დედოფლისწყაროში 27 წლის ბიჭი გაუჩინარდა

დედოფლისწყაროში 27 წლის ვალოდია ლალაიანს ეძებენ. როგორც დაკარეგულის დედა მარინა ლალაიანმა ჟურნალისტებს განუცხადა, 3 დღის წინ მისმა შვილმა მობილური ტელეფონი სახლში დატოვა და სახლიდან ისე გავიდა, რომ წასვლის მარშრუტი არ დაუსახელებია. ოჯახის ახლობლები ნათესავს დაუკავშირდენენ, თუმცა ვალოდია ლალაიანს ვერსად მიაკვლიეს.

დაკარგულის მეგობრების განცხადებით, ვალოდიას კონფლიქტი არავისთან ჰქონია, ამიტომ ისინი მკვლელობის ვერსიას გამორიცხავენ.

მომხდარზე აღძრულია სისხლის სამართლის საქმე. 27 წლის ბიჭის ძებნაში შს სამინისტროს დედოფლისწყაროს პოლიციის რაიონული სამმართველო ჩაერთო.

შეგახსენებთ, ეს დედოფლისწყაროში ბოლო დროს ადამიანის უგზო–უკვლოდ გაუჩინარების უკვე მესამე შემთხვევაა. /ქიზიყი/