შს დედოფლისწყაროს პოლიციის სამმართველოს თანამშრომლებმა გატარებული ოპერატიული ღონისძიებების შედეგად ფერადი ლითონების ქურდობისთვის სოფელ ზემო ქედის მკვიდრი 25 წლის ბადრი მილაძე დააკავა.
როგორც "ქიზიყმა" გაარკვია, დაკავებულმა სოფელ ზემო ქედში, ცისმარი ყაბანაშვილის ბინიდან ფერადი ლითონის ჭურჭელი მოიპარა.
დედოფლისწყაროს პოლიციის სამმართველოში განმარტავენ, რომ ამ დროისთვის მოპარული ნივთმტკიცება უკვე ამოღებულია, რომელიც დანაწევრებული სახით თბილისის ერთ-ერთ მიმღებ პუნქტს თავად ბადრი მილაძემ ჩააბარა.
მომხდარზე აღძრულია სისხლის სამართლის საქმე, მიმდინარეობს წინასწარი გამოძიება. /ქიზიყი/ თამილა გურაშვილი
Комментариев нет:
Отправить комментарий