოფლისწყაროს საოლქო-საარჩევნო კომისიამ აქ დაფიქსირებულ დარღვევებზე მოახდინა, მხოლოდ კომისიის თავმჯდომრის დაჯარიმება იყო. მეცხრამეტე უბნის თავმჯდომარე გოგიტა რობიტაშვილი 2 000 ლარით დაჯარიმდა

„რადიო24“–ისა და ინტერნეტ გამოცემა „ქიზიყის“ ერთობლივი პროექტი, საინფორმაციო ანალიტიკური პროგრამა „კვირის ბოლოს“ ირაკლი კოკილაშვილთან ერთად
www.qiziyi.ge

დედოფლისწყაროს ამბები-საინფორმაციო გამოშვება "კვირის ბოლოს" 16 სექტემბერი #19 (აუდიო)

16 სექტემბერი - რადიო24-ისა და "ქიზიყი"-ს ერთობლივი პროექტი, საინფორმაციო ანალიტიკური გამოშვება "კვირის ბოლოს"
* * * სიღნაღისა და დედოფლისწყაროს პოლიციის ყოფილი უფროსი იოსებ ხოხონიშვილი მღვდლად აკურთხეს. მეტსახელად „ტაშკანას“ მედიამ ადამიანების წამების ფაქტები მას შემდეგ გაუხსენა, რაც მამა იოსებმმა თამაზ თამაზაშვილზე დადებითი შეფასებები გააკეთა. ხოხონიშვილის განმარტებით, ყველა, ვინც თამაზაშვილს უარყოფითად ახასიათებს, ღვთის წინაშე აგებენ პასუხს, რადგან ტამაზაშვილი უსამართლობას მუდმივად ებრძოდა.
* * * ზურაბ ჟვანიას აქტიურმა თანაგუნდელმა პარლამენტში თანამდებობა დატოვა და სახელისუფლებო გუნდიდან ოპოზიციაში გადადის. ქიზიყი.ჯი-ს ექსკლუზიური ინფორმაციით, აქტიური ნაციონალი ლია კვაჭაძე ქართულ ოცნებაში გადადის... რატომ ეზიზღებოდა კვაჭაძეს საკუთარი თავი და რამ აუცრუა გული მმართველ პარტიაზე
* * * დედოფლისწყარში სარეაბილიტაციო სამუშაოების ბუმი გრძელდება. გზების მასშტაბურ რეაბილიტაციას წელს მილიონ ნახევარზე მეტი მოხმარდა. ასევე, პირველად დედოფლისწყაროში მრავალბინიანი კორპუსების ფასადებს ღებავენ
„რადიო24“–ისა და ინტერნეტ გამოცემა „ქიზიყის“ ერთობლივი პროექტი, საინფორმაციო ანალიტიკური პროგრამა „კვირის ბოლოს“ ირაკლი კოკილაშვილთან ერთად

დედოფლისწყაროს ამბები–საინფორმაციო გამოშვება “კვირის ბოლოს”#18 (აუდიო) 29აგვისტო

29 აგვისტო - რადიო24-ისა და "ქიზიყი.ge-ს ერთობლივი პროექტი, საინფორმაციო ანალიტიკური გამოშვება "კვირის ბოლოს" #18

* * * დავით ბაქრაძემ დედოფლისწყაროელებს კანდიდატად ადგილობრივებისთვის არცთუ ცნობილი – ზაზა კედელაშვილი წარუდგინა. ნაცმოძრაობისა და ქართული ოცნების მაჟორიტარობის კანდიდატებმა დედოფლისწყაროს სოფლებში შეხვედრები დაიწყეს. ალექსანდრე თამაზაშვილი კამპანიას სოფელ გამარჯვებიდან იწყებს და იმედი აქვს, რომ გამარჯვებით დაასრულებს – არბოშიკელებმა კი მათთან ჩასული ზაზა კედელაშვილი ვერ იცნეს!

* * * ხანძრის დროს ნაგავსაყრელზე ძროხები დაიხოცა. სატელევიზიო ანძის მიმდებარე ტერიტორიაზე ნაგავსაყრელს ცეცხლი რამდენიმე დღის განმავლობაში ეკიდა – მოსახლეობა ამბობს, რომ ადგილობრივი სახანძრო სამსახური ადგილზე რამდენჯერმე მივიდა, თუმცა თქვეს, რომ დამოუკიდებლად ხანძარს ვერ აქრობდნენ, პრობლემას ტრაქტორით მიწის მიყრა ესაჭიროებოდა და შემთხვევის ადგილი დატოვეს – რატომ დაიხოცა მარჩენალი პირუტყვი?

* * * ინფრასტრუქტურული სამუშაოების ბუმი დედოფლისწყაროში – თანამედროვე სტანდარტების სპორტული კომპლექსი, განახლებული გზები, ახალი საავადმყოფო, რამდენიმე ახალი სკვერი. განახლებული ცენტრალური მოედანი და უამრავი სიახლე. – ქალაქ დედოფლისწყაროსა და მის სოფლებს ამგვარი აღმშენებლობა არ ახსოვს

იხილეთ www.qiziyi.ge

დედოფლისწყაროს ამბები - საინფორმაციო გამოშვება "კვირის ბოლო"#16 (აუდიო) 15 ივლისი

15 ივლისი - რადიო24-ისა და "ქიზიყი.ge-ს ერთობლივი პროექტი, საინფორმაციო ანალიტიკური გამოშვება "კვირის ბოლოს"

პრეზიდენტის ვიზიტის შემდეგ ქვემო ქედელები ისევ უწყლოობაზე წუხან. მათი მტკიცებით სააკაშვილის ვიზიტის დროს სახანძროს მიერ ჩამოტანილი წყალი მოსაჩვენებლად გაუშვეს. მოსახლეობა ამბობს, რომ მილის სისქე სოფლისთვის საკმარისი არ იქნება და დაგეგმილი სამუშაოები არაეფექტურია - ადგილობრივებს ამ სქემით პრობლემის მოგვარების არ სჯერათ. მოისმინეთ აუდიო კომენტარები.

ზაზა კედელაშვილი ბიძინა ივანიშვილის საქველმოქმედო ფონდიდან მიღებულ დაფინანსებაზე პირველ კომენტარს აკეთებს. ამბობს, რომ თუ საჭირო გახდება ამ დაფინანსებაზე უარს იტყვის, თუმცა არ დაუკონკრეტებია, რის შემდეგ გახდება საჭირო - სპორტსმენი მიიჩნევს, რომ ივანიშვილის ფული პოლიტიკური კარიერის შექმნაში ხელს არ შეუშლის.

ბიძინა ივანიშვილმა ქართული ოცნების კანდიდატების დასახელება დედოფლისწყაროს კანდიდატის წარდგენით დაიწყო. ნაცმოძრაობის კანდიდატის დამარცხებას დედოფლისწყაროში დაკავებულ თამაზ თამაზაშვილის ვაჟი - ლექსო თამაზაშვილი შეეცდება. ვინ არის ალექსანდრე თამაზაშვილი?

დედოფლისწყაროს ამბები - საინფორმაციო გამოშვება "კვირის ბოლო"#15 (აუდიო)

7 ივლისი - რადიო24-ისა და "ქიზიყი.ge-ს ერთობლივი პროექტი, საინფორმაციო ანალიტიკური გამოშვება "კვირის ბოლოს"

* * * გავპაზორდით - გაქსუებული ჩინოვნიკები დედოფლისწყაროში - საჯარო მოხელეები კაბინეტიდან გაქცევის ნაცვლად ახლა უკვე ჟურნალისტებს კამერების თავზე გადალეწვით ემუქრებიან. გამგებლის საყვედური, უტაქტო თანამშრომლები, დაუსრულებელი სკანდალები და კომპეტენტური კადრების სიმცირის პრობლემა დედოფლისწყაროს საბიუჯეტო ორგანიზაციებში!

* * * ზაზა კედელაშვილს სპორტსმენები ტერორში ადანაშაულებენ - რა კომპრომატები დაუდეს თბილისელმა ჟურნალისტებმა კედელაშვილს... უკვე გახმაურდა, რომ ივანიშვილის ფავორიტ სპორტსმენებს ზაზა კედელაშვილი ატერორებს?! ზემო ქედელი სპორტსმენის ამბავი, რომელიც სხვებს ივანიშვილის ფულისგან შორს დგომას ურჩევს, თავად კი ყოველთვიურად „ქართუ ფონდიდან“ 1 500 ლარის დახმარებას იღებს...

* * * რატომ იხოცება ცხვარი კახეთში - მეცხვარეთა ასოციაციის თავმჯდომარე ბექა გონაშვილი ვაქცინების უკმარისობაზე საუბრობს. დედოფლისწყაროს მთავარ ვეტერინარს მიხეილ ქევხიშვილს კი პრობლემაზე ღიად საუბარი და მოსახლეობისთვის განმარტებების მიცემა არ სურს. იანვარში იგივე ნაბიჯებისთვის და არაკომპეტენტურობისთვის მისი წინამორბედი თანამდებობიდან მოაცურეს - გაუყენებენ თუ არა მიხეილ ქევხიშვილს დავით ვეშაგურიძის გზას??

მოისმინეთ აუდიო>>

სველი წერტილების გარეშე დარჩენილ დედოფლისწყაროს საავადმყოფოში ევროპული ფასებით მკურნალობენ

პარტია „თავისუფალი საქართველოს“ კახეთის რეგიონული ორგანიზაციის თავმჯდომარის გიორგი მოსიაშვილის განცხადებით, კახეთში ჩაპაევის დროს აშენებული სველი წერტილების გარეშე დარჩენილ საავადმყოფოში ევროპული ფასებით მკურნალობენ. ამ ფაქტთან დაკავშირებით მოსიაშვილმა პარტიის თელავის ოფისში სპეციალური პრესკონფერენცია გამართა..

როგორც მოსიაშვილი აღნიშნავს, პაციენტების აბსოლუტური უმრავლესობა კახეთის რეგიონში არსებული სტაციონარულ დაწესებულებებში არსებული მდგომარეობით უკმაყოფილოა.

„ძირითადად გვხვდება ერთი და იგივე პრობლემა: ესენია საავადმყოფოების არასათანადოდ აღჭურვა, მოძველებული, გაუმართავი სამედიცინო აპარატურა და შეუსაბამოდ მაღალი ტარიფები. რეგიონში არ არსებობს არცერთი აბსოლუტურად გამართული სტაციონარი. მაგალითისთვის თუ კი ახმეტაში არსებობს ახლად გახსნილი ლამაზი იერსახის საავადმყოფო, იქ არ არსებობს ისეთი დანადგარები, რომელიც აუცილებელია სხვადასხვა სახის მოტეხილობის მკურნალობის დროს, ანუ არ არსებობს ელემენტარულად აუცილებელი რენტგენული დანადგარი. ეს ის საავადმყოფოა, პრეზიდენტმა სულ ცოტა ხნის წინ ზარზეიმით რომ გახსნა“,– აცხადებს კახა კუკავას პარტიის წარმოამდგენელი

მისივე თქმით, დედოფლისწყაროში მდებარე საავდმყოფოს მდგომარეობა კიდევ უფრო მძიმეა, რადგან საავდმყოფოს შენობაზე მცენარეებია ამოსული, არის ისეთი პალატები, სადაც მინებია ჩამსხვრეული, ზოგადი ანტისანიტარიაა და რაც ყველაზე მნიშვნელოვანია სველი წერტილები არ ფუნქციონირებს.

„დედოფლისწყაროში სხვა სამწუხარო რეალობასთან ერთად, კიდევ უფრო საგანგაშო მდგომარეობას სასწრაფო სამედიცინო დახმარება ქმნის, მაგალითად სოფელ საბათლოში სასწარაფო სამედიცინო დახმარების ბრიგადას ავადმყოფის სტაციონარში გადასაყვანად მინიმუმ ოთხი საათი სჭირდება. პარტია „თავისუფალი საქართველოს“ კახეთის ორგანიზაცია მიმართავს ჯანდაცვის სამინისტროს და არსებულ ხელისუფლებას, შეზღუდონ რესურსები პარტიული პიარკამპანიისთვის და თანხები მიმართონ ადამიანებისათვის ელემენტარული ჯანდაცვის საკითხების მოგვარებისკენ“, _ აცხადებს გიორგი მოსიაშვილი. /ქიზიყი/

ინციდენტი სოციალურ სააგენტოში – ზურაბ ზურაშვილი ჟურნალისტებს ისევ ემალება

27 ივნისს ინციდენტი მოხდა სოციალური მომსახურების სააგენტოს დედოფლისწყაროს ფილიალში. სააგენტოს უფროსმა ზურაბ ზურაშვილმა გაჭირვებულ მოქალაქეთა პრობლემებზე და სააგენტოს მხრიდან გამოჩენილ უყურადღებობაზე ჟურნალისტებთან საუბარი არ ისურვა და კაბინეტიდან გაიქცა.

დედოფლისწყაროს რაიონის სოფელ არბოშიკში მცხოვრები, მარტოხელა პენსიონერი ლოლა სეფიაშვილი, სოციალური მომსახურების სააგენტოს მიმართ უკმაყოფილებას გამოთქვამს არაობიექტურ მუშაობაში ადანაშაულებს. მისი თქმით, სოციალურმა აგენტმა იმდენად მაღალი ქულები დაუწერა, რომ ჯანმრთელობის დაზღვევის პოლისითაც კი ვერ სარგებლობს. სოციალური სააგენტოს მუშაობით უკმაყოფილონი არიან სეფიაშვილის მეზობლებიც.

„ინფო 9“-ის გადამღები ჯგუფი ვითარების გარკვევის მიზნით ზურაშვილთან შეხვედრას შეეცადა, თუმცა მცდელობა ინციდენტით დასრულდა. დედოფლისწყაროს რაიონის სოციალური სააგენტოს უფროსი, ზურაბ ზურაშვილი „ინფო 9“-ის კამერის დანახვამ იმდენად გააღიზიანა, სამუშაო ადგილი დატოვა. შეგახსენებთ, ზურაშვილის მხდიდან ჟურნალისტებთან დამალვის ეს პირველი შემთხვევა არ არის. ის ამ სამსახურს ორიოდ თვეა რაც ხელმძღვანელობს.

ქიზიყი.ge „ინფო 9“-ს დედოფლისწყაროს ფილიალის ჟურნალისტს მაკა სულაშვილს ექსკლუზიურად ესაუბრა. ჟურნალისტი მაშინვე ტელეფონით დაუკავშირდა საქართველოს შრომის, ჯანმრთელობისა და სოციალური დაცვის სამინისტროს პრესსამსახურს. თავდაპირველად პრესსამსახურის წარმონადგენელმა გადამღებ ჯგუფს კითხვების მათთან გადაგზავნა სთხოვა, შემდეგ დროის არქონა მოიმიზეზა და ტელეფონი გათიშა.

ვიდეო ჩანაწერი და ჟურნალისტის შეფასების აუდიო კომენტარები იხილეთ www.qiziyi.ge